كنت شغال على كود محرك ثلاثي الابعاد ثنائي الاستخدام
الكلام ده من كام شهر و كان بآمانة كود ~متعب~ كل يوم شغال 16 ساعة
6 ساعات تطوير
6 ساعات اضافات
4 ساعات تجربة
و طول الوقت اللي انا شغال فيه, كان زميلي الأستاذ ~ احمد ~ شغال معايا من عالايميل
جيت في يوم اشتغلت 24 ساعة
و نمت و انا عالكيبورد
شباب صحابي زاروني
شافوني نايم النومة العسل دي
اول كلمة سمعتها ~اصحى يا عم الحج ~
قمت مفزوع
و اول كلمة قلتها ~ ايوة يا استاذ احمد ناقصلي بس اعرف الـ vertices ~
سمعت كمية ضحك و كهكهآ عمري ما حنساها
اححم
بقولكم كده ليه ؟
لأني انا وقتها مكانش في اي حاجة في بالي غير اني اكمل شغلي
و النهاردة انا بقولهالكم
اصحى يا عم الحج
انت صانع الألعاب
مش محتاج مسابقة تثبت فيها نفسك
مش محتاج اصلا اني اشجعك انك تطور
مش محتاج حد يقولك تعمل ايه
محتاج انك تكمل
محتاج انك تطور من معلوماتك
لا توقف
اتعلمت الـ RPG ادخل مجال الـ Blender
اتعلمت الـ Blender خش عالـ Dark Basic
اتعلمت ده كمان, ادخل عاللي اصعب و الأقوى منه
اوعى تقول انا اكتفيت
اوعى تفتكر ان مفيش جديد
دايما فيه جديد, واحتمال يكون الجديد ده من صنعك
ليه بتستخدم محركات
جايز في يوم تعمل محرك
بالتوفيق في المجال اللي حبيناه كلنا و اختارناه برضانا