من داخل Cataclysm من قلب الحدث (( محدث 24-9-2010 )) ( تم اضافة مجموعة صور رائعة )

[BoOoOo7a]

البيتا لما تنزلها تركب عالكلاينت الأمريكي فقط .. يعني اذا ما عندك كلاينت امريكي, الـ Downloader راح ينزل الكلاينت الأمريكي كامل (الأكسبانشنات كلها) بالأضافة للبيتا

[HitmanTheOnly]

شباااااااااااااب انا دخلللللللللللللللللللللللللت

انا خدت ليا صور بسرعة من داخل Orgrimmer و راجع تانى جوا

انا نقلت شخصية Crynak هناك






اعتقد انكم مش هتسمعوا منى لحد بكرة .... لانى عايز اجرب حاجات كتيرررررررررررررررر

[ميكافلي]

يابعد قلبي هيتمان

ابيك ترفع الصور من غير هالموقع لأنه محظور عندنا بالسعودية على مايظهر لي

وبانتظارك على احر من الجمر

[HitmanTheOnly]

يابعد قلبي هيتمان

ابيك ترفع الصور من غير هالموقع لأنه محظور عندنا بالسعودية على مايظهر لي

وبانتظارك على احر من الجمر

ادى الصور تانى مع صور جديدة ...

انا حاسس انى تايه جوا اللعبة ...كل شئ اتغير ... مفيش حاجة على حالها









و على بوابة Orgrimmer لقيت فيه اعلان من ال warchief مكتوب فيه انه بيعلن الحرب على ال Alliance



و دى صورة الاخ garrosh بذات نفسه ...شوفوا ال HP بتاعه كام

[Fluta]

الســـــــــلام عليـــــكم ..} ~

مبـــــــــــرووك Hitman ..

وفـــي أنـــتظـــآر جديـــدك الممـــــتع ..} ~

[supzero99]

مبروووك يا هيت مان
عندي سوال الطيران في اورقمار وباقي المناطق عادي ما فيه نوع طيران جديد يعني زي ما هو ؟
وننتظر جديدك

[naxxer]

الف مبروك يا هيتمان و ان شاء الله تكون الاخبار عندنا بالموقع قبل mmo champion

لكني استغربت من حاجة و هي اعلان الحرب محنا طول عمرنا بحرب مع الالاينس !! هل يعني هذا الكلام انه بسيرفرات النورمل اصبح بامكانك مهاجمة الالاينس ؟

[hbk_ksa]

على حسب الي سمعت انك تشتري سرعة 310%

[Sealth]

مبرووك يا هيت مان .. بس عندي سؤال ..

لو تقدر تعرف ليش شكل Garrosh تغير .. يعني هل في شي صار وخلاه يصير بهذا الشكل او انهم بس غيروه من دون سبب ؟

[Dudette]

الصور ماتفتح عندي

[BoOoOo7a]

الف مبروك يا هيتمان و ان شاء الله تكون الاخبار عندنا بالموقع قبل mmo champion

لكني استغربت من حاجة و هي اعلان الحرب محنا طول عمرنا بحرب مع الالاينس !! هل يعني هذا الكلام انه بسيرفرات النورمل اصبح بامكانك مهاجمة الالاينس ؟

اعتقد كان في هدنة بينهم ..

[HitmanTheOnly]

السلام عليكم يا شباب .....

امبارح كان يوم طويل جدا ....سهرت لحد الساعة 7 صباحا بكتشف الحاجات الجديدة و كمان عملت شخصية Goblin و جربتها ...

و فى السطور الجاية هحكلكم التفاصيل ...

بداية انا قمت بنقل شخصيتى الموجودة على Kazzak عشان اقدر العب بيها على Cataclysm ..

اول ما دخلت Orgrimmer كنت فعلا عامل زى التايه ...مفيش شئ واحد زى ما هو ... كل شئ اتغير 180 درجة ... و عشان اعرف اوصل لاى شئ كان لازم ادور فى المدينة كلها ..

دى صورة The drag ...المنطقة اللى كانت مظلمة و كانك داخل فى كهف لما تدخلها



و ده شكل Orgrimmer من برة







و فعلا فى المدينة هتكتشف ان كل Race ليه منطقة خاصة بيه داخل Orgrimmer

فدى منطقة ال Tauren





و دى منطقة ال Goblins



و دى منطقة ال Trolls




و ده شكل خريطة Orgrimmer الجديدة بعد ما انقلبت راسا على عقب



و دى صورة لل Auction House بعد ما احتله ال goblins



و دى صورة لل bank بعد ما كمان احتله ال goblins



و دى صورة لمحل بيبع الخمور و المنكر فى Orgrimmer




و دى صورة لشكل ال Skills من عند ال Class Trainer



و دى صورة لشكل ال Character بتاعك و ال Status





و فيه شئ على الشاطئ المقابل ل Orgrimmer استرعى انتباهى ...

و هو ان دلوقتى فيه ميناء جنب Orgrimmer بتركب فيه مركب





اما بخصوص ال Warlock فاحب اطمن الاخوة ال Locks ان ال Warlock اتغير تماما .. (( لسة مجربتش التغييرات دى خليته اقوى ولا اضعف ))

دلوقتى بقى عندك 3 Shards فى UI بتاعك زى ال DK بيشحنوا و انت out of combat

لما تستخدم اى Shard منهم بتضيف قوة معينة ل Skill ..

و كمان فيه اسكيلات جديدة مميزة زى Soul Swap و دى بتخليك تنقل كل ال Dots اللى على شخص معينة لشخص تانى و كمان تديله Instant Damage (( تخيل فى ال BG كل ما تعمل Dots و الشخص قرب يموت ...تروح ناقلها على صاحبه ))

و فيه اسكيل تانية اسمها Jinx .... و دى بتخلى CoE بتاعتك تتنقل لكل الشخصيات القريبة و كمان بتخلى ال Curse Of weakness ليها ميزة اضافية انها تقلل ال Rage او ال mana او ال energy ب 10%

و فيه كمان Talent فى ال Affli بتطور ال Seed Of Doom و تخليها بعد ما تنفجر تحط على كل شخص اتأثر بالانفجار Corruption

حاجة كمان كويسة ....ان CoD و CoA دلوقتى اسمهم bane of agony و bane of doom ... و تقدر تحطهم على اى Target بالاضافة لل Curses العادية

اجمل شئ عجبنى بقى فى ال Locks هو نظام ال Guardian ...فال Warlock دلوقتى بالاضافة لل pet بتاعه ...يقدر يستدعى Guardian يساعده لمدة 45 ثانية ...يا اما doomguard او infernal

يعنى هتحارب و انت معاك اتنين Pets







ده كل شئ عملته لحد دلوقتى مع ال Warlock .... فى المشاركة القادمة ان شاء الله هحكيلكم عن تجربتى مع ال Hunter Goblin الممتعة جدا

مبروووك يا هيت مان
عندي سوال الطيران في اورقمار وباقي المناطق عادي ما فيه نوع طيران جديد يعني زي ما هو ؟
وننتظر جديدك

لا الطيران زى ما هو مفيش شئ جديد بتتعلمه ....اول ما تنزل Cataclysm هتطير علطول فى Azeorth

الف مبروك يا هيتمان و ان شاء الله تكون الاخبار عندنا بالموقع قبل mmo champion

لكني استغربت من حاجة و هي اعلان الحرب محنا طول عمرنا بحرب مع الالاينس !! هل يعني هذا الكلام انه بسيرفرات النورمل اصبح بامكانك مهاجمة الالاينس ؟

مثل ما قال الاخ بوحة ...كان فيه هدنة ...اعتقد دلوقتى اتلغت ...انا لسة معرفش التفاصيل لانى معملتش اى كويستات

مبرووك يا هيت مان .. بس عندي سؤال ..

لو تقدر تعرف ليش شكل Garrosh تغير .. يعني هل في شي صار وخلاه يصير بهذا الشكل او انهم بس غيروه من دون سبب ؟

والله زى ما قلت ...لسة معملتش اى كويستات غير مع ال Goblin عشان كدة معرفش التغييرات اللى فى القصة ....لانى كنت مشغول امبارح بتجربة الحاجات الجديدة

الصور ماتفتح عندي

انا رافعها على image shack ...اعتقد انه شغال فى كل الدول ... ولا فيه مشكلة فيه ؟؟

[Warchif]

ألف شكر اخوي هيتمان على الموضوع الرائع

انا عندي لوك وراح استمتع بتجربة 2 بت

لا تبخل علينا بالمعلومات في أقرب فرصه

اذا فيه احد من الشباب جرب الكلاسات الثانيه في الكاتا يسدح تجربته هنا مع تجربة الاخ الكريم هيتمان

تحياتي

[HitmanTheOnly]

السلام عليكم ...

نبدأ بالتجربة التانية ل Cataclysm ... زى كل واحد فيكم كان اول شئ نفسى اجربه هو ال Goblin Race و بالخصوص ال Hunter عشان اعرف تغيير ال Focus فيه

و بدأت بشخصية Katana




اول مل بتبدأ بال Goblin بتبدأ فى جزيرة Kezan اللى محدش كان يعرف مكانها الا ال Goblins



فى الصورة دى ال Warlock Trainer و ال Mage Trainer عمالين يضربوا بعض و ال Shaman Trainer بيشجعهم



و دى صور ل Kezan










بتبدأ القصة ان ال Goblins زهقوا من ال Trade Prince Gallywix و حاسين انه مبقاش مؤهل للمنصب بتاعه .... و بيطلبوا منك انك تحل محله

بس عشان تكسب ثقة ال Goblins بيطلبوا منك شوية مهمات ...

مثلا فى اول مهمة بيكلمك عن مشروب ال Kijicola اللى خلى ال Goblins اذكياء و بيطلب منك تجيب شوية منهم عشان توزعهم على ال Goblins لانه اكتر شئ بيحبوه



فى مهمة تانية بيطلب منك انك تثبت لهم انك قوى فى استخدام ال Shredder فى مسابقة عاملينها ... بس اصحابك هيغشوا فى المسابقة عشان يساعدوك



و دى صورة لشكلى لما بزيد لفل ...بيجيلك كلام فى وسط الشاشة يقولك انت وصلت لفل كام و ايه الاسكيلات الجديدة اللى تقدر تتعلمها فى اللفل ده








كويست تانى بيطلب منك انك تعمل حفلة كبيرة و تعزم فيها كل الناس ...

فالاول هتروح البنك بتاعك عشان تسحب منه فلوس عشان تشترى لبس كويس ...

روحت البنك لقيت طابور طويييييييييييييل .....






بس الحمد لله وصلت فى الاخر و سحبت فلوس و اشتريت طقم اخر شياكة




بعد ما بدأت الحفلة .... هيكون مطلوب منك انك تختلط بالمعازيم

و تحاول ترضى كل واحد فى الحفلة عشان يحبك

اللى عايزة ترقص ترقص معاها ...اللى جعان تجيبله اكل ... اللى بيحب يلعب تلاعبه ...اللى عايز ويسكى تشربه ....اللى سكر و عايز يفوق تفوقه






بعد ما تخلص الحفلة الناس هيحبوك و هيخلوك ال Trade Prince ...

بس مش هتلحق تتهنى ....هتلاقى مجموعة من ال Pirates هجموا على الحفلة و بيكسروها

فهيجى دورك يا بطل عشان تتصرف






بعد ما تخلص على ال Pirates ... هتكتشف ان اللى عمل كدة هو Gallywix عشان ينتقم منك ...

لماتروح و تتكلم معاه .... هيقولك انه هيفجر المركبة بتاعته فى Kezan و كل ال Goblins هيموتوا و انت معاهم .... و انه هيهرب فى اليخت بتاعه هو و اللى هيختارهم بس

و هيقولك لو عايز تهرب انت و اصحابك .... تجيبولى Bizilion mollonah .... بزيليون دى مش عارف يعنى كام بالظبط بس شكله رقم كيييير

اما ال mollonah فدى عملة ال Goblins ...

المهم هتفضل تحاول تجيب البزيليون ده انت و اصحابك بطرق كتير

مرة هتتنكر فى شكل Mook عشان تسرق قصر gallywix نفسه








كويست تانى هتحاول تسرق فيه البنك بتاع Kezan ... و هتستخدم فيه حاجات كتير و ده كويست كوميدى جدا (( كل كويستات ال Goblins كوميدية ))



بعد كدة هتحاول تسرق ال Pirates و تلم منهم الفلوس اللى كانوا سرقوها منكم قبل كدة عن طريق انك تدوس عليهم بعربيتك...


بعد كل ده ....هتكتشف برضه انك مكملتش البزيليون المطلوبين ... و الوقت بيجري .. و المدينة هتنفجر ..

صاحبتك هتقولك فكرة .... ان الحل الوحيد انهم يستغلوا بوليصة التأمين اللى على المكان بتاعهم ... و لازم يبينوا ان المكان اتحرق بحادثة عشان يصرفوا التأمين ..

هتكون مهمتك انك تحاول تبين ان المكان اتحرق بحادثة فى كويست ممتع جدا ...

فالاول هتعلى الكهرباء بتاعة مولد الكهرباء ..... بعد كدة هتفتح انبوبة الغاز و تسيب الغاز يتسرب ... بعد كدة هترمى سيجاورة ع السرير و تسيبها ... و بعدها ....بووووووم









و هتنجح خطتك فعلا ... و هتصرف التأمين ....بس خلاص الوقت قرب يخلص ... و لازم تهرب بسرعة من Kezan قبل ما تنفجر ...

هتركب عربيتك و معاك صاحبتك ... و هتجروا بسرعة عشان تلحقوا اليخت قبل ما يمشى و انتوا شايفين Kezan حواليكم عمالة تتدمر











بعدها هتنجح و تركب اليخت انت و اصحابك ...

بس فى اليوم التانى هتلاقى نفسك مرمى على لوح خشب وسط المياه و واحد بيحاول يصحيك








بعدها هتفوق .... و هتعرف انك و انتم ماشيين باليخت .... قابلتم سفينتين لل Horde و لل Alliance كانوا بيضربوا بعض ... و انتم انضربتم فى النص و سفينتكم اتدمرت ...



و اول مهمة ليك انك هتحاول تنقذ اكبر عدد من ال Goblins اللى نجوا من الحادثة


و بعدها هتبدا رحلة البحث على الجزيرة الغريبة اللى نزلت عليها و اللى هتكتشف بعد كدة ان الجزيرة دى نزل عليها كمان الناجيين من سفينة ال Horde و ال Alliance









و باقى القصة ان شاء الله هحكيها المرة الجاية

[HitmanTheOnly]

ألف شكر اخوي هيتمان على الموضوع الرائع

انا عندي لوك وراح استمتع بتجربة 2 بت

لا تبخل علينا بالمعلومات في أقرب فرصه

اذا فيه احد من الشباب جرب الكلاسات الثانيه في الكاتا يسدح تجربته هنا مع تجربة الاخ الكريم هيتمان

تحياتي

العفو اخى ...

على فكرة انا مسموح ليا اعمل اربع شخصيات Premade لفل 85 ...

فيا ريت تقولولى انهى اكتر اربع شخصيات حابيت تشوفوهم و انا هعملهم و افرجكم على التغييرات اللى فيهم