البطولة الرمضانية لستريت فايتر ثيرد سترايك في الامارات ( 27th aug )

[Alucard.4.ever]

اهلا بلاك ،،

الصراحة اورو دوخبي ، انا المباراة الاولى نزلت الجهاز على الارض , السوبر لانهائي ...ماشاء الله عليه كودي يلعب لعب مب طبيعي .

ويانج بعد مصيبة ، مش متعود العب ضده ...

بخصوص اللي يلعب بأكوما و هيوغو هو مش سوليد سنيك ، صديقي ثاني

سولد سنيك ما حضر اليوم معانا ...

ياجماعه الخير ، الحذر ثم الحذر من اورو انه داء سفاك ( خطبة الجمعه )

لازم نلعب بحذر شديد وأي زلة انسى اتشوف الارض مرة ثانية ...

المهم ياليت بلاك تنزل الفيديو لاني ابى اراجع لعبي واعرف وين انا اخبص في اللعب ..

بخصوص الشارينقان ههههههههه تذكرت اللقطة يوم رميتك 3 مرات على الزاوية ، واستوى نفس الشي علي في نفس الوقت ، قلت شو هذا اللعبة كله مسك ههههه

ايووه كذا نصايح ولا بلاش ،،، اليوم اخذت كم من اسلوب من عندك ...وهذا بعد مفيد ...

[AL999e3ry]

ثانكس على المجاملات لكن المستوى للحين بعده تعبان... للافضل ان شا لله

بلاك... الصراحه هالديفيدي (Street Fighter 3 Dojo) خدمني خدمة العمر و خلاني اتعلم اشياء وايد عن كين... ياخي اروم اصيد الشخصيات من بعيد و اعاقبهم بسوبر من غير اني اقرب للشخصيه+ تفتحت على شويت اشياء بتفيدني ان شا لله... بس للحين كارهنه هالـ Q ياخي زبال بمرتبة الشرف... انا مستغرب ليش ما كملو جميلهم فيه و عطوه مكنسه متى ما سوا التاونت... متى ما سوا التاونت 3 مرات سلم على المباراه... الله المستعان اذا لعبت ضدك!

[AL999e3ry]

جربت العب الثيرد على المامي... صراحة ابهرني... احسن عن نسخة الـ PS2 بوايد و اللاق معدوم... فكرة ان البطوله اتكون على مامي اتحمست لها... بس نفس ما قال الوكارد لين اتعدل في الانبوت لكل لاعب بياخذ وقت... انزين ليش ما تحولون اونلاين على مامي ... لأني شفت انه Kaillera يسمحلك انك تلعب اي لعبه عليه و ممكن اتسوي Chat بالعربي او بالانجليزي بدون ما يشفر او يعكس الكلام...

[Alucard.4.ever]

Kaillera

فيه الكثير من المشاكل كـ الانقطاع عن السيرفر + التعليق + اللاق ..

الـ GGPO هو الافضل .

[AL999e3ry]

GGPO نفس المشاكل... يمكن المشكله من عندي... بس الصراحه اللعب في Mame اشوفه احسن

[Alucard.4.ever]

^^

انا يوم كنت العب فيه ،

كثير يقطع عندي + رساله DONT SEND رفعت لي الضغط ...

هذا الكلام من قبل ،

لكن الآن ماجربت النسخ الجديدة ..

لاني من سنين كنت العبه على برنامج الـ KAWAKS والكل كان يذمه .

لكن ماجربت العب نسخة الميم ..

[Black_Berserker]

جربت العب الثيرد على المامي... صراحة ابهرني... احسن عن نسخة الـ PS2 بوايد و اللاق معدوم... فكرة ان البطوله اتكون على مامي اتحمست لها... بس نفس ما قال الوكارد لين اتعدل في الانبوت لكل لاعب بياخذ وقت... انزين ليش ما تحولون اونلاين على مامي ... لأني شفت انه Kaillera يسمحلك انك تلعب اي لعبه عليه و ممكن اتسوي Chat بالعربي او بالانجليزي بدون ما يشفر او يعكس الكلام...

معقوله؟ أنا لعبت فيها أول ماشغلوها على المامي ونظام الكايليرا وغيره وكان فيه لاق ملحوظ...غريبه هل الإصدارات الأخيره عدلوها؟ وصدقوني...نسخة البلاي 2 مافيها لاق وأقرب وحده لنسخة الأركيد (إذا حد عنده معلومات متأكد منها ينورنا)

ومثل ما قال ألوكارد....يشفر وااايد

ألوكارد

خخخخخ يانق مشكله وأورو داهية بس شو تسوي لازم تتعامل ضدهم...أنا قدرت أسجل مباراتين بالبرنامج...نشوف إذا قالنا الزعيم الكبير نذيع فراح نذيع

[bbsilver]

السلام عليكم،،،
أتمنى أني أشاركم في ترتيب أحد البطولات الخاصة بثيرد سترايك على الأركيد،،،
عندي اللعبة لكن للأسف ماحصلت لعيبة يزوروني في الصالة حتى الحين،،،

[Alucard.4.ever]

^^

مرحباً بك ،

بخصوص الترتيبات لو تتواصل مع السويدي وبلاك راح يفيدونك ..

على الاركيد مممم فكرة حلوة لكن صعبة على بعض المتشاركين في استخدام الاركيد ..


على العموم حياك اخوية في الموضوع وفي عالم الثيرد سترايك

[bbsilver]

^^

مرحباً بك ،

بخصوص الترتيبات لو تتواصل مع السويدي وبلاك راح يفيدونك ..

على الاركيد مممم فكرة حلوة لكن صعبة على بعض المتشاركين في استخدام الاركيد ..


على العموم حياك اخوية في الموضوع وفي عالم الثيرد سترايك

أشكرك على يا أخوي،،،
أنا من محبي الآركيد بشكل خاص ،،،
لما فكرت في مشروع الصالة أول لعبة فكرة أجيبها هي ثيرد سنرايك و الثانية كانت كينج أوف فايتر 2002 رود تو رفنج ،،،
وإن شا الله أني بسوي بطولة للعبتين على الآركيد وأرحب بكل من يحب يتعاون معاي في هذا الموضوع ،،،
وللي حاب يجرب الآركيد حياه الله عندنا في صالتنا ب دبي المزهر مول وأنا دوم هناك أنتظر المنافسين

[xCODYx]

مرحبا تان شحالك عساك بخير ماشاء الله عليكم يمدحون لعبكم الجماعه مع انكم من قريب تلعبون الله يوفقكم

اذا احد فيكم لاحظ بعد ما تلعب الـ MAME تحس ان الفريمات في الـ MAME اكثر و الحركه كامل مقارنه بالـ PS2

جرب يا بلاك و بتلاحظ

على طاري تسجيل المباريات أعتبرها براشيم ههههههههههه لو انك ما تحتاج براشيم ما شاء الله عليك

بلاك انا ما عندي مانع اذا تبا تذيع ذيع بس شوف ألوكارد اذا موافق

[Alucard.4.ever]

^^

تجمعنا راح يكون اليوم الظهر في بيتنا ...

[xCODYx]

^^

تجمعنا راح يكون اليوم الظهر في بيتنا ...

ان شاء الله بنجتمع بس خف على اورو تراك دوخته اليوم

المصيبه اني كنت العب بجويستك PS3 ما اعرف العب فيه نهائياً خصوصاً الازرار الي في الخلف مثال R2

[Alucard.4.ever]

^^

طلبت جهاز خاص للبطولة وهو عبارة عن جهاز تحكم PS1 الرمادي ...

المشكلة اثقل عن اجهزة PS2 ...

ان شاء الله بجربة اليوم

بخصوص اورو هو اللي دوخني الصراحة ...

وشكراً اليوم قدرت اتعلم منك كم من كومبو رهيب ليورين ، ماشاء الله عليك ، لو كان لعبي كلعبك في يورين لدخلت به البطولة وانا مغمض ..

وان اشاء الله اليوم باخذ دروس من عندك وعند سانادا ..

[xCODYx]

بالعكس انا ضعيف وايد بيورين و أرور خصوصاً في الأنبلوبيكول

اليوم نبا تسجيل للمباريات لو ما عليك أماره يا الوكارد بس اي مباراه اتكفخ فيها لا تسجلها هههههههههه ( امزح )