هل اللي نقصته طبيعي ولا يبيلي تمرين اكثر

[(animation)]

بسم الله الرحمن الرحيم

السلام عليكم و رحمة الله وبركاته
مبارك عليكم باجي الشهر و عسى الله يتقبل منا و منكم صالح الاعمال

الصراحه ترددت اني اكتب الموضوع .. لاني حسيت انه مكرر
بس توكلت على الله لاني بشرح فيه وضعي .. وا نشاء الله استفيد

اول شي انا عمري 22 و طولي 169 تقريبا
قبل لا ادش النادي كان وزني 84 و الحين 73.5 (امس قسته)

الاستفسارات اللي عندي..
انا نقصت هالوزن خلال خمس شهور تقريبا (مو ملتزم فيهم لانه عندي دوام بس اقدر اقول اني رحت 80% منهم) .. كنت اروح النادي بس العب حصة سويدي
و بالنسبه لاكلي ما كنت مسوي رجييم .. بس كنت مخفف و خصوصا المشروبات الغازيه و مطاعم الوجبات السريعه
سؤالي الحين .. هل اللي نقصته طبيعي ولا يبيلي تمرين اكثر ( لاني احس ان 9 كيلو خلال 5 شهور شوي ) ؟
واذا كنت احتاج تمرين اكثر .. شنو التمرين ؟ هل ازيد حصه سويدي بعد ؟ S:
و هل السويدي يشد الجسم ولا لازم حديد ؟
...
بعض المرات و انا اتمرن سويدي احس بدوخه .. وصداع خفيف .. فشالسالفه ؟
...
فكرت اخذ ليبو 6 .. بس متردد حيل .. لاني مو عارف اضراره و سمعت انه اضراره ما تبين الا في سن ال 40 .. فهل تنصحوني فيه ولا لا ؟ و اي نوع اخذ كبدايه ؟ وطريقة استعماله ؟ و هل اذا وصلت للجسم اللي ابيه اقدر اوقف باي وقت (يعني لو قلنا العلبه فيها 100 حبه اقدر اوقف عند ال50 مثلا)
...
بالنسبه للارداف يا جماعه .. فيهم عرض .. خلال الخمس شهور حسيت في تغيير بسيط جدا (مع اني برمضان العب دراجه لمدة نص ساعه غير حصة السويدي) .. بس ابي اتخلص منهم باسرع وقت .. هل في طريقه معينه؟؟ ( انا قريت مواضيع المنتدى اللي تخص الارداف بس ما حسيت الا بتغيير بسيط )
...
افترض اني وصلت الى الوزن الطبيعي ( اللي اهو 68 ) و ما تغيير جسمي .. شنو اسوي ؟
...
هذا اللي خطر على بالي الحين
اسف اذا طولت عليكم ..

ويعطيكم العافيه

[Aqili]

بسم الله الرحمن الرحيم

السلام عليكم و رحمة الله وبركاته
مبارك عليكم باجي الشهر و عسى الله يتقبل منا و منكم صالح الاعمال

الصراحه ترددت اني اكتب الموضوع .. لاني حسيت انه مكرر
بس توكلت على الله لاني بشرح فيه وضعي .. وا نشاء الله استفيد

اول شي انا عمري 22 و طولي 169 تقريبا
قبل لا ادش النادي كان وزني 84 و الحين 73.5 (امس قسته)

الاستفسارات اللي عندي..
انا نقصت هالوزن خلال خمس شهور تقريبا (مو ملتزم فيهم لانه عندي دوام بس اقدر اقول اني رحت 80% منهم) .. كنت اروح النادي بس العب حصة سويدي
و بالنسبه لاكلي ما كنت مسوي رجييم .. بس كنت مخفف و خصوصا المشروبات الغازيه و مطاعم الوجبات السريعه
سؤالي الحين .. هل اللي نقصته طبيعي ولا يبيلي تمرين اكثر ( لاني احس ان 9 كيلو خلال 5 شهور شوي ) ؟

المعدل الطبيعي لفقدان الوزن هو عباره عن واحد باوند في الاسبوع ( 1 كغ = 2.2 باوند ) ( من اجل تفقد كغ واحد لازم تحرق 8000 كلوري تقريبا ) يعني ان ماشي على المعدل الطبيعي لفقدان الوزن لان الفقدان المفاجيء للفوزن ممكن يسبب اضطراب في عضلة القلب و ممكن يشكل مشاكل اخري .

واذا كنت احتاج تمرين اكثر .. شنو التمرين ؟ هل ازيد حصه سويدي بعد ؟ S:
و هل السويدي يشد الجسم ولا لازم حديد ؟
بصراحه من الاخر الحديد لازم جدا . و لان الجسم يكون فيه جلد زايد فالحديد و الكارديو و الدايت الكويس 3 اشياء لازم تسويها و ما تقدر تهمل اي واحد منهم لاجل توصل لهدفك
...
بعض المرات و انا اتمرن سويدي احس بدوخه .. وصداع خفيف .. فشالسالفه ؟
هذا معناته انك ما تاكل كويس و انك محتاج تاكل زياده . تخفيف الوزن مو معناته انك تجوع نفسك لكن معناته انك تاكل حاجه جسمك من الاكل المفيد الي الكلوري فيه مفيده مثال : الببسي فيه 330 كلوري لكن هذا النوع من الكلوري مهو مفيد في بناء العضلات . لكن ممكن حبه افكادو فيها 280 كلوري و كلها مفيده او صدر دجاجه فيها 160 كلوري مقيده . و تعلم كيف تحسب الكلوري الي يحتاجها جسمك ( في موضوع عن حساب الكلوري في المنتدى ) نصيحتي لك كل خضار من كل الالوان و كل لحم ودجاج بس لا يكون مقلي من الافضل انك تاكله مشوي او مسلوق . واذا بتستخدم زيت استخدم زيت الزيتون .
...
فكرت اخذ ليبو 6 .. بس متردد حيل .. لاني مو عارف اضراره و سمعت انه اضراره ما تبين الا في سن ال 40 .. فهل تنصحوني فيه ولا لا و اي نوع اخذ كبدايه ؟ وطريقة استعماله ؟ و هل اذا وصلت للجسم اللي ابيه اقدر اوقف باي وقت (يعني لو قلنا العلبه فيها 100 حبه اقدر اوقف عند ال50 مثلا)
شوف اذا بتستخدم منتج مثل هذا لازم تكون تلعب حديد و تسوي كارديو و يكون الدايت حقك اوكيه لان مع منتج زي هذا ما يصلح اللعب اذا تبي نتايج . و في موضوع في المنتدى عن هذا المنتج و تجربه بعض الازملاء
...
بالنسبه للارداف يا جماعه .. فيهم عرض .. خلال الخمس شهور حسيت في تغيير بسيط جدا (مع اني برمضان العب دراجه لمدة نص ساعه غير حصة السويدي) .. بس ابي اتخلص منهم باسرع وقت .. هل في طريقه معينه؟؟ ( انا قريت مواضيع المنتدى اللي تخص الارداف بس ما حسيت الا بتغيير بسيط )
...

جسم الانسان يخزن الدهون الي في منظقه البطن بعد ما يكون خزن في جميع الاماكن و يوم يسير مافي مكان يقوم يبدء يخزن في الارداف ( باختصار الارداف اخر مكان يخزن فيه و اخر مكان يفقد شحومه ) يعني عليك بالصبر و تمارين الارجل و الحديد بيساعدك أهم شي استمر و لا توقف
افترض اني وصلت الى الوزن الطبيعي ( اللي اهو 68 ) و ما تغيير جسمي .. شنو اسوي ؟
...
لازم تلعب حديد عشان تغير جسمك او انك تلعب اي نوع من الرياضات القتاليه . بس الحديد هو الي بيبين نواتجه عليك

حديد و كارديو و دايت هذا الحل للوصول للجسم الي تبغاه و اهم شي لا تيأس و لا توقف مهما حصل . لعب الحديد ليس مرحله وقتيه انما هو طريقه حياه و المفروض تلعب رياضه على طول مانت قادر
هذا اللي خطر على بالي الحين
اسف اذا طولت عليكم ..

ويعطيكم العافيه

اتمنى اكون فدتك في بعض النقاط

[THE CAST]

وعليكم السلام ورحمة الله وبركاته

راجع قوانين القسم بخصوص العنوان

بالتوفيق

[(animation)]

Aqili
يعطيك العافيه يا الغالي و ما قصرت

بس سؤال عن الكارديو
اول شي بس بعرف اذا كنت فاهم الكارديو .. الكارديو عبارة عن جهاز المشي و الدراجه فقط ؟ وبعد ؟
انزين شكثر العب ؟ يعني كم دقيقه ؟ ومتى (قبل السويدي ولا بعد ولا قبل الحديد ولا بعد) لانه الشباب كل واحد يفتي اللي يقولي قبل واللي يقولي اخر تمرين تلعبه الكارديو

THE CAST
يعطيك العافيه
واسمحلي ما دريت ولا قريت القوانين
اخر سؤال كان عن الكارديو و ان شاء الله ما يتكرر الغلط

[THE CAST]

^^^^
الله يعافيك
الكارديو يكون قبل التمارين (ممكن يكون بعده ايضا) وافضل انضمته
دقيقه مشي ثم دقيقتين مشي سريع ثم دقيقه هرولة ثم دقيقه جري سريع..وتعيد الكره لمدة 30-45 دقيقه على التريد ميل
وبعده ادخل لتمارين الحديد بوزن متوسط الى خفيف وبتكرار 15-15-15 لكل تمرين
..
طبعا تلعب وفق جدول اسبوعي موزع لكل عضلة يوم..


بالتوفيق