سؤال عن .....؟؟؟

[خرساني]

السلام عليكم ورحمة الله و بركاته وبعد
تحية عطرة أبثها لكل أعضاء منتدانا الرائع
أستفسر منكم يا إخوان إشتريت قبل اسبوع جهاز XBOX 360 ARCADE أوربي تاريخ صنعه 2009/9 طبعا PAL واشتريت له هارد ديسك 20 جيجا بسعر مميز 120 ريال وعلى قولت الرجال يشغل الأشرطة الأصلية و الكوبي و معدل آخر تعديل 2010 وصوته مو عالي هادئ و الحمدلله إلى الآن ماشفت أي تعليق أو إيقاف موفاجئ أو رفض أي شريط كوبي فحبيت أسئلكم إيش عيوب و مميزات ال ARCADE المعدل آخر فيرجن 2010 ؟
أنا من رأي الشخصي ما تفرق إلا في الهارد ديسك ؟؟
و إيش الفرق بينها و بين ال ELITE و Premuim ؟
بانتظار ردودكم الطيب على الموضوع
و أرجو منكم العذر و السموحة على الإطالة

[اكس بوكس . كوم]

طيب اهو انتا عرفت الفرق ما يفرق غير في الهارديسك بس يفرق في الصنع افضل شي الياباني اذا كنت من الي يلعبو اون لاين لانو الياباني حتا لو لعبت بشريط كوبي اون لاين ما يسير لك باند على طول بس انت افصل النت كل ساعه ورجعو ومايسير باند اما الاوروبي ممكن سلام سلام يجيك الباند (اما الفرق بين الايليت والبريموم والاركيد اعتقد انوهوة الهارد ديسك بس واللون لون الايليت يجي اسود والبريموم والاركيد ابيض بس على حسب معرفتي بفروقهم)

[خرساني]

تشكر اخي على اجابتك
وبالنسبة للجهاز الأوروبي حتى لو كان الشريط اصلي بيعمل باند في الاون لاين ؟؟؟
ليش قلت لي ( بس انت افصل النت كل ساعه ورجعو ومايسير باند )
و أسألك أخي إذا عمل باند للجهاز هل في حل لمشكلة الباند و بصراحة إيش هو الباند من اساسه ؟؟؟؟

[اكس بوكس . كوم]

شوف الباند بكل وضوح اذا سار لك يسير ما يمديك تلعب اون لاين بالجهاز المبند بعد كذا اذا تبا تلعب وانت مرتاح على الاكس بوكس سوي طريقه فصل السلك كل ساعه والعب بشريط كوبي ابو 15 ريال او انك لا تركب القطعه واقعد اشتري اشرطه اصليه الي الواحد سعرو ما يقل عن 150 ريال لانو الباند يجيك لو عرفو انو جهازك معدل على قطعه الي تشغل كوبي والباند مالو حل غير انك تغير الجهاز المبند جاك الباند خلاص جهازك راح يسير بس تلعب اف لاين ما يمديك تخش اون لاين

[اكس بوكس . كوم]

يعني حبيت اقلك انو الشريط مالو دخل هما يكفشو القطعه اذا موجوده باند ماهي في خلاص بس انا احب اكتر كلام

[خرساني]

مشكور جدا على ردودك الحلوة
أخي الغالي سؤال أخير (أو بعض الأسئلة) هل يقدروا يكشفوا الجهاز المعدل حتى لو كان ياباني أو امريكي ؟؟؟
و بعدين إيش يفيد كثرة فصل النت من الجهاز ؟؟؟
و أخيرا الجهاز المبند ما أقدر ألعب أون لاين فقط و لا بيخرب الجهاز و لا يشغل الأشرطة كمان ؟؟؟
وهل الإكس بوكس الإليت و البرو كمان ممكن معرض للباند وهل مركب القطعة فيهم مثل الآركيد

[اكس بوكس . كوم]

ممكن يكفشوك حتا لو كان اي حاجه _ لمن تفصل النت كثير يعني هذا الشي يقلل نسبه اصابه جهازك بالباند ___ الجهاز المبند بس ما يمديك تخش اون لاين بس هوة دا الباند الباند مالو دخل بتشغيل الالعاب __ اي اكس بوكس سواء كان ايليت ولا بريموم ولا اركيد ولا حتا (سليم ) ممكن تركب قطع تعديل فيهم عليهم _ وعلى فكرة لو حهازك ما يشغل كوبي يعني مو معدل ما يجيك باند قد ما تلعب لانو الباند يجي على القطعه _ شكرا _ اي سوال ثاني انا في خدمتك ان شاء الله

[خرساني]

جـــــــــــــــــــزيــــــــــــت الــــــــجـــــــــــنــــــــــــة على الشرح المفصل منك يالغالي أشكرك جدا على الرد

[اكس بوكس . كوم]

اي خدمه اي استفسار ان شاء الله اقدر اساعدك _ شكرا