][][ انطباعات ومناقشة ديمو FIFA 11 ][][

[-Gunners-]

اللعبه بعد التجربه
تطورت بنسبه 90٪ عن نسخة

FIFA 10

اما بالنسبة لنسخة FIFA World Cup 2010 فالتغيير 70٪

اللعبة صارت واقعية وحية بشكل ملحوظ كأن الروح باللاعبين موجودة من ناحية التحكم والحركات وأجواء اللعب واللعب بشكل عام ممتاز

تقريري عن اللعبة

نظام الـ Personality+

ملحوظ وممتاز واعطى طابع واقعي للعبة كأنك تطالع مباراة واقعيه وكأنك صج تتحكم باللاعبين بعد تجربتي لفريقي المفضل Arsenal حسين من خلال لعبي باللاعبين كأني اشوف مباراة فريقي الارسنال مباشر وطريقة لعب كل لاعب بالفريق كالواقع تماما فكل من ( Fabregas - Arshavin - Persie -Song - Nasri - Theo ) واقعيين حيل وبعد تجربيتي لـ Barca اللاعبين شيء مبهر

نظام Gameplay

مباراة واقعية أجواء مباراة حقيقية كأنك تطالع مباراة HD عالية الوضوح من كل النواحي ( الجمهور - الملعب - الارضيه - الحكم - الاصوات ... إلخ )

اما بخصوص لب الموضوع اللعب تغير بالنسبة لي بدرجهة كبيرة المراوقات و التعدي صار اصعب الالتحامات و الأنميشن صار خيالي الضربات الرأسية و افتكاك الكرة واقعي بدرجهة ملحوظه اما بخصوص التمريرات الموضوع صار صعب حيل حيل حيل للي متعود يلعب بنظام الـ Assisted باللعب صار كأنك تلعب بنظام الـ Manual يعني التمريرات تبيلها شغل و دقه و فن و التحكم باللاعب صار 100٪ بنظام الـ 360 درجهة يعني الموضوع صار احترافي و افضل اللعب بالـ Analog معني مو متعود ونظام الاهداف صار صعب و الحارس ممتاز ممتاز !! صعب تهدف بالساهل ! و بخصوص الركض باللاعبين صار اصعب و يبيله توقيت و الكرات العرضيه اصبحت ممتازه اذا كنت تمتلك رأس حربه ممتاز بإختصار للعبه صارت لعبة كرة قدم !! واقيه حيل

عطو اللعبه وقت وهذا مجرد ديمو و EA عودتنا دايما تسمع جمهورها و انا اراهن ان النسخه النهائيه ستختلف 100٪

ملاحظة : اشكال اللاعبين نااااااار !!! نااااار!!

[devante]

بعد تجربتي للعبتين الله يعين konami علي لعبته كنت حاط املي بالجزء هذا بس مافي فايده منهم بحول fifa 11

[ps3 player]

82 %
Can't wait .. !!

[Zatar]

87% T.T بس احلى شي ان العبة مطوره من فيفا كاس العالم
لان فيفا كاس العالم اسطوره راح تخلد بالذاكره مثل الوينج اليفن 6 و 7

[dely10]

كنت قاعد احمل اللعبه ورحت نمت بس الوالده صكرت الكهربه
عاد متحمس قلت بقوم وألعب والديمو بس الحمد لله كملت على التحميل

انطباعاتكم = متساويه
أنا جزء وولد كاب عجبني حيل وأعتقد 2011 راح يعجبني >>> ما الوم الناس اللي تحبطت لأنهم توقعو تغير كبير
وهالشي جربوه عشاق كونامي ..

- وجوه اللاعبين للحين ماتغيرت مثل ميسي ورونالدو و عواشه اقصد راموس و هيجوين وايد من اللاعبين ..

ههههههه هيلي يارمانه الحلوه زعلانه لووول ...
صج مستغرب شالعجز اللي فيهم ليش مايضبطون أغلب الاعبين المشهورين في لاعبين تصميم أشكالهم قديم

عن نفسي بشتري اللعبتين بس علشان ما أظلم أي لعبه ماراح اشتريهم مع بعض علشان احللهم عدل

[عاشق المرنغي]

ابصراحه


شفت اخواني يلعبون الفيفا الي انا منزله ولا لعبة كانت المباراه بين ريال مدريد وبرشلونه

عبالي يطالعون قناة الجزيره من الواقعيه <<<<< قويه


بعدين لعبتها

تقيمي لها 9.6 من عشره

[-Gunners-]

لعبة نار نار يا حبيبي نار شباب جربوا دانيل الفس و بدرو مو صج

[ToUaReG]

87% T.T بس احلى شي ان العبة مطوره من فيفا كاس العالم
لان فيفا كاس العالم اسطوره راح تخلد بالذاكره مثل الوينج اليفن 6 و 7

انا ملاحظ وايد عاجبك جزء كأس العالم ..
بالنسبه لي هذا افضل بـ FIFA ..

[Salahdo]

قعدت اجرب اللعبه من الساعه ١١ الصبح لي ٣ الظهر لووول حللت الديمو

احلی شي باللعبه اهيا ال Personality+ تحس انهم مهتمين بتفاصيل كل لاعب يعني اذا قبل كنت تحط لاعب بمكان مو مكانه وتغيره علشان طاقته نقصت الحين غير تحطه بمكانه علشان تستفيد من الصفات الشخصيه اللي باللاعب
وال Pro Pass شي حلو ماقدر العب مثل قبل اطقطق باصات لي القول ومحد يمسك الباص مثلا قاعد لعبت بينيه اللي اهيا مثلث ف بويول فرق السما عن الارض لما العب مثلث ب تشافي
وطريقه تسكينات اللاعبين روعه راح ارفع جم فيديو بعد ما يعدلون موقع الفيفا
الشوتات صارت احسن من قبل يعني مثلا ال R2 بفيفا ٢٠١٠ كلهم قول و ب Fifa WC كلهم بره الحين لا علی حسب اللاعب وعلی حسب الوضعيه وممكن تقول وممكن تضيع
والكمبيوتر لعبه عجيب جنك تباري واحد من ربعك يسوي حركات عليك ولما تصيرلك ضربه مرمی يمسك مدافعك علشان لا تعطي باص جدام القول يعني تفكير ادمي مو كمبيوتر بس ناقص يضحك عليك لما يقول لووووول
الحارس ممتاز يشيل وايد كور خطره وصعبوا الاسقاطات
نظام انك تسجل او ترفع افضل الهجمات او صدات الحراس بعد نهايه المباراه فكره حلوه
ويوه اللاعبين مو ذاك الزود ومو ضابطينهم كلهم

هذا اللي اتذكره الحين واي شي يديد بكتبه وبانتظار اللعبه الكامله اخر الشهر

[ToUaReG]

ك



ههههههه هيلي يارمانه الحلوه زعلانه لووول ...
صج مستغرب شالعجز اللي فيهم ليش مايضبطون أغلب الاعبين المشهورين في لاعبين تصميم أشكالهم قديم

لوول المشكله لاعبين تشيلسي و ارسنال و ليون ضابطينهم على عكس الافرقه الثانيه ..
يعني لما العب ريال مدريد احس انه كارفليو وكاكا نسخة FIFA11 والباجي FIFA WC ..
يمكن بالنسخة النهائيه يعدلون عليهم ؟؟ اتمنى ..

[ToUaReG]

ابصراحه


شفت اخواني يلعبون الفيفا الي انا منزله ولا لعبة كانت المباراه بين ريال مدريد وبرشلونه

عبالي يطالعون قناة الجزيره من الواقعيه <<<<< قويه


بعدين لعبتها

تقيمي لها 9.6 من عشره

لووول حده قويه ..
بس تحركات اللاعبين واقعيه و حركتهم ..

لعبة نار نار يا حبيبي نار شباب جربوا دانيل الفس و بدرو مو صج

بيدرو عجيب ..
وانيستا و كاكا روعه ..
جربت فريق ليون .. حلو لعبهم ..

[ToUaReG]

من الايجابيات اللي شفتها ..

+ لمسة اليد موجوده ويعطي عليها الحكم بلنتي ..
+ تقدر تعدل على شبك القول وتخليه ضعيف ..
+ اشكال لاعبين تشيلسي و ارسنال و ليون مضبوطه ..
+ احتفالات بعض اللاعبين مضبوطه ( تضغط X ) مثل احتفالية هيجوين و فاندرفارت وكاكا و ديفيد فيا ..
والباجين ماجربتهم كله يمسكوني اللاعبين لوول ..


ومن السلبيات ..

- الحكم للحين باط جبدي ..
- بعض فترات المباراة يصير زحمه لاعبين عالكره +_+ ..

[Gol234]

أخيرًا نزلت نسخة XBOX360، جاري التحميل @_@

[ToUaReG]

^

مبرووووك .. جربها وعطنا انطباعك ..

[Gol234]

الله يبارك فيك، رأيي المتواضع بشكل سريع:

• المميزات.

- الجو العام للعبة.
- الغرافيكس.
- الملعب أصبح أكبر (عريض أكثر).
- تفاعل الجمهور الممتاز.
- صوت تمرير وتسديد الكرة تحسن.
- التمرير بشكل عام أصبح أصعب نسبيًا، تحتاج لدقة حقيقية.
- إلغاء سهولة تنفيذ الـ (ون تو).
- التسديد تحسن.
- الضربات الرأسية تحسنت بشكل مُلفت.
- التحكم بالحارس.
- بعض اللاعبين أصبحوا كأنهم هم فعلاً من يلعبون من خلال الأداء والحركات.
- إضافة تلخيص للأحداث وأمور أخرى يُمكنك مشاهدتها بعد نهاية اللقاء.

• السلبيات.

- القوائم لم تعجبني، كجميع أجزاء فيفا.
- طريقة تنفيذ الضربة الركنية.
- حارس المرمى (الحكم الكامل على هذه النقطة تحديدًا في النسخة الكاملة).

• تقييم نهائي (للديمو).

تقييمي (للديمو): 8.9\10 .
ما أعجبني كثيرًا هو إتاحة العديد من الفرق في الديمو..
برشلونة، ريال مدريد، يوفنتوس، ليون، وغيرهم.
جاري اللعب بفرق أكثر للتعرف على الجديد.