عضو جديد
السلام عليكم
كيف حالكم شباب ان شاء الله بخير
انا عندي استفسار وهو اني ببدا جامعه السنه هذي ودوامها طويل الين 5 المغرب
وانا لي سنه وشوي بالحديد فافكر اني العب
الخميس : صدر وتراي
الجمعه : ظهر وباي
السبت : كتوف وسواعد وترابيز
واعيد الجدول الاسبوع الجاي
هل هي كافيه لاني مو مهتم بالارجل لان السالفه جسم فرنسي فما راح يبين اللي فوق ضخم وتحت لا
وبالنسبه للبروتين انا استخد الواي بروتين استعمله في ايام التمرين فقط ولا طول الاسبوع
مشرف فئة الرياضة والشبابMonster Bodybuilding
المشاركة الأصلية كتبت بواسطة G35
والواي تستعمله كل يوم
بالتوفيق
عضو نشيط
التمرين ثلاث ايام مافيه مشاكل لاكن للصحة العامة العب رجول وخاصة ان تقوية عضلات الرجول و البطن تساعد على سند العمود الفقري ومنع الاصابات لاسمح الله،، غير ان تلعب رجول يحمي الركبة وكمان يقوي العضلات الي حولين المفاصل وبالتالي تكون ثابته اكثر وتحميها من المشاكل لما تكبر بالسن ....
اما البروتين اذا كان اكلك ممتاز ومغطي احتياجاتك اليومية من البروتين بإمكانك الاستغناء عنه تماماً والقاعدة تقول: اما 1جرام بروتين لكل كيلو من وزنك او الضعف ...
عضو كمال أجسام خبير
الارجل مهمه جدا جدا الجسم مثل الهرم لازم اساسه قوي وصدقني ان كانت ارجلك ضعيفه احتداك تشيل اوزان وانت واقف لانه تحتاج قوه بأرجلك وثبات عشان تشيل الاوزان الضخمه ونصيحه الارجل اهم شي تحفز التست وتنشطك تعطيك قوه وخفه ولما يكون جسمك
ضخم من فوق ورجولك تعبانه راح تتعب وتبتدي مشاكل بالارجل عموما نصيحه اللعب ارجل وعسى الله يوفقك بدراستك
عضو كمال أجسام خبير
^^^
ردينا بنفس الوقت وكلامك عين الصواب اخوي
عضو كمال أجسام خبير
والله بيصير شكلك مثل العنكبوت
في الوسط ضخم والارجل ضعيفة !!!
جان تذكر روبيرتو كارلوس، كانت ارجوله مليانة ومعضلة،، وشكله كان روعة.
ولا تنسى انك لين تبغي عضل تزيد وزن الجزء العلوي من الجسم.
فتحتاج ارجل قوية تستحمل الوزن الزائد ، وتمارين الارجل تقوي المفاصل نفس الوقت.
,,,,,,,,,,,,,,,,,,,,,
بومهاا حبيب قلبي
انتي وينك يا ريال، والله اليوم على بالي من الصبح، كنت بتريق واشوف قوطي الشوفان قلت شخباره بومهاا ما بين من زمان.
وحشتنا يا رجل
لا إله إلا الله ، محمد رسول الله
عضو كمال أجسام خبير
معليش اتوقع محد يقدر يضخم بدون تمارين رجوول فهى مسؤوولة عن التوازن يعنى بالله تخيل شكلك نفرض جسمك زى اللى تبيه فرنسي وجا واحد ومزح معاك ودفك شوي اكييد بتفقد توازن لان رجوولك ماعندها ذييك القووة
وايضااا عند حمل الاوزان واقفاً فرجوولك عامل اساسي في تمرينك يعنى بالنهاية لا تهملهاا فهى تساعدك في مشوار الضخامة وايضااً يكون لها منظر رياضى اذا لبست شورت ..
وبخصوص الجامعه اذا كان تخصصك صعب جدا فنصيحة اترك الحديد وركز على دروسك واذا تقدر تساوي بينهم حاول انك توافق بين الحديد وجدول الدراسي
بحيث تخصص موعد للتمارين في اليوم الذى لايكون فيه دراستك لها مدة زمنيه طويلة علشان الارهاق والنفسية تكون متعبه
مووفق
عضو جديد
يعطيكم العافيه على الردود وما قصرتوا
انا كنت العب رجول طول هالمده لاكن الحين انا ما ابي العبها مره وحده لان ما في وقت واخاف تكون سبب اني اترك الحديد مره وحده ولو تلاحظون انا حاطها في يوم الاجازه عشان ما يكون فيه ضغط علي
بس على العموم قولتكم اسبوع ايه واسبوع لا للارجل كافيه؟؟
والبطن انا ما كتبته بس اني اسويه ثلاث مراة اسبوعيا
عضو كمال أجسام خبير
زين خلها على الأقل كل اسبوعين مرة. والعب شامل ارجل يومها
لا إله إلا الله ، محمد رسول الله
عضو كمال اجسام خبير
ثلاث أيام بالأسبوع ما فيها مشكل لاني أنا مطبقه وما في مشاكل
اليوم الأول صدر + باي + بطن
اليوم الثاني ظهر + تراي + بطن
اليوم الثالث أكتاف مع الترابز + أرجل + بطن
والأرجل ألعبها بوزن خفيف ما في مشكل .
عضو جديد
يعطيك العافيه اخوي على الرد وانا بحاول امشي على جدول مشابه لجدولك
ضوابط المشاركة
