كيفية التسجيل فى clickandbuy

[daour]

السلام عليكم

حبيت احط شرح بسيط لخدمة clickandbuy للى يواجهون مشاكل فى التسجيل

بالنسبه لاهم نقتتين اهمه انك تعرف ال zip code مال المنطقه مالتك يعنى حولى 20011 وباقى البيانات سهله مثل ايميلك وعنوانك
city مثلا Hawalli
statee Kuwait
zip code 20011


عقبها بتدخل بيانات البطاقه الاتمانيه وبعدها بتدش على الصفحه مالتهم وتسوي كونفيرم حق البطاقه ، راح ايدزون عمليتين على البطاقه بقيمة دولار وشوي لكل عمليه

انا هنى دقو علي البنك (قسم التفويض) وسألونى هل انته قمت بعمليتين من هالسايت ، قلت لهم ايه بس اعطونى المبالغ بالظبط كل واحد كم بالدولار

اعطونى المبالغ ، دشييت على السايت مال clickandbuy ورحت على خانة التاكيد وحطيت المبالغ ، هنى اشتغل الاكاونت

بس عقبها دشيت على SE وسويت login على خانة الدفك وسويت الشخصيه

ارجو انى اكون افدتكم بهالموضوع واللى عنده اي استفسار يحطه اهنى وانا انشاء الله برد عليه

[Ykuwait]

شكرا لك اخوي على الشرح

وبصراحه انا صادفتني هالمشكله وراح اجربها اليوم لان حاولت 3 ساعات وماعرفت حلها

واللي مايعرف رقم منطقته بالكويت زورو هالموقع http://kuwait-post.com/ واختارو المحافظه والمنطقه

واشكرك مره اخرى اخوي daour

[daour]

شكرا لك اخوي على الشرح

وبصراحه انا صادفتني هالمشكله وراح اجربها اليوم لان حاولت 3 ساعات وماعرفت حلها

واللي مايعرف رقم منطقته بالكويت زورو هالموقع http://kuwait-post.com/ واختارو المحافظه والمنطقه

واشكرك مره اخرى اخوي daour

العفو اخوي ، ما سوينا شي

[Badrayed]

طيب لازم اشترك بالموقع علشان العب فاينل فانتسي ؟
وهل موقع paypal يدعم اللعبة اذا كان لازم اشتك بموقع

فاينل فانتسي 13 ماكان فيه هالنظام ...

ومشكور على الموضوع

[daour]

طيب لازم اشترك بالموقع علشان العب فاينل فانتسي ؟
وهل موقع paypal يدعم اللعبة اذا كان لازم اشتك بموقع

فاينل فانتسي 13 ماكان فيه هالنظام ...

ومشكور على الموضوع

لازم اتسجل بهالموقع

paypal ما تدعم اللعبه

اذا واجهت مشاكل راسلنى على الخاص وانشاء الله اقدر اساعدك

[Badrayed]

لازم اتسجل بهالموقع

paypal ما تدعم اللعبه

اذا واجهت مشاكل راسلنى على الخاص وانشاء الله اقدر اساعدك

طيب اذا دخلت على حسابك بموقع سكوير انكس اكاونت فيه خيار لأضافة الفيزا .... ماتدري حق ايش هذا الخيار ؟
مشكور اخوي وبارك الله فيك

[Badrayed]

عجزت اسجل بالموقع الخايس ... يطلعلي
Unknown address, please re-enter or correct. If you have any questions, please contact our Customer Service Team via email at service@eu.clickandbuy.com or by telephone at +49 (0)221 177 38 95

مع اني مدخل كل شي صحيح

الخيار الي في حساب سكوير انكس هذا Register/Update Card Information يدخلك على الموقع الخايس اوتماتيك

[Djalminha]

مع اني سويت كل شي

بس لما الحين يحطلي الاكاونت blocked و ماني قادر ادفع و ما يردون على التلفون ولا الاميل

[S a L e M]

كانت تطلعلي نفس المشكلة

غيرت Al Ain إلى AlAin ومشى الموضوع (حذفت المسافة)

[Badrayed]

غيرت المدينة للرياض وشكلة ضبط معي ...

اول مصمم على مدينتي حايل طلع ماله كرت بالموقع لول

[LeonardoDaVinci]

السلام عليكم الله لايهينكم ياجماعة صارلي يومين أعابل مع Click and Buy
أنا ساكن بجنوب السرة يقولي street no غلط و state غلط أحط Kuwait هم مو راضي يعدي

اذا في أحد عنده عنوان قريب أقدر أغيره بعدين الله يغربل إبليسهم
وما تقصرون وانا إنشاءالله راح أكون ب سيرفر Wutai االلي يحب يتواصل
Marauder Bosloh

[Q8ffxiv]

صيفني مسنجر وانشاء احلها لك

[faisal3003]

يا شباب!!! الحقونا أرجوكم!! أنا من السعودية و اتمنى اذا فيه اي سعودي سوى اكاونت في clickandbuy انه يحاول يفدني أرجوكم!! أو اي واحد من الأخوة العرب.

أنا رحت للموقع وحاولت اسوي أكاونت في clickandbuy دائما يقول لي العنوان غلط!! كتب اسم المدينة و الـ state زي ماهو معترف فيه عالمياً وكمان حطيت الـ zip code زي ما أخذته من شركة البريد وما زال يقولي بأن العنوان غلط!! أرجوكم المساعدة!!!

الله لا يوفق Square Enix على clickandbuy..... الله يرحم ايام playonline مع انها كانت مخيسه بس احسن بواجد من هالزباله clickandbuy

[Genta]

يعطيكم العافيه شباب انا من الكويت وحاولت اسحل بالموقع عذبني مادري شفيه حته على اسمي يقول غلط والله لووووول ساعدوني الله يعطيكم العافيه

[daour]

يا شباب!!! الحقونا أرجوكم!! أنا من السعودية و اتمنى اذا فيه اي سعودي سوى اكاونت في clickandbuy انه يحاول يفدني أرجوكم!! أو اي واحد من الأخوة العرب.

أنا رحت للموقع وحاولت اسوي أكاونت في clickandbuy دائما يقول لي العنوان غلط!! كتب اسم المدينة و الـ state زي ماهو معترف فيه عالمياً وكمان حطيت الـ zip code زي ما أخذته من شركة البريد وما زال يقولي بأن العنوان غلط!! أرجوكم المساعدة!!!

الله لا يوفق Square Enix على clickandbuy..... الله يرحم ايام playonline مع انها كانت مخيسه بس احسن بواجد من هالزباله clickandbuy

حطلى اسم المدينه state اهنى خلنى اشوفلك السالفه
اذا ما ظبط راسنى على الخاص وانشاء الله اقدر اساعدك

يعطيكم العافيه شباب انا من الكويت وحاولت اسحل بالموقع عذبني مادري شفيه حته على اسمي يقول غلط والله لووووول ساعدوني الله يعطيكم العافيه

راجع الخاص