@@ سويت رجيم نجحت فيه !! بس تعاني من الترهلات.. تبي تضبط جسمك هنا الحل من تجربه !! @@

[Q8 Madrid]

يعطيك العافيه يا الحبيب ..
بس بخصوص الي شغال ضخامه ؟
ينفع استخدم الكريم و انا اخذ منتجات ضخامه و زيادة وزن لأن عندي ترهلات ؟
و شاكرلك ع الموضوع ..

[ابو مهاا]

السلام عليكم
يعطيك العافيه اخوي ابومها
عندي سؤال يعني افهم من كلامك انه اقدر بس استخدمه مكان الصدر والبطن مولازم كل الجسم ؟؟
وانا من الكويت بأي صيدليه اقدر احصله ؟؟
وشاكرلك على الموضوع.....

الله يعافيك اي نعم عادي اانا هذي طريقه استخدامي له وتحصله الله يسلمك بريزولت بالافنيوز او بالمارينا المحل مالهم او بالصيدليات الكبيره روح الافنيوز تلقاه سعر 23 او 25 اعتقد

.. وعليكم السلام ورحمة الله وبركاته ..

.. زين ياخويه حصلت كريم يساعد على الشد .. لانه الأغلبية للدعاية لا أكثر .. وإن شاء الله يفيد الكل

تحياتــي
ربي يوفقك

اهلين حياك الله يالغالي منورنا يالامير ان نعم فعلا كلامك استخدمت منتجات ولا لها فايده تذكر لكن فعلا هذا قوي وممكن تسوي بحث بالنت وتشوف تجارب الاجانب فيه وحطيت انا روابط لبعضها

يعطيك العافيه يا الحبيب ..
بس بخصوص الي شغال ضخامه ؟
ينفع استخدم الكريم و انا اخذ منتجات ضخامه و زيادة وزن لأن عندي ترهلات ؟
و شاكرلك ع الموضوع ..

بالنسبه للضخامه يمكن ينفعك لو تستخدمه حاليا للترهلات بس انا انصحك تأجله لوقت التنشيف افضل لانه اهو عامل مساعد فأكيد مع الدايت والتمرين والتكرارات واللتزام فيه بتحصل نتيجه مرضيه ان شاء الله والله اعلم

[amh85]

اخوي وعزيزي بو مها
انت من وين اشتريته
لأني فريت الصيدليات الي بسعوديه
وللأسف ماحصلته

[ابو مهاا]

الله يعينك انا ماخذه من الكويت الله يسلمك وانا فيها بمحل بالافنيوز مول كبير بالكويت اسم المحل ريزولت بتحصله هناك
وان شاء الله اذا احد من الاخوان بالسعوديه حصله يمكن يفيدك

[الامبـــراطور]

بس سؤال
الجلد كيف يختفي؟؟؟
انا سمعت ان العملية شر لابد منة لان عندي ترهل اسفل البطن ومضيق خلقي العب كل يوم بطن الشكل الخارج الحمدلله اختفى لكن لما تمسك البطن ينمغط تحسة كيس فاضي
انا والله مخطط اسوي عملية ومتردد علشان اثار الجراحة تبقى؟؟؟
افيدونا
والله لو قالو ان هذا العلا يشفي حتى لو بالقمر رحت اجيبة

[ابو مهاا]

حياك الله يالامبراطور طبعا الجلد مثل ما انت عارف يبيله وقت مثلا 6 شهور لي سنه على مايشد هذا الكلام طبيعي بدون رياضه
مع الرياضه تسرع العمليه وتضيف هل كريم بتكون اسرع والتشمس والسباحه بتكون بطل وبتوصل لنتيجه حلوه ممكن خلال 3 شهور او اقل او اكثر على حسب اللتزامك
البطن نفسك السفلي مشكله لكن حسيت خف من اول شهر من استخدامي للكريم وفعلا فادني فيه دهون خفيفه وشد ولله الحمد علما بأني مستمر على المشي السريع ونظام الHIIT
والمشي السريع يشد المعده السفليه واللعب معده مرتين بالاسبوع وسباحه مره الى مرتين فقط والكريم فادني وان شاء الله يفيدك انت استخدم كل الاوراق الي قدامك وخل العمليه اخر الحلول بالتوفيق يابطل

[احمد قطر]

مرحباا
انا وصلني الكريم واليوم استعملتة

بس حبيب اسالك بخوووص الكمية اللي كنت تحطها .. كثيرة له قليلة ؟؟

[ابو مهاا]

بخصوص الكميه اضغط على العلبه لين يطلع لك المقدار كامل وادهن فيه المعده والخواصر منه وضغطه ثاني مره ان حبيت تحطه مكان ثاني مع تدليك لغايه 30-60 ثانيه فقط
وان شاء الله تستفيد منه

[محمد كندري]

اخوي بومها يعطيك العافيه انا شريته وقاعد استعمله ومع العلم اني في كورس ضخامه ونفعني والله وهذا اول اسبوع انا ماخذه بس اذا خلص عادي اخذه مره ثانيه ؟؟؟ وهل لازم معاه حارق دهون؟؟؟ وهل له اثار جانبيه على المدى القريب والبعيد؟؟؟

[ابو مهاا]

ماشاء الله ممتاز انا ماجربته بضخامه استخدمته بتنشيف وان شاء الله نتيجته ممتازه انا بالعلبه الثانيه حاليا ونتيجه افضل الحمد لله
موفق لا موشرط لانه يستخدم بروحه

[أحبك ياتونس]

اللــــــــــه... يعطيـــــــــــــــــــــك العافيه ..ابومهـــــــــــــــاا...

والله شي ..حلو.. وان شاء الله يكوووووووووووووووووووووووووووون.. مفيد..للي يستعملونه ..

ومن بكره.. راح .. ادور عليه بالرياض وعسى نلقـــــــــــــــاه ...وياشباب اللي يحصله بالرياض يعطيني..خبر....

[ابو مهاا]

الله يعافيك وهذا اقل من الواجب الحمد لله فادنني وفاد صديقي بعد وان شاء الله يفيد الاخوان ورجاء خاص للأحبه من السعوديه الغاليه ان حصلوا المنتج لايبخلون على خوانهم بمعلومات عن مكانه
بالتوفيق ان شاء الله واتمنى لكم دوام الصحه والعافيه

[الشمشير]

انا ناوي اجيب كميه اخواني من امريكا .....والشحن راح يكون للبحرين عشان ابتعد عن مشاكل الجمارك ...... الي يبي يشتري معي كميه يخبرني عشان ارتب موضوع الشرا

[omarzizo]

يعني يشيل الترهلات ويحرق الدهون تحت الجلد ولا كيف؟؟

[ملين الحديد]

مشكووور يا بطل واتوقع الشي الموضعي افضل واسرع من الحبوب