@@ سويت رجيم نجحت فيه !! بس تعاني من الترهلات.. تبي تضبط جسمك هنا الحل من تجربه !! @@

[ابو مهاا]

السلام عليكم حياكم الله يا شباب كنت اشوف مواضيع كثيره تعاني من الترهلات وحبيت انقل تجربه استخدامي لمنتج والان انا بالعلبه الثانيه منه هذا الله يسلمكم كريم اسمه amilean طريقته كريم جيل تدهن فيه المكان الي فيه ترهل تستخدمه بكل مكان طبعا الى الوجه استخدامي له كان بالصدر والبطن والخواصر وحطيته بمكان التراي علما بأني نازل كنت 125 وحاليا 91 فحاشني شويه ترهل مع انه نزلت وانا اللعب حديد وسويدي وملتزم بس هذا الترهل شر لابد منه وفوق هذا كان نزول صحي بمعدل 3-5 كيلو بالشهر بس بيجيك الترهل نتيجته حرق طبقه الدهون الخفيفه والسيلووييت ويشد الجلد
طبعا يا اخوان النتيجه ممتازه ماني قايل عاديه لكن فعلا الجلد مشدود وفيه تحسن واضح بفورمه الجسم وافضل مافيه حرق الخواصر الي معذبتني والبطن السفلي شد معاي كذلك الصدر تحسن مظهره .
طريقه الاستعمال : مرتين الصبح وقبل التمرين بساعه يدهن مع مساج خفيف لدقيقتين راح تحس ببروده حلوه وانت تحطه ورائحته زينه
صور المنتجamilean_package_bottle_shot.jpg

نصائح لشد الترهلات طبعا ماننكر الرياضه بكل انواعها حديد او سويدي او حتى المشي يساعد طبعا الافضل الحديد
لكن ضيف عليها السباحه خاصه الصبح والتشمس يشد الجلد
قبل ماستخدم المنتج سويت عليه بحث بالمواقع الاجنبيه واقتنعت بفكرته وطريقه وفعلا عطاني النتيجه الي متوقعها
اعتذر عن اسلوب الكتابه المتواضع وحبيت انقل تجربتي لكم لأفيد اكبر شريحه ممكنه من احبائي هنا وهذا الموقع الرئيسي له ممكن تطلع عليه



بالتوفيق للجميع ان شاء الله

[VanDiesel]

يعطيك العافية أبو مها .. وفعلاً هاد اللي كنت عم دور عليه مع اني حاليا ماشي على كريم مووف

بس هالكريم موجود بالصيدليات ؟؟

[ابو مهاا]

ايه ان شاء الله تلقاه انا من الكويت وخذيته من محل ريزولت بالافنيوز والعلبه الثانيه خذيتها من صيدليه هذا الكريم قوي جدا وانا جربت نوعين من الكريمات قبل ولانتيجه تذكر
هذا من اول علبه وراح تحس فيه من اول 5 ايام انه جسمك مشدود وشوف المواقع تتكلم عنه قوي جدا
وراح ينفع ناس كثيره حتى الي ماعنده ترهلات بس يبي يطلع ال6 باك بسرعه وقيس على ذلك في دهون صعبه تروح من الجسم وهذا يساعد على حرقها لانه يحددها ويشدها بنفس الوقت انصح فيه وبشده

[Leaner]

يعطيك العافية يابومها

وانا سبق وجربت كريم للتخسيس من شركة اخرى والنتيجة، لا شيء يذكر

تجربة حلوة منك وان شاءالله يفيد الكل

[فيصل ف]

بجم ماخذه بومها

[ابو مهاا]

نفس الحاله لينر جربت اثنين ولا اكو فايده هههههههه بس مستغرب من هذا صج قوي

حصلته بريزولت مثل ماقلت لك 23 دينار اخوي فيصل

[آبو رآشـد]

مبدع كالعادة يا ابو مها وان شاء الله الدواء يفيد الشباب الي يعانون من السلوليت

ينقل للمواضيع المميزة

[ابو مهاا]

تسلم على مرورك العطر وان شاء الله يفيد الجميع

[toto jeddah]

موضوع وتجربة رائعة الله يجعلها من موازين حسناتك ,,

ترهل الجلد شر لا مفر منه ,, انا اعاني منه -_- ولكن التشميس مؤدي دور كبير ,,
ولما العجلة ,, خصوصا للناس اللي كانت سنين تآكل آكلات سريعة وغير مهتم بالفوائد او بوزنه ,,
بعد التخسيس ,, الحديد والسباحة والكريم اللي ذكرته رح يزول رويدا رويدا حتى يتعافا ويتأقلم الجلد ع الوزن الجديد

[أبو حـنفي]

ماشاء الله عليكـ , الله يعطيكـ الصحه والعافيه

تجربه مفيدهـ

بالتوفيق للجميع

[ana84]

مشكور والله يعطيك العافية

[ابو مهاا]

موضوع وتجربة رائعة الله يجعلها من موازين حسناتك ,,

ترهل الجلد شر لا مفر منه ,, انا اعاني منه -_- ولكن التشميس مؤدي دور كبير ,,
ولما العجلة ,, خصوصا للناس اللي كانت سنين تآكل آكلات سريعة وغير مهتم بالفوائد او بوزنه ,,
بعد التخسيس ,, الحديد والسباحة والكريم اللي ذكرته رح يزول رويدا رويدا حتى يتعافا ويتأقلم الجلد ع الوزن الجديد

احسنت بارك الله فيك صح بهل طريقه مفيده حيل والتشمس يفضل انه يكون بين الساعه 7-10 لانه بهل وقت الجسم يستفيد وفيتامين د يمتصه وافضله 8 الصبح
وحبيت ازيد معلومه الجسم تلقائيا يتأقلم مع الوزن ويشد الجلد خلال فتره 6شهر خصوصا لو كان الوزن ثابت تقريبا غير مضطرب موفق عزيزي تركي

ماشاء الله عليكـ , الله يعطيكـ الصحه والعافيه

تجربه مفيدهـ

وياك ان شاء الله يحاك الله بو حنفي منور
بالتوفيق للجميع

مشكور والله يعطيك العافية

الله يعافيك اسعدني مرورك

[dhoom550]

تجربه وكتابه حلووووووووه

ويعطيك العافيه اخوي ابو مهاا

فعلا الكل يدور على كريم زي كذا بس ما حصلناه

بروح ادوره وان شاء الله احلصه واجربه

ويعطيك العافيه مرة ثانيه وتستاهل شكر

[حماأإده]

مشكوووور ابو مها الله يسعدك يا شيخ دايم مواضيعك تصلح لي ........

بس يا شباب هذا وين الاقيه ؟؟؟

[احمد قطر]

يعطيك العافية حبيب قلبي والله اني استانست يوم قريت الموضوع

وان شاء الله اليوم راح اطلبة لانة موجود في امريكاااا والطلب سهل هني


بس حبيب استفسر ممكن بس احطة في مكااان البطن او الخصر ..؟ ؟ وكم المده ؟؟؟