team silent و أخر أخبار التل الصامت (( SILENT HILL )) عرض من الفيلم وموعد اصداره

[Arashi]

مثل قرب ماري من أليكس

نسيت اقول لك اني بحثت في هالموضوع وطلع مجرد تشابه اسماء بس مافي قرابه

(الا اذا كونامي تغير رايها بعدين)

[Mr.Tommy]

خلي ردودج هذه بالموضوع الثاني لا يزفونا بعض الناس ههههههههه

بدور طريقة اخذ فيها الكوميك لازم اقراه قبل لا العب الثامن

[Keyser]

هلا قيصر






مو فاهمك, كل الاجزااء السابقة تواجدت فيها شخصيات جديدة كليا باستثناء روابط ضعيفة ومو سهل تصيدفها بين الشخصيات مثل قرب ماري من أليكس وان ابو جيمس يشتغل بمجمع المباني اللي عايش فيه والتر وهنري وغيرها
بس مافي جزء تكرر فيه ظهور اي شخصية حتى شاترد اللي اهو يعتبر ريميك للاول ولا شخصية تكررت فيه مع ان الاسامي نفسها

فوين خربوها من هذا المنطلق؟

وفكرة حلوة انهم اكتبوا كوميك قبل مرتبط للعبة ويكون فيه رابط ضعيف بالقصة نفسها والشخصيات, يذكرني بحركة ديد سبيس من هالناحية اللي نزلوا كوميك وفلم عن احداث ما قبل القصة.








وشنو الاجزاء اللي تعتبرها سقطات مع ذكر السبب ^^

-----

بحثت عن هالموضوع ولاحظت ان القوانين والكوادت مو متغيرة من فترة طويلة
ممكن تزودني با رابط بهالموضوع لاني قاعد ابحث ومولاقي بمواقع القانون الارميكي ي شي عن هالامور

ولا تنسى بالتريلر صوت اليهال واللقطات اللي تطلع فيها البنت الصغيرة

هلا مستر تومي ..

هذه الايام لا املك وقت كثير للدخول فأتمنى من الاخوان قبول العذر في حالة حدوث تأخير مستقبلي ع ردودهم

..

سأرد بأختصار عليك مستر تومي .. لأن جوابي مستمد من وجهة نظري ووجهة نظر العديد

اقصد بزج الشخصيات بشكل عشوائي .. اي لايكون الاهتمام بالشخصيات والقصة اكثر من اهتمام بمحتوى سايلنت
هيل من طريقة لعب وجو نفسي مرعب والغاز وغيره

..

اما عن السقطات ..

كل الاجزاء من الثالث الى الاخير سقطات لكونامي حتى لو كان فيها مميزات قليله ليس لابتعاد فريق سايلنت هيل الاصلي فقط ..وهبوط التقييم لهم

بل لأنه بكل بساطة حينما نقارن هذه الاجزاء مع الاول والثاني اللذين هم الاروع بالسلسلة فأن المقارنه هنا تكون مضحكه

ومعروفه نتيجتها مسبقا ً بل حينما نقارن سلسة فاينل فانتسي مع بعضها فأن المقارنه هنا بحد ذاتها ممتعه لان كل جزء اجمل من الاخر بشي .. ..اما عن العيوب فالاسباب عديده وان كنت مهتم ستجد ردودي بالمواضيع السابقه .

..

بالنسبة لقانون كاليفورنيا ..

فأنا هنا ليس مرجعي النت .. بل هذا مجال دراستي ببريطاينا وهو القانون فالقانون يختلف من مجتمع الى اخر وفي نفس المجتمع يختلف من فترة زمنيه الى فترة زمنية وهذه قاعدة ثابته لكلمة القانون ..وللصدفه اانا الآن في يدي قضية متعلقه بقانون كاليفورنيا ايضا ً ..اما عن التغييرات فحدثت تغييرات عديده بالفتره السابقة فمنها سنة 1996 تعديل في قانون كاليفورنيا اللذي سمح بأستخدام الماريجونا لاغراض طبيه ..

..

بالنهاية رايي الشخصي ان جريمته متعلقه بـأطفال او شي من هذا القبيل .. بغض النظر عن الكود المكتوب فيه

..


ارجو الاعتذار من صاحب الموضوع ان خرجت عن نطاق الموضوع ..

والاعتذار ان حدث تأخير على الردود القادمه لأن ماعندي وقت للاسف

[g4mer]

Silent hill comic ast life
سوف تكون متوفره في الأسواق
بتاريخ
11/3/2010

D:
بعد أسبوعين !!

[Mr.Tommy]

قيصر لا تنسى ان سايلنت هيل تعتبر part of literature
ومن خلال تحليل وخبرتي بكل الاجزاء اقدر اقولك شي واحد
سايلنت هيل تميل للجانب النظري واستخدام نظريات تدعم بالادلة وبالنهاية تعتبر وجهات نظر
ماكو شي اسمه concrete truth حتى لما اييبلك رقم القضية واشوف شنو الجريمة
بس مثل ما قلتلك اشوف القضية وارجع للعبة عشان اشوف هل التطبيق واقعي ومنطقي والا لا
ارجع شوف شرح الجريمة وشوف التريلر والرواية اللي قلتلك عنها
وبعدها قولي رايك

في شي لاحظه بطبقة كبيرة من عشاق سايلنت القدماء
انا منهم بصراحة اميل للاجزاء القديمة اكثر
بس في عيب خلقي ملاحظه بطبقة كبيرة من عشاق سايلت

بصراحة يميلون لحب Team Silent وينسون Silent Hill نفسها!
يا جماعة انا سنين وانا ألف وادور واستكشف بكل الاجزاء وادري بقوة كل جزء وخفاياه وانشالله لما انزل التحاليل كاملة بتفهمون قصدي لان صعب اشرح الكلام بفقرتين او ثلاث
سايلنت هيل هي تيم سايلنت, لكن تيم سايلنت مو اهو سايلنت هيل!
اعشقهم واحبهم وشغلهم رااائع ولا يتكرر, لكن مو معناتها انسى سايلنت هيل الحديثة واتغنى بامجاد الماضي
قولوا عني مو صاحي بس سايلنت هيل 5 فيها العديد من الـaspects الموجودة بجزئي المحبوب الثاني
وشاترد ميموريز اذا عالتقاييم مثل ما قلتلي يا قيصر ترا احسن من اكثر من جزء اسطوري مع انه جزء فرعي!

انا اشوف ان كل الاجزاء لي يومنا هذا احملت معاها المكونات اللي انبنت عليها سايلنت هيل من حيث الشخصيات والبنية القصصية والحبكة اللي صعب تتكهنها من اول مرة

بالنسبة لي كل الاجزاء سايلنت هيل يمكن استثني شوي شاترد ميموريز بس الباقي اكيد سايلنت هيل اللي احبها

وباذن الله الجزء الثامن بيستمر على نفس النهج

[Cold Aura]

القصة اساسا من كونامي والاستديو بس كاتب القصة مو نفسه كل فترة قاعد يتغير
والقصة من فيترا باشراف كونامي يعني عليهم قيود وحدود ما يتجاوزونها
تقدرين تقولين العمل مشتر بين المصمم والناشر بما ان الناشر له حقوق اسم السلسلة

أها .. تمام .. هكذا اذا .. + انا ولد xD ..

وشاترد ميموريز ترا عجيب وقصته رووعة بس مالها شغل لا بالاول ولا بالسلسلة بس الاسامي نفسها

يب شاترد ميموريز كان حلو .. لكن اللي قهرني هو استخدام شخصيات الجزء الاول و تخريبها ..

بخصوص التسلسل الزمني للاجزاء بنزل موضوع بهالخصوص بعدين
بس الاكيد ان هالجزء قبل الخامس والرابع والثاني

أنتظر موضوعك اخوي ^___^ .. و ممكن يكون قبل الأول و قبل أوريجنز أيضا ..

[Arashi]

أحس محتاجين نقرى الكوميكات كلها عشان نفهم الجزء اليديد اللي اشك انه يركز على ماضي سايلينت هيل اكثر من ماضي البطل نفسه

احد عنده فكره عن الكوميكات؟

[Mr.Tommy]

ايه قاعد ابحث هالموضوع ما عليج تو الناس عليهم او ما يصير شي راح اقولكم وان حصلتهم على طول بنزلهم هني

[Mr.Tommy]

سؤال للنقاش دام للحين ما افصحوا عن معلومات عن الجيم بلاي

شنو الاشياء الموجودة بالاجزاء القديمة تتمنون انها تتواجد بهالجزء؟

شخصيا اتمنى قصة محبوكة مثل الرابع... تكون مرتبطة بأكثر من جزء بمعلومات متفاوتة من حيث الاهمية لكن لو نبحث بنلقى اشياء تربطها بالاجزاء القديمة

اتمنى ستايل الكاميرا اللي بالجزء الثاني بس حامض على بوزي يردونه

اتمنى عدم تواجد البيرامد هيد والفالتيل

ودي الوحوش ترجع مثل الجزء الثاني والثالث.... تحس برهبة جدامهم بسبة شكلهم الغريب مو قوتهم

اتمنى الفلاش لايت يرد نفس قبل, بالجزء الخامس حتى لو مطفيه اشوف الوحش يايلي من بعد كيلو ما كان نفس الاجزاء القديمة لو تطفيه الوحش صعب ينتبهلك, وهذه صفة مهمة خلت سايلنت 5 شوي اكشن اكثر من سرفايفل هورور

اتمنى الاسلحة تكون قليلة وخياراتنا محدودة بالضرب .... نبي Melee weapons

اتمنى يردون الـCharge الموجود بالجزء الرابع لا تضرب

اتمنى يكون الجزء طويل بالعمر مثل الرابع واهم شي الكواليتي عالي

اتمنى العالم الثاني يرجع لستايل الجزء الثالث لانه الاحلى .. ومن بعدع الثاني


مادري شلون ولحد يسألني عن السبب, احس الجزء الاول اخف جزء واكثرهم سلاسة واتمنى اليديد يصير جذي بس بصراحة مادري شلون هههههه

اتمنى في واااااااااااااااااااااااااااايد اشياء اكسترا واعيد اللعبة عشان القاها

اتمنى يردون نظام النجوم الموجود بالجزء الاول ادري انه بس حق النيردز بس ابييييييييييييييييييييه

عندي وايد بعد بس بوقف هني عشان لا امصخها ههههه

انتوا شنو تبون؟

[yami vergil]

ما شاء الله كل هذا تبيه @@

انا اعتبر نفسي جديده على عالم SH ممم

الاسلحه اليدويه مثل الاعمده والفاس يشكلون فيها وماله داعي تنكسر

ممم المسدسات يبيلها مرونه اكثر احس البطل ببرود يضرب

حركة المحاوره في الجزء ٥ عجيبه بس ماندرى بيحطونها ولا لا لان مابتكون

اللعبه اكشن

اهم شي في الساوند تراك يكثرون من البيانو XD

ممممم ليحطون بالهبل ادويه ولا يبخلون علينا

ابي ممرضات XD

نبي ناس من اا orders يسوون تشويق في اللعبه بصراحه

وفي الي ذكرهم مستر تومي بس بليز مانبي اشياء نيرديه (nerd)

بس هذا حاليا الي ف بالي نشوف راي البقيه

[g4mer]

أمم أنا ودي يكون هناك وحوش جديده مثل ما حصل في الجزء الخامس
تكون متعلقه بالشخصية ..مثل البرايمد هيد

أريد ألغاز تعقد الواحد ..
القصة طبعا موجودة
طريقة اللعب سلسة وسهله
ودي اكثر من 5 نهايات <<< >_< علشان اللعب يزيد

أتمنى الموسيقى تكون المغنيه نفسها
الساوند تراك الحزين ..تدرون خلاص خلصن الساوند تراكات لقصصنا XP

مثل ما قال أخوي تومي ...الظلام
ويامي ...ودنا بممرضات XP

[yami vergil]

أتمنى الموسيقى تكون المغنيه نفسها
الساوند تراك الحزين ..تدرون خلاص خلصن الساوند تراكات لقصصنا XP

اهم شيييييييييييي القصص P:

مثل ما قال أخوي تومي ...الظلام
ويامي ...ودنا بممرضات XP

yaaaaaaaaaaay nurse


تخيلوا يصممون وحش يتكلم @@ وناسه والله يبيله ويكون كبير حجمه مثل البيراميد هيد
ممكن يقول لك احجيات وانت لازم تفسرها عشان تعرف ايش عقب تسوي وتواصل اللعبه XD

[Mr.Tommy]

وفي الي ذكرهم مستر تومي بس بليز مانبي اشياء نيرديه (nerd)

ليش يا ام العتاريس ليش

خو هالاشياء ان وجدت مالها تأثير لان بالاساس شروط تحقيقها شي قريب من المستحيل

مثلا بالجزء الاول عشان تييبين العشر نجوم وتصير قوة سلاح الليزر يساوي قوة الرايفل لازم اللاعب يكون متمكن لاخر درجة من اللعبة وحافظ اماكن كل الاغراض وكل باب اذا مقفول على طول او اذا مفتوح ومتى يفتحه وطبعا حافظ شلون يطلع كل النهايات الخمس ومتمكن من اللعب على هارد ولازم يا يامي انج :-

تخلصين اللعبة بكل النهايات
بعدين تخلصينها بالنهاية الزينة +
وتكون على هارد
وباقل من ساعة ونص
وما تستخدمين ولا continue
وما تسيفين اكثر من مرتين
وتلقطين 150 الى 204 item ستة او خمسة منهم يكونون سبيشل
وتذبحين 120 وحش بسلاح ناري و75 ميلي اتاك
وما ترمين غلط اكثر من 10 رميات بالمسدس
وتذبحين شي وعشرين وحش close range يعني من 0 الى 3 امتار
وشي وعشرين وحش mid range يعني من 3 الى 9
و3 وحوش من 9 امتار او اكثر
واصعب شرط اهو الـno aim وانج تذبحين وحش بدون لا تستخدمين الاينتق سستم وهالشي العادة يخليني اضي طلقات على ما اقدر احوش الوحش

وفي شروط ثانية بس ناسيهم, بس اذا حققتي احد الشروط لما تطلعلج لوحة الـResults بنهاية اللعبة يحطون الكلام بالذهبي مثلا مدة الوقت لو اقل من ساعة وتص يحطونها باللون الذهبي
طبعا اهو يحسب الوقت حتى وانتي ضاغطة ستارت فلما اقول ساة ونص اقصد ساعة ونص صج من تضغطين نيو جيم...يعني سكري التلفون وقفلي الباب بهالفترة P:




مثل هالاشياء مالها تأثير عاللاعب العادي واتمنى تواجدها لان اللي يحبون التحدي ودهم يجربونها ويخلصون مثل هالاشياء

بهوم كمنغ الاتشيفمنتس ما كانت مرضية بدرجة كبيرة كل المطلوب مني اني اطلع كل النهايات وايمع كل الصور والرسمات وهالشي ما كان صعب كلش, باقل من اسبوع طلعتهم كلهم

اتمنى الثامن الاتشبفمنتس ماله احلى واصعب ويخلينا نضطر نلعب اللعبة اكثر من مرة
يعني الجزء الاول بس عشان تفتح السبيش ايتمس الستة لازم تخلصها 5 مرات
اذكر اول مرة ما عندك شي
المرة الثانية يا تاخذ المنشار يا الروك دريل
والثالثة تاخذ فيها السلاح اللي ما خذيته من اللي طافوا
والرابعة تاخذ اقوى سلاح باللعبة بالنسبة لي الكتانا
والخامسة لما تخلص اليو اف او تاخذ الهايبر بيم (الليزر)

اتمنى الثامن يكون فيه جذي

[yami vergil]

هذي مواصفات زينه حق لاعبين hard core (: يحبون ما شاء الله التحدي

انا عاد تعرفوني XD ادور الراحه ...

اهم شي اهم شي ماقلته ... لازم لكل وحش boss طريقه او تيكنيك عشان تذبحه هالنوع تحدي احبه
لان لازم تشغل مخك وتدور نقطة ضعفه .. مب بس احاول واطلع رصاص وكان الله غفورا رحيما >_>

[Mr.Tommy]

اي والله عدل كلامج مع اني ما احب يكثرون الزعماء بلعبة خصوصا سايلنت هيل

اتمنى يكونون مثل الثالث كل واحد له دوره وشخصيته مثلا ليونارد اللي ماسك الاوردر قبل لا تحجزه............ بخليها بالتحليل

المهم, احلى زعماء من حيث التنوع سلسلة ميتل جير اما اصعبهم بدون منافس ننجا غايدن

اما سايلنت هيل ما تصلح فيها زعماء بصراحة, واعتقد هالشي تبدل بالالغاز

اذا تبين زعماء روعة بلعبة رعب جربي clock tower 3 بتشوفين هالزعماء من طءطء لي السلام عليكم هههههههههههه