ايش رأيكم ببرنامج المدرب انا شكيت فيه اشوفه غريب

[Ahmedof]

السلام عليكم ورحمه الله وبركاته
اريد مساعدتكم ونصيحتكم
أريد اخف وزني
اشتركت في نادي وقالي لازم تسوي تمارين مع حديد لمده ساعه ونص تقريبا
لاجل اخف وزن ويترتب جسمي
انا عمري 28 سنه
الوزن 94
الطول 5.8 (177 سنتيمتر)
نسبه الدهون ماادري عنها
الحمد لله لا اعاني من اي اعراض صحية
نسبه تراكم الدهون عندي في البطن وفي الصدر بسسسسسسسسسسس
المدرب اعطاني جدول للحمية


نصف ساعه قبل الفطور
ملعقتين عسل مع نصف كأس عصير ليمون
وجزره واحده

الفطور :-

اثنين خبز اسمر مع فول او خضار
2 بيض مسلوق بدون الصفار
1 خيار
1 موسامبي
1 فنجان شاي مع قطرتين ليمون


الغذاء:-
2 خبز اسمر مع سمك او دجاج
صحن صغيير رز
خمسين غرام سلطه
كاس عصير موسامبي

العشاء :-
اثنين خبز اسمر مع خضار

بعد العشاء قطعتين من الباباي اوماشابه

نصف ساعه قبل التمارين
ملعقتين عسل مع عدد عشر حبات من الزبيب





ايش رأيكم ببرنامج المدرب انا شكيت فيه اشوفه غريب


افيدوني بارك الله فيكم وغفر الله لوالديكم

[THh Rock]

وعليكم السلام
لا تستغرب مدرب عن مدرب يختلف على حسب الفلسفه واذا مدربك حريص استمر معاه بكل شي يقوله لانه هو اعلم وادرى لانه شايف جسمك وعارف وش الي تحتاجه بالضبط

وجدوله حق التغذيه ممتازجدا بالذات للاعب كمال الاجسام الي يبي يحرق فات ويبني عضل واهم شي التغير

[scaryface]

اول شي يا بوشهاب برنامجك وايد فيه سكر .. والسكر بدوره يقلل من حرق الجسك للدهون

وثاني شي 3 وجبات ما تكفي لازم على الاقل 5 وجبات

واذا حاب تتبع برنامج بروتيني حتى يساعدك في التخلص من الدهون والمحافظة على العضل بتحصله في المواضيع المميزة

بالتوفيق

[Ahmedof]

ذا روك تسلم حبيبي ماقصرت الله يحفظك

ولو في نصائح اخرى افيدوني لو سمحتو

مع العلم ان المدرب قال بتخسر كيلوين في الشهر فقط

[Ahmedof]

سكيري فيس شاكر لك اخوي عالرد وماقصرت
صرت حيران ...............

[scaryface]

سكيري فيس شاكر لك اخوي عالرد وماقصرت
صرت حيران ...............

هذا هو النظام
الموضوع الرسمي لنظام الغذائي PSMF

[Ahmedof]

شاكر لك سكيري بس احس ان برنامج البروتين شوي صعب عليا
يعني الحين برنامج المدرب مو اوكي؟
ونفس الشئ واحد من اصحابي يقول مايجي تنزل وزن وفي نفس الوقت تبني جسم بالعضل
يقول لازم من انقاص الوزن اول وبعدين العضل مدري كلامه صح او لا
راح اتعبكم معايا بس والله حيران

[scaryface]

شاكر لك سكيري بس احس ان برنامج البروتين شوي صعب عليا
يعني الحين برنامج المدرب مو اوكي؟
ونفس الشئ واحد من اصحابي يقول مايجي تنزل وزن وفي نفس الوقت تبني جسم بالعضل
يقول لازم من انقاص الوزن اول وبعدين العضل مدري كلامه صح او لا
راح اتعبكم معايا بس والله حيران

والله يا اخوي نسبة البروتين في ريجيمك قليلة جدا والهدف من ريجيم البروتيني هو المحافظة على العضل وليس بناء العضل معا خسارة في الدهون وكل الاعضاء يتفق انه نظام 5 وجبات افضل من 3 وجبات

وانته حر يا اخوي وبالتوفيق

[Ahmedof]

تسلملي اخوي سكيري ماقصرت ياالغالي
شاكر لك كثير