صفحة 1 من 6 123456 الأخيرةالأخيرة
النتائج 1 إلى 15 من 83

الموضوع: Diary - مفكرة أعضاء المنتدى

  1. #1
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    Diary - مفكرة أعضاء المنتدى

    بسم الله الرحمن الرحيم

    اكيد معظمكم يعرف شنو هي المفكره

    من كثر ما اقرى مفكرات في الفيديوجيمز خطر على بالي اكتب هالموضوع


    كل واحد يكتب ايش صار معاه بهاليوم والساعه كم (اذا يتذكر) وشعوره

    شرررررط ما يرجع بالزمن ليوم قبل ولا يتكلم عن اليوم الثاني

    الا الاحلام و الكوابيس فهاذي اكيد راح تتكلم عنها في اليوم الثاني




    مثال

    السبت 30\10\2010
    الساعه 9 في الليل


    اول مره اعلم شغالتنا تسوي كيك
    شكلها كانت متحمسه وتبي تتعلم انواع اكثر
    الكيكه طلعت حلوه لكن ما ذقناها
    نجوف بكره عالفطور شلون طعمها



    مثال اخر (في حاله وحده تقدر ترجع بالزمن او للمستقبل اذا شي يتعلق بهذا اليوم)

    السبت 30\10\2010
    الساعه 10 الصبح


    yami vergil قومتني من النوم عشان نروح ستي سنتر ندور لها جوتي
    امس اتفقنا نروح اذا هي قدرت تقوم الصبح
    يومنا كان خايس لا حصلنا مواقف بسرعه ولا يامي لقت جوتي (زين اني لقيت بنطلون خخخ)
    فطرنا في الكافيه وكان المينيو مغري
    ولما رجعنا اتفقنا مع امنا ان نعزم خالتنا تفطر معانا باجر في نفس الكافيه


    الاحلام والكوابيس

    السبت 30\10\2010
    الساعه 10 الصبح


    اليوم قمت من النوم وعلامات الاستفهام فوق راسي
    حلمت ان صار في قطر تسونامي لكن مب امواج من الماي
    لالالا كانت امواج من الكتاكيت
    الظاهر هذا عقاب لأني كنت اسمي اللي اصغر مني كتاكيت





    Enjoy

    02 : 11 :11


    المزيد من الرعب في الجزء الثاني


  2. #2
    التسجيل
    07-03-2005
    الدولة
    آنآ بجوفي جرح آبكم للحكي شفقآن ..! آكآبر بس روحي / آتفه آلآسباب تبكيها
    المشاركات
    2,890

    رد: Diary - مفكرة أعضاء المنتدى

    أمس
    الساعة
    2 الظهر
    دخلت النت
    ومارحت البت أتغدى
    ورجعت البيت الساعة 4
    وحصلت يوم أحمر من الوالده
    ههههههههههههههههههههه

  3. #3
    التسجيل
    22-07-2008
    الدولة
    kSA // Jedd@h
    المشاركات
    1,683

    رد: Diary - مفكرة أعضاء المنتدى

    حبيت الفكره , أن شاء الله راح أحط رد هنا من فتره لفتره
    لالالا كانت امواج من الكتاكيت
    الظاهر هذا عقاب لأني كنت اسمي اللي اصغر مني كتاكيت
    ههههههه XD هذا تأنيب الضمير

    اوكي راح ابدأ :
    الاحد 1431/11/23 هجري <<< بما اننا نحسب بيه في السعوديه
    الساعه 12:30 طلبت من أمي تصحيني الساعه 3 عشان اكمل مذاكره قالت لي يمكن انسى خذ عيرالمنبه في جوالي وخذه << بما ان جوالي مو معاي ه الفتره
    عيرت الجوال على الساعه 2:57 دقيقه نقصت الوقت 3 دقايق عباطه XD
    بعدها ذكرت الله ونمت وألا فجأه يصحيني اخوي الصغير يقول قوووووم ذاكر يلا الساعه 3:30
    قلت له طيب طيب الحين أقوم بس أستنيته يطلع برا الغرفه ألا انا داقها نومه خخخ رجع لي بعد 10 دقايق يصرخ يا الله قوووووم قلت له طيب وصحيت بس ما قمت من السرير
    بس استنيته يطلع وارجع ادقها نومه من جديد خخخ XD بعدها رجع وصرخ اصحى يا @%#@% هذي أخر مره اصحيك قام طفىء المكيف وخلى الباب مفتوح وطلع ورفع صوت
    التليفيزيون خلاه عالي عشان أصحى بس انا معا هذا كملت نومتي ما علي فيه ولا من الفيزياء أهم شيء عندي في ذيك اللحظه أني أنام
    وطبعا كل مره يصحيني اخوي فيه كان يجيني حلم شكل @.@
    اخر حلم بينما كنت العب بسعاده في الحلم مع اخوي نفسه
    دق الجرس حق البيت ألا امي وابوي يقولون يلا واحد فيكم ينزل يجيبه طبعا انا وهو اتهاوشنا كل العاده
    بعدين اتفقنا اننا ننزل نجيبه انا وهو وبينما نحن نزل درج بيتنا وأحنا متذمرين وصلنا عند الدور الثاني لقينا الباب مفتوح وسمعنا اصوات غريبه تطلع منه اخوي خاف قال يلا نروح اشوف يمكن هذا احد يبي يستولي على البيت << لاحظوا يستولي عليه مو يسرقه P:
    انا ما همني بس كنت ابي أجيب العشاء وأرجع اناااااااام << حتى في الحلم يبغى ينام ههههه XD
    فكملنا النزول من الدرج ألا نسمع صوت فتحه قويه لباب طالعنا فوق لقينا بنت معها مسدس أذكر اني قد شفنها في احد المسلاسلات التركيه الي تتابعه امي
    المهم بنت الذين طلقت على اخوي واخوي طاح من فوق الدرج وهو يقول اهرب اهرب انا ما اقدر أمشي <<< يا حليله حسيت عيني دمعت في الحلم
    بعدها قمت اسحبه اصرخ بأقوى صوت عندي لأمي أنتبهييييييي في وحده معها مسدس جايه عندكم بس حسيت ان امي ما كانت تعيرني انتباه
    بعدها توقف الحلم وصحيت من أخوي الثاني خش الغرفه يقربع مدري ويش كان يبغى الساعه كانت 4:10 دقايق

    أنا صحيت زي المفجوع رحت اركض للصاله أشوف اخوي سار له شيء
    بعدها رحت اخذ حمام عشان اصحح حسيت نفسي بطيح تحت المرش من كثر الاجهاد ما نمت كويس ولا ذاكرت
    بعد ما خلصت من الشاور نزلت الدور الثاني عشان اخذ كتبي وأنا خايف الحلم يتكرر اما دخلت الغرفه ألي اذاكر فيها لقيت اختي اسولت عليها فقلت يمكن هذا هو تفسير الحلم خخخخ
    بعدها اخذت اغراضي ورجعت لغرفتي وجلست احل مسائل الفيزياء وانا بنصف عقلي كنت مجهد بجد حتى مرات القلم كان يطيح من يدي
    بعدها سمعت اذان الفجر فرحت اصلي في المسجد وانا دايخ في الطريق كأني شربت شيء
    بعد ما خلصت الصلاه رجعت عند البيت ودقيت جرس عشان يفتحوا لي الباب لان مفاتيحي ضايعه
    فجلست حوالي ربع ساعه وانا ادق الجرس بدون استجابه
    بعدين طفشت فدقيت جرس الدور الثاني ما كنت ابي ادقه عشان ما ابي اصحي امي بس من حسن حضي ان اختي كانت في الدور الثاني وفتحت لي الباب وبينما اطلع الدرج وانا معصب فتحت الباب لقيت اخوي الصغير فصرخت عليه ليه ما فتحت !
    قالي هو انت دقيت الجرس اصلا ! , ما كان في طاقه اجادله فتركته ورجعت أذاكر لين وقت المدرسه .

    الاثنين 1431/11/23
    في المدرسه الحصه السادسه بعد حصه الاختبار الي اديت فيه بشكل كويس الحمد لله
    كان علينا English الاستاذ دخل فصلنا وكتب شوي على السبوره وجاه اتصال فطلع
    الطلاب الي ورا الله يهديهم حسبوه راح فقاموا يطبلون ويغنون بصوت عالي
    الاستاذ دخل وفي وجه علامات الذهول
    قال: تصفقون وتغنون ها ! طيب انا اوريكم أن ما خليتكم تندمون

    أنا واصحابي وجيهنا سارت كذا من الاستاذ , هو بل الاساس اسئلته صععععععععععععبه كيف وهو معصب علينا ويش راح يسوي
    ووجهينا سارت كذا للي ورانا تبا هذي مو أول مره يسونها



    لول احس اني كتبت قصه حياتي
    ~ 不朽の ~

  4. #4
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    رد: Diary - مفكرة أعضاء المنتدى

    التليفيزيون خلاه عالي عشان أصحى بس انا معا هذا كملت نومتي ما علي فيه ولا من الفيزياء أهم شيء عندي في ذيك اللحظه أني أنام
    نفس يامي هههه انا الحين احاول اقومها ما تقوم

    أنا واصحابي وجيهنا سارت كذا من الاستاذ , هو بل الاساس اسئلته صععععععععععععبه كيف وهو معصب علينا ويش راح يسوي




    الاحد 31\10\2010

    الساعه 4:30 العصر

    حاولت اكتب رد لـ ab..d لكن كل شوي تطلع لي رساله تقول "
    كود BB code font غير مسموح به"
    وانا على اعصابي أبي اخلص من الرد لأن الساعه 5 عندي تدريب
    وجفت قربت تصير 5 فتركت الرد وطلعت بسرعه وتأخرت عن التدريب 10 دقايق
    طبعا عقابي كان تمارين شاقه بعد انتهاء التدريب
    رجعت البيت الساعه 7 وفتحت الممنتدى احاول انزل الرد بأي طريقه
    لكن مافي فايده والرد لين الحين عالق مكان

    يخبروني بعد ان في بطاقة عرس واصلتني وانا وامي وخواتي كلنا معزومين
    يطلع عرس اخو وحده أعرفها
    الصراحه مالي نفس اروح لأني ماحب الاعراس
    وامي تلح علي الا اروح
    مابي مابي مابي مابي
    احد فيكم يروح بدالي؟







    02 : 11 :11


    المزيد من الرعب في الجزء الثاني


  5. #5
    التسجيل
    22-07-2008
    الدولة
    kSA // Jedd@h
    المشاركات
    1,683

    رد: Diary - مفكرة أعضاء المنتدى

    الاحد 1431/11/23
    الساعه 7:؟؟ دقيقه
    أستغرب أن اخوي الصغير ألي هو شريكي في غرفه مختفي له فتره فبعد عدة تحريات اكتشفت أنه نايم في احد غرف الدور الثاني
    طبعا انا ما صدقت اني أخيرا باكون في الغرفه لحالي
    على طول شغلت المكيف وقفلت الستار وفرشت مفرش على الارض مع وسادتين عملاقه وجلست وحطيت الابتوب في نص الغرفه وعليت الصوت اعلى شيء وجلست أتابع انمي ,,, سحقا المفروض اتابع على Ps3 لكنه معا الاسف ما يدعم ألا AVI & MP4 والانمي امتداده OGM فأضطريت اتابعه على لابتوب : (

    نفس اليوم الساعه 8 : ومدري كم دقيقه
    شعرت بتانيب الضمير لأن اراشي تعاقبت بسب ردي : (

    نفس يامي هههه انا الحين احاول اقومها ما تقوم
    ما ألومها ما أجمل من النوم اذا كنت تعبان


    ههههه حلوه حلوه انا صفي كان جذي يطبلون ويرقصون خخخ (انا بس كنت اطبل) حتى مره ثنتين تلثموا وسحبوا البروشات وقاموا يقلدون رقص الصعايده ويتهاوشون..وبعدها يأتي العقاب
    لا لا انتي بس كنتي تطبلين بس يعني مالك ذنب خخخ

    بس والله خايف من اختبار الEnglish هو أختبر احد الفصول وكل هذاك الفصل كان يشتكي الله يستر
    ألا بسألك أيش عكس كلمه Wild ?
    Sea ?
    ~ 不朽の ~

  6. #6
    Akira غير متصل مراقب في منتديات الأنمي
    mpéгoг ỏf ďé ώỏrlđ
    التسجيل
    01-01-2009
    المشاركات
    2,609

    رد: Diary - مفكرة أعضاء المنتدى

    فكره جديده ``
    وأيضاً هذه الفكره هي اللي كانت تنقص القسم
    بوركتي يا آراشي


    بما أني خلصت مذاكره راح أكتب مواقف من أيامي !

    أنتبهييييييي في وحده معها مسدس جايه عندكم بس حسيت ان امي ما كانت تعيرني انتباه
    yea yea أحياناً في الأحلام تطلب النجده لكن للأسف ما أحد يعيرك أي أهتمام دائم في أحلامي .



    الأثنين 23 \ 11 \ 1431 هجري !

    الساعه السادسه و نصف صباحاً
    أثناء ذهابي للمدرسه ``

    كنت أسرح شعري و أعدله من جميع النواحي
    إلا صوت أمي من بعيد " أخذت الفسحه و الجوال " أيوه يا يمه إيش رأيك أكيد بآخذهم
    فرجعت تقول أقرا الأذكار يا ولدي و خليك محترم وقتها أبتسمت و قلت بصوت مزعج أنا رايح سلميلي ع الوالد بااااي <<< بيسافر مو مدرسه XD
    فتحت الباب و طلعت من البيت و كان السلم الكهربائي " الأصنصير" شبه خربان و كلمنا السكن لكن بلا جدوى
    فما كان عندي أي طاقه أو مزاج أني أنزل بالدرج ,’
    فجأه وقف الأصنصير,’ في الدور الأرضي و طفأ كل شيء فيه حتى الباب الخارجي و الداخلي
    ما أنكر خفت شوي ضغطت زر أنذار السلامه لكن للأسف كان صوته مبحوح حده فستمريت أضغط لكن سوبر مان ما كان موجود #X
    طلعت الجوال أتصلت عالوالده لكن جوالها مغلق XD والأسره كلها ما يردون و مغلقه الجوالات " سحقاً " قلتها بصوت غريب
    أستخدمت يدي شمّرت الثوب و جربت أستخدم قواي لفتح الباب لدرجه أني طلعت أصوات إصرار " آه , آوووو , إيييييي "
    سمعت صوت الحارس يقول " إيس فيه أصنصير علق أنت جوا "
    قلت " أفتح الله لا يوفقك دنيا و آخره دوبك تيجي تفتح لي نص ساعه أطلب النجده "
    أنفتح الأصنصير و كان شعوري يشبه الزومبي من التوتر
    مسكت الحارس و قلت له ,’" حسابي معاك لما أرجع أنا محبوس في الأصنصير و انت تشوف أفلام سنغاليه مدري بنغاليه " طيب
    قال " أنت مشكل كبير أنا أكلم أبو أنت " <<< يهددني على الصباح
    بس ربي ستر وطلعت على قيد الحياه .

  7. #7
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    رد: Diary - مفكرة أعضاء المنتدى

    شعرت بتانيب الضمير لأن اراشي تعاقبت بسب ردي : (
    دونت ووري انا اللي طلبت العقاب

    بس والله خايف من اختبار الEnglish هو أختبر احد الفصول وكل هذاك الفصل كان يشتكي الله يستر
    ألا بسألك أيش عكس كلمه Wild ?
    Sea ?
    wild عكسها tame (اذا كنت تقصد حيوان)

    اما البحر...ما اظن ان البحر له مضاد..يمكن تقصد اليابسه land

    فكره جديده ``
    وأيضاً هذه الفكره هي اللي كانت تنقص القسم
    بوركتي يا آراشي


    شكرا^^

    فجأه وقف الأصنصير,’ في الدور الأرضي و طفأ كل شيء فيه حتى الباب الخارجي و الداخلي


    يمااااااااااااااااااااااااااااااااااااا

    بس ربي ستر وطلعت على قيد الحياه .


    واكيد تسريحة الشعر اختربت


    ---------------------------------------------------------------------



    الاحد 31\10\2010

    الساعه 10:30

    وما تزال يامي نايمه
    حاولت اقومها عالاقل تتعشى مب راضيه تتحرك من عالفراش
    اكلمها واسالف معاها وتسالف عادي كأنها صاحيه
    ولما اطلع ترجع تنام
    ادري اني بحصلها قايمه الساعه 2:00

    الساعه 10:35

    امي وابوي يرجعون من برع وجايبين بطاقة العرس
    طلع العرص هالجمعه
    لاااااااااااااااااااااااااااااااا
    ابي اروح بيت جدّي واتابع اخر تطورات تجهيزات عرس ولد عمتي
    اكشن x اكشن
    لأن الوضع مب طبيعي
    اهل العروس ميانين وابي اجوف اخرة طلباتهم
    شكلهم ناويين على عرس اسطوري


    وما تزال يامي نايمه
    حاولت اقومها عالاقل تتعشى مب راضيه تتحرك من عالفراش
    اكلمها واسالف معاها وتسالف عادي كأنها صاحيه
    ولما اطلع ترجع تنام
    ادري اني بحصلها قايمه الساعه 2:00

    الساعه 11:00

    انتهيت من تعذيب Nin revO
    احاول افكر في اسئله تعذيبيه مبتكره


    الساعه 11:15

    حاولت انزل الرد لـ ab..d لكن مافي فايده


    • كود BB code font غير مسموح به.






    02 : 11 :11


    المزيد من الرعب في الجزء الثاني


  8. #8
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    رد: Diary - مفكرة أعضاء المنتدى

    الاحد 31\10\2010
    الساعه 11:57


    حاولت ارسل الرد لـab..d على رساله خاصه لكن صندوقه ملياااااااااان
    احس حد مدعي علي لأن يومي خايس <_<



    الساعه ؟؟:؟؟ الظهر

    يامي تعطيني 3 اخبار نكد
    الاول: خالي مرقد في المستشفى
    الثاني: مرت عمي فيها نقص في الصوديوم..يقولون خطر
    الثالث: عاد هاذي صدمه..عمة امي في البحرين بدت تخرّف...غريبه مع انها صغيره عالتخريف..اتوقع السبب وفاة جدي (اخوها) وبعده وفاة زوجها بشكل مفاجئ..يقولون حتى تحسب بنتها جابت بنت وهي اصلا جابت ولد..ولها ضحكه غريبه منها يفهمون انها مب واعيه اللي تقوله..مسكينه كنت احب لما تزورنا لأنها كانت بشوشه وشباب وحيويه..كنت اقول لأمي خلينا نروح لها البحرين...بس الحين ماراح تعرفنا..الله يشفيها -__-
    التعديل الأخير تم بواسطة Arashi ; 01-11-2010 الساعة 12:08 AM

    02 : 11 :11


    المزيد من الرعب في الجزء الثاني


  9. #9
    التسجيل
    10-02-2010
    الدولة
    Al-3in CitY
    المشاركات
    972

    رد: Diary - مفكرة أعضاء المنتدى

    اليوم الاثنين تاريخ 1-11-2010
    الساعه
    1:40 am
    ما أقدر أنام فيني نووم بس ما أقدر -_-+



    موضوع حلو اراشي ^^

  10. #10
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    رد: Diary - مفكرة أعضاء المنتدى

    شكرا جيمر ^^


    الاثنين 1\11\2010

    الساعه 1:05


    لاحظت ان العالم تعاني من تساقط الشعر
    قعدت اعد الشعر المعلق عالمشط
    بموووووووووووووووت


    02 : 11 :11


    المزيد من الرعب في الجزء الثاني


  11. #11
    التسجيل
    22-07-2008
    الدولة
    kSA // Jedd@h
    المشاركات
    1,683

    رد: Diary - مفكرة أعضاء المنتدى

    الاثنين 1431/11/24
    الساعه 9:؟؟ دقيقه ابوي جاب لي ساعه منبه عشاني طفشت امي كل شوي أقل لها صحيني , عيرت الساعه على 3 صباحا عشان أصحى وأذاكر لاختبار الاحياء
    , وبعدها فتحت عيني في الليل واستغربت لأن المنبه ما دق ألا شوي يخش أبوي ويقول يلا اصحوا صلاه الفجر ! انا استغربت ليه الساعه ما دقت ؟ أما ألقيت نظره عليها
    لقيتها موقفه على الساعه 9 -______-
    بعدها رحت اتسابق انا واخوي على الحمام فنهايه هو سبقني فاضطريت انتضره لين ما يخلص في ذاك الوقت شغلت جهازي وفكيت على هذا الموضوع وقريت رد أراشي فرحت أمسح بعض من الرسايل التهنئه على العيد ورمضان وبعض من الرسايل الاخرى ..... تبا 300 رساله ما تكفي
    بعدها اخوي طلع من الحمام وبلا بلا بلا لين ما رحت المدرسه وانا أحمد ربي أني مذاكر 70% من الماده من قبل اسبوعين >.>

    في المدرسه
    الساعه 8 : ؟؟
    في حصه الثانيه كان علي نحو والصرف وأنا ما احب هذي الماده بالي في اختبار الاحياء @.@ , كنا نحل الاسئله ألي في الكتاب تطبقيا على الدرس الي اخذناه في الاسبوع الماضي
    بينما الاستاذ كان يسئل الطلاب بشكل عشوائي أنا كنت افكر في 30% الي لسى ما خلصتها ألا شوي والاستاذ يقول وين ab..d كل الفصل طالع في انا اطالع بيهم بأستغراب * ويش تبون ؟ *
    الا والاستاذ يقول يلا جاب جاوب أنا اطالعه زي كذا @.@
    قال لي جاوب على الفقره الثانيه وانا الحمد لله ما اعرف كيف الاجابه جات في بالي فجئه فجاوبته وأخذت درجه * هووووووووش الحمد لله ما جاوبت غلط *
    الا في نص الحصه يدخل استاذ الرياضيات ويقول : أنا ما راح احضر الحصه اليوم خلوكم عاقلين خلاص *يسسسسسسسسسسسسسس*
    حسيت أن الدنيا فتحت لي ألحين اقدر اكمل المذاكره الاحياء
    وبعدها جات حصه الاحياء وحليت الحمد لله وبلا بلا بلا

    في البيت الساعه 3:45
    تابعت الOVA من أنمي X TV وأنا في نص الحلقه وقفت الحلقه و
    الحلقه طلعت summery لأحداث الانمي ,,
    وبعدها كان ودي أخذ

    واضرب بيها شخص ما قالي تابع الOVA قبل الانمي


    ---

    يامي تعطيني 3 اخبار نكد
    الاول: خالي مرقد في المستشفى
    الثاني: مرت عمي فيها نقص في الصوديوم..يقولون خطر
    الثالث: عاد هاذي صدمه..عمة امي في البحرين بدت تخرّف...غريبه مع انها صغيره عالتخريف..اتوقع السبب وفاة جدي (اخوها) وبعده وفاة زوجها بشكل مفاجئ..يقولون حتى تحسب بنتها جابت بنت وهي اصلا جابت ولد..ولها ضحكه غريبه منها يفهمون انها مب واعيه اللي تقوله..مسكينه كنت احب لما تزورنا لأنها كانت بشوشه وشباب وحيويه..كنت اقول لأمي خلينا نروح لها البحرين...بس الحين ماراح تعرفنا..الله يشفيها -__-
    يالهي الثلاثه في وقت واحد !
    سلامات وما يشوفون شر
    أن شاء الله خالك يقوم سالم ويزيد الصوديم عند عمك ويشفي همه امك
    wild عكسها tame (اذا كنت تقصد حيوان)

    اما البحر...ما اظن ان البحر له مضاد..يمكن تقصد اليابسه land
    نو أنا أقصد wild (بر) أيش عكسها ؟ مو sea ?
    اليوم احد الفصول اختبرت وجاب لهم أعكس الكلمات التاليه
    pollution & monster مدري هل هذا لها عكس أصلا ! حتى بالعربي ما لها
    الله يستر ادعولي عندي اختبار English بكرا
    ~ 不朽の ~

  12. #12
    التسجيل
    08-08-2004
    الدولة
    Back to Kuwait
    المشاركات
    991

    رد: Diary - مفكرة أعضاء المنتدى


    الساعة 5:37 م

    صارلي تقريبا اسبوع مو مداوم. ابي اخلص البحث المتعلق بـAnxiety Disorders of Childhood بالاضافة لموضوع سايلنت هيل هالاسبوع
    أحس بتعب يبيلي شي يردلي الطاقة
    وعندي رواية لستيفن كنغ لازم اقراها قبل عيد الاضحى ولازم العب سايلنت هيل2 معاها لانهم مشروع بحث التخرج
    لو بس اقدر أوقف الوقت.....

  13. #13
    الصورة الرمزية Arashi
    Arashi غير متصل مراقبة عامة على الفئات العامة

    •.¸.•Dragon of Heaven龍•.¸.•

    التسجيل
    16-01-2006
    الدولة
    DoHa
    المشاركات
    8,755

    رد: Diary - مفكرة أعضاء المنتدى

    شغلت جهازي وفكيت على هذا الموضوع وقريت رد أراشي فرحت أمسح بعض من الرسايل
    زين الحين اقدر ارسل الرد

    حسيت أن الدنيا فتحت لي ألحين اقدر اكمل المذاكره الاحياء


    صارت معاي مره
    صج تحس بتطير من الفرحه

    واضرب بيها شخص ما قالي تابع الOVA قبل الانمي


    لاااااااااااااااع
    مب summary ولا شي O.o


    أن شاء الله خالك يقوم سالم ويزيد الصوديم عند عمك ويشفي همه امك
    امين ^^

    نو أنا أقصد wild (بر) أيش عكسها ؟ مو sea ?
    اليوم احد الفصول اختبرت وجاب لهم أعكس الكلمات التاليه
    pollution & monster مدري هل هذا لها عكس أصلا ! حتى بالعربي ما لها
    الله يستر ادعولي عندي اختبار English بكرا
    واااااااااات؟
    شنو هالاسئله؟


    وعندي رواية لستيفن كنغ لازم اقراها قبل عيد الاضحى ولازم العب سايلنت هيل2 معاها لانهم مشروع بحث التخرج
    طيب ليش ما تأخر سايلينت هيل 4 وتخلص مشروعك؟

    -------------------------------------------------------------------------------------------

    الاثنين 1\11\2010

    الساعه 4:10

    فتحت موضوع البرجر الفتاك في قسم المطبخ
    شكل الصور يضحك
    جعت وانا اكتب الموضوع
    ولين الحين ما كليت شي
    بروح اجوف شي لذيذ ينبلع






    02 : 11 :11


    المزيد من الرعب في الجزء الثاني


  14. #14
    التسجيل
    08-08-2004
    الدولة
    Back to Kuwait
    المشاركات
    991

    رد: Diary - مفكرة أعضاء المنتدى

    طيب ليش ما تأخر سايلينت هيل 4 وتخلص مشروعك؟
    مستحيل أأجل شي بديت فيه واندمجت فيه
    ما تدرين انا شنو عنيد وأحب انهي أي شي جدامي قاعد أشتغل عليه
    التحدي حلو أصلا ^^

    نو أنا أقصد wild (بر) أيش عكسها ؟ مو sea ?
    اليوم احد الفصول اختبرت وجاب لهم أعكس الكلمات التاليه
    pollution & monster مدري هل هذا لها عكس أصلا ! حتى بالعربي ما لها
    الله يستر ادعولي عندي اختبار English بكرا
    اذا مدرسكم قصده Wilderness فعكسها City
    Pollution عكسها Cleanliness وممكن ايضا تستخدم purification
    Monster عكسها Human
    بس اذا كانت بمعنى giant يكون عكسها tiny او small

    لحظة هالاسئلة صعوبتها عالية شوي انت بأي مرحلة ؟
    وأظن مدرسكم مخربط شوي

  15. #15
    التسجيل
    17-02-2006
    الدولة
    Q-T-R
    المشاركات
    2,101

    رد: Diary - مفكرة أعضاء المنتدى

    هلاو ارش رش

    موضوع جميل جدا جدا


    الاول من نوفمبر 2010م

    الساعة الخامسة صباحا بتوقيت الدوحه XD

    قمت من النوم وقعدت احوس في المنتدى
    واسالف مع misty على الخاص


    الساعة السابعة والنصف صباحا

    شفت اخر خلقتين انيمي Romeo X Juliet
    خووووووش انيمي استمتعت بالمشاهده
    والحلقه الاخيره حلوه


    الساعه العاشره والنصف صباحا

    شغلت لعبة Nier ولعبتها لين طلعت عيوني @@
    اللعبه بارده لحد الان لكن مانبي نستعجل في الحكم


    الساعه الثانية عشر ظهرا
    تغديت عيش ودجاج وملوخيه يم يم يم
    اعترضت على شي واحد .. ناسيين السلطه
    الوالده الله يحفظها قالت للشغالات يسوون لي XD


    الساعه الرابعه والنصف مساءاً
    نقاش حاد بيني وبين اخوي
    وفجأه صرنا نتكلم عن شي ثاني ونسينا
    الموضوع الي خلاني اجادله XD


    الساعه السادسة مساءاً
    خلاص بطاريتي انتهت
    انتظرالشوارما توصل...باكلها وعلى طول بغط في نوم عميق


صفحة 1 من 6 123456 الأخيرةالأخيرة

المواضيع المتشابهه

  1. Dear Diary
    بواسطة : RPG_master , في المنتدى العام
    مشاركات: 18
    آخر مشاركة: 31-05-2003, 02:12 AM
  2. طلب مهم من أعضاء المنتدى
    بواسطة : فيلسوفة زمانها , في منتدى فاينال فانتاسي
    مشاركات: 2
    آخر مشاركة: 21-02-2003, 08:01 PM
  3. مشاركات: 4
    آخر مشاركة: 15-05-2002, 10:13 AM
  4. شوفوا أعضاء المنتدى خارج المنتدى ماذا يفعلون
    بواسطة : الوليد , في المنتدى العام
    مشاركات: 6
    آخر مشاركة: 31-08-2001, 08:46 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •