تطور الغرب وتدهور الشرق!

[Zatar]

السلام عليكم ورحمة الله وبركاتة
مو من عادتي افتح موضوع
بس في شغله شدتني وحبيت اناقشها وياكم
ولي اهي الاغلبيه يمكن ملاحظها
تطور العاب الامريكيه ومنافستها الالعاب اليابانيه
وكل اسف اقولها وسحب البساط منها
بتكلم عن اساطير كانت على الجيل الاول والجيل الثاني
وللاسف بالجيل الثالث لي اهوا الجيل الحالي
صارت من اسطوره الى اضحوكه
اول الضحاية
الاسطوره

ا

الاسطوره على سوني ون

الاسطوره علي سوني تو

WE 08.09.10 and 11 on ps3
للاسف من سنة 2007 لي 2010
ماشفت المتوقع من كونامي ويا الوينج اليفن
كل سنه وفيفا الغربيه تسحب البساط من الاسطوره الوينج اليفن
والضربه القاضيه لي وجهتها فيفا حق الوينج اليفن لي اهي فيفا 11

صج قالوها
we are 11

اساطير سكوير سوفت
فاينل فانتسي 7 واخوتها 8 و 9 و 10
كانت افضل العاب الار بي جي لي شفناها وبدون منافس
واسطوره الاون لاين فاينل فانتسي 11
بس بالجيل الحالي اقدر اقول سوكير اينكس فشلت ويا فاينل فانتسي 13 واختها 14 فشل ذريع
وهذا رأي الشخصي
وننطر فرصة الامل
في Versus XIII
وانا عن نفسي ملاحظ بهالجيل الحالي اكثر العاب الار بي جي
برسوم طفولية
الا Demon souls
ردت الثقه لنا بالار بي جي الياباني
وانا الصراحه من عشاق الار بي جي
بس للاسف اكثر شي اشوفه الار بي جي الامريكي لي ماله طعم عندي
بس اشوف اكثر الالعاب الشعبية حاليا
الار بي جي الطابع الامريكي
Fallout 3
dragon age
mass effect
Oblivion
مادري علىى شنو جيم سبوت عطاها 9.5
لعبتها ولا حسيت بطعم المتعه فيها
الاعلام الامريكي له موضوع ثاني
ودايما يرفع بالمنتجاات الامريكيه ويطيح حظ الياباني
vs
كلهم
لو تجمعهم ويا بعض ما ايون متعه
Demon soul
وللامانه مالعبت من لي فوق الا obilvion
و اكيد Demon soul's
بس ماختلف وياكم انها العاب جيده او ممتاازه
والناس اذواق

وعلان موعد صدور الاسطوره لي عدوتنا من ايام سوني ون و تو
الصراحه فرحني
ننطر GT5
واااكيد معروفه ومايحتاج اتكلم عنها
واتمنى تعلم فورزا مكانها الحقيقي
وماتكون خدعه لان جربت الديمو وبدون تعليق
بس تعبت وانا اكتب واالكلام واييد بس تعبنا ههه
وسامحونه والكلام لي كتبته وجهت نظر ليس اكثر
وسلام
وياليت ماينفهم الموضوع ضد اصحاب الاكس بوكس او العنصريه الخ
كلنا حبايب وانا عندي الاكس بوكس الاول > يعني مقنعهم

[american.u.s.a]

انا اتوقع السبب عدم اهتمام المطور الياباني بالجرافيكس والمئثرات طبعا في بعض الالعاب
ياليت تستمر في طرح المواضيع

[devil cober]

موضوع جا في وقته أخيرا !!
للأسف المطور الياباني تأثر بالنجاح الغربي على مستوى الألعاب وبدأ بتقليدهم تقليد أعمى وأولهم Crapcom
طبعا الغرب من أسباب تفوقهم مايلي :-
1- اعتماد أغلب ألعابهم على التصويب أو الشوتر التي تحولت من ألعاب الى عدوى أصابت الكثيرين بمرض الادمان على الأونلاين
2- وجود ألعاب ذات أفكار جديدة مثل LBP -Red Dead Redemption
3-سقوط أغلب الألعاب اليابانية الي حبيناها من أيام السوني 1و2

ولو استمر الوضع على هذا الحال فأفضل ان اليابانيين يقفلوا شركاتهم ويبطلوا من الفيديو غيمز بدل من المهازل الي شايفينها من الشركات اليابانية من بداية الجيل الحالي !!

[kingx11]

المشكلة مب فالمطورين بل فالجمهور

العاب البس1-2 القديمة من الاربيجي الياباني كانت بسيطه وتؤدي الغرض

الحين الالعاب كبرت وصارت تنافس هوليوود فالجرافكس والاكشن واقبال الجماهير لدرجة ان مبيعات الفيديو جيم صارت تنافس افلام هوليوود وتكسرها احيانا فالارباح ( بلاك اوبس و مودرن وارفير2 مثلاً )


الجمهور صار تائه ومايعرف ايش يبي من كثر ماتقدمه الشركات من العاب واساليب فالجيم بلاي والجرافكس ( خاصة جمهور الاربيجي الياباني )

على سبيل المثال العاب مثل فاينل فانتسي خياليه ولازم بكل جزء تجديد كامل لكل اللعبه حتى تحس انها مغامرة جديده

كود شوتر ومايهم اذا ماغيرت فيها الا كم شغله لانها فالنهايه ضرب بالسلاح والاسرع هو الافضل ولو جبت كود4 وقارنتها مع بلاك اوبس نفس الجرافكس و المؤثرات و كل شي ومبيعاتها ممتازه لان جمهورها عارف ايش يبي وماعنده مطالب كثيره مع ان سلسلة كود معروفه بمشاكلها الكثيره


اليابانيين لازالو يتفوقون على الغرب بالتصاميم من حيث الشخصيات - المدن - الارت - عروض السي جي - الموسيقى

بينما الغرب تفوق بتطوير محركات جديده محاكية للواقع اكثر


مشكلة المطورين اليابانيين انهم منقسمين بين ارضاء الشرق والغرب ويحاولون خلط العالمين ونادرا ماينجحون


والكورة الياباني 2011 ممتاز جدا واحترافي يمكن الهواه ماعجبهم وفضلو 2010 عليه

[ذا كيد]

بصراحه رأي في هذا الموضوع انه صار منتهي من اجهزه الجيل الجديد الغربي بلا شك يستهدف الجميع من الاعمار وحتى الامهات ايضا وكذا الشرقيون ما قدروا يفعلوا شي جديد والسبب انهم يريدواالمنافسه فا يلجؤا الى التقليد وهنا يكون الغلط بدليل :
تجد لعبه في عصر الشوجن لكن الشخصيات طباعها غربي بحت ولو انها يابانيه يعني قد تحصلها ما مهتمه ( كثير التدخين وطباع كوميديه في كلام وتستهزء !!! بذمتكم هذا شوجن ) وهذا الشي حصل مع سوليد سنيك 4 حيث صار شخصيه بدون هيبه ولو اني جدا مستمتع بلعبه والى الان العبها وما امل منها بس سولد سنيك شخصيه امريكيه بس تحس طباعها ياباني جدا ( فيها غموض الشنوبي وقليله كلام ولا تقول الا الشي مهم ) فا هنا الغلط بنسبه الي
مثلا ناروتو من الانميات الي استمتع لمشاهدتها لانها لو انها في زمن مو افتراضي لكها يابانيه بحت
وهنا يكون العمل الجيد
هذا مجرد رأي !!!
شكرا على موضوع اخينا الغالي

[Zatar]

اول شي مشكورين على تفاعلكم بالموضوع لي تعطي الواحد ثقه يطرح اكثر من هالمواضيع للنقاش فيها
انا اشوف ان الذوق الامريكي يختلف عن الياباني
وردد وقول الاعلام الامريكي يلعب دور كبيير بهالشي ويشجع منتجهم

المشكلة مب فالمطورين بل فالجمهور

العاب البس1-2 القديمة من الاربيجي الياباني كانت بسيطه وتؤدي الغرض

الحين الالعاب كبرت وصارت تنافس هوليوود فالجرافكس والاكشن واقبال الجماهير لدرجة ان مبيعات الفيديو جيم صارت تنافس افلام هوليوود وتكسرها احيانا فالارباح ( بلاك اوبس و مودرن وارفير2 مثلاً )


الجمهور صار تائه ومايعرف ايش يبي من كثر ماتقدمه الشركات من العاب واساليب فالجيم بلاي والجرافكس ( خاصة جمهور الاربيجي الياباني )

على سبيل المثال العاب مثل فاينل فانتسي خياليه ولازم بكل جزء تجديد كامل لكل اللعبه حتى تحس انها مغامرة جديده
ماختلف وياك لازم تجديد بس لو نلاحظ ماكان في فرق بين فاينل 7 و 8 و 9 و 10 في الجوهر الاسااسي لي اهوا نظام القتال كان كلاسيكي
وشفنا بلعبة فاينل 11 نظمام قتاالي جديد بعالم الار بي جي وكان اون لايني اكثر من رائع بس كل هالنجاح بجييل سوني ون و تو
للاسف هالشركه اشوفها فشلت بالجيل هذا من فاينل 13 و 14
لو تشوف سلسله ميتل جير من جزئها الاول لي جزئها الرابع النظام مثله نظام الاسلحه والادوات الا بالجزء الرابع قالو الكاميرا تتحرك
شباب تراني مو قوقل اذا في معلومه غلط ياليت احد يصححها مو غلط الواحد يغلط الغلط انه يستمر بالغلط واهوا يدري انه غلطان

كود شوتر ومايهم اذا ماغيرت فيها الا كم شغله لانها فالنهايه ضرب بالسلاح والاسرع هو الافضل ولو جبت كود4 وقارنتها مع بلاك اوبس نفس الجرافكس و المؤثرات و كل شي ومبيعاتها ممتازه لان جمهورها عارف ايش يبي وماعنده مطالب كثيره مع ان سلسلة كود معروفه بمشاكلها الكثيره
انا من عشاق كود
لعبت كود 4 و 6 والخامس مالعبتها لانه ماجاز لي مو مثل قوه جزئين mw1 2


اليابانيين لازالو يتفوقون على الغرب بالتصاميم من حيث الشخصيات - المدن - الارت - عروض السي جي - الموسيقى

بينما الغرب تفوق بتطوير محركات جديده محاكية للواقع اكثر


مشكلة المطورين اليابانيين انهم منقسمين بين ارضاء الشرق والغرب ويحاولون خلط العالمين ونادرا ماينجحون


والكورة الياباني 2011 ممتاز جدا واحترافي يمكن الهواه ماعجبهم وفضلو 2010 عليه
انا من بعد فيفا ورلد كوب خلاص نسيت الوينج اليفن
مع ان كل اجزاائه اشترريها كل سنه اشتري pes + WE وولاسف مثل الشي ماحس بالمتعه

[legendforever]

كلامك صحيح يا اخ zatar هذا هو الواقع الالعاب الغربية خلاص هي اللي مسيطرة
بس كم لعبة يابانية لا زالت alive مثل جران والعاب ميكامي وكاميا بايونتا فانكوش وغيرهم لكن still العابهم قليلة بالغرب

شو نسوي مشيي حالك

[Zatar]

هالغربين عجيبين
عندهم شي يقهر والله ويضحك بنفس الوقت
مو بس بموضوع العاب
بكل شي
اذا تكلمنا عن ابطالهم الخارقين في شي مو قادر افهمه بهالسوبر هيرو
يعني بطل خارق له قدرات عاليه مايموت مثل سوبر مان ومن شلة الابطال الخارقين
ليش يخفي شخصيته الحقيقية دام عنده كل هالقوه تنااقض عجيييييييييب
انا اتوقع المنتج الامريكي يكلفهم 10% و 90% يصرفونها على الدعايات

[madra]

انى ارى الالعاب اليابانيه هي المتفوقه على الرغم من انخفاض مستوى بعص الالعاب الاسطوريه اليابانيه الا انها في الصداره بكل تاكيد .

في مجال التجسس و المغامرات : الاسطوره ميتل جير سوليد 4

الاربي جي : فاينل فانتسي 13

اللعاب القتاليه : تكن 6

العاب الرعب : فاتال فريم لولا انتقالها الى جهاز الوي

و هناك الكثير

اما التفوق الواضح لصالح الغرب هو في مجال العاب التصويب بنظري فقط

اقصد في النهايه صحيح ان الالعاب اليابانيه انخفضت الا انها مازات متفوقه على العاب الغرب

التي وبكل صراحه ارى انها في مضمونها دون المستوى مع استثناء بعض العابهم

العاب الغرب القويه فعلا هي :

god of war على الرغم انها تعتبر في النهايه لعبه يابانيه

red dead

call of duty

صحيح انها توجد هناك العاب جيده لكن ليست بمستوى هذه الالعاب التي ذكرتها

[Al-RaQmi]

لاتنسون سالفة النتوورك
العاب الحين صارت تعتمد على التفاعل مع اللاعبين بالشبكة وبدون هذي الميزة تصير ضعيفة
والعاب اليابان اكثرها لاعب واحد ومغامرة وحده
على عكس الالعاب الامريكية التفاعل بين اللاعبين سهل وممتع والناس تبحث عن ها الشي بالوقت الحالي

حاجة ثانيه .. اليابان شعب متعصب ومهتم بارضاء جمهورة من ناحية اسلوب اللعبة واللغة والبيئة والرسوم ....... الخ
ولا يلتفت لبقية العالم وكان العالم هواه مثل هوى اليابانيين .. وهذي نتيجة تعصبة فتح المجال لشركات ثانيه غربية للتطوير وارضاء الجميع الغربي وغيره

اعتقد اليابان تفوق من ناحية وحده ومازال محافظ عليها وهي( اللعب الجماعي) وتفرد فيها بجهاز الووي
فتوقع باي وقت ينزل جهاز او العاب غربية تهتم بهذي النقطة ويسحب البساط له

بالنهاية لكل زمان رجالة

[THE ROCK IS THE BEST EVER]

صحيح ان الشرق في تدهور لكن مازلت زي سابقا اشتري الالعاب يابانية و استمتع فيها جدا

اظن المشكلة في المطورين الالعاب اليابانية خصوصا الشركات الكبيرة تحس يبون يغيرون اصلهم وثقافتهم عشان يرضون الجمهور الغربي

ما يدرون ان بهل الطريقة ينفرون جمهورهم الاصلي الي حبهم

صحيح ان متطلبات سوق الالعاب تغير لكن مو لازم كل لعبة ينتجونها تكون موجهة للغرب

لازم يكون هناك توازن في انتاج الالعاب لشرق و لغرب لان حتى لي عايشين في الغرب مو معقولة كلهم يحبون الشوتر اكيدا في ناس تحب الالعاب اليابانية فقط

وايضا تصاريح بعض المطورين اليابانية الي يذم المطورين اليابانية و يذم السوق الياباني الحين بدل ما يذم ليه ما يحاول يسوي شيء يرتقي

بالسوق الياباني و مطورينه بدل الذم فيهم ما يفيد احد

انا من ناحيتي بصراحة ادعم الالعاب اليابانية واشتريها لاني بصراحة اخاف اللعبة الي احبها تندثر و تنقرض من هذا الجيل

[Lonely Hunter]

المطور الياباني ابداعاته موجوده بس على المحمول للاسف لان الكنسول بالنسبه له مخاطره كبيره بسبب تكاليف تطويرها الباهضه و اتجاه الشعب الياباني للمحمول اكثر و المبيعات اتدل على هالشي فإذا ماباعات لعبته على الكنسول راح فيها

[UAExHEALER]

ما شاء الله الغرب في كل شي مطورين

انا الصراحه وجهة نظري سبب تدهور العااب الشرق في هذا الجيل

هو انه المشتري يفكر اول شي فاللعبه فالاونلاين اتوقع بهذا السبب اتفوقت العااب الغرب على الشرق

اتوقع الالعاب اليابنيه الي نجحت في هذا الجيل في الاونلاين قليله ينعدوون على الاصابع وابرزهم ديمون سولس

ومثل ما قال لوني المطور الياباني يطور اكثر على المحمول وشوف العااب ال ds كيف يطورونهاا ويلاقوون الجماهير بالهبل على الالعااب

وان شاء الله تكوون كبوة جوااد ويرجعوون الالعااب اليابنيه في القمه

[jinabil]

المسائلة بسيطة جداااا
العالم يتطور وبالذات الغرب يتطورون تطور مخيف وسريع
ويلفت الانظار فى ثوانى معدودة وهم مهوبيين بهذا
كما ان الغرب اصحاب عقول افكار جنونية وخلابة فلك ان تشوف
كم فكرة طلعوا بيها
ريد ديد و دراجون ايج و ماس ايفكت ولتل بيج بلانت
وجيرز اوف وار و انشارتيد و فيبيل وغيرها القائمة تطول كثيراا

وشوف اليابننين بكم طلعوا بفكرة
ديمون سول و ؟ و ؟ و ؟
ما فى العاب حلوة ولها وزن مثل العاب الغرب كما ان اليابنيين
يمهزولون بالعابهم الاسطورية شوف الاساطير كيف مهزولوها مثل
تكن و ريزدنت ايفل و ديفل ماى كراى و الكورة وغيرها

وايضا فوق هذا كلة الناس يتحكم فيهم الاعلام بدرجة كبيرة وخاصة
الامريكان لو قالولهم يمين تلقى الشعب تقول يمين ولو قالولهم
شمال تلقى الشعب يرد شمال

[sergio ramos23]

شوف الموضوع بالجرح جاي

انا بسوي ومقارنه بين كذا لعبه وشوف شنو عمل الأمريكي بالياباني ..
اول شي لعبه سايلنت هيل أو الأسطورة سايلنت قبل شغل ياباني شوف الظام اللعبه تحس تلعب رعب يعني تخاف وكان في هدف للعبه إنك تلعبها
بعد ما تدخل الأمريكي ( هالأمريكي داخل بكل شي ) طبعا من جزء اورجينلز وطالع صاير غثيث وتافه صحيح تطوير بالجرافيكس والمؤثرات
بس الرعب صاير أقل والدليل شوف الي يلعب سايلنت الجديد والي يلعب القديم الجزاء الأمريكي في منهم صغار بالسن وعادي يلعبه عكس قبل
وزادت نسبه الأكشن ...

اللعبه الثانية شوف ريزند إيفل قبل شغل ياباني وشوف اللعبه صارت أسطورة بعالم الألعاب الحين نازل بالحضيض بعد ما تدخل الأمريكي
ومعروف الأمريكي نظام اللعب متشابه بصورة كبير والي هي لازم الكاميرا تجي وراء الاعب اول الشخصية الي نلعب فيها وطبعا قيسها على جميع الألعاب الي كانت ياباني وصارت أمريكي



بس في شركة عندي تطورت بصورة كبيرة ولازم كل واحد عنده PS3 OR XBOX360 لابد عنده لعبه من هالشركة والي هي EA بالنسبه لي كل شي ابيه بالألعاب أحصل عندها
سوا رعب او رياضية او سيارات أو مغامره أو اري بي جي << مو من هالنوع بس تحصل بالشركة موجود شوتر موجود نظام العالم المفتوح موجود عندها وبنظري هي الأنجح بين الشركات..


شكرا على تحمل الإطالة