سبحان الله وبحمده سبحان الله العظيم
هادي اول مشاركة ليا بالمنتدى بس شوفت الموضوع وقلت لازم اعلق
فالبدايه اشكر ادارة المنتدى على هذا المجهود الأكثر من رائع في جميع الأقسام أسال المولى عز وجل ان يجعله في موازين حسناتكم..
اول شي بالنسبة للأخوان (ما أجمع ) الي بيقولوا مصدرهم من بيدي بيلدينق
معليش قويه شويه طبعاً عندنا بالسعودية لانو الجمارك مستحيل يمررو عدد كبير من المكملات دفعة وحده لو انك مين انا قبل فترة حاولت بطلوع الروح وجبت واسطات وفلم عشان كنت بدخل 50 علبه وفي الاخير ماسار شي ولله يعوض
لانو زي منتو عارفين حصرياً ل GNC ممكن انا زي ماقلت ما اجمع انو واحد يكون مزبط احد فالجمارك ويمشيلوا امورو ( ياريت يدلني عليه وادعيلوا ) مره مرتين بس ما عتقد دايماً هادا طبعا للي يطلب كميات كبيره اما علبه علبيتين تمشي وكتبوك تعهد..
الشي التاني بالنسبة للاخ صابر انا في الغربيه وسمعت عنو كتير انا شخصياً ماتعاملت معاه بس فيوم كنت بتمرن وخلصت تمرين وبشرب بروتين جاني واحد شكلو قديم فالعبه المهم اول ماجا قالي من عند صابر قلتلو لا قالي انتبي تاخد شي من عندو قالتو ليش قالي اشترا من عندوا 30 قلم جي اتش وانتو عارفين القلم ب250 ريال يعني 7500ريال وقبل مايبدا فالكورس جا فبالوا يروح يحللها ولما راح الصاعقه الرجال يحلف ولا وحده سليمه ولاهاي هرمون اصلاً طبعاً حاول يردها وماستفاد شي فالاخر ورمها فبرميل الزباله (هادا كلام الراجل وشكلو صادق لاني حسيتو شويا يضربيني وهوا بيقولي الحكايه )
ياوحووش باختصار لاتشتروا الا من مصدر موثوق 100% انا عن نفسي ليا 6 سنين فالعبه ما خد الامن gnc مجبور صح انو بضاعتو قليله بس هوا المضمون بعدين لاقدر الله لو اخدت شي من عندهم طلع مضروب بسهوله ترجعوا لانو هادي سمعة شركة ويمكن يعوضوك وتقدر تشتكي مو شخص مجهول وفالاخير هادي صحتك ..
انشالله ماكون زعلت احد بكلامي بس حبيت اكون صريح فقط لا غير والسلام عليكم,,