السلام عليكم ورحمة الله وبركاته
شخباركم يا وحوش عساكم بخير
شباب موضوعي باختصار نقل تجربه من بعد شهر ونص تقريبا من اخر مره نزلت فيه موضوع خاص فيني لكن هل المره مع كم صوره بسيطه
ولا تنسوا ذكر ما شاء الله ترى العين حق ..
وقبل لا ابدا احب اشكر كل من ساعدني اخونا الغالي ابو راشد يجينا بالسلامه ومشرفنا القدير ابو منصور وحبيبنا تركي والغالي سامي ونوار وحبيب قلبي اخوي حمـــد والشينوبي وغيرهم كثير والله اعجز عن الشكر .....
بسم الله على بركة الله نبدأ :
قبل شهر ونص
وزني :98
طولي 183.5
نسبة الدهون 13%
الان
وزني : 99.2
طولي : 183.5
نسبة الفات :12.3%
الايزو -100 ISO -100
صراحه واي بروتين زيرو فات كارب سكر لا كتوز وطعمه خيال وخفيف جدا على المعده ..
الكازيين 100% Casein Protein
ميزة هذا البروتين ان امتصاصه بطيء جدا وفائدته قبل النوم لانه يغطي كامل وقت نومك بتغذية العضله
والفات فيه 1 قرام فات
وطعمه ممتاز ورايق
وكنت استخدمه قبل النوم بساعه سكوبيين مع ماء
Superior Amino 2222
امينو جدا رائع مع انه احماضه قليله نوعا ما بس صراحه معطيني نتائج جدا حلوه ونسبة اللكارنتين فيه ممتازه
الاوبتي مان Opti-Men
ملتي فيتامين رائع ويحتوي على 75 نوع من الفيتامينات
وحسيت منه طاقه رائعه جدا
لكن كان الافضل منه الانمال باك منتج جبار لكن للابتعاد عن الشبهات استبدلته بهذا المنتج
وكنت استخدمه حبه وحده مع كل وجبه تقريبا 3 وجبات رئيسيه اي 3 حبات
الانمال ستاك Animal Stak
صراحه قليل بحقه كلمة جبار
فادني بصور غير طبيعيه انيرجي وحرق دهون مره حلوه وممتازه
ولااوزان عندي زادت بصوره ملحوظه واعتبره افضل منتج لتحفيز هرمون التستوستيرون(هرمون)
وكنت استخدمه قبل 35 دقيقه على معده فاضيه كيسه وحده وايام الراحه على العصر تقريبا بين الوجبات
القلوتامين Glutamine
المنتج هذا ممتاز وبطل ويساعد في منع هدم العضلات بعد التمارين الشاقه
وانا كمدرب لياقه ولاعب كمال جسام احتاجه اكثر شي من اي منتج اخر علشان اقدر احافظ على اعلى مكسب عضلي وامنع من هدمه بصوره عاليه
وكنت استخدمه بعد التمرين ملعقة شاي صغيره وقبل النوم كذلك
الانمال كت Animal Cuts
صراحه افضل حارق للدهون بدون منازع
وميزته الي تعجبني فيه انه يحرق فات فقط ويحافظ على الكتله العضليه الي وصلت لها
وكنت استخدمه فتره واريح
واستخدامه قبل الفطور بنص ساعه وقبل التمرين بربع ساعه
بالنسبه لطريقة تمريني :
السبت : صدر + سبيننغ طبعا بعد الحديد بساعه + بطن
الاحد : باي + تراي + سواعد
الاثنين : ظهر + اسفل الظهر + سبيننغ وكمان بعد الحديد
الثلاثاء : كتف + ترابيس + بطن
الاربعاء : ارجل + بطات + سواعد
الخميس : تقريبا كل عضله تمرينين فقط مع بطن
الجمعه : راحه + مساج
والتمرين مستحيل ادخل نقس التمرين الي اخر مره دخلته اي بكل مره اتمرن فيها عضله اغير التمرين كليا والاوزان اقل اهتمامي فقط بالتركيز والله تشيل وزن وانت مو داري ...
ونظام اكلي كان نفس النظام السابق كل شي صحي وخالي من الغازيات والفات والابيض والزيوت عدا زيت الزيتون
مثلا الصباح الفطور : 6 بياض بيض + نص خبز بر + عصير
الغدا : صدر دجاج + سلطه + عصير
العشا : تونه وفواكه وخضار
و طبعا كان فيه وجبات جانبيه بين الوجبات الرئيسيه وتقريبا مجموع الوجبات اليوميه 6 وجبات
وهذي الصوور ...
ماشاء الله تبارك الله
وكنت ناوي اصور البطات والظهر كامل لانهم عندي افضل العضلات لكن استحيت انادي احد يصور خخخخ
وقريبا ان شاء الله السكس باك ...
وبكذا انتهينا ولا تنسونا من صالح الدعاء
وكان المشرف علي بالتمرين الكابتن وليد برناوي ربي يجزاه خير والجميع ....
اي استفسار او ملاحظه لا تترددوا
تحياتي محبكم أحمـــد
المشاركة الأصلية كتبت بواسطة 9ym
