السلام عليكم ورحمة الله وبركاتة
الصراحه اليوم منصدم .. صدق نحن صغار في الكورة الارضيه وما نطلع شي بالنسبه لقدرة الله سبحانه وتعالى
الله يسلمكم رايح اصور المنورات فوق السطح بس بسرعة خلصت 5 دقايق
المهم سويت طاف جان اشوف فووقي وحصلت النجووم قلت فرصه .. البارحه الجو صافي ونادر ما يصير في بوظبي جي
يا ضباب يا رطوبه تشوش مدى الرؤية
وصورت لكم نجم الشعرى .. كنت اسمع الاية وَأَنَّهُ هُوَ رَبُّ الشِّعْرَى (النجم:49) واتحرى يقصد فيها الشعراء .. لكن انصدمت عقب
كنت دايما اشوف هالنجوم الثلاث المصطفه وما اعرف اسمهم مع انه اسمهم دايما يمر قدامي يوم اسمع القران
سبحان الله صدق مقصرين فالمعاني
ومعلومه هو النجم الوحيد الي ذكر فالقران صراحه بأسمه .. وايضا كانت الفراعنة والصابئون يعبدون النجوم ويقدسونها وهنا ياكد الله سبحانه ان هذا النجم مجرد عبد لله سبحانه وتعالى لا يضر ولا ينفع
عموما لكم الصوره
وهني زوم بالكيمرة زيادة
ع فكره كنت ما اقدر اشوف النجوم الي حذال نجم الشعرى لكن مع الزوم شفت النجوم الي لا ترى بالعين المجردة ×_×
وطبعا رحت القوقل ايرث وسويت الخيار مشاهدة السماء .. وحطيت ع نجم الشعرى وقربت حذاله
وشفت ملاين النجوم الي لا ترى بالعين المجردة وعرفت فعلا كم نحن صغار ويمكن نطلع نحن والارض حبة غبار لا اكثر
ولكم صورته << لا تتحروني انا المصور من الحين اقولكم قوقل ايرث هههههه
وحياااكم الله
