'طالب مبتعث محتاج مساعدتكم ياخبراء كمال الاجسام اسئله بسيطه

[sad smile5]

السلام عليكم ..

اخواني انا طالب مبتعث خارج المملكه كنت العب حديد لمدة 4 اشهر وقطعت 3 اشهر عن التمرين والان اعود من جديد ..

بدات لي اسبوعين دخلت شامل اسبوع والاسبوع الثاني بديت بالجدول والان خلصت الاسبوع الثاني ..

رحت محل بروتينات سالت عن واي بروتين ..واشتريت واي بروتين لون العلبه ابيض ومكتوب واي بروتين مادري هو ولالا لاني اعرف لو علبة الواي بروتين اسود بس هاذا ابيض ؟ واخذته ب 24 جنيه استرليني يعني بما يساوي 135 ريال سعودي ..

المهم سالت عن الامينو 10000 او امينو 2222 او 3000 فما لقيت عندهم .. وجدت عندهم امينو لون العلبه ابيض وقيمته 24 جنيه استرليني .. مادري محتار اخذه ولالا ؟

ام استمر باستخدام الواي بروتين بدون امينو ؟ هل يحدث نتايج بدون استخدام امينو معاه ؟

اتمنى نصيحه من اصحاب الخبره ..

ثالث شي مكتوب على علبة الواي بروتين اني استخدمه قبل التمرين وبعد التمرين وبين الوجبات هل التزم بالكلام هذا ام اخذه ع الريق الصباح وبعد التمرين فقط ؟

شكرا لكم

[حلم ولكن]

حياك الله اخوي

بخصوص البروتين و الامينو انصحك بالتالي :


بروتين 0 فات وممتاز وسريع الامتصاص قبل التمرين بساعه سكوب وبعد التمرين مباشره سكوبين



وافضل لك امينو ضخامه سوبر امينو 4 حبات مع الفطور و 4 حبات قبل التمرين بساعه و 4 حبات بعد التمرين مباشره



واذا تقدر تضيف عليها بروكمبلكس اللي هو هذا



واستخدمه على الريق سكوب و قبل التمرين سكوب و قبل النوم سكوب

وان شاء الله الشباب يفيدونك ,,

[حلم ولكن]

اخوي ياليت تذكر عمرك و وزنك و هدفك ؟ على شان نقدر نخدمك ونحدد لك المكملات بشكل افضل ,,

[sad smile5]

اخوي انا عمري 21 سنه طولي 179 ووزني 65 هدفي تضخيم ..

هذا البروتين الي شريته :

http://www.vigour.co.uk/sci-mx-ultra...28kg-p366.html

[حلم ولكن]

والله قريت عنه على السريع وشكله ممتاز

انت استخدمه مع سوبر امينو 4800 واذا خلص تعال ومالك الا طيب الخاطر

ولكن يبدو لي ان يبيلك زيادة وزن يعني يبيلك المكمل هذا اذا تبي زيادة وزن

[sad smile5]

يشيخ روووح الله يسسسعدك دنيه واخره ويجزاك الف خيرررر ..

[حلم ولكن]

امين ان شاء الله ووياك وان شاء ربي يوفقك في البعثه وييسر امورك ان شاء الله ,,

واي خدمه المنتدى تحت امرك يا بعدي ,, والشباب حاضرين وما يقصرون ,,

[الشينوبي]

ماشاء الله رخيصة عندهم بعدين السيرفنق 50 شغل عدل الله يوفقك اخوي وواصل

[sad smile5]

الله يطول عمرك اخوي حلم ماتقصر يالغلا ..

اخوي الشينوبي السيرفنق 50 والسيرفنق يعني وجبات بس مو فاهم وش القصد من الكلمه ؟

[THh Rock]

معناها تقدر تقول حصتك اليوميه من البروتين ...