3DS .. إِلى أيـن يآ Nintendo ? .. ( مرآجعة شآملة )

[Flux]

هذا ديمو تجريبي لخواص ومميزات الوي يو وبالرغم اني متحمس لزيلدا الجديدة اللي على الوي إلا أن هذا الفيديو ايضا لفت انتباهي
http://www.youtube.com/watch?v=arHNcSMXaBk
ما رأيكم فيه؟ هل تتوقعون ان فعلا ينزلوا هاللعبة على الوي يو؟ أو انه مجرد تريال لا أكثر؟
واضح من الجرافكس والمؤثرات وطريقة برمجة الكاميرا واللعبة بانها حقا بتكون مميزة لو فكروا جدياً في إكمالها.

[I C E]

أخوي Flux
إذا عندك مواضيع أو نقاشات ترى المواضيع موجودة في القسم تقدر تشارك هناك ومنها تتعرف على الأعضاء وتفيد وتستفيد
الموضوع هذا مخصص لجهاز 3DS فقط يعني إذا فيه أشياء جديدة بالنسبة للجهاز نحطها هنا

[meshale]

شباب انا ناوي اخذ الجهاز انشالله و هل زيلدا تستحق اني اخذ الجهاز علشانها علماً بأني ما لعبت ولا جزء ، او مو وايد مع البلاتفورم ( ما عدا ماريو )

و هل صحيح انه الديباد ما يساعد لألعاب الفايت لأني حاط ابراسي بليز بلو او ديد اور الايف

او سؤال اخير هل جرافيكس الجهاز نفس البي اس 2؟

[Flux]

شباب انا ناوي اخذ الجهاز انشالله و هل زيلدا تستحق اني اخذ الجهاز علشانها علماً بأني ما لعبت ولا جزء ، او مو وايد مع البلاتفورم ( ما عدا ماريو )

و هل صحيح انه الديباد ما يساعد لألعاب الفايت لأني حاط ابراسي بليز بلو او ديد اور الايف

او سؤال اخير هل جرافيكس الجهاز نفس البي اس 2؟

زيلدا من أقوى وأفضل ألعاب الآربي جي على مر الزمان منذ التسعينات وهي مشهورة جدا واليوم نحن في 2011 وانظر للمبيعات والمراجعات التي على اليوتيوب لازالت في المقدمة فماذا يعني؟ طبعا تسوى وصدقني ما بتندم وانا مصدوم انك ما جربتها يعني فاتك الكثير ههههه لكن محظوظ والله لأن ما قط جربتها فبتستمتع كثييير فيها. وبالعكس الدي باد ممتاز وعملي جدا افضله اكثر من الأنالوج العادي. الجرافكس اشعر انه افضل من البي اس 2 خصوصا لما تخليه على الثري دي بتعيش بجو جديد ما قط جربته من قبل لكن تذكر أن لها مسكة معينة ^__^

[meshale]

مشكور اخوي ما قصرت او باركولي شريت الجهاز

[I C E]

^^

ألف مبرووك تهتنى فيه إن شاء الله .. أهم شيء خذيت زيلدا مع الجهاز ؟
تستاهل والله بالبركة ... صدقني قبل ما تنتهي هالسنة بتكون عندك أحلى مكتبة ألعاب للجهاز

[Flux]

مشكور اخوي ما قصرت او باركولي شريت الجهاز

ألف مبروووك قول لنا رايك فيه وفي لعبة زيلدا ^__^

[meshale]

^^

ألف مبرووك تهتنى فيه إن شاء الله .. أهم شيء خذيت زيلدا مع الجهاز ؟
تستاهل والله بالبركة ... صدقني قبل ما تنتهي هالسنة بتكون عندك أحلى مكتبة ألعاب للجهاز

الله ابارك فيك مشكور ، أي نعم خذيت زيلدا بيني او بينك الجهاز فيه تقشف العاب فا تعتبر اهي ابرز لعبه

ألف مبروووك قول لنا رايك فيه وفي لعبة زيلدا ^__^

الله ابارك فيك ، والله إلى الان انا معجب بالثري دي او قاعد اتنح بالشاشه و استكشف الجهاز فا ما لعبت ابزيلدا الا شوي بس باين انها لعبه عظيمه ( و العظمه لله وحده )

[meshale]

شباب في عندي مشكله بالجهاز

اول شي لما اشيل الجهاز من الشاشه تقلب الشاشه سودا

او جهازي ما معاه سماعات للاذن مع انه في فتحه لها ، معقوله الجهاز ايي من غير سماعه ولا جهازي مضروب

[The Last Lombax]

المشكلة الأولى غريبة. يمكن الجهاز فيه شيء فأنصحك تبدله أفضل
الجهاز ما يجي معاه سماعات للأسف. لكن ممكن تشبك فيه أي سماعة

[WARLOCKPVP]

شباب انا ناوي اشتري 3دي اس بس من امازون
الجهاز بيكون اروبي ولا امريكي ولا يباني
وممكن طريقة الشراء من امازون وكم يوم بياخذ وكم المبلغ؟؟؟

[The Last Lombax]

^
ناوي تشتريه من أي فرع من أمازون ؟
لو الأمريكي بيكون الجهاز أمريكي ولو أوروبي بيكون أوربي
لو أنت من السعودية خذ الأمريكي بحكم أنه الريجون المدعوم عندنا ( حتى لو أخذت جهاز مكتوب عليه Official product Saudi Arabia هو نفسه الأمريكي )

[الصهيبي]

): بكل امانة الجهاز احبطني وخلاص نويت ابيعه وباشتريه بعد سنة لمن تنزل العاب تستاهل ... لا نظام اون لاين يستاهل ولا العاب ممتعة باستثناء زيلدا ادري بتقولوا انتظر لنهاية العام .....بس بصراحةفشل تسويقي وبكل امانة الجرافيكس جدا مخيب للامال ركزوا على الثري دي والرسم سيئ لا يرقى الى المستوى المطلوب الجهاز يحتاج الى سنتين على الاقل لتكوين مكتبة العاب من الوزن الثقيل

[I C E]

^^

أوافقك في أغلب كلامك ولكن المشكلة ليست في الجهاز ... أكثر الشركات تتبع نفس الطريقة من ناحية إصدار الألعاب
السنة الأولى ما تلاقي غير 3-4 ألعاب تشدك وتشتريها ... مع مرور الوقت تصير مكتبة الألعاب أكبر وأكبر
الي يصير أن بعض الأحيان الواحد يأخذ الجهاز من day 1 وبعدين يقعد شهور بدون ألعاب مميزة للجهاز
بالنسبة للجرافكس ما أتفق معاك في هذي النقطة ... جربت ديمو لعبة Resident Evil : Revelations ؟ ... الجرافكس في اللعبة مقارب لجهاز Wii وأنا متأكد أن الألعاب القادمة للجهاز بتكون بنفس القوة اذا المطوريين اشتغلوا عليها صح
في النهاية صهيبي القرار راجع لك ...

[meshale]

و الله يا الصهيبي كلامك صحيح او اتفق مع نصه او حتى زيلدا اشوفها عادية مبدئياً لأني توني بأول اللعبه

او انا مع انهم يركزون على الثري دي ليش ان التقنيه عاجبتني ( او الجرافيكس امخليه للفيتا )

او بعدين يا الصهيبي يا حبك للخساير يعني تبيعه ابخساره و ترد تشتريه غالي ، صفط الجهاز او خله على كتر يا اااا اخي اسمع فيه اغاني لي شهر 11

عموما امس صار معاي موقف مو انا جهازي خربان او رحت برده للمحل او سبحان الله طول اليوم الجهاز شاشته خربانه يوم صفطت السياره ردت الشاشه يمكن أحسن من الاول المهم قلت اخلي الجهاز شغال بالسياره يمكن ارد يخترب او نزلت متنرفز جان اطيح طيحه على الدري يمكن اشوي او ينكسر ظهري المهم قعدت على الدري او اتعوذ من ابليس المهم نزلت المجمع او رديت للسياره الا الجهاز طبيعي او مافيه شي جان اشفط اجبال المجمع او ارد بيتنا او لعبت بالجهاز يمكن ساعة زمن جان ارد يخترب ، او الحين اخاف اروح المجمع او اطيح من الدور الاول لوول .


ما عليه طولت عليكم بس هذا من حرتي