قضية الاسبوع ҉ಢ ೋ المولود الجديد ೋ ಢ

[yami vergil]

بالنسبه للسعوديه .. ماعندنا النقوط ابدا حتى بالنسبه للنساء

فقط الزفه والرقص لاكن سبحان الله يشتركون في شي واحد جميع اهل الخليج !!

وهو ان اعراس الحريم تبدأ الساعه 9 او 10 الليل وماتخلص الا 4 الفجر او 6 الصباح
ياويلتاهـ !! يعني من جد هذا عرس ولا كازينو ؟ الصباح يخلص العرس

misty hestory توها تقول لكم ان في نقوط لووول وانا علّقت على ردها لان النقوط الي عندها
تختلف عن الي عندنا احنا عندنا خلاص بس على العروس والمعرس ينقطون

وعرسونا احنا اكثر شي لين الساعه 2 مب اكثر ^^

اما البنات

بدلة بالالاف وتسريحة بالمئات وادوات تجميل وترميم وتلوين @@ بالدنانيير
شي مكلف >>> يعني بكل عرس لازم ميزانيه

هاي المشكله استغلال الخياييط والمحلات والكوافيرات مب صاااحي ولا في رقابه على الاسعار
لان ارخص فستان صار ب3000
التسريه تبتدي من 500 والمكياج 500 شنو هالللللللللللللل @@
اوكي مكياج نقدر بروحها نخبص ونتعلم وهالي الي اسويه بس لو عرس اقارب درجه اولى يوم العرس اخلي وحده تحط لي
لاني مب ذاك الزود يعني شغلي مرتب لووول بس الشعر مافي مجال نتعلم جربنا وحرقنا شعورنا >_>

بالنسبه حق الفستان احنا نقدر نكررهم وايد يعني عروس ربعنا مثلا المقربين او عروس ناس من اقرابنا درجه الثانيه ... بس في قطر
الاعراس الي نقعد عالطاولات فيها كضيوف مانفصخ فيها عبينا

[The Princess]

فقط الزفه والرقص لاكن سبحان الله يشتركون في شي واحد جميع اهل الخليج !!

وهو ان اعراس الحريم تبدأ الساعه 9 او 10 الليل وماتخلص الا 4 الفجر او 6 الصباح
ياويلتاهـ !! يعني من جد هذا عرس ولا كازينو ؟ الصباح يخلص العرس

لاا مو الكل .. احنا بالكويت عندنا نوعين
(( ناس تبتدي من ساعه 7 الى 12 )) <<< هذي عروسنا
(( ناس تبتدي من ساعه 9 الي 2 أو 3 الفجر ))

و بصراحه ما أأيد اللي لي الفجر !!

اتطرق عن تجهيزات المعزوم للعرس

انا ما اشتري اي شي اللهم

اودي دشداشه (ثوبي) المناسبات الكواي (مغسلة) >>>1 دينار
الغترة >>>>500 فلس
وحلاق تضبيط >>2.500 دينار
وكرم السامع والقارئ الحذاء او النعال انضفها عند محل الاحذيه >>>ب250 فلس

التوتل= 4.250 دك فقط


اما البنات

بدلة بالالاف وتسريحة بالمئات وادوات تجميل وترميم وتلوين @@ بالدنانيير
شي مكلف >>> يعني بكل عرس لازم ميزانيه

أهئ أهئ ... هذي مشكلتنا ... خساااير عالفااضي
أعترف اخر مرة رحت للخبر و شريت خامه من اسواقهم .. أرقى من اللي عندنا
والمشكله اللي عندنا .. اسعارهم ناار و شراار عالفااضي

أحسدكم على عرووسكم .. لا تعب و خساير ولا طحين على ويووهكم و بسرعه تخلصون <<< اتغشششمرر عليييكم بالعاافيه

[.:Passion:.]

بالنسبه للسعوديه .. ماعندنا النقوط ابدا حتى بالنسبه للنساء

فقط الزفه والرقص لاكن سبحان الله يشتركون في شي واحد جميع اهل الخليج !!

وهو ان اعراس الحريم تبدأ الساعه 9 او 10 الليل وماتخلص الا 4 الفجر او 6 الصباح
ياويلتاهـ !! يعني من جد هذا عرس ولا كازينو ؟ الصباح يخلص العرس

حتى بالكويت ما عندنا نقووط

وعن التأخير في العرس للحريم شي محير!!!

يعني رقص ورقصو وتنقيييط ونقطو هههههه
وحش حشوو وخز خزوو ... واكل كلووو بس اشدعوة اكثر من 5 ساعات @@
مو ناقص الا كل وحدة وسليب باغها وتنام عندهم

ياحلات الرياييل حدهم 3 ساعات بس لا في ناس توجب تسلم وتمشي

ههههههههه XD
بصراحه المفروض من بعد صلاة العشاء حتى ساعه 2 بالليل او اقل .. , مو حلوه يأذن الفجر و الاغاني مفتوحه و الحريم في الاعراس ..
عن نفسي ماحب اسهر كثير في الاعراس .

[dely10]

سؤال: الطقاقة ماتتعب ؟؟؟!!!

@.@!

[The Princess]

سؤال: الطقاقة ماتتعب ؟؟؟!!!

@.@!

هههههههههههههه اكييد تتعب
بس هذا شغلهاا ولا شلون بتحصل فلووس P: ..... المشكله لما نصيد عليهم بدليااات
كاااااااااااك يمر شهر بعد العرس واحنا نغني مع البدلياات

[ام ابـراهيم]

[@@! what
جربي خخخخ يمكن تسرقين الاضواء
what؟؟؟؟؟؟؟؟؟
تبيني أروح بلباس النوم.
هههههههههههههههههههههههههه
أتظنني لم أفعلها؟؟؟؟؟؟؟؟؟؟؟؟؟؟؟؟؟
ههههههههههههههههههههه

مش ممكن استغفار ...
احس انج ما فهمتيني


بل فهمتك؟
بس هيك انا أبي أشاكس شوية الأعضاء؟
لكي نخرج من الروتين


انا ما انتقد كشخة وزينه البنت....!!

انا ابين الفرق بين الرجل والمرأة في التجهيز للعرس >>> وبالاخص المعزووم

عندنا مثل بنفس المعنى ...
معنى المثل معبر
لان الناس تحكم على بعض الامور بالشكليات

أبي أضيف شيء مهم إلي يأخذ هدية للعروسين يا ريت يكتب إسمه على الهدية.

عندما دخلت لمنزلي وجدت الكثير من الهدايا لكنني لم أعرف لمن كل واحدة منها .
و عندما أروح لزفاف أحدهم لا أعرف ماذا أشتري له.


بمعنى موش معقول واحد يقدم لك هدية قيمة و في زفافه تردين الهدية بقيمة أقل من التي أحضرها لك.

[misty hestory]

نعومة الاحساس

وفي لليله الزواج وييييييييييي فلانه لابسه مثلي تروح تلبس العبايا وتجلس على الطاوله ولا تقوم مفتشله
طيب وش فيها إذا نفسش عادي مره ثانيه أشتري كل الفساتين إلي نفسه كااااااااااااااااك حتى محد يصير نفسش

تدرين انا لو يصير معي كذا وش بيسوي ؟؟ ... بالعكس كل شوي بروح عند الجهه اللي هي فيها بس عشان احرها XD
و بعدين يمكن الفستان صاير علي أحلى !!! <<<<< مو أقولكم واثقه بزياده XD

.................................................................................................... ..........................

اكي

ويالله عقب الزواج جابو ولاد وغربلونا

في هذي والله صاااااااادق @@ صرنا حنا اللي نربي عيالهم !!!

.................................................................................................... ................

استغفار

أثناء تجهيزك للعرس تكونين حريصة لإرضاء أمك و أبيك و لاتستطيعين مناقشتهم.
و الزوج يريد إرضاء أمه بدوره.
و تبدأ الخلافات.
كنت مثلك مقتنعة بالزواج البسيط.
لكن أجد حماتي أم زوجي تبي ترضي أهلها و تقول لي:
{ ترى أنا أنتظر إبني لكي أراه عريس و تبي أسوي عرس يضحكون ناس علي}.

لا عادي أقنع أمي أن زواجي يكون غير ... بما أنها جهزت خواتي من قبل يعني ما بيكون فشيله قدام الناس أو تخرب صورتنا قدامهم !!
بعدين ليش يضحكون عليك الناس لو عملتيه عائلي !!
تدرين انا ايش فكرتي عن العائلي ؟؟
مو شرط يكون غير مكلف بالعكس يدفع فيه لما يقول اميييين و لو زادت فلوس بتكون لشهر العسل !! يعني ما فيه توفير !!
بس اهم شي عندي ما يكون فيه حضور خصوصا الحريم لأن بجد فيه ناس ما ودك تقابلهم وانت مبسوط .. يعكرون مزاج180 درجه ... بس أعزم صديقاتي و الناس اللي تعز علي و أعزم وحده او ثنتين اللي معروف عنهم نقل الحكي ... عشان يكون فيه مراسل ينشر حنا وش سوينا بزواجنا !!!

(علي تفكير @@ .... من عذرها أمي تخاف مني XD )

تحت التصفيق الكل العروسان سيرقصان

ذكرتني بشغله .... حنا في زواجاتنا ما يرقصون لا المعرس ولا العروس حلو ...
لكن فيه بنات الله يهديهم طول ماهي تجهز للحفل الا تطلع فكره غريبه بزفتها (هذا اللي هي متزوجه عشانه !!) المهم
حضرنا مره زواج لما دخلت العروسين بالزفه ... الا الاخت مشترطه عليه يتعلم رقصه الـslow !!!
حطوا اغنيه هاديه وقاموا يرقصون .. البنت جريئه ما استحت منه لكن هو يا عمري ضااااع ووجهه الوان احمر اسود .. مو متعود xd
يعني احس حرام عليها احرجته قدام الحريم خصوصا ان الناس مو متعوده تشوف زي كذا
ردود الفعل وحده من ثنتين يااما بينقدون عليه انها مشته على رايها .. أو البنات بيكون بنفسهم !!!
اما أنا واختي حاله ثانيه لما شفنا الرقصه .. ما صرنا نطالع في بعض لأن لو بس شفت وجهه اختي بفك الضحكه الل ماسكتها و ما راح اقدر اسكت ... حرام الرجال موجود و كفايه عليه احراج XD


.................................................................................................... ......

يوشي

هل هذا رقص ام جمباز ؟ XD

هههههههههههه ليته جماز على الاقل تسمتع بالعرض XD

لول مابقيتي احد ناقص الحارهـ بس ههههههههه

ما كذب عليك لو اقولك الحاره اغلبها عايلتنا من عماني و بعض خوالي و عيالهم .... يعني الواحد اذا تزوج بنى بيته جنب بيت اهله
فحارتنا معروفه بعايله الفلان .... الا بس كم واحد مستأجر من خارج العائلة !!!!
يعني حتى الحاره حضروا العرس XD

انا احب بعد ماسلم على العالم الجايه الداخله والطالعه احب اساعدهم .. يعني تعرف .. نشيل الذبايح ترتيب الفواكه / البارد إلى اخرهـ

هذي اشوفها عندنا في الديره فقط و مو الكل بعد ... يعني تشوف عيال عم المعرس جالسين وكانهم من الحضور حتى بعض الاحيان تكون القاعه زحمه وما فيه مكان لدجره بعضهم يسلم ويطلع عشان ما يكون فيه احراج !!
و تلقاهم جالسين و لا همهم ... معليش مهما يكون انتوا تعتبرون من أهل الحفل !!!

الحريم شيقولون ؟
العشاء زان تعالوا اتشعوا يله ؟ XD

ههههههه لا عاد مو لهالدرجه .... الغالب أن الطقاقه تقول أم فلان (أم المعرس ) تحييكم و تقول تفضلوا على العشاء
و فيه ناس تقول بيت شعر يتعلق بالموضوع .....

بالنسبه للسعوديه .. ماعندنا النقوط ابدا حتى بالنسبه للنساء

الا فيه بس مالها اسم أو أنا ما اعرفه لكن نفس الفكره تقريبا ...
أما أن اهل الحفل يسجلون اسماء العوايل اللي بتحضر الحفل و كل شوي الطقاقه تغني بناس ويجون يرقصون على اغنيتهم ... هذا يكون الحفل مرتب يعني اغنية مدح بعدها اغاني عاديه و بعدها مدح و هكذا ..
و طبعا هنا الطقاقه ما تاخذ من الناس فلوس لأن أهل الحفل يكونوا دافعين لها زيداه عشان هالشي ...
و فيه ناس الباب مفتوح على مصراعيه كل وحده تروح للطقاقه و تدفع لها فلوس على انها تغني فيها ... غالبا اللي كذا الحفل يكون ملل ما فيه اغاني عاديه يعني ماتقدر ترقص لأن الاغنيه مدح في الانسانيه اللي ترقص !!!
و فيه شي ثاني بعد أني مثلا اروح للطقاقه و أطلب منها أغنيه عاديه و أخليها تقول قبل ما تغني ... هذي الاغنية أهداء لفلانه مثلا ام المعرس ويرقصون معاي بناتها ... (على أهداء حسيت كأني ببرنامج ما يطلبه المستمعون XD)

.................................................................................................... .....

يامي

ايييه اغاني "تفضوا عالعشى" مره بحياتي سمعتها مت ضحك اصلا يقولون للناس تفضلوا عالعشى وبس

لا هي مو اغنيه يعني تفضلوا عالعشى .... لا هذي كلمات الاغنية نفسها فيها مدح في الرجاّل أنه من كرمه دايم فيه مفطحات على صحونه !!!

والله @@ ؟؟ الله يعينكم احس العرس اعصاب وبصعوبه ترضون الكل

حرق اعصاب فظيع لكن مو بالنسبة لي XD لخواتي بس .. يعني كانوا يجهزون للحفل من قبل بسنة .. وقتها كانت اختي الكبيرة كانت حامل وقتها و ما تقدر تدور في المحلات فترسل اختي الثانيه نيابة عنها و تجيب لها عينات من الحلا و الفطاير XD حالتهم كانت صعبة XD

ههههههههههههههههههههههههه ضحكتيني نفس مزحتي ساعات اقولها لابوي ويقول لي ببرود زين تعالي معانا

لأنه يدري أن اذا جا وقت الجد بتنسحبين XD لكن انا لو قالي كذا بصدق !!! يلقاني سابقته عالسيارة XD

اوكي مكياج نقدر بروحها نخبص ونتعلم وهالي الي اسويه بس لو عرس اقارب درجه اولى يوم العرس اخلي وحده تحط لي
لاني مب ذاك الزود يعني شغلي مرتب لووول بس الشعر مافي مجال نتعلم جربنا وحرقنا شعورنا >_>

نفس الوضع عندي المكياج أحب أني احطه لنفسي حتى لو كان ناعم أحسن عندي من أن ملامحي تتغير و كأني حاطه جبس على وجهي من كثر الطبقات @@
بعدين المشاغل ما يعرفون المكياج الناعم أقولها أبي لون واحد للظل اقل شي تحط لي اثنين او ثلاثه !!! تقول حرام انتي دافعه فلوس و ما أكثر لك المكياج @@ طيب أنا عاجبني كذا !!

والشعر نفس الحاله حتى لو ما كان الزواج قريب لنا لازم اسويه بمشغل لأن حتى لو عملته بالبيت و كان حلو اذا وصلت القاعه خرب و لا كأني مشتغله فيه يومي كله ... أريح نفسي و أروح المشغل احسن !!

.................................................................................................... .....

ديلي

سؤال: الطقاقة ماتتعب ؟؟؟!!!
@.@!

من قالك أصلا انها تتعب اذا كل شوي موقفه عطونا مويه .... عطونا قهوه .. نبي حلى .. مدري ايش ...
و الاغنية ما تغنيها كامله ... تردد بيتين وتعي وتزيد و لا بعد ما تطول بالطق ما يمديك تخش بالمود الا موقفه طق @@
و الاوورق ما تجيبه معها ... تجيب زي المسجل فيه الموسيقى وكل شوي مشغلته حتى لو ما يناسب الاغنية ... تظن أننا اغبياء وتمشيها علينا
ونفس الشي لعود الكهرب .... يعني ما تتعب عمرها بالعكس تجي و تستانس وتوسع صدرها و معززه مكرمه اكثر من الحضور @@
فكيف تتعب !!! لو تقولها اقعدي لين بكره ما عندها مشكلة ...
و بعد فيه شغله ... توقف طق اذا جا وقت العشى و تروح تتعشى !!!

[نعومة الأحساس]

انا متأكد الحين نعومه صارت غنيه وعندها فلوس كثيره من كثر التنقيط هههههههههههههههههه
تسلفين :P ؟

ههههههههههههههه
أي عنيه واااااااايد

طيب بسلفك بس جم تبي @@

[نعومة الأحساس]

بذكر موقف مضحك قاله لي أخي

زواج معزوم عليه فيه منطقه ثانيه

ناس على قدهم ومو متكلفين في الزواج
ماتبين على الكرت التبريكات بنفس الليله ،، حتى يرتاحوا من الزوار والروحه والجيه إلى يخلص الزواج وهي ماتخلص
المهم

المعازيم صافين سرى حتى يسلموا على المعرس ويباركوا له بالزواج

وجى وقت العشى قال لهم واحد تفضلوا على العشى
إلا كل الي صافين سرى تركوا الصف وراحوا بسرعه للعشى @@ طريقتهم مضحكه في المشي
كانوا يسرعوا وتركوا السرى مو شايفين خير كل هذا للأكل يعني @@
والله فشله


في نلس جي وايييييييد يهتمون بالآكل درجه أولى

إلى درجه أنه ناس حتى لو مو معزومين على زواج بس يسموا أنه في زواج على طول يروحون بس للآكل @@

الله يهديهم @@

[Arashi]

ألبيد جيرل

رسمتي الابتسامة على وجهي ، واهم شي زفة نونا وسيمور XD !

لا سيمور مب المعرس..هو بس يوصل العروس XD

الحين احس في تطور شوي ،،اخر عرس رجال لقرايب لنا كانو جايبين فيه فرقة عرضه
-رقصة شعبية- والناس استانست وقعدت تصور وترقص معاهم ،،هذا الفرح

زمان كانوا يسوونها عندنا الحين ثقل دم الرياييل O.o

ت عرس ،،وحسيت باشمئزااز من كلمات 3 اغاني تقريبا ،، لو ينقالون جان قلتهم لكن لانه
كلام خادش للذوق العام ويؤذي السمع .. وبحالتكم هنا يؤذي القراءة فانتم بغنى عنه #__#

زين 3 بس @@
انا رحت عرس وكل الاغاني تلوع الجبد بكماتها يادوب كم اغنيه خذت فيهم بريك >_>

لا وشوفو بس مقياس التقييم عندهم ..الرقص @_@ !

ايه واللي ترقص اكثر او احسن هي اللي تنخطب XD

فإذا صعد الشجرة
وأمسك يديها عليه أن يحملهاويفر بها وهم يضربونه حتى يغادر
المكان ويكون بذلك قد ظفر بالفتاة وحاز على ثقةأهلها

ذكرتيني بهاللعبه XD

<strong><span style="color: rgb(0, 100, 0);">

فيمسكالعمدة برأسي الزوجان
ويضربهما ببعض . وبهذا يتم الزواج

ولو انكسر راسهم بطل الزواج XP

ودولار و 73 سنت للثانية

بل >_<

حد يقول لهم بس >_>

عندما يتوقع منك الوالدان انفاق 25 الف دولار لحفل الزفاف ،تخيل ماذا سيطلبون منك للانفاق على المهر !

هههههههههه عالاقل 100 ألف ريال وعندنا بعض الاحيان توصل نص مليون XP

حسنا ، أولا :حفل الزواج ليس يوم بل يبقى لبضع ساعات!

دايما نقول جذي XD
3 ساعات فقط @@"
بالنسبه للعروس..ساعه بالكثير >_>

تخيل هذا عندما تكون مرتديا بذلتك وتقف على المنصة في حفل زفافك ،وكل تلك الصور التي اعتقدت انك احرقتها ..قد عادت !
على الشاشة الكبيرة ! على العارض بحجم حائط ،الجميع مع الامهات يضحكون عليك

ههههههه جفنا شي أغرب عالشاشه بس بكتبه في رد منفصل XD

تسلمين عالترجمه ^^


---------------------------


يامي فيرجل

عرس ولد عمتي تقول مرته ان اختها فوق ال10 اللاف كاته .. بطلت عيوني .. شنو هذي من صجها ؟؟ @@ لهالدرجه وصلت بالناس تكت مثل هالمبلغ ؟؟

من صجها؟ @@
توني ادري..بس هي اصلا تحب الفخفخه والاسراف فماستغرب >_>
في ناس تكت دولارات بعد O.o

؛<<<<<<<<<<<< ترقص على نقوطها دايما يسوون جي لوول
شكرا اروش XD وشكرت نعومه جدا جدا

سوي نقوط حق عيالج يالبخيله XD

عشان نحل مشكلة هالعاده البعض يكتب في بطاقة الدعوه بعباره حلوه ماتذكر لها مثال بس بمعنى انثروا الورود بدل الفلوس ويحطون على كل طاوله مثل صرّه فيها اوراق ورد

اول مره ادري عن الورد ههههههه خوش فكره والله XD
-------------------------------ايتاتشي لوفر

على فكره في المجتمع البناتي في عائلتنا أنا فتاة مملة جداً لأني ما أشاركهم أهتماماتهم الخطيرة و المهمه و التي تؤدي لخير البلاد و العباد
و اذا انتهى الزواج و سألوني عن وحده كانت جالسي جنبي خخخخ اقولهم ما اعرفها xp

نفس الحال معاي XD

-----------------------------

نعومة الاحساس

والبعض يشتري فستان غالي يوصل إلى فوق 3000 ليش طيب شلي حادش مو زواجش هو زواج بنت خالتش أو عمتش ألخ

بعض فساتيني بهالاسعار لكن شاسوي...هذا ارخص شي قدرت احصله
لو اشتري جاهز ممكن أحصل أرخص بألف ريال...لكن مافي شي ستير يلبسه البني ادم @@"
حسبي الله عالخياييط لالي يستغلونا >_<

لكن فعلا في بنات ماصخات...يروحون عن خياييط تبدأ أسعارهم من 5000 وطالع...وهم يخيطون لج فستان بـ7 او 8 الاف حق المفاشر >_>
وفي الاخير الموديل بايخ وخياط يلوع الجبد O__o

ترد لااااااااااا كلهم شافوه علي لازم أشتري غيره << طيب وش يصير يعني إذا شافوه هذا ملابسك أهلش كلهم شافوهم عليش وهذا تلبسينهم ثانيه ><

هههههه صج والله
انا عن نفسي عادي أكرر...لكن الاهل مشكله...مثلا ولد خالي تزوج ولبست فستاني الاسود في عرسه مثلا
بعده بسنه بنت خالي تتزوج ولما أبي ألبس نفس الفستان على اساس ان توه طازج الاهل يوقفون في طريجي ويجبروني اخيط غيره >_>
تخيلي عندي 3 فساتين يديده كل واحد لابسته مره...بس هالمره مسويه اضراب وما بخيط او اشتري لأي مناسبه مهمها تكون XP

السمره تصير بيضه والشعر القصير يصير طويل

ايواااااااا الحين صارت موضة الوصلات XD

نقوط مني لأروشه

النقوط النقوووووووووطه...أراشي بنت المنتدى مراقبة قسم الترفيه والاصدقاء..
المشهوره بلقب سيده الشر الأعظم
والساااااااامع يذكر الله...ككلولولولوولليييييش كل الاراشي كلهم يازين أروش بينهم...

صفقه

عاشت أختها يامي على الرقصه

ويازين أرشي بينهم

يا سلااااااام نقوط باسمي...ميرسوووووووو نعوم ميرسوووووووو X3
ولا ويامي ترقص لي بعد XD

يالله يالله الكل يقوم يرقص ولالي ما يرقص على كرسي التعذيب على طول

إلى درجه أنه ناس حتى لو مو معزومين على زواج بس يسموا أنه في زواج على طول يروحون بس للآكل @@

ومب بس جذي...في اعراس الحريم...كل وحده شايله وياها صحنين لنفسها واحد جبل مجبوس والثاني جبل مأكولات ثانيه...وما تاكل الا ربع كل صحن >_>


----------------------------

ديلي10

عرس وعرووس >>>> والطقاقه اهييي بطلة العرس >>> تشيش الناس وتطلع زيران هههههههه XD

ههههه فعلا ساعات نروح عروس مانعرف اسم العروس بس اسم الطقاقه يتذكر على كل لسان في العرس XP

نبي تفاصيل عرس ولد جيرانكم XD

كلير خخخخ ليش ماصورتي الطقاقة

أبصم بالعشر انهم رياييل متنكرين XD

المعرس قصير .... العروس طويله

هالايام صارت موضه XD

العرووس حلوة ... المعرس جيكر

عمرنا ما جفنا اثنين حلوين ياخذون بعض @@"

اهل المعرس دفاشه

اهم شي المقارنه O.o

اهل العروس مو عرب خخخخخخخخخخ

لا هذي عاد ما تقدر تقول شي XP

بس منو الطقاقه@.@

نعومه المسؤوله عن النقوط نفس موضوع الاهداءات XD

مو ناقص الا كل وحدة وسليب باغها وتنام عندهم

خووووووووش فكره...شكلي بسويها للاعراس اليايه @@

بدلة بالالاف وتسريحة بالمئات وادوات تجميل وترميم وتلوين @@ بالدنانيير
شي مكلف >>> يعني بكل عرس لازم ميزانيه

شعر = 450 ريال
مكياج = 500 ريال <<< طبعا انا معفيه لأن مكياجهم يضرني XP
فستان = يبدأ من 3000 ريال
جوتي الله يعزك = يبدأ من 300 ريال
حنه = تبدأ من 150 ريال

المجموع = الكلكوليتر انفجر XD

سؤال: الطقاقة ماتتعب ؟؟؟!!!

@.@!

أغلبهم فيهم زار ما يتعبون XD


----------------------------


يوشيميتسو

عاد انا امس صايم وكنت جالس افطر مع الأهل

فقال ابوي لأمي متى تزوجين هالولد --> يقصدني وكنت جالس اكل فعطيته نظرهـ مثل هذي ,’



يعني معقوله تبي تفتكـ مني من الحين !! no man comn :P

ههههههههه وانا اعطي أهلي نظره أشنع لما يتكلمون في هالموضوع XD

بالنسبه لفوايد الاعراس اللي تكلمت عنها...فهذي تنطبق على أعراس الرياييل فقط
احنا عندنا كل عيله على طاوله منفرده ويادوب نلحق نقول لكمتين لبعض بسبب الازعاج -__-

عقبال ماتتزوج قل امين ونحضر عرسك ولو فيه النقوط نسوي مثلهم خخخخخخخ

من اول ما طرشنا لك بطاقة العرس لين الحين وانت تدعي علينا XD
عقبالك ياااااااارب تكون أول ضحيه بعد ما نقفل موضوع العروس XP

وهو ان اعراس الحريم تبدأ الساعه 9 او 10 الليل وماتخلص الا 4 الفجر او 6 الصباح
ياويلتاهـ !! يعني من جد هذا عرس ولا كازينو ؟ الصباح يخلص العرس

كنا جذي بس الحين تخلص أعراسنا 2 او قبل
----------------------------
ألين وركر

اوووووه نسيت اقول في اخر الشهر ان شاء الله راح يكون عرس خالي تقريبا بعد 8 او 10 ايام

البنات طلبوا نمدد القضيه بعد أسبوع...منتظرين التفاصيل XD

----------------------------

ميستي هيستوري

هلا و مرحبا اخباركم ?? زمان ما شفناكم !!! عساه مبروك ان شاء الله ...
و عقبال الصبايا يا رب !!! <<< توها تجي اخت العروس xd

عاد هالموضوع مخصوص عشانج...ما نزلناه لين تفضين XD

فيه ناس معها فلوس لكن ما تعرف تتصرف فيها فتشوفون البذخ على غير سنع و المشكلة شايفين أنفسهم أنهم أدوا الواجب في المثالية !!
.. أحب أحضر لهم بس عشان أضحك وأشوف ايش الحركات والاكشنااات اللي يبدعون فيها كل مره XD

هههههه ايه ايه عندنا هالنوعيه وعيله معروف عنها هالشي XD
من كم يوم وصلت لنا بطاقة عرس لهم...صندوق فضي واسود براق ولما تفتحينه يطلع شي عجيب
البطاقه نفسها موصله براس الصندوق ولما تسحبينها تطلع كأنها عفريت العلبه...والله نكته XD
هذيله كانوا جايبين احلام وديانا حداد لأعراسهم لدرجه ان الام باعت ذهبها >_>

وتبدأ تركض وتنقز >>>> مااسميه رقص !!!

ما بقى الا تقومين لها في يدج مفرش الطاوله و "أولييييييييه أولييييييييييييه XD "

كل الفلان كلهم ولا فرق الله شملهم و فلان خياله و ماسك باروده ومدري ايش !! وين عايشين !!

هههههههه تشبه مالتنا بس عندكم تكمله عجيبه X3

يوم زواج اخوي صلحوا خواني وعيال عماني وخوالي واقاربي واصدقائهم (المهم كل الناس اللي يعرفونهم XD) موكب سيارات عشان يزفونه لحد القاعه
وكان فيه رقص ووناسه لكن الشوراع تسكرت وسووا زحمة لكن تعطي جو فرح صدق xd

ههههه سووها في عرس ولد عمتي حتى ربعه من زود الوناسه قالوا له "يالله يالله عقبال الثانيه" <<< يبونه يتزوج ثانيه عشان يعيدونها XD

تدرين انا لو يصير معي كذا وش بيسوي ؟؟ ... بالعكس كل شوي بروح عند الجهه اللي هي فيها بس عشان احرها XD
و بعدين يمكن الفستان صاير علي أحلى !!! <<<<< مو أقولكم واثقه بزياده XD

ههههههه ايه والله يبي له جذي XD

اما أنا واختي حاله ثانيه لما شفنا الرقصه .. ما صرنا نطالع في بعض لأن لو بس شفت وجهه اختي بفك الضحكه الل ماسكتها و ما راح اقدر اسكت ... حرام الرجال موجود و كفايه عليه احراج XD

ههههههههههههه سبحان الله XD

و فيه ناس تقول بيت شعر يتعلق بالموضوع .....

اليوم نفرح بزواج ميستي بنتنا
وبحضوركم كملت علينا فرحتنا
تفضلوا على العشا يا ضيوفنا
اكلوا اللي جدامكم يالله فكونا

XD

و فيه شي ثاني بعد أني مثلا اروح للطقاقه و أطلب منها أغنيه عاديه و أخليها تقول قبل ما تغني ... هذي الاغنية أهداء لفلانه مثلا ام المعرس ويرقصون معاي بناتها ... (على أهداء حسيت كأني ببرنامج ما يطلبه المستمعون XD)

ههههههه يسوونها أحيانا عندنا وغالبا تكون الاهداءات خماري من العيايز XD

بعدين المشاغل ما يعرفون المكياج الناعم أقولها أبي لون واحد للظل اقل شي تحط لي اثنين او ثلاثه !!! تقول حرام انتي دافعه فلوس و ما أكثر لك المكياج @@ طيب أنا عاجبني كذا !!

اووووووووه...مره امي ودتنا صالون عشان المكياج (قبل ما تصير بشرتي حساسه) وحطت الكوافيره ليامي وامي مكياج...انصدمت...ثقيييييييييييييييل @@
قلت لها تحط نص اللي حطت لهم
ولما خصلت مني كنا مستعجلين فما مداني اجوف المرايا....لكن لما وصلت العرس......وجفت المرايا.........

.

.

.

.

.

.

.

<span style="color: rgb(0, 100, 0);"><strong>
NOOOOOOOOOOOO

من الصدمه ماعرفت شاسوي.....لاااااااااااااعت جبدي.......كان ودي أروح لأقرب حمام (الله يعزكم) واغسل ويهي

الاخت شمسويه فيني؟ 5 طبقات كريم أساس وكأني alien من الفضاء...الحواجب مكبرتها وصابغتها أسود

والالوان وييييييييع × وييييييييييييع غامجه وماتناسب كللللللللللللللش

حتى صوري في هالعرس تخلصت منها كلها

فقلت توووووووووبه انا احط مكياجي لنفسي احسن...ولين اليوم مب مسموح لأي احد يمسك ويهي غيري


----------------------------

استغفار

واو أخ العريس أحضر Gateaux

ذكرتنيني بايام الجامعه لما درست فرنسي كورسين ^^

احنا ما عندنا تلبيس خواتم في العرس ولا تقطيع كيك...مره سووها في الملكه @@
وعندنا تلبيس الخاتم يكون مع شبكه (عقد واسواره...ألخ) في الملكه فقط

تحت التصفيق الكل العروسان سيرقصان

احنا عندنا عيب يرقصون (طبعا ماقصد عيب في كل مكان ^^)
مره وحده سوتها مع زوجها والكل علّق عليها @_@
هو فعلا منظر سخيف لو كان المعرس لابس بشت وثوب...لكن بالبدله اجوفه منظر عادي XP



----------------------------
هارتبيت

وحين يأتي الوقت لأخذ أخي الى زوجته في قاعة النساء اجد والدتي هناك تنتظر لتجبرني على الرقص معها -_-

اوووووووه هارتبيت يرقص...ماصدق @_@
وناسه عندكم والله X3
احنا نستانس لما أخوان العروس او المعرس يرقصون...عندنا شي عجيب وغريب XD
عندي كذا سالفه بس الرد صاير زحمه XP



----------------------------

كلير

تنسيق عرسكم ناعم وفخم في نفس الوقت ^^
الله يهنيكم كلكم

كان ودي نسمع قصص وتفاصيل العرس ^^

[Arashi]

^^^^
أطول رد في العالم XP





الاسبوع انتهى لكن بعض الاعضاء طلبوا نمدد القضيه بعد اسبوع زياده...ايش رايكم؟ ^^

عندي وايد سوالف ليلحين ما قلتها <<< سوالف الاعراس مايكفيها شهر xP

[dely10]

لا بسسس خنغير الموضوع لا تعقدونا بعدين ما نتزوج X0

[نعومة الأحساس]

أنا بعد عندي سوالف عن الزواج للحين ما قلتها
في رأيي نمدده أسبوع بعد ونشوف رأي الباقي

[yami vergil]

عادي براحتكم بس احس ان انا كل شي عندي قلت لاني ماروح اعراس وايد فمادري فماعندي سوالف لوول

بس لاحظت على الغالبيه شي لما نناقش اي موضوع بس لاتزعلون مني واعتبروني اختكم

اغلب الردود عن اي موضوع تتناول عيوب والجانب السلبي للقضيه ... اقصد مسكو بعد الجانب الايجابي من كل شي

وضحكوا وتغشمروا عشان يحلو النقاش ^^

[Arashi]

بناخذ اول 3 اصوات سواءا تطالب بتمديد القضيه او تغييرها <<< نظام كرسي التعذيب XD

ديلي: صوت لتمديد القضيه
نعومه: صوت لتغيير القضيه

يامي راي محايد XD