صفحة 5 من 7 الأولىالأولى 1234567 الأخيرةالأخيرة
النتائج 61 إلى 75 من 95

الموضوع: مواقف من حياتنا

  1. #61
    التسجيل
    18-08-2007
    الدولة
    عروس(الكويت)الخليج
    المشاركات
    3,910

    رد: مواقف من حياتنا

    نعومه موقفج صج يخرع
    انتي من خوفج على اخوج خذيتي منه السكينه وجرحتيه

    كنتي طفلة صغيرة وماتنلامين

    فعلا الصغار بسن سنتين كثيرين الحركة والتعبث واي شي يحطونه بحلجهم


  2. #62
    نعومة الأحساس غير متصل عضوة مميزة في منتدى الخواطر والنثر
    التسجيل
    24-06-2009
    الدولة
    عالم الخيال
    المشاركات
    2,841

    رد: مواقف من حياتنا

    انتي من خوفج على اخوج خذيتي منه السكينه وجرحتيه

    كنتي طفلة صغيرة وماتنلامين انتي من خوفج على اخوج خذيتي منه السكينه وجرحتيه

    كنتي طفلة صغيرة وماتنلامين

    لا لاااااااااا مب أنا الي جرحته
    وهو يلعب بالسكين شافني جدامه سحبها بسرعه حتى ما آخذها منه
    وجرح بها يده
    أنا كنت أبي آخذها منه بس بدون ما يأذي نفسه
    بس ما قدرت عليه

  3. #63
    التسجيل
    18-08-2007
    الدولة
    عروس(الكويت)الخليج
    المشاركات
    3,910

    رد: مواقف من حياتنا

    ^^^

    لاا علبالي انتي اللي خذيتي منه

    مسكينه عيل مالج ذنب




  4. #64
    نعومة الأحساس غير متصل عضوة مميزة في منتدى الخواطر والنثر
    التسجيل
    24-06-2009
    الدولة
    عالم الخيال
    المشاركات
    2,841

    رد: مواقف من حياتنا

    مسكينه عيل مالج ذنب

    أي هذا الي خلاني ابكي طول اليوم


  5. #65
    التسجيل
    27-08-2009
    الدولة
    لـؤلـؤة الخلــــيج
    المشاركات
    1,609

    Wink رد: مواقف من حياتنا

    موقــف نيومــي مع الذهـــب
    ,,,
    همممم ...


    رأيي بالقصـة ..
    بصراحـة ما تنلاميــن على إلـي صار معاج ..
    يعنـي لو أنـا كنت مكانج راح يصير موقفي نفس موقفج

    و أنـا أنصح الأهل بــ ..
    إذا إنتو خايفيـن على الذهب لهالدرجـه .. خلاص لا تلبسون البنت
    و لا تعقدون الموضوع

    البنت شذمبها إذا ضاع منها الذهب
    يعنـي تنذبح مثلاً

    فأنا أقولج ..
    خليج بعيده عن الشغلات الغالية و الثمينة إلي تعور الراس

    و ما يحتاج تلبسين شغلات غالية ..
    يكفـي إنج إنتـي الغالية ...


    و الله يحفظج نيومـــــي


  6. #66
    التسجيل
    08-06-2004
    الدولة
    ++ Spira world ++
    المشاركات
    4,552

    رد: مواقف من حياتنا

    السلام عليكم ورحمة الله وبركاته

    أشكر الاعضاء على مشاركتنا بعض من مواقف حياتكم ^^

    هذا موقف مريت فيه يوم كنت بالروضة :

    بيوم من الايام اخذونا رحلة بالباص مع المدرسات للبر انا كنت اعرف البر خصوصا منطقة التخييم لان ابوي كان يروح لاصدقائه بالاستراحه وياخذني معاه
    >> لأنج بلشه تلصقين فيه الا ياخذج XD
    المهم ركبنا الباصات واتجهنا للبر ، نزل الجميع وانا كذلك لكني لفيت من ورا الباص ومشيت بعيد الا فجأة ماشوف احد حولي !!
    حافظت على هدوئي بحكم اني متعودة ع البر واعرفه شوي ، بس المشكله مااعرف وين راحو قروب روضتنا ! @.@
    وين المدرسات ؟؟ وين الياهال ؟؟

    قعدت امشي مسافة طويلة ، وكان وقتها نهار ، وكنت اسوي حركة واايد احبها وهي خطر

    اني لا شفت جحر صغير ولا حفرة بالارض اقوم اطمسها !

    وقعدت العب بهالجحور و لا ادري شفيها ، والحمـــد الله الله ستر !

    كملت مشي والا القى فجاة قبالي اربع عواميد خشب ، اثنين متقابلين مربوطة فيهم قطعة قماش وصايرين مثل دش متنقل خخخ XD
    ،،قلت بقلبي وشو هذا ؟ منو يعيش منيه ؟ خلاوخر عنها لا يطلع لي منها شايب يطير ع بساط !
    >> متأثرة من الكرتون ..

    وكملت مشي وانا اطالع الارض و اطمس بهالجحور ، الا اشوف خياآام منصوبة ،، ومدرساتنا قاعدين برا يشربون قهوة !!!!
    حتى ماحاجيتهم فيه وحده من هالمدرسات ما احس بالالفة تجاهها وكانت قاعده معاهم ..تركتهم ع شغلهم ودشيت بالخيمه
    ولا اشوف بساط طويييل وعليه فطور مكون من توست وجبن مثلثات وصحن فاكهه ، اول ماقعدت ع صحن الفاكهه،، ادور الكمثرى..
    الفاكهه التي احب ..

    سابقا = P الحين قلبت على التفاح وعصير الباشن فروت @.@ !

    مابقى صحن فاكهه على السماط لا وخلصت الكمثرى اللي فيه
    إلا واحد من الاولاد اللي معاي يتحلطم على طعم جبن المثلثات ويقولي مو لذيذة وانا الا بجربها بعرف لاي درجه مو لذيذة XD
    جان اقوله عقب ماقتنعت : اي صاج >.>(ليش ييبون لنا شي جذي XD)،،اخذ كمثرى احسن لك

    وكملنا لعب مع باقي الياهال واستانسنا بالرحلة ، والحمد لله الله ستر وماضعت صج ! @.@


    العبرة .. لا تنفصلون عن مجموعتكم بالبر - بالسفر - حتى بالسوق XD
    واذا شفتو جحر بالبر وخروا عنه وتعوذو من شر اللي فيه XD !!

  7. #67
    نعومة الأحساس غير متصل عضوة مميزة في منتدى الخواطر والنثر
    التسجيل
    24-06-2009
    الدولة
    عالم الخيال
    المشاركات
    2,841

    رد: مواقف من حياتنا

    السلام عليكم ورحمة الله وبركاته

    أشكر الاعضاء على مشاركتنا بعض من مواقف حياتكم ^^

    هذا موقف مريت فيه يوم كنت بالروضة :




    وعليكم السلام ورحمه الله وبركاته

    وي وي وش هالنور تو مانور الموضوع حبيبتي

    طبعاً مع شكري الخالص لكل من شارك فيه واكيد الموضوع منور بالي شاركوا بس زاد الحين

    مممممممم موقفج عادي جداً ومافي شي يخرع خصوصاً انج مابكيتي ولا شي

    ماشاء الله عليج شجاعه تدرين صارت لي مواقف جي >> الأخت كلا تضيع وهي صغيره

    بس مو مبين عليج أنج شيطانه

    حلوه نصيحتج عجبتني بس فات الآوان ما أقدر أطبقها الحين

    أشكرج وأشكر كل الي شاركوا معي خصوصاً الي تكررت مشاركتهم معي

    تحياتي للجميع ..


  8. #68
    التسجيل
    03-09-2005
    الدولة
    KSA - Khobar
    المشاركات
    3,852

    رد: مواقف من حياتنا

    السلام عليكم ورحمة الله وبركاته ..

    هذا موقف مريت فيه بصراحه في قمة الغرابه ما كنت بتكلم فيه لكن علشان اراشي بقوله .. >.>

    يوم من الايام لما نزل الديمو لفينل فانتسي 13 في شهر 4 سنة 2009 واحد من اصحابي قالي خلنا نسميه "
    ستروبيري " قال ان صاحبه يبي يعرفنا عليه وعنده الديمو وخلنا نسميه " بلو بيري "

    المهم في يوم خميس جاء
    ستروبيري ومعاه بلو بيري وتعرفنا عليه وكان ولد طيب خلوق وما عليه كلام ولعبنا الديمو واستانسنا ^_^

    المهم تعرفنا على
    بلو بيري وصار صاحبنا ونشوفه كل اسبوع تقريبا ً

    وجلس يقول لنا سوالفه وعن اصحابه في اليابان ووين يروحون هناك وعن الفريق الي معاه بيسوون لعبه وجالسين يشتغلون عليها ..

    وعندهم بعد مانجا وبيصير انمي قريب ان شاء الله ..

    يوم من الايام كان يبي يروح اليابان علشان يحظر زواج واحد من اصحابه وكان يستشيرنا ايش البس وايش اسوي ..

    المهم اختفى اسبوعين ما شفناه .. وبعدها جاء وجاب لنا معاه هدايا وحركات ..

    وكان عنده مرض في الاعصاب يعني يتنوم في المشتشفى شهر في السنه واحيانا ً يجينا بعكاز وبالـ يالله يمشي

    وجاني واحد من اصحابي وخلنا نسميه "
    تشيري " قال لي ان فيه شيء غريب ..؟؟!! " قلت له على نياتي " .. ايش ؟؟

    قال ما ادري لكن احس ان الموضوع فيه إن ..!!

    المهم راحت الايام وجات وجاني
    ستروبيري وقال لي ان بلو بيري " كذاب " ولا فيه يابان ولا مانجا ولا لعبه ولا انمي ولا تيم ولا مرض ولا شيء ..!!

    وقال لي ان احنا بنكلم الشباب علشان نتجمع عنده في بيته ونقول له الموضوع كله ..

    انا قلت الله يخليك طلعني من الموضوع لأني ما احب اقابل احد واقول له انت كذاب بوجهه .. المهم راحوا كلموه وقالوله اننا نعرف كل شيء وانك كذاب ..

    وبعد ما تحريت وراه طلع له سوابق في عدة منتديات .. والمسكين مسوي عالم افتراضي وعايش فيه ..

    وكان موجود في منتدانا هذا لكن ما بذكر اسمه ولا اتوقع بتعرفونه لأنه قديم .. واتمنى الي يعرفه ما يكتب اسمه او نكه ارجوكم ..

    بصراحه هو ما ضر احد فينا علشان كذا ما حقدنا عليه ولا شيء لكن اصحابه ما صارو يكلمونه واذا كان موجود بيننا ما يعطونه اهتمام

    لكن انا وصاحبي
    تشيري نكلمه عادي ويوم الاربعاء الماضي كان موجود عندي بالبيت مع الشباب ووضعه متحسن كثير ..

    انا على عكس الشباب الثانين كان كاسر خاطري وابيه يكون طبيعي لأن يمكن كان يبي يجلب الاهتمام او اي شيء ثاني ..

    ...

  9. #69
    التسجيل
    17-02-2006
    الدولة
    Q-T-R
    المشاركات
    2,101

    رد: مواقف من حياتنا

    يوووووووو هالموضوع من زمان عنه والله فاتتني سوالف

    Al Bhed Girl

    هههههههههههههه كيوووووووت سالفتج ولله عجبتيني وسبحان الله صج ان الي يضيع المفروض يتم بمكانه بس الله حفظج
    وزين انج بنفسج وثلتي عمرج للمجموعه وانتي كللللللش ولا كأن صار شي وكل شي طبيعي وبالعافيه عليج الكمثره هههههههههه

    Nin Revo

    الكذب دم ضروسي ماااااااااااحبه لكن دام كذباته ماضرت حد ماله داعي حد يعصب ويزعل عليه مثل ما انت قلت ^_^
    اكيد له ظروفه الي خلته يمرض بمرض الكذب الله اعلم .... بس انتو شلون صدقتو سوالفه عن الديمو والشركه !!
    نايس الالقاب الي حطيتها على الاشخاص لووول يوعتني XD

  10. #70
    التسجيل
    16-06-2009
    الدولة
    British Columbia for Now
    المشاركات
    308

    رد: مواقف من حياتنا

    الحياه بانسبه لي مثل الفصل والسنين مثل الحصص والمواقف مثل المعلمين << الحقوق محفوظه هع يعني كل يوم نتعلم شي منها مهم طال السنين نظل نتعلم ونتعلم من مواقف حلوه او حزينه او مغضبه الانسان يظل يتعلم حتى لما يوقف قلبه عن النبض




    حياتي كلها مواقف بشعه وقليل ماشفت الهناء فيها .. بس ان احمد لله لني اعرف ان في ناس اللعن مني وحياتهم صعبه وممله ومقرفه والله مايصبرني عليها غير الصلاه والالتجاء الي الله حتى المرض للي معي يبعد ناس كثير عني عبالهم معدي او يموت ساعات انقهر وساعات احزن وساعات افرح لكن وصلت لدرجه اني ماعدت اهتم بالعالم كله غير انسانه واحده اعطيها عمري ولا ابالي هي امي الغاليه ادعو لها بطولت العمر انسانه تحس فيني حتى قبل ما افتح فمي تروا الام تقر ا افكارك بدون ماتتكلم زمان قبل 10 سنوات كانت فتره نزول الـps2 والله فجائه لقيتها جايبته لي انا انصدمت وموقف غيرها لدرجه اني حسيت انها ساكنه براسي الشي للي يخوفني عليهاا هو وفاه احد قريب عليها امي انسانه حساسه لدرجه قويه وتخاف علينا انا اخواني من قرصت النمله



    موقف اول خلاني اخاف علهيا من الزمان كنا مسافرين كلنا وختي انكسرت بشنطها المرايه وجرحت رجلها جرح كبير لدرجه انها ماحست فيه ولما شافته امي يالله اخذت انفاسها واغمي عليها انا ذيك اللحظه حست قلبي وقف ولما صحيت رجع نبض وخيطت الجرح واللحين هي زي القرد مشالله ^.^



    وموقف ثاني كنا رايحين نزو جدتي وجدي وهي فله كبيره لدرجه ان خوالي وخالاتي كلهم ساكنين فيها والان يبون يبيعوها حسافه والله يبون يتفرقوا المهم

    جينا لقينا ناس كثير متجمعه وماحد لابس اعقال سمعت صرخه خوف من امي قالت شنو وش فيه ونزلت ركض علي الصاله ونا كنت عند الباب شفتها طاحت

    جلست تبكي وتبكي انا كنت صغير وماحسيت بقوه الموقف ولا بكيت لكن اناظر الناس اشوفها تبكي لكن مو هنا الخوف الخوف



    اني امي السنوات الاخيره صارت تتعب كثير وتعبها المعفن اخوي >>معليش داشر وخلها تتعب وتروح المستشفيات كثر وربي كرهته

    ولما اشوفه اعوف الدنيا وجدتي الله يحفظها حيه وامي متعلقه فيها كثير وتحبها ونا دايم احلم انها بتموت قريب فا انا خايف علي امي من الصدمه

    اكثر من جدتي





    ياجماعه والله الام كنز الالماس شي مستحيل تعيش بدونه و تذكر مهما تخلو عنك الناس وتركوك وباعوك تضل هي الانسانه الوحيده للي تحب لك الخير بين كل الناس للي تبي تشوفك تفشل ويااااااااكثرهم




    اتذكر موقف لولد خالتي مع امه هي حرمه كبيره وضعيفه وهو انسان متكبر ثقيل حيل جوه اخوياه الساعه 3 الفجر تيخلو المشكله مو هني المشكله راح صحى امه العجوز المسكينه وقال يالله سوي شاي


    وربي اني انقهرت ولا قدرت اتكلم لن علاقتي قاطعها معه وقلت لخوه ياثور تكلم افتح فمك وهو عادي عنده الوضع شوي وسامع هواش بالممر وشاوفه يرمي عليها الجوال واسحب عقالي وجلست اظرب فيه واظرب فيه


    والله لدرجه اني خليته يبكي ولا وقفت وبعدها طلعت من البيت وانقطعت علاقتي معه للابد وحتى مره نفس الموقف في بيت خالي يوم يجاء يبي ياخذ امه وهي تاخرت وماطلعت دخل وجلس يتكلم عليها بكلام


    لو انا موجود كان ذبحته ومسكه خالي خضر وظربه ظررررب يتساهل





    لكن خذوها من انسان درس طباع الناس عدل وشاف اشكال واجناس ذاا تبي تعرف معدن صاحبك او صاحبتك حطه بموقف قوي واطلب مساعدته في اللحظه ذي تطيح الاقنعه ويبان المخلص من المطقطق




    وعذروني ع الكئابه للي قلتها

  11. #71
    نعومة الأحساس غير متصل عضوة مميزة في منتدى الخواطر والنثر
    التسجيل
    24-06-2009
    الدولة
    عالم الخيال
    المشاركات
    2,841

    رد: مواقف من حياتنا

    هلا فيكم نورتوا الموضوع
    وأسعدتني مشاركنكم معي بمواقف من حياتكم


  12. #72
    )(FanTasy)( غير متصل سـبحـان الله وبـحـمـده
    الفائز الاول بمسابقة اليوم المميز
    التسجيل
    07-10-2009
    الدولة
    in my lovely home .. Kuwait
    المشاركات
    2,082

    رد: مواقف من حياتنا

    الـسـلام عـلـيـكــم

    سـأذكــر مـواقـف عـلـى عجــالـة

    وصدقـونـي لـم أقـرأ مـواقـفـكـم إلـا فـي أول مشـاركـة أو مـشاركـتـيـن
    ..

    مــوقـف حـزيـــن

    تـوفـوا أجـدادي الأربـع فـي سـنـتــيـن رحمـهـم الله

    وكــــــان عـــــمـري 6 سنـوات
    .. فلمـا أرى والــدي يـبكــي ويـبكـي كـنت أبكـي ولا أعـلم مـا السـبب

    وكــذلك مـع والدتـي
    .. فلمـا تبكـي والدتـي يقـولـون مـن حولـهـا بهدوء : خـلاص يـا أم فـلان خــلاص

    وأنــا أقـلـــــــدهـم
    : خــــلاص يـا يمـه خــلاص .. رأيــت أبـي وأمــي حـفظـهـمـا ربـي يبكـون كـثيـرًا

    فكمـا ذكــرت تـوفـوا أجـدادي الأربـع خـلال سنـتـيـن فقـط
    .

    مـوقـف رائـع


    أن نـواجـه أنـا وصديقـي العـزيـز Abrams مـدير عملنـا السـابق ويقــول لنـا
    : أنتمـا أفـضل اثنان فـي هـذا العمــل .

  13. #73
    التسجيل
    17-02-2006
    الدولة
    Q-T-R
    المشاركات
    2,101

    رد: مواقف من حياتنا

    الحياه بانسبه لي مثل الفصل والسنين مثل الحصص والمواقف مثل المعلمين << الحقوق محفوظه هع يعني كل يوم نتعلم شي منها مهم طال السنين نظل نتعلم ونتعلم من مواقف حلوه او حزينه او مغضبه الانسان يظل يتعلم حتى لما يوقف قلبه عن النبض

    صدقت ... الانسان اذا حياته كانت سهله من غير مشاكل وعراقيل عمره ماراح يتعلم من الدنيا شي

    حياتي كلها مواقف بشعه وقليل ماشفت الهناء فيها .. بس ان احمد لله لني اعرف ان في ناس اللعن مني وحياتهم صعبه وممله ومقرفه والله مايصبرني عليها غير الصلاه والالتجاء الي الله حتى المرض للي معي يبعد ناس كثير عني عبالهم معدي او يموت ساعات انقهر وساعات احزن وساعات افرح لكن وصلت لدرجه اني ماعدت اهتم بالعالم كله غير انسانه واحده اعطيها عمري ولا ابالي هي امي الغاليه ادعو لها بطولت العمر انسانه تحس فيني حتى قبل ما افتح فمي تروا الام تقر ا افكارك بدون ماتتكلم زمان قبل 10 سنوات كانت فتره نزول الـps2 والله فجائه لقيتها جايبته لي انا انصدمت وموقف غيرها لدرجه اني حسيت انها ساكنه براسي الشي للي يخوفني عليهاا هو وفاه احد قريب عليها امي انسانه حساسه لدرجه قويه وتخاف علينا انا اخواني من قرصت النمله

    ما شاء الله تبارك الرحمان .... حتى بسكوتنا يعرون شنو في بالنا سبحان الله
    والله يشفيك من المرض ان شاء الله وماعليك من الناس واحسن شي تسويه انك ماتهتم وترى محد صاحي الحين كل من يشتكي من الامراض ^^
    بس الحمدلله على كل حال


    موقف اول خلاني اخاف علهيا من الزمان كنا مسافرين كلنا وختي انكسرت بشنطها المرايه وجرحت رجلها جرح كبير لدرجه انها ماحست فيه ولما شافته امي يالله اخذت انفاسها واغمي عليها انا ذيك اللحظه حست قلبي وقف ولما صحيت رجع نبض وخيطت الجرح واللحين هي زي القرد مشالله ^.^

    ايه في امهات هشكل مايقدرون يشوفون دم عيالهم بس لو الناس عادي نفس بنات عم ابوي امهاتهم هشكل فمتفقين كل وحده هي تودي عيال الثانيه المستشفى
    لو تعورو لووول


    وموقف ثاني كنا رايحين نزو جدتي وجدي وهي فله كبيره لدرجه ان خوالي وخالاتي كلهم ساكنين فيها والان يبون يبيعوها حسافه والله يبون يتفرقوا المهم

    جينا لقينا ناس كثير متجمعه وماحد لابس اعقال سمعت صرخه خوف من امي قالت شنو وش فيه ونزلت ركض علي الصاله ونا كنت عند الباب شفتها طاحت

    جلست تبكي وتبكي انا كنت صغير وماحسيت بقوه الموقف ولا بكيت لكن اناظر الناس اشوفها تبكي لكن مو هنا الخوف الخوف

    اني امي السنوات الاخيره صارت تتعب كثير وتعبها المعفن اخوي >>معليش داشر وخلها تتعب وتروح المستشفيات كثر وربي كرهته

    ولما اشوفه اعوف الدنيا وجدتي الله يحفظها حيه وامي متعلقه فيها كثير وتحبها ونا دايم احلم انها بتموت قريب فا انا خايف علي امي من الصدمه

    اكثر من جدتي

    الله يعينها على اخوك ): مادري ليش في بعض البيوت لازم واحد يطلع غلط ويعور قلب امه وابوه ... الله يخيلكم جدتك ويعطيها الصحه والعافيه وطولة العمر يارب


    ياجماعه والله الام كنز الالماس شي مستحيل تعيش بدونه و تذكر مهما تخلو عنك الناس وتركوك وباعوك تضل هي الانسانه الوحيده للي تحب لك الخير بين كل الناس للي تبي تشوفك تفشل ويااااااااكثرهم

    صدقت ..

    اتذكر موقف لولد خالتي مع امه هي حرمه كبيره وضعيفه وهو انسان متكبر ثقيل حيل جوه اخوياه الساعه 3 الفجر تيخلو المشكله مو هني المشكله راح صحى امه العجوز المسكينه وقال يالله سوي شاي
    وربي اني انقهرت ولا قدرت اتكلم لن علاقتي قاطعها معه وقلت لخوه ياثور تكلم افتح فمك وهو عادي عنده الوضع شوي وسامع هواش بالممر وشاوفه يرمي عليها الجوال واسحب عقالي وجلست اظرب فيه واظرب فيه
    والله لدرجه اني خليته يبكي ولا وقفت وبعدها طلعت من البيت وانقطعت علاقتي معه للابد وحتى مره نفس الموقف في بيت خالي يوم يجاء يبي ياخذ امه وهي تاخرت وماطلعت دخل وجلس يتكلم عليها بكلام

    تبي الصج يستاهل وزين ماسويت فيه الضرب شويه عليه لان في حديث للرسول صلى الله عليه وسلم نستيه الحين ان الخاله ترى مثل الام فمابالك لو امك الله يحفظها كانت مكانه ؟؟
    تبا له حسابه عند ربه عسير


    لو انا موجود كان ذبحته ومسكه خالي خضر وظربه ظررررب يتساهل

    الحمدلله انه ينضرب على حركاته


    لكن خذوها من انسان درس طباع الناس عدل وشاف اشكال واجناس ذاا تبي تعرف معدن صاحبك او صاحبتك حطه بموقف قوي واطلب مساعدته في اللحظه ذي تطيح الاقنعه ويبان المخلص من المطقطق

    ان شاء الله الله يرزقك بالاصدقاء الثالحين الي نتلاقيهم جنبك وقت اليسر والعسر

    وعذروني ع الكئابه للي قلتها


    الله يخليك لامك ويخلي لكم امكم ويعطيها طولة العمر والصحه والعافيه يارب
    دايما تعرف معدن الانسان من بره لواليده .. وبرهم وطاعتهم تنزل علينا البركه من رب العالمين بس في ناس مثل ماتفضلت
    مايحمدون ربعهم على النعمه ... صج ساعات نغلط عليهم ونزعلهم ): بس مهما يكون نحبهم ونكره نفسنا ونتم طول اليوم متضايقين لين نحبهم على راسهم ونراضيهم
    وعقب نرتاح ):


    واعذرني على تعقيبي المتأخر ^^ صراحه كبرت في عيني

    ----------------------

    الـسـلام عـلـيـكــم

    سـأذكــر مـواقـف عـلـى عجــالـة

    وصدقـونـي لـم أقـرأ مـواقـفـكـم إلـا فـي أول مشـاركـة أو مـشاركـتـيـن
    ..

    مــوقـف حـزيـــن

    تـوفـوا أجـدادي الأربـع فـي سـنـتــيـن رحمـهـم الله

    وكــــــان عـــــمـري 6 سنـوات
    .. فلمـا أرى والــدي يـبكــي ويـبكـي كـنت أبكـي ولا أعـلم مـا السـبب

    وكــذلك مـع والدتـي
    .. فلمـا تبكـي والدتـي يقـولـون مـن حولـهـا بهدوء : خـلاص يـا أم فـلان خــلاص

    وأنــا أقـلـــــــدهـم
    : خــــلاص يـا يمـه خــلاص .. رأيــت أبـي وأمــي حـفظـهـمـا ربـي يبكـون كـثيـرًا

    فكمـا ذكــرت تـوفـوا أجـدادي الأربـع خـلال سنـتـيـن فقـط
    .

    الله يرحمهم ويغمد روحهم الجنه يارب ... صج صعبه تفقد اعز الناس عليك في فتره قصيره
    مـوقـف رائـع


    أن نـواجـه أنـا وصديقـي العـزيـز Abrams مـدير عملنـا السـابق ويقــول لنـا
    : أنتمـا أفـضل اثنان فـي هـذا العمــل .

    ما شاء الله ^^ صج رضى الناس من رضى رب العالمين وشي يدعو للفخر ^^


  14. #74
    التسجيل
    12-06-2010
    الدولة
    jordan
    المشاركات
    955

    رد: مواقف من حياتنا

    السلام عليكم
    للأسف الموضوع جميل و لاكنه تراجع كثيرا فحبيت انني ارجعه مرة اخرى
    و اشاركم بموقف طريف حصل معي في رمضان قبل سنتين او ثلاث لست متأكد
    ولم اقرأ الردود السابقة وسوف اعلق عليها بعد ان اقراها
    المهم
    استيقظت في احد ايام رمضان في الصباح
    وكنت اشعر بلجوع و كنت قد نسيت اننا في شهر رمضان
    فذهبت الى المطبخ وبدأت باعداد وجبة فطور مرتبة و كاسة شاي
    وجلست على المائدة وبدأت بلأكل وكأنه يوم عادي
    ولم اتذكر انني صائم الا بعد ان راني اخي وانا اكل وفتح فمه وهو ينظر الي بتعجب

    ثم قال لي ماذا تفعل الست صائم
    الا انه قد اتى متأخر للغاية
    فلقد كنت قد انتهيت من الاكل تقريبا عندما راني وذكرني
    ههههه فعلا كان الموقف محرج و كل ما اذكره اضحك على نفسي
    Coming soon

  15. #75
    نعومة الأحساس غير متصل عضوة مميزة في منتدى الخواطر والنثر
    التسجيل
    24-06-2009
    الدولة
    عالم الخيال
    المشاركات
    2,841

    رد: مواقف من حياتنا

    وعليكم السلام ورحمه الله وبركاته
    هه موقف ظريف
    لكن أخي تستطيع أن تكمل صيامك إذا كنت ناسي
    تكمل صيام اليوم عادي بس تتوقف عن الأكل وتكمل عادي
    الشي المحرج أخوك شنو قال عنك كااااك
    أشكرك على هذا الموقف الظريف

صفحة 5 من 7 الأولىالأولى 1234567 الأخيرةالأخيرة

المواضيع المتشابهه

  1. واقع حياتنا
    بواسطة : QataR NighTMarE , في المنتدى العام
    مشاركات: 11
    آخر مشاركة: 17-07-2004, 02:28 AM
  2. الـ R.P.G و حياتنا !
    بواسطة : Final Fantasy 7 , في منتدى فاينال فانتاسي
    مشاركات: 213
    آخر مشاركة: 06-05-2003, 01:20 AM
  3. حياتنا يا شباب
    بواسطة : d7kh , في المنتدى العام
    مشاركات: 1
    آخر مشاركة: 13-06-2002, 02:46 PM
  4. غرائب حياتنا
    بواسطة : جيم بوي ادفانس , في المنتدى العام
    مشاركات: 0
    آخر مشاركة: 05-12-2001, 02:44 PM
  5. هل حياتنا مسخرة (تصويت)
    بواسطة : احمد9000 , في المنتدى العام
    مشاركات: 6
    آخر مشاركة: 09-03-2001, 12:24 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •