يو سبيك ارابيك؟! تعال نتأكد في قاموس اللهجات *_^

[King36o]

لول .. عنفلوص يعني سيارة الإسعاف ههههه

الشياب عندنا يقولون "عمبلوص" XD

ما مرت علي من قبل سدرية...

عرنجوس

[Razielia]

امم..سدريه مامرت علي before >_>

عرنجوس...امم مادري ...بس كني سمعت ان معناتها عصير برتقال ..<< لاحد يضحك اذا طلع المعنى غلط >_<..انا مالي شغل..انا بس سمعت >_>

باحط كلمه سهله >_>
يعني شنو " دودهتني" ؟!

[King36o]

عصير برتقال

عدل معناها عصير البرتقال ,, الكبار خذوا النطق الأنجليزي "Orange Juice" و تحول لعربي "عرنج" يعني برتقال "جوس" عصير

دودهتني يعني شتت انتباهي

مثلا كنت قاعد اركز و انا العب كورة و سويت فلاش على عيني XD << صادتني من قبل

طرش لي

[Akihiko]

ارسل لي , هذي شائعة ومعروفة

اممم كبت , ما ادري إذا كانت معروفة في الخليج
+ مو المقصد منها كبت مشاعر او دموع , هذي غير p:

[King36o]

خزانة :P

.. دريشة أو البعض يقولون جامة

[Razielia]

= نافذه *_^

يعني شنو " يتصوخ" ؟!

[Akihiko]

يب بدينا نتفق
يتصوخ يعني يتجسس و يحاول يسمع الناس ويش يقولون!

صخونة p:

[NiN RevO]

اتوقع معناها حراره او حمى !!

سدريه معناها لحاف او بطانيه

طيب شمعنى لما واحد يكون " ميهود "

[Heartbeat]

اممممم
ميهود يمكن مجهود
اعتقد مريض

طيب شنو يعني
عيار

[بيكـ دافنشي ـاسو]

السلام عليكم ورحمة الله وبركاته
موضوع جميل من أخت رائعه..
كلمة (عيار ) إذا ماخاب ظني أعتقد أنها تعني السخريه والإستهزاء بالآخرين..
ماذا تعني كلمة
دَسْته

[NiN RevO]

دسته مثل الدرزن 12 حبه اعتقد ..


ايش معنى " سنطوانه "

[نعومة الأحساس]

ما أعرف والله
ضحكتني بعض الكلمات

[OLD SNAKE 19]

سنطوانه اتوقع اسطوانه << ﻻ يا شيخ

طيب كلمه اتحدى احد يعرفها

أرْوِجْ ؟؟ << مشهوره في اماكن معينه من السعوديه

[dely10]

هههههههه انتو مش ممكن

سنطوانه

هههههه والله ما ادري بس اعتفد وحده تعبانه XD

شنو معنه >>>> نزغة

[OLD SNAKE 19]

^^^

شنو معنه >>>> نزغة

واحد يوسوس لك

يعني لما اقول مثلا .. فلان نزغة ابليس .. يعني هو اللي يوسوس لبليس هههه

أرْوِجْ ؟؟ << مشهوره في اماكن معينه من السعوديه

معقوله محد يعرفها