يعطيك العافية على نقلك لتجربتك، موقع M&S ممتاز ولي تجربة سابقة معه ولي طلبية في الطريق ان شاء الله.
بالنسبة للطلب عن طريق الانترنت ، جميع مكملاتي عدى البروتين اطلبها من برا بنفسي من عدة مواقع، الشغله فيها مغامرة لكن نتوكل على الله وباذن الله توصل، مرات اشوف الكرتون مفتوح، مدري كيف عدت هههه بس اللي يهمني انها توصلني. الطلب عن طريق واصل، الاقل في التكلفة، ياخذ وقت يوصل الى ثلاث اسابيع لكن اشوفه ارخص وافضل للمكملات، اهم شي اللي بيطلب لا يبالغ في المنتجات، حاول تحط لك سقف لكل طلبية مثلاً 100$ عشان لو تصادرت ولا شي ماتخسر كثير، ووزع منتجاتك على اكثر من طلبية سعر الشحن ماراح يفرق كثير لو توزعت.
الشباب هنا اللي يوفروا المكملات ماقصروا واسعارهم مناسبة قياساً بتكلفة الشحن وغيرها، من حقهم يزودوا في السعر، صحيح بعض المنتجات مبالغ في اسعارها نسبياً واتمنى اعادة النظر فيها، ما نقارنهم بارمال وغيره، كلنا عارفين ان ارمال استغلاليين 100%، لكن نطمح لاسعار تكون في متناول الجميع وتضمن للبائع حقه في المكسب وتضمن للمشتري السعر العادل.
وهيئة الغذاء والدواء نايمين في العسل، ماعندهم اي سياسة واضحة تجاه المكملات لأنهم يتبعون نفس نظام نظيرتهم الامريكية، في امريكا ماعندهم نظام صريح ضدها اذا ماثبتت مشاكلها على الصحة العامة، هنا ماعندهم موقف اساساً، يقولوا انهما ممنوعة واستيرادها ممنوع، ونشوف شركة مثل ارمال تستورد بكميات ضخمة واسعار اضخم بدون اي مشكلة وعلى مرئى الهيئة، على الاقل الشخص اللي يطلب يكون للاستخدام الشخصي بنسبة كبيرة، ارمال تتاجر بالمكملات، من المفروض انه يمنع من الاستيراد ؟ "اذا كانت مضرة حسب وجهة نظر المسؤولين في الهيئة" !!!!
المشاركة الأصلية كتبت بواسطة amma271
