انا تعبان نفسياً .. احس اني شبح بين الناس

[FoLTriNg]

السلام عليكم

كيف الحال انشاء الله طيبين

انا لا ادري كيف ابدأ او كيف اعبر او كيف اوصل لكم احساسي

انا رجل عمري 28 سنه لدي عمل الحمدلله ممتاز ومثلي مثل اي شخص في الدنيا عايش حياته سعيده
لكن طول فترة حياتي احس بفرق بيني وبين اخواتي واخواني لا اعلم لماذا

اشكالهم تختلف عني حتى تصرفاتهم غير عني مع العلم انني اكبر اخواني سناً

وفي يوم من الايام واعتبره يوماً اسوداً في حياتي

كانو عماني مجتمعين عزيمه كبيره والخ

وعماتي كذالك كانو متواجدات واخواني وامي وكل الناس الذين احبهم

عزيمه جمعه كل خميس تصير هل الجمعه يعني يجتمعون


فاصار موقف بيني وبين ولد عمي فا غضب مني وصار يشتمني ويهزأ بي

وانا لا اعلم لماذا هو يكرهني لهدرجه مع اني ماسويت له شي مجرد مزح

واثار استغرابي انه يتمادى علي كثير اما عماني ولا احد يقوله شي ؟؟ لفتره حسيت اني طايح من عينهم

وحتى ابي واخواني نفس الشي مايوقفون معي بشي مع اني مااحتاج لوقفتهم ابد

بس يعني شي معنوي لا اكثر ولا اقل


وفي يوم من الايام كنت بزواج عمي وكنت فرحان وكنت متوسط الحضور وفرحان فرحه الله العالم فيها

المهم كل اقربائي كانو موجودين وقال لي ولد عمي الي يكرهني انت خلك اخر واحد فينا منتب كفو تحضر معنا ؟؟

انا استغربت كلامه لي وعصبت ورديت عليه بكلام جارررررح


فقال لي بعالي الصوت وامام كل الحضور

انت وش تحسب نفسك ترى اذا ماتدري عن ماضيك اعلمك ماضيك ؟؟؟

انا قلت وش ماضيي ؟؟ قال تررررررررررررررررى انت لقييييييييييييييييييييييييييييييييييييييييييييييييييييييييييييط

انت لقييييييييييييييييييييييييييييييط لقييييييييييييييييييييييييييييييط لقيييييييييييييييييييييييييييييييييييييط

عمي تبناك رحمه لك يالقيييييييييييييييييييييييييييييييييييييييييييييييييييييييييييييييييييييييييط


انا ماصدقت

قلت يعني شلون صدق هذا الكلام وانا اناظر فيهم ووجهي يتصبب عرق

يعني كلهم يدرون وساكتين

فجأه اغمى علي ودخل في غيبوبه وانهيار عصبي حااااااااد

فلما صحيت عرفت حقيقتي وقابلني ابي وامي المزيفان قلت لهم ليش ماعلمتوني من اولليش سممتو حياتي ليش ليش

قالو احنا اخذناك من ملجأ ايتام وكفلناك


انا ماكنت انتظر الا التأكيد بكيت بكاء لا يعلم فيه الا الله

الله اكبر يعني انا صرت ولد حرام


اه وكلمة اه لاتعبر بما في داخلي


حقيقتاً انا افكر في الانتحار

اعصابي تعبت ومخي ماصار يفكر صرت ادخل بموجات بكاء غير طبيعيه
ابي طردني بشكل غير مباشر وقالي لي كل الناس عرفو امرك لاتجلس في البيت عندي

واصبحت زي الكلب في الشوارع وحيد في شقه صغيره استأجرتها لنفسي

ولا لي لا اب ولا ام ولا شي سوى انا وجرحي والمي

هذي قصتي قولو لي هل انتحر ام اهاجر ام امذا افعل

[ام ابـراهيم]

لا تحزن أخي أولا إن كنت لقيط فهذا ليس ذنبك.
الكثير مثلك يا أخي.
و الحمد الله عندك عمل و تستطيع أن تعتمد على نفسك.
أعرف حالة تشبهك تماما.
بحث عن والدته الحقيقية ,أما أنا لا أنصحك بفعل هذا لأنه ندم لما عرف أمه الحقيقية.
تعرف على بنت الحلال و كون أسرة.
ربما تعوض لك بعض من الحنان و الفراغ العاطفي الذي تعيشه.

و نحن هنا إخوتك و مرحبا بك في منتدانا.

[FoLTriNg]

كيف اتعرف على بنت واتزوجها وانا مجهول الهويه

انا نفسيا تعبان نفسيتي متدمر كل اصدقائي الذين عرفو بوضعي تخلو عني

انني احس بحزن عميق حتى امي التي ربتني تخلت عني


انا فعلياً افكر في الانتحار اصبحت وحييييييد

[Yoshi]

اخوي الكريم بقولكـ شي هل انت مسلم ؟ هل انت تعلم الغيب ؟ هل تعلم مايخفى لك ربك في المستقبل ؟

كيف تقول انتحر وانت تشهد ان لا إله إلا الله وان محمد رسول الله الا تؤمن بالقدر ؟

ياخي طز في ولد عمك ولايستاهل انه يصير ولد عم .. لو عنده ذره إحترام ومشاعر ماقال هالكلام ..

لاكن الكره والحقد والحسد يفجر القلوب صدقني


يعني انت الحمد لله عندك وظيفه ممتازهـ .. خلاص عش حياتك إلى متى وانت عايش عند ابوك ؟

الأجانب من يجي عمرهم 18 سنه وابو يطرده من البيت يخليه هو بنفسه يجيب لقمه العيش حقته

شف وانا اخوكـ ..

من كان عمري 18 سنه ابوي ما مد لي ولا ريال ... انا توظفت بنفسي .. حتى الملابس حقتي انا اشتريها بنفسي

الأكل الحمد لله بنفسي لقيت وظيفه وعزيت نفسي ولا انتظرنت احد يصرف علي ويعطيني وانا متأكد
انه بيجي يوم من الأيام راح يجي ويقول ابي ولا راح ابخل عليه راح اعطيه .. ربك يمهل ولايهمل


وبالعكس هذا افضل لك انك تعيش في شقه لوحدكـ منها تعرف كيف التحمل والصبر .. بكره تتزوج وتفتح لك بيت وتستانس بتقول لي كيف اتزوج وانا اهلي تخلوا عني .. حتى لو خلوك ربك معكـ إذا انت املك بالله كبير صدقني ماراح يتخلى عنك


بقولك شي وحط هالكلام ببالك زين مازين دايماً .. هذي ورقه دايم معلقها عندي بالمنزل + الدوام واتذكرها كل ماضاقت في الأمور في الدنيا ..

( إذا ضاقت بك الدنيا فلا تقل يارب عندي هم كبير .. ولاكن قل ياهم لي رب كبير )


صدقني اعمل واجتهد واصبر وواصل طريقك وراح يرزقك ربي بالمراءه الصالحه والأبناء اللى يبرونكـ
وراح تتذكر كلامي .. حتى لو تخلوا عنك جميع البشر .. خل قلبك طاهر وواصل مشوارك وببتوفق


هذا انا ماظرني شي ماتدري وش تخفي الأيام لك .. صحيح عندي اهل واحمد ربي على هالنعمه لاكني صدقني
اني صارت لي ايام كنت اعيش في جحيم ياما كنت انوم عند اصحابي .. ياما عند عيال عمتي


لاكن الأمور تساهيل وربك يفرج الهموم ويسهل الطريق .. حتى لو صارت السماء فوقك سوداء
صدقني ماراح يستمر هالشي لازم تطلع الشمس وتقشع السواد وتزيله صدقني وانا اتكلم لك ان حاس في كل كلمه تقولها

راسنلي على إيميلي الشخصي ومالك الا اللى يرضيك ’’

في حفظ المولى ورعايته
اخوك فهد ..

[Look up]

ما شاء الله عليك أخــي Yoshimetsu
أعجبنـي ردك ..

و أنـا معـك بمــا قلتـه

وفقـك رب لمـا تحب و ترضـاه

[)(FanTasy)(]

السلام عليكم

وعـلـيـكــم الـسـلام ورحـمـة الله وبـركـاتـه

لـا أحـب أن أزيـد فـوقَ مـا نـصحـوك َ فـيه الأخـوة ..

إلـا أنـنـي أريـدك أنـ تعـلم أو تـتـذكــّر أنـَّ مـَنْ تـلقـى مـن ربـه وحـرّمَ عـلـى النـاس الإنتحــار كـانَ يـتـيمــًا ومـرّ بـأصعـب الظـروف ..

وأنـظر إلـى تـاريـخـه وشخصيـتـه -صـلـى الله عـلـيـه وعـلـى آلـه وصحـبـه وسلــّم- فقـد أصبـحَ أفضـل شخصيـة بـدايـة ً ونهـايـة ..

كـُن قـويّــًا .. وتـذكـــر أنـَّ هنـاك مـَن هـم أصعـب مـنـك حـالـة .. وقـالوا فـي النهـايـة : الحمـد ُ لله .

سأدعـو الله أن يـقيـك ويحفظك .. ولكـن أجتهـد وأصبـر أخــي ..

[m!ss foshia]

اذا استصغروك الناس لعدم حسبك ونسبك فهذه هي مشكلتهم هم
انت انت والله لم يخلقك في هذا العالم كي تعيش عذابا وتموت متألما
فكما يأخذ منك شيء يرزقك اضعافا وان الله يمهل ولا يهمل
بأذن الله ستجد من هي تقف معك وتعوضك الكثيــــــر
ولا تخف فرزقك عند الله وهو خير الرازقين ^^

[متعب سعد]

لا اله الا الله ..

والله يا اخي مدري وش اقول لك !!

بس اسمعني ..

ليش تفكر بالانتحار؟؟ استغفر الله العظيم.. الانتحار أبدا لم يكن الحل لأي مشكلة كانت..!

والتعب النفسي شي ضروري.. اي واحد نفس حالتك لازم يتعب نفسياً.. انصحك تروح عند طبيب نفساني يهديلك الأمور

ليست مشكلة انك تروح عند طبيب نفسي !! ولكن المشكلة انك تكتم اللي داخلك .. هذي أكبر مشكلة.

ترى كل واحد لازم يمر في أزمة تغير مسيرة حياته..شاء أم أبى..

وانت استغل هذا الأمر واقلبه تحدي.. تحدي لولد عمك, تحدي مع نفسك, تحدي للناس الكارهين لك, وبتشوف كيف تتغير حياتك, واذا على الزواج

والله ربي ما راح يخليك.. وبيرزقك البنت الصالحة اللي بتعوض عليك كل مافات..

اشتغل شغلة ثانية اذا قدرت, لا تترك لنفسك وقت فراغ, عشان ما تتذكر اي شي, وحاول انك تتعرف على ناس جدد

وخلك اجتماعي, ترى الكبت يؤدي الى أمراض نفسية كثيرة, وأنا أول واحد مستعد أكون صديق لك وأعز صديق والله العظيم..

وأي سؤال استفسار أي شي تبيه أنا بالخدمة..

[FoLTriNg]

انا ادري انكم تقولون هل الكلام عشان تواسووني

لكني فعلاً وصلت لمرحلة اني انتحر لكني حاولت اكثر من مره وفشلت

ومسكني واحد كنت ابي انتحر ومنعني من هذا الشي

انا ياعزيزي القار منهااااار انهيار تام

لا استطيع ان اركز او ان انسى

ابي قال لي لو عتبت باب البيت بسكر رجلك وحتى اخواني نفس الطريقه


انا اعرف ان كل هذا حرام والله على الظالمين

لكن هاجس الانتحار يعوود لي من حين لأخر

انا لي اريد صديق يعطف علي لاني مجهول الهويه ولا اريد احد يحن علي

فانا امر بمرحلة تحول

وانا في داخلي افضل الانتحار ولكنني افشل في هذا الامر
والله اني ادعي في صلاتي ان الله يقبض روحي وارتاح


ونحن لسنا مسلمون كما ينبغي فقط نحمل اسم الاسلام لو فعلاً نحن مسلمون لم يفعلو بي هذا

انا افكاري ضائعه وضعي صعب
كلكم تكتبون مالا تشعورن

لاحد يفهم ما انا فيه او هل يرضى احد فيكم ان يصادق لقيط او ماهي ردة فعل اهلكم لو عرفو ان صديق ابنهم لقيط ؟؟

اه ياقلبي واه يازماني

وجزاكم الله خير على كل مشاعر طيبه

لو لم ارد عليكم فعلمو انني انتحرت

[Yoshi]

شوف يا اخي الكريم .. دعنا عن الهياط والبياط .. انا جيتك وكتبت ردي لكـ وانا فاهم نفسيتك وفاهم وش تكتب ومارديت عليك الا أني مهتم لأمركـ
نظرتي لك ليست نظره رحمه او عطف .. ولاكن نظره قهر !! بعد هالعمر اقرب الناس لي تقولي لاتقرب عتبت بيتي .. الله غني عنهم مثل ماقلت لك من قبل وارجع اقرى كلامي ...

والله اني ادعي في صلاتي ان الله يقبض روحي وارتاح

كل نفس ذائقه الموت ماحد يدري متى يومه ,, ولافي احد بيعمر طول الوقت
يمكن يومك بكره اليوم بعد بكره الله اعلم .. تحمل واصبر الفرج من رب العالمين

ونحن لسنا مسلمون كما ينبغي فقط نحمل اسم الاسلام لو فعلاً نحن مسلمون لم يفعلو بي هذا

قل هم ولا تقل نحن " بالتعميم" .. بالنسبه لي ماهي المشكله ان اصادق لقيط او معاق او مريض او اي شي ؟؟ دام انه يعرف ربه ويصلى فرضه ويشكره على النعمه اللتي اعطاها إياها

هل تعلم ان غيرك محروم من النظر ؟ هل تعلم ان غيرك محروم من الكلام ؟ هل تعلم ان غيرك محروم من المشي من الحركه الخ الخ الخ

دام ان الله اعطاك الصحه والبسك ثياب العافيه فأجهد نفسك في طاعته واصبر ( فإن مع اليسر يسرى ) انا لست بشيخ او واعض لكي اعطيك هذا الكلام ..

وإنما كما يقولون حاجه في نفس يعقوب .. اتمنى لك الهدايه ويتسهل طريقكـ وتتوفق الا على فكره !!

ليش ماتصير عضو دائم وتشاركـ معنى ؟ راح تفرحنا مشاركاتك بالأقسام الباقيه وتتعرف على افراد واصدقاء اكثر ماعندك عذر يوجد كل الأقسام !!

حتى الرياضه يعني تبي تنحاش :P

Cu around brother ^.^

[رزدنت]

الحمدلله في السراء والضراء

[FoLTriNg]

الله يطلف بحالي فانا لا انام الليل
والله وحده هو اعلم بما احس

كل حين والثانيه اتذكر وضعي واتذكر كلماتهم لي واجهش بي البكاء لا شعورياً

انا فقدت السيطره على نفسي وعلى اعصابي

احس بيدي ترتجف من نفسها

يارباااااااه ياربااااااااااه

[متعب سعد]

وما نيل المطالب بالتمني * ولكن تؤخذ الدنيا غلابا

هذا بيت شعر أتمنى أن تحفظه وان تتذكره دوماً..


الرد السابق ليس من باب المواساة فقط, بل أيضاً من باب التآخي والتآزر, وما فرقنا عن الأمم الباقية اذا نحن لم نؤازر بعضنا ونواسي؟
أتمنى أن تبقى على اتصال معنا سواء عن طريق المنتدى أو الفيس بوك أو الأيميل أو أي طريقة تواصل تريدها.

وتأخرك في مراجعة موضوعك أثارت شكي!
هل حصل شئ يا أخوة؟
أتمنى أن تعود سريعاً..

[King36o]

كونك لقيط لا يقلل من شأنك كـ انسان شريف ,, و الأنسان لازم يكون ايمانه قوي بربه مهما حصل ,, فـ الله اذا حرم انسان من شيء فأنه يعطيه البديل

و انت واضح عليك شخص طيب و حسن الخلق و اكيد تستاهل معاملة احسن من الي يعاملونك فيها ,, لكن مهما قالوا لك لا تسمح لهم يقللون من شأنك

لأن بالأخير كلنا بشر متساويين ,, كلنا عبيد لله و مافيه شي يفرق بينك و بين ولد عمك و بين زميل عملك و بين صديقك و بيني ,, و تذكر واجبك كـ عبد

ادي واجباتك الدينية ,, اقرأ القرآن بشكل يومي ,, 5 صلوات باليوم و خصوصاً صلاة الفجر في جماعة لا تنساها ,, لن تجد النور في نهاية النفق الا اذا سلكت الطريق الصحيح

[Night Road]

انت كنت حاس انه فيه شي غلط. وعرفت بعدين ليش. والناس الي حولك بانوا على حقيقتهم. الحمد الله انك عرفت أصلهم وحقيقتهم الآن وليس وانت مثلاً متزوج وعندك عيال. وقتها حتكون صدمة اكبر عليك. هذي نعمة انك عرفت الحين ومش بعدين .,.
كلنا حنموت. بس مو معناته ننتحر اذا تخلوا الناس الي حولنا عننا. في الدنيا ماينفعك غير الله. ومحد يستمر معاك غير الله سبحانه وتعالى. تقرب من الله واخلص النية. واحمد الله انه حياتك الزائفة انتهت وطلعت من بين الناس الي مايبغوك. مع انهم المشكلة هم الي تبنوك وبعدين يقولوا لك لا تعرفنا ولا نعرفك. مايستاهلوا صراحة تزعل او تفكر فيهم. بعدين لا تشيل هم. يوم القيامة ان شاء الله تاخذ حقك منهم .,.
بالتوفيق لك وان شاء الله تتيسر امورك ...