اللعبه بايخه لدرجه عجيبه و الشركه نصاابه

[Karazhan]

والله انا نفسك ماتفرق معاي

لكن الشباب مايرضون يكون في دخيل على لعبتهم

وانا ما ودي ازعلهم مني عشان لعبه

ان شاء الله لما تنزل اللعبه نسوي موضوع لها عشان نقرر اي سيرفر نكون و نعمل جيلد ونبدأ كلنا مع بعض و نبدأ من بدايه اللعبه

عكس ووركرافت اللي اغلب الشباب بدأو من نصها و الجيلد ما اتفقوا عليه الا بالcata

و لا يسعني الا ان اشكر اهتمامك بالموضوع

[BoOoOo7a]

عكس ووركرافت اللي اغلب الشباب بدأو من نصها و الجيلد ما اتفقوا عليه الا بالcata

وش دراك انت يا حبيبي ؟


Wow من اول ما نزلت من قبل 6 سنين .. كان هالمنتدى ماسكه مراقب قديــــــــــم اسمه BlackJack ومراقب ثاني اسمع Silver Wolf

وعلى ايامها كان في تجمعات وقيلدات يا حبيبي .. وكان في مواضيع وزحمة ولا عمرك تتخيلها

حتى ان 98% من الأعضاء اللي بالقسم حالياً ولا واحد منهم لحق هالقسم على ايامها ...

يعني تقريباً تقدر تقول انا الوحيد اللي باقي .. وعندك العضو GOFY ... ولكن نادر مايكون موجود

بس انت اللي شكلك لسه جديد عاللعبة .. ومالحقت الـ Legendary Age ايام اول مانزلت واو ...

يوم كنت تدقها مشي لين بوابة WSG علشان تخش الـ Que ..


وذيك الأيام كان المنتدى فلة بشكل لا يتصور .. عكس الحين ... لأن ماكان عندنا واحد فيلسوف والناس تعطيه على جوه ويطير بالعجة ويتحمس ومن ثم يغلط عالناس

والله انا نفسك ماتفرق معاي

لكن الشباب مايرضون يكون في دخيل على لعبتهم

تدري انت لو ان واحد من الأعضاء رفع شكوى عليك .. والله لا تنمسح كل ردودك السلبية والأستفزازية هاذي .. وهذا اذا ما مسحوا العضوية بكبرها

يعني خل عندك اخلاق .. شوي

ولا ترا ماهي صعبة تاكل لك ايقاف عالسريع .. يعني موعلشان المراقب محترمك صرت ماخذ راحتك ..

تراني مستعد ارجع لكـــــل مشاركاتك واسوي عليها ريبورت عالسريع بسبب انك تتكلم على لعبة مالها دخل بالقسم

.. وثاني يوم بتلاقي اجازة ايقاف اسبوع .. ونرتاح منك شوي.. انت والـ Pet اللي معاك هذاك

وشكراً

[Karazhan]

عزيزي بوحا

شكرا للأطراء اللي قلته عني و الpet ماادري منو تقصد فيه

ولكن ترى انت فاهم الموضوع غلط , انا مابيك تتهمني وانت فاهم غلط , ولكن اتهمني وانتقدني على راحتك بس تكون فاهم انا شنو اقول

موضوع الشباب والجيلد انا اقصد فيه الشباب اللي توهم يدخلون ويسألون اسألهم لفل اقل من 60

يعني انت مثلا لو تسأل سؤال راح يكون عن لفل 85 , فما بالك باللي يسأل عن كويست لفل 20 مثلا

والجيلد اقصد فيه جيلد منتدى اللي تشوفه مثبت فوق

مااقصد ان الشباب توهم يتجمعون , ولكن كانوا متفرقين بكل سيرفر ولما نزل cata اتحدوا على سيرفر لايتنق بليد اعتقد و عملوا جيلد منتدى فيه وتجمعوا , وهذا كان بعد الcata

يعني انا اقصد جيلد باللعبه مو اعضاء القسم

الله يهديك بس , انت لي متى تنظر للأمور بمنظار ضيق ؟ يعني انت ماتصدق على الله تفهم شي غلط عشان تشتغل علي انتقادات ؟

اما موضوع اني ادخل لعبه بالقسم , لو تروح كل اقسام العالم راح تشوف انهم يدخلون العاب ويقارنونها بقسمهم

اما انت تحب تكبر المواضيع وتنفخ بالنار عشان تشعللها بيني وبين الناس تدري ليش ؟ لغيرتك علي صدقني

ترى انا مو كبرك وانظر للأمور مثل نظرتك , ترى انا ابخص الناس من اسلوبهم وانت اسلوبك معاي والله ماطلع الا من غيره شديده

يااخي وسع صدرك مو كل شي تشوفه من منظارك الضيق هذا , انا مو قاعد ادخل شي بالدين , انا دخلت لعبه على قسم لعبه للمقارنه واطمع ان الاعضاء يروحون للعبه الجديده لعدته اسباب

من الاسباب انها مجانيه , ماراح اقول الرسم والمتعه وغيره

ولكن مجانيه , مثل ما انا ابيها تكون مجانيه واستفيد منها مجانا ابي باقي الاعضاء يستفيدون بعد , مو ابي الخير لنفسي ولا ابيه يروح لغيري

اما ان المراقب معطيني وجهه وانا اخذت راحتي , لا غلطان حدك

انا تكلمت وقارنت وطيبت خاطري ولما انت دخلت بالموضوع وعفست كل شي و شعللت النار اللي من قبلها نار الغيره تشعللت بصدرك , المراقب قال خلاص وطلب ان نكتفي وانا اكتفيت ولا كتبت شي

اللهم الا وورشيف سأل سؤال وماحبيت اني ما ارد عليه وذكرت رقم الصفحه وطلب من الناس انهم مايسألوني مره ثانيه , واي سؤال يرسلونه بالخاص

انا انسان محترم نفسي ولما يطلب مني شي اسويه للمصلحه العامه قبل مصلحتي

تقعد تتشمت وتقول مالحقت على اللعبه ايام الركض وماادري من تقصد بال pet وانا اتحداك ان قلت منو البت هذا , ان كنت تقصد احد الاعضاء اللي يكلموني دايم وعلاقتي طيبه معاه

تخاف ماتقول اسمه , وانا صدقني العب اللعبه قبل لا تعرفها انت , مو مقياس اني سجلت بالمنتدى متأخر على بالك توني اعرف اللعبه

انا من سجلت بالمنتدى ومن اول يوم وانا اساعد الناس واجاوبهم , واغلب الشباب هني لو ترجع لقسم الاسأله القديم راح تشوف اني من البدايه وانا اساعد , يوم كان السؤال يسأله العضو ويقعد اسبوع محد يرد عليه

شوف عدد مشاركاتك وشوف عدد مشاركاتي وشوف فتره تسجيلك وشوف فتره تسجيلي

راح تعرف ان بالفتره الزمنيه انا وصلت اللي انت ماوصلته و90% من مشاركاتي مساعده الناس وانت 60% من مشاركاتك شماته و قله ادب وباقي مشاركاتك copy paste

هذا غير المشاركات اللي اضافوها لك , انا كنت اداري في منتدى وكانوا يدخلون علي الناس يطلبون مني اعطيهم عدد مشاركات عشان يكشخون فيهم , من 100 مشاركه اخلي مشاركاته 3000

انت شوف كم معطينك لأن بالعقل مشاركاتك ماتوصل للدرجه هذي واذا وصلت ياليتها ذات فائده


عموما انا دايم اترفع من الكلام معاك لأنك وبكل صراحه ماعندك مسؤوليه ولا تعرف اداب الحوار فكنت اتحاشى الكلام معاك

لكن نصيحه مني لك خلك متابع فقط ولا تشارك دام كل الناس قالت لك انك السبب الاول بالمشاكل بالقسم

وكلامي هذا يمكن يزعلك وتشيل بخاطرك علي و انا والله ماودي اقوله لكن لي متى وانا بسكت عنك ؟ تقول الpet ها

لو فيك خير قول اسمه وانا اعرف منو تقصد بالبت

لكن والله عيب هالكلمه تطلع منك , يعني قسم العاب توصلها الموضوع لهدرجه ؟ وتطلق على الناس بت وماادري شنو بتقول بعد

قد اسمعت لو ناديت حيا

ولكن لا حياه لمن تنادي

[Yoshi]

لله دركـ ياولد بطونها لله دركـ .. /

[Warchif]

ولد بطنها أتعبتنا بكبر أخلاقك وعقلك
ماعليك من العذال وأي Pet راح يفتخر إنه يمشي وراك لأنه يدري انه يمشي ورا رجال يسوى ألف من عذاله
أنت أخلاق وعقل وفوق كذا أسلوب يقطر عسل يبهر العدو قبل الصديق
وخلي العقد النفسيه لأصحابها
ترا ضربتين في الراس توجع

[Hitham]

شكل ابليس سجل عضويه جديده بمنتدى واو ههههههههههههههههه
يا جماعه تعوذوا من ابليس ترا ابليس داخل بينكم راس مالها لعبه تضييع وقت
وبعدين الموضوع المفروض يتقفل احسه غطا على قسم الأستفسارات