اللعبه بايخه لدرجه عجيبه و الشركه نصاابه

[Rshaman]

احب ارد على ولد بطنها بخصوص الفلوس .. ههههههههه اول شيء انا ماعندي خدامتين وبالكويت مافيه عرابجة عند البقالات الا بالظهر هههه

واذا عن موضوع الفلوس بواو بما انها افضل لعبة فالعالم ويلعبها 11 مليون في الأمريكي والاوروبي والصيني ومادري شنو فيه سيرفرات بعد

تستاهل تربح هذا حصاد الأبداع وجويلد وار 2 الحين مخلينها مجانية بس لما يحصلون 11 مليون لاعب اكيد راح يسوون كل الي مسوينه بليزارد .. وماأعتقد فيه عاقل راح يبدأ من الصفر بأشتراك ونقل سيرفر وتغيير اسم وكل هذا بفلوس وهو ماحصل لعيبه

وكل هالخدمات مو مجبور عليها يعني اذا انت بكازاك او سلفر مون او اوت لاند او تورن مايل او ستروم سكل او سيلفانس ماراح تضطر انك تنقل لأن فيها كل شي ولله الحمد

يعني شغل مخك شنو الكلاس الي تبيه وشنو الرايس الي تبيه وشنو الفانكشن الي تبيه وشنو السيرفر الي تبيه من البدايه

وعيوب بليزارد بالنسبة لجميع الألعاب افضل بكثير .. وعلى فكرة انا العب اللعبة من شهر 6 - 2010 يعني لحقت على اخر ليتش كينق وكنت في سيرفر شبه ميت

والى الآن ماغيرت اسم ولا نقلت سيرفر ولا غيرت فانكشن ولا اي شيء وانا ماعندي فلوس وماأحب ادفع فلوس على هالخرابيط .. بعت اكونتي وشريت اكونت بكازاك وفليتها وبعت الأكونت والحين دور اكونت ثالث وكل هذا مو لأن بليزارد نصابين ولكن لأني العب بوصلة ايقو زين النصابة الي يقولون التزم سنة وتلعب اول 4 ايام من كل شهر وباقي الايام لاق يعني سارقك غصب طيب

انا كاره واركرافت على بعض الأشياء الي فيها قيلدات احتكار الرايدات وفيها مشكلة ثانية الي فيه شباب بقلد واحد يفرمون تراش ران ويبيعون الأيتمز ويتقاسمون القولد واحنا مساكين نشتري من اوف قيمرز

وفيه شيء ثاني بعد ماشفته لكمت الشاشه واصابني شعر بسببه .. الي هو لما تشوف عرض بالشات LFM FR HC NEED 1 MAGE LAST SPOT (NO ACHIVE NO INVITE)

[Karazhan]

السلام عليكم

اول شي انا معاكم بكل شي تقولونه ولا اني اسوي دعايه

انا يا اخي الفاضل لعبت واو من زمان , مااقول ان اللعبه فاشله بالعكس لعبه ممتعه ولكن مو دايم تكون ممتعه

اقسم بالله اني كل مااكلم شخص يلعبها من ايام لفل 70 الى اليوم يقولي والله العبها بس اقزر الوقت ولأن ماعندي شي اسويه فألعب

انا شخصيا صارلي اكثر من 3 شهور مااشرف على اللعبه , اللهم اني مشغل البوت ويجمع جولد , مافي حماس اني العب ومافي شي يشدني ويخليني العبها

ايام لفل 70 كانت اللعبه في قمتها , ويمكن اغلب الشباب يقولون احلى ايام كانت في لفل 70

الحين ماكو شي , كل شي مكرر , يمكن الناس اللي توهم يدخلون اللعبه يشوفونها بقمتها اما اللي يلعبونها ايام لفل 60 و 70 ماتهمهم اللعبه الا انهم يلعبونها لتضييع الوقت

وبالنسبه لicc وانهم لفل 85 , اقصد ان في شباب من ايام لفل 80 ومازالوا الى الان يلعبونها ومادخلوا icc , يعني لعبه مو على كيفك تلعبها , لازم تانك وهيلر وناس لابسه وعندهم addons وغيره عشان يروحون مكان

واذا ماتعرف للمكان او الرايد ماياخذونك معاهم , بالنسبه لي انا رحت كل مكان ولكن في شباب كثيرين ماتمتعوا باللعبه واهي لعبه

انا اعرف ان اغلب الشباب بالمنتدى رايحين كل مكان واعرف انهم لعيبه ومافيهم قصور , ولكن انا اتكلم عن الناس اللي ماتعرف انجليزي او جديده باللعبه او يحبون يلعبون بروحهم , لعبه واو ماتعطيهم حقهم باللعب

احد الاخوان يقول بليزرد ما ضربتك على ايدك عشان تدفع , يعني تتوقع بليزرد تقولي يلا العب مجانا ؟ الناس تشتري عشان تتمتع ولكن اللعبه مافيها متعه الا اذا كنت مع مجموعه من اللاعبين

غيره ماكو متعه , تقول pvp راح اقولك لعبت pvp لما زهقت وبعدين ؟

يقولون ماكو شي نفس wow وهذا صحيح , انا اعرضوا علي اني العب ايون و لعبه نسيتها بس من اسمها age ولما شفت اللعبه ما ارتحت وحسيت شغل تجاري

اما guild war يقولي احد الاخوان انها قديمه من 8 سنوات , انا معاك انها قديمه ولكن هذا الجزء الاول , انا اتكلم عن الجزء الثاني واللي مازال قاعدين يطورونه

وللعلم جيلد وور اهي اول لعبه بالنظام هذا قبل wow و بليزرد مقلدينها , ولكن المبرمجين في ارينا نت ظلوا ساكتين الى ان اعلنوا عن الجزء الثاني من جيلد وور وكانوا طول الفتره يشوفون عيوب الالعاب المشابه للعبتهم ويحاولون يتفادونها او يلغونها من لعبتهم الجديده

وطلعوا علينا بالجزء الثاني اللي مازال قيد التطوير

انا اتمنى ان تكون اللعبه افضل من واو , والله اتمنى عشان اترك واو والبوتات واحول لها وابدأ من جديد مع لاعبين جدد نبدأ من الصفر

وانا مااسوي دعايه ولكن حبيت اقولكم عنها عل وعسى تعجبكم وتروحون لها , لأن يمكن في بعض الاخوان مايتابعون اخبار الالعاب ولا يعرفون شنو راح ينزل جديد , ويمكن على بالهم لعبه واو اهي الوحيده اونلاين بنفس النظام هذا

يمكن تعجبهم ويبدأون فيها مجرد انهم يشترون اللعبه ويلعبونها مجانا على طول

انا شفت المقاطع وحطيت مقطعين لها بالمشاركه عشان تشوفون التصميم والرسم والتحكم , وكل شي جميل وسلس , واتمنى تكون احسن من جذي بعد لأن المقاطع beta ومازالوا يطورون فيهم

اتمنى تكون احلى من اللي باليوتيوب واحلى من ووركرافت و نقدر نتركها ونلعب غيرها بقصه جديده ومناظر جديده وشخصيات جديده

وتقدر تدخل اليوتيوب وتكتب gw 2 vs wow وتشوف ان كل الناس اللي يقارنون بين الالعاب يقولون ان جيلد وور الافضل , وبالعكس يقولون ان ووركرافت حلوه ولكن جيلد وور قدرت تطلع عليها


انا حبيت بس اعطيكم فكره عنها لا اكثر ولا اقل , واللي يشوفها وتعجبه يلعبها واللي يفضل واو مااجبره ان يتركها غصب او يغصب نفسه ويتركها عشان ملك اللعبه نقل الى جيلد وور

وانا مثل ماانتوا عارفين من ايام لفل 60 نذرت عمري لكم ووقفت معاكم وتحملتكم وتحملت الاذى والجوع والقهر

معقوله يعني اقعد اغشكم اخر عمري ؟ انت تصدقها ؟

[Karazhan]

يااخي لا تسوي كوبي على مشاركتي وتقعد تعلق على كل جمله اكتبها

انت بالحاله هذي قاعد تنتقدني انا شخصيا و كلامي اللي اكتبه

انا قاعد اقول عيوب اللعبه و اتكلم عن لعبه ثانيه وانت قاعد ترد على كل كلمه اقولها وتقول محد ضربك عشان تحول شخصيه او تدفع اشتراك شهري وغيره

اذا عندك كلام يخص اللعبه بعينها اكتبه وانا وباقي الاخوان نحترم رأيك ووجه نظرك

اما تترك الموضوع وتسوي كوبي وتقعد تعلق على كلامي عشان تضحك وتضحك الناس معاك

الله يهداك بس

[Karazhan]

راشمان انا مااتكلم عنك بالخدامات

انا عارفك انك بايعها ومصبنجي و من عمرك 10 سنين تشرب زقاير وكل عيال المنطقه يدورون رضاك وانا اولهم

شفت شلون تقول انك تشوف دعوات بالشات يبون لاعبين ولازم اشيفمنت , انت تقول ودي اروح بس ماعندي اشيفمنت

طيب انت تدفع اشتراك شهري عشان تستمتع او عشان تموت قهر ؟

يااخي انت بدأت بسنه 2010 اما انا بدأت قبلك من بدايه اللعبه ورحت كل مكان وسويت كل شي بس بالنهايه ماكو شي , والحين شغال على البوتات

انا ودي والله اني اتركها بس ماعندي بديل لها , شفت العاب غيرها ونفس نظامها بس مو نفس جوده واو , ولكن لما كلمني صاحبي عن جيلد وور وشفت افلامها قلت هذي اللعبه اللي كنت اتمناها من زمان , اخيرا طلعت لعبه نفس ما اتمنى

لعبه اخذت من العاب الاونلاين على العاب البلايستيشن , تلعبها بروحك او مع ناس ماتفرق , لأن من الصوبين مستمتع

نفس ماقالوا المصممين , مانبي نعطي الناس كويستات اذبح 10 فئران و 15 ذئب
نبي الناس تستمع فيها من لفل 1

وتبي تشوف اكثر ادخل واكتب gw 2 lvl 1 و شوف المتعه من بدايه اللعبه , مو روح اذبح 13 خنزير وتعال


انا ابيك تدخل يوتيوب وتشوف اللعبه وشوف المتعه لا تدخل عشان تقارن , لما تشوف المتعه وتشوف اكثر من فيلم بعدين ادخل على بعض الناس اللي مسوين مقارنه بين اللعبتين جيلد ور و واو

[Rshaman]

ههههههههه .. جويلد وار 2 انا شفت المقاطع بصراحة حلوه بس فيه كثير اشياء مو عاجبتني وبعدين اللعبة تنزل بعد 3 شهور يعني لازم اجربها بعدين احكم عليها بالكامل .. وعن موضوع واركرافت بالرايدات المشكلة مو في تصميم الرايدات بس بليزارد لازم تحد من ظاهره نو اشيفمنت نو انفايت لازم يسوون شي عشان الكل يستمتع وانا عن نفسي كاره واركرافت بهذا السبب لي هو اي رايد ماأقدر اخلصه لازم اشيفمنت محسسني ان الي مسوي القروب نزل عليه الاشيفمتن من السما والسبب الثاني قلة اهتمام بليزارد بالأرينا وبالبي في بي .. والي عاجبني بالجويلد وار ان فيها اشياء شبه حقيقية والي ماحبيته فيها طريقة المشي وطريقة تصميم الأوبشنز والشات والأكشن بار وطريقة الضرب والخ لو يتقربون من واركرافت ي هالميزات بيكون افضل بس انا لعبت الديمو راح انتظر واشوف التغييرات بعد ماتنزل النسخة الأصلية

[IPqO]

كلامك صح في كل شيء قلته عن واو

بس انت وش دراك عن قيلد وار ^^ باقي ما لعبتها

واو انتهت حتى الشركة عارفه

انا بصبر نفسي في واو لين ما تنزل titan الي بتقفل على واو و قيلد وار 2 و 3 و 4 :P
^^

[IPqO]

و by the way علاج (النو اتشيفمنت نو انفايت) الرايد فايندر اللي بينزل مع الباتش

واللي يقول بتخرب واو و و وووو...

اعتبرها مو موجوده خذ قروبك وروح الرايد وش ضارك ^^

[Karazhan]

المشكله انك حتى لو جمعت شباب عشان تروحون رايد , من اول ما يموت الرايد بسبب خطئ حتى وان كان غير مقصود راح تشوف العباره المشهور

plz no 1 leave

يعني بعد التعب على ماتحصل 10 لاعبين وتعال شوف كم من الوقت تحتاج عشان تجمعهم وبالاخير اول موته الكل يفلها

جيلد وور 2 ماعندهم الشي هذا , كل واحد تانك وهيلر ودي بي اس , وكل واحد مسؤول عن نفسه , اذا الboss حاول يضربك حاول تتخطى ضرباته الى ان يروح لغيرك , انت بالحاله هذي تكون مندمج باللعبه اكثر وتراقب شخصيتك وماتهتم بغيرك اذا مات او لأ

لعبه wow تروح عند الهيلر و spam على الضربه اللي تدمج اكثر وبس , اذا مات التانك كلكم تهاوشون الهيلر واذا مات الهيلر كلكم تهاوشون التانك وهكذا

يعني ماتندمج باللعبه , تولع زقاره , تشرب قهوه , واصبعك على رقم 1 بالكيبورد fire bolt وانت رايح

ماكو حركه تسويها , ماكو اكشن , فاهم قصدي

وعلى قولتك الاكشن بار هم مايبون يكونون نفس ووركرافت اللي حركاتك تاخذ الاكش بار كله المستطيلين اللي بالعرض والطول وباقي الحركات ماتدري وين توديها

هذوله حطولك 5 حركات يسار وهم الحركات الرئيسيه وبالنص health ويمين حركات ثانويه مثل هيل و والبت على مااعتقد , يعني الناس مايبون يعقدونك اكثر بالحركات تدري ليش ؟ لأنه اللعبه فيها اكشن وفيها dodge انت تسويه عشان تتفادى ضربات اللي يحاول يضربك , معطينك حركات شوي عشان تعرف تستخدمهم بسهوله وعشان تركز باللعبه اكثر

اما الشخصيات بالعكس التحكم والحركه حلوه , لكن يمكن انت شفت اللي يشبه التاورن اللي في واو وهذا شكله جذي طبيعي ولكن شوف البشر العاديين وشوف حركاتهم وصدقني انا نفسك قلت كأنه معوق لكن لما تابعت الافلام صار شكله احلى من الطبيعي

[Karazhan]

وانت مو خسران شي يعني لو لعبت جيلد وور 2

لأن تشتريها وتنزلها عندك وخلاص اللعبه مجانيه , يعني اذا لعبتها وماحبيتها اتركها وارجع للعبه واو

واذا حبيت ترجع تلعبها ماراح تحاتي الاشتراك وتقول يمكن انتهى اشتراكي فيها , بأي وقت تلعبها , و هم تفيدك يوم الاربعا اذا صارت واو مقفوله تضيع وقتك فيها

ولكن انا متأكد انها راح تعجبك خصوصا انها مجانيه وانتوا عيال الظهر تموتون بشي ابلاش

وارد واقولك ترى التصوير اللي بالافلام beta يعني اللعب اللي تشوفه باليوتيوب تجريبي , وفي تحسينات قاعده تصير , يعني انا اول ماشفت اللعبه مروا علي كذا مقطع مسوينهم ببدايه اعلانهم ولما شفتهم كان طريقه الركض للبشر مو حلوه وفاشله , ولكن بعد التحسينات والتعديلات صرت اشوف الطريقه صارت احلى من قبل

ومازالوا يعدلون ويحسنون فيها و اي لاعب من اللي يلعبون بالنسخه التجريبيه قاعدين يرسلون تقارير عن الاخطاء والعيوب اللي باللعبه للمصممين و هم بدورهم يعدلون او يحسنون فيهم , الى اكتمالها بالكامل ويعتقد ان راح يكون شهر 11 حسب ما يقال

وابشرك ما فطرت ولا يوم برمضان

[Rshaman]

هههههههههههههههه كنت من عيال الظهر بس الحين من عيال الصباحية اهم شي مجانية لوول

اللعبة لعبتها ولفلت بالديمو ومثل ماقلت حلوه وحتى كنت مع واحد يلفل معاي بس ناطر النسخة الأصلية ان شاء الله وبعدين موغالية بـ 19 دولار تقريبآ 7 دنانير .. سؤال خارج نطاق الموضوع اذا في احد من الكويت يلعب واو ابي انترنت سريع ورخيص ومايسوي دسكونكت بنص الرايد اي شركة تنصحوني وجم السرعة

[Y0ZE]

أنا أتفق مع ولد بطنها فكل كلمه قالها و ان شاء الله بجرب اللعبه

[Karazhan]

أنا أتفق مع ولد بطنها فكل كلمه قالها و ان شاء الله بجرب اللعبه

انت تلميذ مخلص , وانشاءالله انشاءالله راح ارسلك صوره الملك + توقيعه + برواز للحائط عشان تعلق صوره الملك بغرفتك بدل ما انت معلق صوره هلزكريم واهو يضرب ديث ونق

[Karazhan]

هههههههههههههههه كنت من عيال الظهر بس الحين من عيال الصباحية اهم شي مجانية لوول

اللعبة لعبتها ولفلت بالديمو ومثل ماقلت حلوه وحتى كنت مع واحد يلفل معاي بس ناطر النسخة الأصلية ان شاء الله وبعدين موغالية بـ 19 دولار تقريبآ 7 دنانير .. سؤال خارج نطاق الموضوع اذا في احد من الكويت يلعب واو ابي انترنت سريع ورخيص ومايسوي دسكونكت بنص الرايد اي شركة تنصحوني وجم السرعة

انا لما قرأت كلامك بكيت وبكيت لغايه ما طاح حظي قصدي طاح حيلي

ذكرتني في ايام الشباب لما كنت ادخل altrec vally واشوف واحد من بعيد يركض بمكانه واعرف انه فصل عنده واقول الله يعينه

ولما اتعداه اشوف غيره نفس الطريقه واقول الله يعينه , وبعدين اشوف الناس كلهم يركضون بمكانهم , اقول معقوله كل الناس فصل عندهم الا انا ؟

بالاخير اكتشف ان انا اللي فصل عندي , وعلى هالحال دائم لان اشتراكي من شركه شين <زين> واقوى سرعه ماخذ عل وعسى يكون احسن ولكن ماكو فايده

جهازي كان بالغصب يتحمل الرسم + اشتراك زين = رفعه ضغط + بكاء + قهر + لاتوجد متعه باللعب

الى ان اشتركت DSL وتعدلت الامور , وجمعت عيادي واخذت جهاز جديد وصرت الحين مرتاح نفسيا وعقليا وجسديا

انصحك بالdsl حتى لو كانت السرعه 512 لأن هم اسرع من شركات الاتصالات , والحين بالكويت رخص سعر الدي اس ال , امس وصلني مسج من فاست تيلكو يقولون اسعارنا ارخصت بنسبه 49%

سألت عن 2 ميجا قالوا ب124 تقريبا

سنوي طبعا , قسم ال124 على سنه ؟؟ تدفع تقريبا 10 دنانير شهريا

اما شركات الاتصالات حسب مااذكر ان اسعارهم اقوى اشتراك اللي اهو 21 ميجا ب25 دينار بالشهر , يعني بالدي اس ال توفر 15 دينار + سرعه حقيقيه

اما الاتصالات يقولك 21 ميجا والصحيح 21 كيلو

واذا ماعندك خط منزل عشان تركب دي اس ال , مالك الا هيفا لالا مالك الا شركه فيفا اهي الافضل بالانترنت عن باقي الشركات

[Warchif]

أنا متفق مع بطن ولدها
انا معك قلبا وقالبا

كلامك صحيح بخصوص الكويستات
اذبح 10 فيران و 15 ذئب هههههههههههههه حلوه ياراجل

راح نجرب GW2 لعيونك بس اسدح الروابط نحملها

اضافه
بعد مشاهدة مقطاع الفيديو
صراحه اللعبه شئ خطير و شكلها بتكون قمة ان شاء الله

متى موعد صدورها بالضبط ؟؟

[ميكافلي]

والله انا اشوف كلام اخوي العزيز ولد بطنها صحيح ،،، يعني بغض النظر عن الأرباح على أنها أساس إنشاء المؤسسة ،،

بس انا كمستخدم أبحث عن المتعه فقط ،، وإن حصل بأقل الأسعار

أشوف الروابط اللي حطها اخوي ولد بطنها صراحه جباره ،،، وميزتها بدون اشتراك ،، يعني متى مابغيت ترجع لها ،،، ترجع لها مو لازم تدفع شي ،،، وفوق كذا تجربه جديده ،،،يعني تستحق التجربه


أما واو هي حلوه بس ،،، من 2004 الى 2011 ،،، خلالالالالالالالالالاص ياحجي