السلام عليكم ورحمة الله وبركاته
هذي اول مره اشارك بموضوع بالقسم الترفيهي وان شاء الله تعجبكم فكرة اللعبه
الفكره اعتقد واضحه من العنوان
بكل بساطه قول لنا عشرة اشياء عنك
بعد ماتقول عشرة اشياء عنك
اختر عدد من الاعضاء ودك تعرف عشرة اشياء عنهم لكن مو اكثر من عشر اعضاء
طبعا بعد ماتختار الاعضاء ارسل لهم رساله زوار عشان يعرفون
~~~~~~~~
قوانين اللعبه:
- كل عضو يكتب عشرة اشياء عن نفسه مو اقل ولا اكثر < ضروري
- بعد كتابه عشرة اشياء عنك اختر عدد من الاعضاء ليكتبوا عشرة اشياء عنهم
- بعد اختيارك لعدد من الاعضاء اعلمهم من خلال رسائل الزوار
~~~~~~~~
وبما اني كاتب الموضوع راح اقولكم عشرة اشياء عني لكن ماراح اختار اعضاء ( اول عضو يشارك اهو اللي يختار )
يالله انا ابدأ:
- انا انسان صامت في اغلب الاحيان واحب اسمع للشخص اللي معاي لكن مو طول الوقت
- ما احب اكون بروحي خصوصا بمكان هادي جدا
- اخاف من الظلام
- رياضي ومشجع لنادي ميلان
- غرامي اللوف بيردز Lovebirds
- احب التصوير الفوتوغرافي وحاليا انا مبتدأ بالتصوير
- احب اشتري الالكترونيات .. هالشي يونسني
- اكره الافلام الهنديه
- اكره الاطفال لم يسوون ازعاج
- انا جدا سيء باللغه الانجليزيه
خلصنا
الحين اول مشارك يكتب عشرة اشياء عنه + يختار اعضاء ويرسل لهم من خلال رسائل الزوار
تحياتي للجميع