ممكن حل لجسمي + صور

[رياضي مبتدآ]

معلومات المتقدم بالاستفسار :
العمر : 20 , الجنس : ذكر

الطول :176 متر
الوزن : 74 كيلوجرام



و الاستفسار كالتالي :
مسا الخير ..

انا عمري 20 سنه وطولي 176 و وزني 74

انا بديت الرياضه من شهرين ونص قريبا وكان هدفي احصل على عضل خفيف يعني مب تضخيم ،، بس عضل على تنشيف

بس تعبت وماشوف نتايح سريعه بس اللي تطور شويه الباي والتراي على الخفيف ( مرفق بالصور ) وفيني كرشه نص يعني مب كبيره ووايد ولا صغيره بس انا فالصوره شادنها هههههه . استخدم اللايبو 6 بلاك و استخدم بروتين Amplified Etreme 60 مع اني قبل كنت استخدم الواي بروتين بس نصحوني بالثاني على اساس انه اقوى استخدم بعد حبوب قبل الرياضه اسمها Yok3d و كازيين قبل النوم .. احس ووايد ههههههه

مممم ممكن حد يعطيني حل شوو الراي ؟ خصوصا اني مابا جسمي يكون كبير وضخم .. بس هدفي العضل المرتب مع الجسم العادي


وصوري تحت ( : . .طبعا الصوره اللي فيها الباي واضح هاي مع شد اليد .. *

[منصوور]

اخوي نصيحتي فقط لاتستعجل النتائج ... اصبر وراح تلاقي النتائج الي ترضيك.. وانتظر الاخوان يفيدوك بالنسبة لجميع استفساراتك
مودتي,,

[أبو روعه]

شيل الليبو 6 لأني مااشوف دهون زايده وماله لزمه

واضفف ملتي فايتمن ( اوبتي من) والواي بروتين لازم يكون موجود سواء في بروتين او مافيه وتاخذه بعد التمرين على طول

وركز فالتمارين وماعليك من الاوزان اهم شي التركيز ونظم وجباتك صح والله الله بالصبر

والله يوفقك اتمنالك التوفيق

[رياضي مبتدآ]

اخوي نصيحتي فقط لاتستعجل النتائج ... اصبر وراح تلاقي النتائج الي ترضيك.. وانتظر الاخوان يفيدوك بالنسبة لجميع استفساراتك
مودتي,,

تسلم اخوي على الرد .. ( : وان شالله بنصبر

[رياضي مبتدآ]

شيل الليبو 6 لأني مااشوف دهون زايده وماله لزمه

واضفف ملتي فايتمن ( اوبتي من) والواي بروتين لازم يكون موجود سواء في بروتين او مافيه وتاخذه بعد التمرين على طول

وركز فالتمارين وماعليك من الاوزان اهم شي التركيز ونظم وجباتك صح والله الله بالصبر

والله يوفقك اتمنالك التوفيق

اول شي تسلم ووايد على الرد ماقصرت .. بخصوص اللايبو ترا فيني دهون بالصدر والبطن ماتنشاف بالصور وعن الفايتمن انا اكل ملتي فايتمن اسمه Mega Men Sport شو رايك فيه ؟
مممم وبخصوص الواي بروتين مافهمت قصدك اي واحد ؟ لآني كنت استخدم الواي قولد ستاندرد استبدلته بالامبليفايد وهاي صورتهhttp://www.google.com/imgres?q=ampli...1t:429,r:0,s:0

[الناعسي]

ليه مستعجل ؟

بعد 6 اشهر اسال عن نتائج ملحوظه
الحين اكل اكل صحي صح ونام صح وتمرن صح وبعد 6 اشهر بتشوف نتائج حلوة

[أبو روعه]

الواي بروتين من شركة on قولد ستاندرد ونظم وجباتك وتمرن صح

والمكملات الكثيره وانت مبتدأ احسها ماتنفع ونصيحتي لك خلك على الواي بروتين والامينو ووجبات منظمه ولاتنسى الفواكه كل يوم

وكلها 6 شهور وتشوف النتايج ولاتستعجل لأن اللعبه يبغالها صبر و(تمرين صح)


بالتوفيق

[alsube3ai]

اخوي انت عندك على ما يسمون skinny fat syndrom معناتها انت نحيف و سمين في نفس الوقت

على شان تحصل على النتائج الي تبيها لازم تقلل من السعرات الي تستهلكا يومياً

انت تقريباً نسبة الدهون عندك من 21% الى 18%

عطها شهرين زيادة

[رياضي مبتدآ]

ليه مستعجل ؟

بعد 6 اشهر اسال عن نتائج ملحوظه
الحين اكل اكل صحي صح ونام صح وتمرن صح وبعد 6 اشهر بتشوف نتائج حلوة

تعرف الواحد يصير مستعيل على النتايج يبا يغير جسمه خاصه لو كان صغير ههههههه

ان شالله باكل صح وبنام صح وتسلم فديتك على الرد (:

[رياضي مبتدآ]

الواي بروتين من شركة on قولد ستاندرد ونظم وجباتك وتمرن صح

والمكملات الكثيره وانت مبتدأ احسها ماتنفع ونصيحتي لك خلك على الواي بروتين والامينو ووجبات منظمه ولاتنسى الفواكه كل يوم

وكلها 6 شهور وتشوف النتايج ولاتستعجل لأن اللعبه يبغالها صبر و(تمرين صح)


بالتوفيق

افا عليك ،، شادين الحيل ونتريا النتايج بس انشالله اقل غن ٦ شهور لني مستعيييييييل ههههههههـ

تسلم مره ثانيه على الرد وماقصرت

[رياضي مبتدآ]

اخوي انت عندك على ما يسمون skinny fat syndrom معناتها انت نحيف و سمين في نفس الوقت

على شان تحصل على النتائج الي تبيها لازم تقلل من السعرات الي تستهلكا يومياً

انت تقريباً نسبة الدهون عندك من 21% الى 18%

عطها شهرين زيادة

ممممم يب صح كلامك انا ضعيف بس بنفس الوقت عندي اماكن فيها دهون احس مثل الصدر والبطن والرجل من فوق .. انا احاول اكل كله بروتين واخفف الفات وهالاشيا وان شالله اشوف نتايج

تسلم فديتك ماقصرت