انا اللي كتبته يمثل وجهت نظري الشخصيه
يعني كلام اخذ و خل مو تروح الدوانيه تقول ولد بطنها قال وتقطها براسي
انا اقول اللي اشوفه من تصرفات امريكا
يعني مثلا , تتوقع امريكا غزت افغانستان لأنها تشكل تهديد لأمن امريكا ؟ يجي افغاني مع RPG او صاروخ كتيوشا ويهدد امريكا
او بلد انهكته الحروب من عرفنا الدنيا , عكس العراق اللي كان بعزه و مصفاة النفط والميناء متوفرين غير الاثار والاموال , يعني العراق اتوقع تنهب امريكا نفطه و غازه
لكن افغانستان كل شي مدمر , يعني تحتاج امريكا بعد وقف القتال مع طالبان واللي الى الان مستمر القتال انها تقعد 5 الى 10 سنوات عشان تصدر اول شحنه نفط او غاز من افغانستان
اما الموارد اللي تفضلوا فيها الاخوان عن ان افغانستان غنيه بالاحجار الكريمه , انا حسب علمي المتواضع ما قد سمعت ان امريكا تدخلت في حرب او اعلنت الحرب على بلد لأجل الاحجار الكريمه او الذهب
اما اليهود نعم , واذا بحثت راح تشوف انهم من كبار تجار الالماس والذهب وغيرهم من الاحجار الكريمه
و ثق تماما ان كل حرب تدخل فيها امريكا تتبعها اسرائيل بجيش من التجار , طبعا يحملون الجنسيه الامريكيه او الاوربيه او اي بلد اخر عشان يبعدون الشبه عنهم , مثل ماذكرت بالمشاركه السابقه
الحين شنو باقي في افغانستان غير الافيون ؟
ليش ماتطلع امريكا و توزع افلام لها على شبكات التلفزه انها تتلف اطنان الهيروين واللي طالبوا حكومه طالبان سابقا بأتلاف وحرق مزارع الافيون وطالبان رفض
اعتقد كان هذا شرط لأنظمام افغانستان بحكم طالبان الى الامم المتحده
الحين لما صارت مزارع الافيون بيد امريكا ماسمعنا خبر عن اتلافهم لها
وترى تجاره المخدرات من المافيا فقط تدر الملايين ويمكن المليارات
فما بالك لو تبنت الدوله هذا المشروع المربح , خصوصا ان كانت الدوله اهي امريكا , واللي الدبلوماسيين مرحب فيهم تقريبا بكل دول العالم و يدخلون اي بلد من غير تفتيش
الناس تطالع فوق مو نفط وبس او غاز او احجار كريمه
الكويت بروحها تعطي 5% اعتقد من نفط العالم فما بالك بالخليج مع العراق وايران , يعني امريكا الحين ما تحاتي النفط والغاز لأنها تحصل عليه من
اصدقائها و حلفائها من دون حرب , 80% من الدول المصدره للنفط صديقه امريكا بعد ليش تدخل حروب عشان النفط
خلاص الموضوع تخطى النفط والحين نظام حربي جديد من خلال تدمير البلدان بالمخدرات
هذا اللي انا اشوفه
وبالاخير هذي وجهت نظري مو ضروري تكون كل المعلومات صحيحه