معلومات المتقدم بالاستفسار :
العمر : 20 , الجنس : ذكر
الطول :178 متر
الوزن : 77 كيلوجرام
نسبة الدهون : ؟؟؟؟
و الاستفسار كالتالي :
سلام عليكم ورحمة الله وبركاته
كيف الحال ياوحوش .. ان شاء الله تكونون بأتم صحه وعافيه
اخوكم في الله يبي مساعدتكم في وضع جدول تمارين وبرنامج غذائي وكورس مكملات وكل ابو شي
طبعاً الهدف البعيد الي ابي اوصل له هو الحصول على جسم مشدود ومقسم واكتساب لياقه بدنيه عااااليه
الهدف الحالي او المرحلي هو تهيئة الجسم للعبه .. طبعاً انا شخص قليل الحركه ... نادراً نادراً ما اتحرك
حتى المشاوير القريبه مثل البقاله و المسجد اروحها بالسياره .. المشي يكون بالجامعه و صحيح اني امشي مسافات طويله فيها بس اني اتعب بعدها
الي ابي اوصله لكم اني ابي ابدأ ببرنامج خفيف "برنامج تهيئه وتسخين للجسم" ... حتى لو يستمر لمده اسبوعين الى ثلاث اسابيع مثلا .. ماودي افاجىء جسمي بتمارين قويه وصعبه وبعدها اتحامل على انفسي الروحه للنادي
طبعا انا سبق وقد دخلت نادي وكانو المدربين في النادي يخلوني ابدا ببرنامج الكارديو اول شي الي هو 20 دقيقه مشي 20 دقيقه سيكل 20 دقيقه اوبتيكال <<< طبعاً ما ناسبني النظام هذا ابداً لأن الاوبتيكال ذبحني و كان يتعبني لدرجة اني ما اقدر امشي اليوم الثاني وهذا الي خلاني اكره روحة النادي على اساس اني كنت افكر اني لازم امشي على الجدول هذا وما اقدر اغيره ... طبعاً انا احس ان عضلات الفحظ عندي صعيفه نوعا ما .. يعني اذا طلعت درج او مشيت مسافه احس بتعب فيها
الزبده اول شي انا ابي احدده بمساعدتكم يا اخوان هو وضع جدول تمارين للمرحله الاولى (مرحلة التسخين وتهيئة الجسم) برنامج خفيف ومناسب لطاقتي وقوة تحملي
طبعاً بناءً على الكلام الي فوق انا فكرت ان النظام يكون عباره عن سباحه ومشي فقط اول الفتره لأني اشوف ان السباحه تحرك اغلب عضلات الجسم اذا مو كلها ... ف ما ادري وش رايكم .. تؤيدوني والا لا ؟
اكون صادق معكم فكرت بجدول بس اني حسيت ان تفكري شطح وتحمس شوي .. الي هو حديد اوزان خفيفه ثم مشي بنظام HIIT للمبتدئين ثم سباحه <<< طبعاً هذا مع حماس التسجيل بالنادي لكن لما تذكرت كيف ان نظام المدربين الي مذكور فوق كيف كان يتعبني قلت خلني على السباحه والمشي
طبعا انا راح اخلي الجدول الغذائي والمكملات بعد ما احدد التمارين لأني ما ودي آكل اكثر من الي احرقه وسعرات حراريه زايده
احس من جد طولتها وابثرتكم لكن شنسوي ... عموما الله يعطيكم العافيه و تراني معشم فيكم خير ياوحوش واتمنى انكم تتحملوني بما اني مبتدىء بأبثركم بكثر الاستفسارات
رد: مساعدتكم في وضع جدول تمارين ونظام غذائي وكورس مكملات
المشاركة الأصلية كتبت بواسطة متعب سعد
