نـقـاش الـ FANTASY الـعـام ~ have a seat !

[Rei']

^
^
وعليكم السلام ورحمة الله وبركاتة
العفو KUMMEI ^_^
تقصد FFVesusXIII ؟ يس ايام الـ PS1 كانت الألعاب تنزل بسرعة بس مع تطور التقنية والجرافيك صار الأمر شاق وأصعب
كان بأستطاعهم إصدار اللعبة في وقت مبكر لكن بسبب أنشغالهم بمشاريع آخرى مثل FFXIII-2 وFFType-0 ,,, تأخرو فيها كثير وشكلهم متوهقين الحين <_<"

[Camellia]

السلام عليكم و رحمة الله و بركاته ,



أهلاً بـ أعضاء القسم و زواره , ههه اليوم بشارك بـ شيء أكيد فيه ناس لاحظته و ناس يمكن ما بعد ,
تنتبه له , و ما زال البحث و الاستكشاف جاري في هذا المجال , و هو الشبه بين شخصيات ألعاب ,
الـ Final Fantasy سواء من السلسلة نفسها أو من ألعاب ثانية , طبعاً فيه شخصيات سبق و أن ألقينا نظرة ,
على الشبه اللي بينهم مثل :

الشبه اللي بين Tifa من Final Fantasy vii و Rinoa من Final Fantasy viii ,
و الشبه اللي بين Stella من Final Fantasy versus xiii و Aerith من Final Fantasy vii ,
و الشبه اللي بين Seven من Final Fantasy Type - 0 و Lightning من Final Fantasy xiii ,
و أنا لقيت من بحثي الخاص مجموعة من الشخصيات المتشابهه و اليوم جهزت بعض الصور ,
و بعدين إن شاء الله بشوف غيرها , عموماً اللي وصلت له من عملية البحث هو :

الشبه بين :
Shelke من Dirge of Cerberus - Final Fantasy VII ,
و Cater من Final Fantasy Type - 0 الشبه اللي بينهم من ناحية تسريحة الشعر و لونه قريب شوي ,
صور للتوضيح :





Ursula Fang Leiden من Final Fantasy IV : The After Years
و Oerba Dia Vanille من Final Fantasy xiii , الشبه اللي بينهم من ناحية تسريحة الشعر ,
صورة لتوضيح :



Zhuyu من Final Fantasy Type - 0 , و Loz من Final Fantasy vii : Advent Children ,
الشبه اللي بينهم من ناحية تسريحة الشعر و لونه , و الملامح بعد متشابهه , صورة للتوضيح :



Demyx من Organization 13 Kingdom Hearts
و Jack من Final Fantasy Type - 0 الشبه اللي بينهم من ناحية تسريحة الشعر ,
و الملامح , حتى الوقفة متقاربة , صورة للتوضيح :



Cinque من Final Fantasy Type 0 و Aerith من Final Fantasy vii ,
الشبه اللي بينهم من ناحية تسريحة الشعر على الجنبين و من الخلف , و أما الغُرّة فـ مختلفة ,
و لون الشعر بعد بني بس الدرجة تختلف , صورة للتوضيح :



Ellone من Final Fantasy viii و Jill Valentine من Resident Evil 3 ,
الشبه اللي بينهم من ناحية تسريحة الشعر , صورة للتوضيح :



Snow Villiers من Final Fantasy xiii و Seifer Almassy من
Final Fantasy viii , Kingdom Hearts 2 , الشبه اللي بينهم من ناحية الشعر لونه أشقر ,
صورة للتوضيح :



ببحث عن المزيد في وقت لاحق , آرائكم في المتشابهين ؟!

[THE ROCK IS THE BEST EVER]

^
^
فعلا في تشابة بين الشخصيات

[LordSora]

السلام عليكم ورحمة الله وبركاته
فعلا كلامك صحيح أنه لو كانت على ps1 راح تنزل بسرعة وليته كذا الحين صاروا يتفننون بالجرافيكس أكثر شي عندهم
وبالنسبة للشخصيات متشابها
والسلام عليكم ورحمة الله وبركاته

[Camellia]

جاري العمل على موضوع خاص عن الشخصيات المتشابهه .

[Etro]

[ ^ ]

فكرة عظيمة وحلو نشوف مواضيع تسلية في الموضوع ونقاشات ^^
كان ودي آناقش هنا

لكن بما آنه بتنزلين موضوع خاص فـ الآفضل آناقش هناك وآتكلم عن الشخصيات هناك
فعلا فكرة الموضوع جميلة وآعجبتني وفي إنتظاره ^^

[dro]

Himeka

واو على ارت Light جدا شدني 3> ... مناسب لو يكون رسمي للعبة ... صورة Versus XIII اعجبتني ههه xD .. لوهلة تمنيت لو ارجع لتلك الفترة كانت الألعاب المميزة بينهم سنة با الكثير مو ننتظر سنين .. المدينة الموجودة في الصورة ذكرتني با المنطقة المتطورة في XIII - 2



Camellia Rose

با الفعل .. انا لما شفت ردك قلت هذا مو رد في موضوع .. هذا موضوع لوحده xD .. ما شاء الله عليك ملاحظاتك حلوه ! .. الملاحظة الي لاحظتها من نفسي اتذكر شخصية Snow .. فعلا لما شفت تصميمه الكامل في 2009 مباشرة تذكرت تصميم سيفير في KH II ! ... لكن طبعا يعجبني مظهر سيفير اكثر من سنو >_> .... اعجبتني ملاحظتك لشخصية Demxy ما توقعت هذا التشابه الكبير بينهم فعلا حتى في الأبتسامة و الوضعية O_o

با انتظار موضوعك ^_^ .. و نايس التصاميم btw



Chocobo Knight

هذا بعض من الـ art الي حبيت اشارككم فيه .. hope u like it !

Cloud و Zack في نيبلهام ~



Light و Serah و الـ Destiny



و هذه سرقتهم من Himeka هه P:

ارت تخيلي لـ شخصيات الجزء القادم من Dissidia


----

ابطال النور ضد الظلام .. فكرة الشخصيات الجديدة مثيرة للأهتمام و على ستايل نامورا ! .. مع ابطال النور نشاهد Kaze من انمي فاينل فانتزي * الي يمتلك مسدس ذهبي * و كمان بطل تاكتيس Ramza .. تواجدهم صراحة نايس و مفاجئ .. طبعا نشاهد Zack و Noctis و الي مفترض يتواجدو إذا كان فيه اصدار جديد مع العلم ان المطورين صرحو ان لا جزء جديد بعد Dissidia 012 .. بجانب الأشرار نشاهد Stella و جينسس و مكانهم في الأرت نفس مكان زاك و نوكتيس ... و شخصيات شريرة استغربت من عدم تواجدهم في 012 زي سيمور و سيفير و شرير XII و سيد .. فيه شخصيات شريرة ما عرفتهم لكن اعتقد انهم من الأنمي او جزء فرعي ربما

for me حبيت الأرت هذه لشخصيات Dissidia خاصة ان الرسام حاول يرسمها و يحاكي اسلوب نامورا

[THE ROCK IS THE BEST EVER]

^
^
مو بس زاك و نوكتس قي نفس المكان ارت ورك يقابلهم ستلا و جينسس

حتى سكوال و يونا في نفس المكان يقابلهم سيفير و سيمور

وسنو في نفس المكان ارك يقابله سيد

بالنسبة ارت ورك عجبني بالنسبة لي طبعا ^^

[Arashi]

السلام عليكم أيها الفانتاسيون XD
شخباركم شعلومكم رياضياتكم شمسويين؟ XP

بما اني هالايام مجبوره أمسك البيت واقعد 24 ساعه في الصاله + جهازي خربان نوعا ما
قلت أقضي وقتي بالالعاب...فبديت في FF13 اخيرا @@
صار اكثر من اسبوع ألعب وطبعا ما وصلت بعيد لأني ما ألعب وايد XD

بشكل عام اللعبه حليوه وافضل مما تخيلت بعد الانتقادات اللي سمعتها
الشخصيات:
لايتنينج: تخيلتها ثقيلة دم من غير سبب...يعني شامه خياس مثل سكوال O.o
لكن لا...طلعت لها أسبابها ومع الوقت تتغير للأفضل وتهتم لغيرها أكثر

سنو: في البدايه قلت هذا دانتي رقم 2 XP
شوي أجوفه قام يعقل بس بعد لحد الحين يرفع ضغطي <<< عندها عقده من الدانتيّات XD

ساز: أب يحب ولده لكن كنت أتمنى يعطي فايل الخبله كف...شلون مستحملها؟ >_>

فانيل: بايخه سخيفه دلوعه غبيه ....الخ
ايش كان سكوير تفكر لما صممتها؟ ×_×

هوب: طفل دلوع حساس وكثير التذمر...الحمدلله ان لايت اللي ماسكته >_>

فانج: كنت أحسبها مسترجله ودمها ثقيل بس طلعت شخصيتها أحسن مما تخيلت...بس ما عاجبني الساري اللي لابسته XP

لاحظت في اللعبه شي مختلف عن باقي الاجزاء
مافي شخصيه تعتبر مثاليه والكل يتحاسب على عيوبه
وكلهم مع الوقت يتغيرون وبشكل منطقي يدش العقل @@
حبيت هالشي في اللعبه

اللي ما عجبي بس ان أحداث القصه تمشي بطيء...ومليت من فكرة الهروب طول الوقت...احس مافي تغيير >_>


الجيم بلاي ما عليه كلام...فكرة الـParadigms والـRoles اللي يتغيرون أثناء المعركه عطت نكهه خاصه للعبه @@
وحلو انك لما تقاتل بلاعبين وتجمع لهم CP الباقي يحصلونها جاهزه...وفروا علينا عناء التطوير الممل لالي تعال كل مره خذ 3 لاعبين وطورهم
طريقة الهجوم تشبه Chrono Cross انك تقوم بعدة ضربات وقت واحد....والـSpoils اللي تحصلهم بعد كل معركه..المصطلح نفسه في كرونو كروس بعد XD
أما تطوير مستوى اللاعبين بالـCP مشابه لفاينل 10 بس أسهل ^^

الموسيقى ماحسيت في وايد نفس قبل...كل اللي أسمعه مكرر...بس عجبتني هالمجموعه



^^^^
حبيت النسخه السريعه اللي طلعت في الغابه لما تلعب بفانيل وساز...السريعه احلى بس ماقدرت احصلها P:

في كذا موسيقى غيرها بس ماقدر أدورهم الحين @@

المناطق أغلبعا ماتدش القلب >_>
بس حبيت الغابه...كانت جميله @@
واكثر مكان ذبحني كان التشوكوبو والخرفان...كنت بمووووووووووووووووت
كل شي كيوت X3
صوت الخرفان حلووووووو حتى كنت أدوسهم عشان يصارخون XD
والتشوكوبو شكلهم لذيذ في هالجزء خاصة لما تجوفهم من قريب @.@
قعدت ساعه بس ادور قبل ما اكمل XD
الموسيقى كانت تفتح النفس ومناسبه للـcuteness
X3




وبس

يتبع المره اليايه لما أوصل بعيد XD

[dro]

THE ROCK IS THE BEST EVER ~ فعلا ملاحظة حلوه @_@ .. إذا الشخصيات الشريرة الي ما عرفتهم تقابل بطل الأنمي و بطل تاكتيس .. ما توقعت ان شرير تاكتيس بنت :/ .. اول شخصية من ارت الأبطال و اول شخصية من الأشرار الي كأنه دمية ما عرفتهم ابدا من اي لعبة .. نايس اعجبني الأرت اكثر حتى يتشابهو با الوضعية و مسكة السلاح مو فقط المكان

,

ابغى اشتري مجسم Lightning بتاع XIII - 2 ... جدا nice

[Etro]

[ Arashi ]

وعليكم السلام ورحمة الله وبركاته الفانتسية الترفيهية xD

الحمد لله بخير عن نفسي ما مسوي شي
والعلوم والرياضايت مسببين ضغط كبير في المدرسة xP

الحمد لله الحمد لله الحمد لله بديتي تلعبين T_T
يلا كملي لحد ما تنهين اللعبة ><
Final Fantasy XIII-2 ينتظرج

بالنسبة للشخصيات
لايت مثل ما قلتي بالضبط لكن هي مب باردة لدرجة سكوال O_o
الحمد لله هي فيها روح على الآقل xP

سنو بالـــــــــــــــــضبط يشبه دانتي توني الاحظ من بعد ما قلتي @@
يس صح يرفع الضغط ومتهور بس مسكين طيب ويهتم لآصدقائه ومايريدهم يتآذون آبدا

ساز بنسبالي آعقل رجال في اللعبة آفضل من هوب و سنو
من رغم آنه تحت ضغط كبير إلا آنه طيب القلب ومحبوب ومتفائل

فانيل ما آرضى عليها عاد مب لهذي الدرجه بايخة ><
هي متفائلة زيادة عن اللزوم لكن لو تشوفينها في الياباني تحسينها شوية آهداء
وطيبة مسكينة =( نوعا ما مزعجة xD

هوب oh come on مب لهذي الدرجة ><
المسكين فقد امه شنو تتوقعون منه ,, لكن في بعض المناطق إن شاء الله تغيرين رايج عنه ^^

فانج تشبه لايت وقوية وآحب آتحكم وياها
آفضل بنت في اللعبة من الشخصيات الرئيسية والساري مب مشكلة بالعكس حلو آنهم يضيفون شي من ثقافات ثانية

لاحظت في اللعبه شي مختلف عن باقي الاجزاء
مافي شخصيه تعتبر مثاليه والكل يتحاسب على عيوبه
وكلهم مع الوقت يتغيرون وبشكل منطقي يدش العقل @@
حبيت هالشي في اللعبه

wooow فعلا وصفتي الشي بشكل ممتاز @@
آتفق وياج في هذي الجملة تماما
حلو نعيش الجو الشخصيات وشوي شوي يتغيرون بسبب حدث او حالتهم
جذي يحسسون الناس او اللاعب آن في آمل لكل شي و الثقة واشياء إجابية كثيرة ^^

اللي ما عجبي بس ان أحداث القصه تمشي بطيء...ومليت من فكرة الهروب طول الوقت...احس مافي تغيير >_>

exactly فكرة الهروب بايخة
عشان جذي اللعبة خطية ومافي ناس وايد نكلمهم -_-

وبالنسبة للجيم بلاي آتفق معاج تماما ما آعلق عليه كل إلي قلتيه صح ^^

والموسيقى إختياراتج مميزة ^^

حبيت النسخه السريعه اللي طلعت في الغابه لما تلعب بفانيل وساز...السريعه احلى بس ماقدرت احصلها P:

تقصدين The Sunleth Waterscape :-



يــــــــس الموسيقى حلوه ^^
وإذا عجبتج المنطقة فآكيد لما توصلين التشابتر 11 بتنبهرين من المناظر ^^

وهذي بعض الموسيقى إلي آنا حبيتهم :-

http://www.youtube.com/watch?v=hLcDvUMVkVQ

[ ^ ]
حلوه وفيها كلمات لاتينية آسلوب فانتسي من العصور الوسطى ^^

http://www.youtube.com/watch?v=E9kO-aIEAEY

[ ^ ]
البداية حزينة وكآنها ما فيها آمل وبعد شوية تحسين الآمل رجع والكل يبتسم ويتفآل بالمستقبل

http://www.youtube.com/watch?v=-NzowsCXhoo
http://www.youtube.com/watch?v=baPiD3QDmEg

[ ^ ]
مقطوعة فعلا جميلة من رغم إنها من آلة وحدها لكن كآنها بـ مجموعة الات وما ناقصها شي
نفسي آتعلم آعزفها ,, حزينة وجميلة جدا 3>

http://www.youtube.com/watch?v=MFolf8f8Qdc

[ ^ ]
رآيي نفس المقطوعة الآولة لكن مع آكشن

http://www.youtube.com/watch?v=dyPDAgX4ZHU
http://www.youtube.com/watch?v=AzGWwHuz5A8

[ ^ ]
الموسيقى توصف نفسها ^^

http://www.youtube.com/watch?v=WJcpalF1bgw

[ ^ ]
هذي كنت اعتبرها عادية لكن لما سمعتها في FFXIII-2 حبيتها
مادري ليش من رغم آن المقطوعه نفسها وما تغيرت

والحين يلا كملي اللعبة ولو مملة شفتي لوكا كيف تحمست بعد ما لعبته xP
بسرعة آنهي اللعبة عشان تجربين FFXIII-2
اريدكم تدخلون كلكم عالم Final Fantasy وتحبونها غصب

[dro]

اعلان ~



إذا كنت واحد من المهتمين بـ لعبة FINAL FANTASY TYPE - 0 و اردت معرفة الأبطال و صفاتهم و اسلحتهم و قصة اللعبة تفضل بزيارة الموضوع الخاص با ابطال و ممثلي TYPE - 0 من كتابة و تصميم Camellia Rose في قسم FINAL FANTASY

http://www.montada2.com/showthread.php?t=735391

لا تنسى ان تشاركنا ردك في الموضوع !

[dro]

يوم امس كنت اتصفح مجلات الألعاب القديمة عندي من التسعينات و بداية الألفية ... احد المجلات لفتت نظري تذكرت اني كنت اقراها كثير زمان و غلافها كان جدا جذاب لتواجد افضل لعبتين ... كانت في بداية 2001 و قبل اصدار FFX و MGS2 و في تلك الفترة كنت اعتبرهم اهم العاب انتظرتهم في حياتي ( و الآن اعتبرهم افضل العاب الجيل الماضي ) ... حبيت اشارككم ذكرياتي و صورت لكم غلاف المجلة و خبر FFX و اعتذر على الصور الكبيرة راح اضعها على هيئة رابط ... الغلاف :

http://i.imgur.com/Msjq7.jpg

صورة تايدوس على الغلاف على تلك الأيام كانت شي خرافي ولا زالت .. و كنت محتار إذا تصميم او حقيقي !

صورة لـ خبر FFX و اعتقد انه اول خبر و صور لـ X

http://i.imgur.com/OkCAY.jpg

لاحظو صورة يونا و تايدوس تختلف عن النسخة النهائية ولا اتذكر اني شفتهم في اللعبة .. مثلا صورة تايدوس كأنها من البداية لما قال ( Listen to my story )

[Judge Balthier]

^
^
^
مجلة العاب الكمبيوتر والعاب البلاي ستيشن وماكس (رجعت لي ذكريات جميلة) ، كانت فترة رائعةولكن للاسف احيانا التقدم في التقنية يدمر اساليب في الحياة كانت ممتعة بالنسبة لنا ولكن اصبحت منقرضة بسبب هذا التقدم ، للاسف احيانا وانا اتصفح المجلات الالكترونية لا اشعر بنفس الشغف الذي كنت أشعر به عند قراءة المجلة الورقية، شكرا درو على مشاركتك لنا بأحد ذكرياتك ليس لانها جميلة فقط ولكن لانها احيانا لا تقدر بثمن .

[Fantasy Legend]

يوووووووه درو والله قلبت المواجع
من جد المجلات كانت شي لايوصف بالنسبه لنا لدرجه اننا نقرا المجله 20 مره من غير مانطفش xD ,,
اذكر عندي مجله كان وقتها اعلان عن ظهور البلي 2 وكان مكتوب معاها الالعاب الي راح تصدر كان من ضمنها فاينل 10 حتى الصوره مرا غريبه على ما اذكر بشوف ادورها اذا حصلتها بصورها ,,
هههههههه اذكر في المجله يجبلك الالعاب المتصدره في امريكا و اروبا واليابان اذكر مره كانت فاينل 8 متصدره امريكا واروبا ومعطينها نسبه 98% او شي زي كذا كنت اقصها عشان يوم من الايام كنت افكر اروح اوريها اصحابي الي كل يوم يسبون فيها قدامي ويقولولي انقلع انتا واغبى لعبه شفناها على وجه الارض T_T ,,