ملتقى وتجمعات لعبة star wars: the old republic او بإختصار SWTOR

[Jeremie]

السيرفر ينحسب على الناس بالفلييت ما ينحسب على عدد الموجودين بالسيرفر.....الواحد أختار السيرفر على الأسم تخيل يسسون نقل وتلقى إسم الشخصية والعائله محجوز.... انا رديت لي لعبه لول مؤقتاً مأقدر العب PVP الريسبك يكلف وأنا متوهق بالهيل ....

[Jeremie]

وارشيف أنا فريت الفليت بسكاو وأخذت الكويست ورحت لي ماليقوس وسلمته .....صعبه يجيك بق على شخصيتين.... اللوت كله لك 10000% تانك أسسيسسن , أنا يومياً أخذ فرة على كل الفليت وأي كويست أخذه وأمشي... الفليت كله أربع مناطق لف وأخذ الكويست...

[Warchif]

يارجال
اخذت الكويست وغيره الف
ومع كذا ماقدرت اخش
انت تقول لازم تخلص كويسات في اخر كوكب تلفل عليه من اول منطقه تلفيل مادري والله

المهم
الpvp فيه بق بعض الحركات ماتشتغل اذا ضغطها باللعب
أيضا الوضع يتكرر مثل واو
يجون 3 او 4 يطبون عليك كله ستنات ماتقدر تفك قسم بالله والنتيجه موت على طول بدون اي ردة فعل وينه ولد بطنها اللي يقول عندك فرصه ومافرصه الوضع نفسه زي واو
فيه شئ يصير يقهرني ياخي
اتقاتل مع واحد ويجي ثاني شوي يصير شئ زي اللاق والا الشخصية ميته مع انه الدامج اللي يجيني عادي كذا فجأة مات
الاوبريتف كالعاده اوفر باور دايما الأول في الدامج ياخي وين النيرف انا مجير ممتاز ومع كذا عشان اذبح اي واحد يبغالي اقل شئ 15 ثانيه واكثر
الاوبريتف يسويها في 5 ثواني والله تعقدت وقبلت تانك عشان اقدر اهيل من الدامج اللي اسويه بعكس الاوبريتف اللي عنده كل شئ هيل ودامج

وبعد هذا كله اقول للغبيه Bioware حتى لو نزل الباتش الجديد حقهم بنقول لهم اذا فات الفوت ماينفع الصوت
كثرة البقات والسرفرات الكثيره على غير سنع وخروج اغلب اللعيبه بتعجل بموت اللعبه
ياخي 8 سنوات يشتغلون عليها وهذه اخرتها

راح نصبر عليها إلين GW2
واو مالقي خلق ارجع لها الpvp مثل ماهو ماتغيرمافيه شئ يحمس

[Jeremie]

كاتب موضوع وفي الأخير يقفل المتصفح.........
وارشيف أنا كتبت لهم بالمنتدى موضوع سميته SWTOR after May .. المغزى على وضعكم مين بيبقى يلعب...
نبي أرينا.....
بالنسبه لموضوع يخشون فيك 4.5 عادي بأي لعبه PVP تلعبها وعندك ناس يصير فيك كذا بيقعدون يتعازمون مين بيروح .. كل واحد يبي الKill ومن سبق لبق......وحط نفسك بنفس الوضع وقدامك واحد وأنتوا أربعه بتحرقون كل الستنات عليه .. وبعدين لا تفكر بأنك سوبر مان تروح لوحدك وين التيم يتمشون.........تعرف وارشيف بأني رسمياً مأسوق ويجيني واحد من الشباب يقول لي تبي شارع لك بروحك.... وبالنسيه لما يجيك أحد ثاني وتليق وبعض حركاتك ما تشتغل .. الحركة هذي موجوده ب Illum ما قد صارت لي في BG في حركات عندي بكلاسي يبي لها بروك وبعد عليه كولداون ولما أجي أستخدمه قد خلص..

بالنسبه للأوبريتف أقوى ضربه لازم يكون مختفي لما يسويها وتطرحك بل الأرض ويشغل عليك backstebو shiv و يشبك لك الستن مثل كل الكلاسات و باكستيب ثاني إذا ما مت شيف وأنت ميت وإذا شردت يحذف علي خنجر يخش بكوعك ويعطيك دوت ماشيه مليون وطبعاً البويزن شغال.. عندنا كولداون لما يستخدمه ك روج روج يجيه هيل مثل ديث سترايك و عندنا شيلدين بعد..

بالنسبه للكويستات حقت الفلاش بوينت في بعظهم بحدث تشتغل.... مثل كولديد وار تأخذه من Hoth و D7 تاخذه من كوريليا .. أنت عندك الديلي و عندك كويست تسويه داخل الفلاش بوينت .. بالفرنسي عندك مفتاح باب البيت الداخلي بس ماعندك مفتاح باب الشارع....



صوره الموقع حق الكويست

[Warchif]

الاستن كم 5 ثواني ؟؟
كلها ثانيتين فقط وحرام تستخدم فيها الترنكت
لكن خلال هذه الثانيتين يدبجك 5 الف وين ياعمي
فيه اوبريتف اسمه جوستاف هي فيميل بس ما دري عن اللاعب نفسه
المهم
معها خويه اوبريتف برضه اسمها فايف
يلعبون مع بعض مايفترقون يمسكون في الواحد ويدبجون دبل دامج ويموت في اقل من ثانيتين والاثنين يطلعون اعلى دامج فوق كل اللعيبه لما يلعبون الباتل ولفلاتهم من شفتهم كان 47 والحين 49
هذه جوستاف لما العب ضدها بالديسبشن تجيبني بالراحه مافيه امل اسوي دامج مثل اللي تسويه وفوق كذا تهيل نفسها
وبالديسبشن لعبت ضد تانك بورتك وضد واريورات صاروا يجيبوني بالراحه ليش لأنه عندهم حمايه اعلى من الحمايه اللي عندي والواريور صراحه يدبج عالي
لكن لما فحطت في النت ودورت عن احسن تالنت وطلع تالنت الداركنس اللي هو التانك مع المادنس
زبطت التالنت وفعلا لا يعلى عليه سواء من الدامج او الحمايه
بعدها جوستافو هذه تشرد لا شافتني وتحاول تنحاش
ليش
لأنه التانك له شارج اسمه دارك شارج والشارج هذا تحطه على السلاح لما تسويه يعطيك بف فرصه 50% إنه يسحب هيلت من عدوك لما تضربه + 150% ارمور ومن التالنت يضيف نقاط تنزل دامج الاليمنتال 9% ويعطيك ريستستانس 9%
والتانك عنده حركه يجيبها اخر نقطه بالتالنت وهذه الحركه تسوي 4 حاجات في وقت واحد ولكل اللي حواليك شوف يعني مو واحد بس لا كل اللي حواليك
تسوي دامج يزيد 30% مع نقاط التالنت
تنزل دامج خصمك 5%
تنزل سرعة خصمك 30%
تعطيك بف اسمه هارنيسي داركنيس يخلي الفورسي لايتننج يسوي دامج + هيل + تخليك منيع ضد اي ستن يجيك
غير انه عنده ضربه اسمها ديز شارج تنزل الكاست 5% لخصمك + تسوي دامج حلو لكل اللي حواليك
الشوك مع نقاط اضافيه في تالنت المادنس يزود الدامج + يعطي فرصه 45% انه يدبل الضربه بزيادة 50% دامج
غير حاجات ثانيه مميزه
وفوق كذا على لفل 50 بجيك ترنكت اسمه اوفر شارج إذا حاط الدارك شارج اللي هو حق التانك راح يعطيك هيل 10% واذا حاط غيره من الشارجات يعطيك دامج يعني الحين فعلا بيكون عندي هيل بالهبل + دفاع ومايهم اذا طول الفايت دام اني منتصر بالنهايه
والنتيجه
نفس اللي هزموني في الباتل سواء التانك بورتك والواريورات لما لعبت ضدهم 1vs1 مسحت فيهم البلاط وهم نفسهم اللي سدحوني لما كنت بتالنت الديسبشن اللي في الوسط

واحسن شئ انه التالنت نفسه ممتاز حق PVE و PVP يعني خلاص ماراح احتاج اخسر كريدت اكثر من اللي خسرته ان شاء الله

بالنسبه للكويسات بشوف حل معها وبسويها عشان نخلص من هالمشكله الغبيه

[Karazhan]

حيلهم بينهم السعودين

اي عدل تهاوشوا اللي يفوز انا معاه

[Jeremie]

عفوا وارشيف فيه مداخله .. ألو ألو .... مين... ألو ألو

[Warchif]

هههههههههههههه
هذا المقلب يارجال
اكيه راح امشيها

عفوا اخوي جيرمي اي توقيع تبيه انا في الخدمه بس حول 500 ريال على حسابي

[Jeremie]

ابي توقيع يشق قسم الفوتوشب شق.. برسل لك المبلغ

[Karazhan]

شدعوه يبه

يه

عشان سعوديين و من الشرقيه تسوون لبعض بس ؟

انا كويتي و على خط الساحل , يعني بنفس الصف معاكم مطلين على الخليج الفارسي و راح نكون مواطنين ايرانيين لما تحتلنا ايران اول ما يجهز النووي ويتعبى برؤوس الصواريخ البالستيه

[Jeremie]

الأخ شرقاوي............ لا .............

[Warchif]

اسف سعر التوقيع ارتفع بسبب ارتفاع مواد التكلفه
اقل توقيع الحين الف ريال

[Jeremie]

اشوى اني ملحق وقت الأفتتاح.............. الله يديم الرخص..

[Warchif]

لا تفرح
بيجي يوم تحتاج توقيع ثاني حق مزاج
الدور جاي عليك
جهز كاشك