نتائج سنه كامله من التدريب الشاق

[buraydawi]

ماشاء الله تبارك الرحمن
الف مبروك على المستوى
وجزاك الله خير على نصائحك الجميلة يابطل

[O.X.Y.G.E.N]

صراحة اللي سويته شغل جدا جامد
ما شاء الله تبارك الله عليك
تحول جذري خلال سنه وحده

اهنيييييك يا وحش
استمر

[X TREME]

وعليكم السلام ورحمة الله وبركاته
ما شاء الله تبارك الله فعلا تطور رائع الله لا يضرك
تحياتي..

[LEON35]

عمل رائع وجبار مشاء الله تبارك الله سكس باك روعه

اخوي انا في طريقي انشاء الله اني اظهر السكس باك لكن اعتقد الي مأخرها عندي هو اكلي يعني احياناً اقطع الكارب واحيناً اكل كارب طبعاً كله قبل التمرين لكن سؤالي كيف احسب كميه الكارب بمعنى اليوم شريت علبه شوووفان مكتوب بالعلبه من الخلف حقائق عن العلبه وكم نسبه البروتين والكارب هل هذي الحقائق عن ملعقه وحده او عن سكوب !! يعني كيف احسب الكارب ياليت تفيدني وشكراً

مرحبا أخي بالنسبه للشوفان فالملعقه الواحده فيها خمس غرام يعني لو تسوي سته ملاعق يطلع 30 غرام وهذي 30 فيها 5 غرام بروتين 16 غرام كارب ويمكن غرام أو أثنين دهون

[LEON35]

مشاء الله من جسم فيه دهون الى جسم ناشف ورائع مشاء الله

استمر ومن الافضل للافضل

ناقص تحط جدول تمارينك+جدولك الغذائي

كان جدولي أغيره دايما يعني ما أثبت على واحد

أستخدمت جدولين
أولا
صدر وباي ومعده
ظهر وتراي
أكتاف ومثلثات معده
أرجل معده
راحه
راحه

الجدول ثاني
صدر واكتاف أمامي ومثلثات معده
وظهر واكتاف خلفي ومثلثات
باي تراي سواعد معده
أرجل ومعده
راحه
راحه

طبعا أهم شي التغديه يعني مكملات ما تسوى شي المكملات كانت تشتغل مع تغديه فمهم تعرفوا تحسبوا أكلكم
جدولي الغدائي كنت أحسب سعرات لازمه بواسطه برنامج عندي بالنوكيا أسمه calorie counter
كنت باليوم أخد 150-120 غرام بروتين
الكارب ما يزيد عن 100 موزعه قبل تمرين وصباح وبعد تمرين
الدهون مختفيه ما عدا زيت زيتون


صدر دجاج - حليب خالي دسم - ستيك دجاج - تونا - خبز اسمر - جبنه قريش - بيض - بازلاء - شوفان


كنت أستخدمهم علطول بس مرات تنقص عندي الفلوس فأستخدم خبز فرنسي أسمر عندنا بالكويت فيه تقريبا 20 غرام بروتين 60 كارب 5 دهون كنت أستخدمه في حالات ألي ينقص فيها عندي بروتين

[LEON35]

ماشاء الله بطل كم نزلت كيلو بالتنشيف ؟ والكارديو قبل ام بعد التمرين ؟

|اخي العزيز المستوى ألي وصلت له بفضل رب عالمين أولا

الكارديو صراحه كنت أسويه مره واحده بالأسبوع وكانت 30 أو 20 دقيقه صبح بس ويمكن يومين بالأسبوع

عشان تنزل دهون لازم تقطع الدهون وتخلي بس زيت زيتون + تقلل من الكاربوهيدرات وتخليها بس صبح لما تقوم من نوم وقبل تمرين بساعه أو ساعتين وبعد تمرين بكميه خفيفه يعني مثل نص خبز أسمر أو نص موزه بس

وكان وزني قبل تنشيف 82 وبعد تنشيف 75
ألحين 76 كيلو ومحافظ على الأكل وتقريبا مكملات خلصت من شهرين والصور هذي حق هذي أسبوع فعشان كذا اخي المحافظه على الأكل هي سبب للمحافظه على المستوى

[مشاري الرياض]

ماشاء اللله تبارك الرحمن

جسم وتغير بطل الله لايضرك من هالحال واحسن بأذن الله

اعتقد بعد النتايج الطيبه انك ماترجع لموالك الاول ( الانقطاع عن النادي ))

موفق والى الامام يابطل

[LEON35]

مرحبا أخي مشاري
لا وين نقطع خلاص تعودنا صار نفس أوكسجين في دم ما نقدر نفارق تدريب

[مستريح البالn]

ماشاء الله وحشششششششششششش وربي في الحديد اهنيك ع هذي الشغل شوف النتيجه كيف اكيد مر عليك وقت انك تبي توقف بس طموحه منعك كم تحملت المصاعب استمر يااوحشششش لا يوقف ع كذا بنتظار جسمك السنه الجايه ^_^ ان شاء الله

[LEON35]

ماشاء الله وحشششششششششششش وربي في الحديد اهنيك ع هذي الشغل شوف النتيجه كيف اكيد مر عليك وقت انك تبي توقف بس طموحه منعك كم تحملت المصاعب استمر يااوحشششش لا يوقف ع كذا بنتظار جسمك السنه الجايه ^_^ ان شاء الله

والله كثير مرات جاني يأس أني أكمل بس توكلت على الله والحمد لله الحين الحمد لله يعطيك عافيه على الرد الطيب

[daughtry]

بكل اختصار " و ح ش "
ما شاء الله عليك , الله يحفظك وواصل مشوارك و خطط صح لكلين بالك وان شاء الله جسمك للاحسن

[السلطان..]

نسيت أسألك العلميه الحسابيه الي كنت ماشي عليها شنو؟

تضرب وزتك بكم؟بالبروتين والكارب؟؟
بالتضخيم وبالتنشيف...

[متعب سعد]

بطللل ماشاء الله عليك ..

تجربة مبهرة

الله يوفقك ويزيدك

تحياتي

[ابو نهيان]

ماشاء الله
انت مثال للجسم الطبيعي
الله يوفقك والى الامام يابطل

[fouad.10]

ماشاء الله تبارك الله ..

اهنيك على الجسم وعلى اصرارك ابداااع يا كبتن ..

لكن بسألك .. انا شفت الصوره الاولى عندك قبل التضخيم كانت الزياده تقريبا في البطن السفلي , بعد ما ضخمت هل كبرت اكبر من كذا ؟

والا نشفت جسمك وبعدها بدأت بالضخامه ؟

لأني انا لي 5 شهور تضخيم وقاعده تكبر بطني السفليه بس الفور باك العلويه بارزه عندي , واخاف اضخم اكثر من كذا وتكبر زياده وزياده واخاف ابلش

ومره ثانيه اهنيك يا وحشششش ...