السلام عليكم ورحمه الله وبركاته
أخواني اليوم بحط تجربتي في كمال أجسام
طول 176
الوزن 76
بديت في 2009 وكان وزني 61 كنت العب شهر وما العبها مواصل كنت العبها أسبوع وأقطع يعني كنت ضايع
وحتى اكل ما أكل كنت اكل شوي
المهم وزني صار 63 يعني ما زاد غير دهون وكانت كرشه قبيحه جدا ههههه
هذي هي نتايج
سنه 2011 وبالتحديد رمضان بديت بالجدول حيث اني أستفدت من خبرات الشباب بالمنتدى + عضو باليوتيوب أسمه scooby1961 وكان هدفي أني أوصل مستواه
مكملاتي كانت بروكمبلكس + جلوتامين
مشيت باتضخيم لغايه 6 شهور ووصل وزني 82 كيلو وكان السكس باك مختفي تقريبا
المهم دخلت بكورس تنشيف 3 شهور
مكملاتي أمينو 2222 + جلوتامين + بروكمبلكس أستخدمه مره واحد فقط
أكلي بالتضخيم كان عالي السعرات وكنت أخد 1 غرام لكل باوند من جسمي وكنت أحسب كل شي أكله
وبالتنشيف كنت أحسب كل شي أكله وكنت اخذ 0.75 لكل باوند من جسمي
كان أكلي بالتنشيف مقلل الكارب وكنت أخده قبل تمرين فقط
البروتين كان أكثر شي من أكلي
صدر دجاج وتونا وخبز أسمر وشوفان وستيك دجاج
كنت اقطع عن كارب بعد ساعه 6 مغرب
انام ساعه 9
ما أكل من مطاعم أبدا خير شر
الكارديو كنت أسويه مره واحد بالأسبوع وكان 25 دقيقه
حاليا
ما شاء الله هذا من فضل ربي
كل شي من فضل الله
أنت خليك صافي النيه وانك تبي الجسم لعباده الله ولانك تبي الصحه مو عشان تبهر البنات
سبحان الله حاولوا تغضوا من البصر راح تشوفوا العجايب
الاستغفار بدل ما تسمع أغاني
وان شاء الله تشوفوا العجايب
مكملاتي
بروكمبلكس
أمينو 2222
جلوتامين
بس
وسلام عليكم