السلام عليكم و رحمة الله و بركاته
شلونكم بنات و شباب ؟
عسساكم بخير ,,
جبت لكم حلو أحب أسويه من 10 سنين تقريباً
ما أمل منه و لا أهلي يملون
اسمه "غريبة" حلو كويتي
المقادير :-
ملاحظة: ( يفضل تأخذ المقادير بقوطي الروب "الزبادي" لأن راح تضبط أكثر)
جربت بكل شي يطري عالبال بس ماعجبني
1ونص طحين أبيض
1 طحين حمص (أو أسمر)
4/3 سكر ناعم
2/1 فنجان هيل
4/3 زيت الذرة <<< لا تنسووون المكيال اهوه قوطي الروب
* * *
الطريقة :-
نخلط كل من المقادير السابقه ...
الطحين الأبيض + و طحين حمص + السكر الناعم
+
الهيل نشخله على المكونات السابقه ... بحيث ما يكون في شي خشن بالخليط
+
نصب الدهن شوي شوي لين نحس ان العجين تماسك .. باختصار مو تصبينه مره وحده
حاولي توازنين بين الطحين و الزيت
المقصد .. مرات يكثر الطحين .. فتتفتت العجين و يصعب تكوين كرات <<< زودي زيت "شويه"
أو الدهن يكون زايد .. فتكون ناعمه و تزعجج <<< زودي طحين "شويه"
فراح تكون بهالشكل
بس بالعجن استخدمت الدسوس "القفاز" بس ما يحتاج دام ايدج نظيفه
وبتكوين الغريبه راح يزعجج ... فانا استغني عن الدسوس
عااد الحين قومي و جهزي صينيه الفرن .. او اي صينيه تحطينها بالفرن
و دهنيها بزيت
و صفي عليها الغريبة
و قبل ماتخلصين من الغريبة .. شغلي الفرن "اللي تحت" بسس
على درجه 200 Cْ
و لما تخلصين منها حطيها بالفرن و قصري عليه الى 150 Cْ
خليها لمده ساعه ..... لــــــــــــــكــــــــــــــن خلي بالج كل شوي طلي عليها
و اخذي شوكه علشان تشوفينها من تحت اذا صارت حمره
^
^
هههههههههههههه لازم تكون في وحده ضحيه التجربه
ديييروا بالكم كل شوي طلوا عليها ... ناعمه لا تحترق <<<< تعبت منها جم مره أحرقها لاني نسيت أجيك عليها
* هني و عافية *