النتائج 1 إلى 2 من 2

الموضوع: العودة من موريشيوس -الجزء الاول-

  1. #1
    SN!PER WOLF غير متصل عضو نشيط في منتدى الاخبار
    التسجيل
    23-10-2006
    الدولة
    AD- U.A.E
    المشاركات
    1,219

    العودة من موريشيوس -الجزء الاول-

    السلام عليكم ورحمة الله وبركاتة


    يايب لكم صور من موريشيوس

    وعندي وايد صور عشان جي بكتفي بكم صوره والباجي بعدين

    للعلم الكيمرة كانت صافيه وما فيها نقط سود بس لن الجو كل شوي يطيح مطر وغيره
    صار صعب انظف العدسه والاحظ النقاط عشان جي اغلبهم فيهم نقط

    ولكم الصوور

    هني غيمه تنزل مطر بعيده



    وشوفو هني بالتعديل







    بدون اي تعديل فوتوشوب هالصوره


    شوارعهم صغيره وكلها لفات والسرعه يا دوب 60 والشارع رايح وراد .. طبعا الشوارع بدون ليتات ..
    الواحد يوم يروح هالاماكن يحمد الله انه فالامارات والحكومه مب مقصره فينا
    هذي البلاد الضرايب ع المواطنين 15 بالمية بس العلاج و الدراسه ببلاش .. حصلنا عامل فقير يبيع
    يقول لنا 95% من سكان الجزيرة عندهم بيوت بس لو تشوفون بيوتهم نفس بيوتنا لكن بدون صبغ بلون السميت
    لن دايم مطر عندهم حق شو يخسرون صبغ ويتقشر













    هني حصلنا رسام في المول كشخه .. خليته يكتب اسمي ع رسمه خريطة موريشيوس






    هذا المكان مخصص للمعاريس اونه جي يلسه بروحهم ومنظر حلوو ككككك



    قوس قزح



    الطيارة والجبل









    ممر فوق الجبل




    شارع من شوارعهم حلوو


    المسبح فالفندق




    شوارعهم شوفو كيف



    2









    حقل قصب السكر

    روعه لحظه الغروب والشمس يايه عليه .. كنا في موسم حصاد قصب السكر
    وخلينا التكسي يقطع لنا .. طبعا قصب السكر ملك الشعب اي حد يقدر يقص وياكل
    والنظام عندهم اي حد يقطع ويبيعه ع الحكومه يعني حق الفلاحين وغيره يقدر يستفيدون والبطالين
    مب لازم تكون مزرعته ولا يشتغل عند حد

    2



    فالفندق مسبح ع شكل واحه بس ما سبحنا فيه الماي راكد عكس بو النافوره يتجدد2




    طبعا الجو فاليوم الواحد يتجلب ثلاث مرات مرات شمس مرات غيم مرات مطر وجذيه يعني



    هني تجربه للتصوير بالسلوو شتر عشان النجوم تظهر لكن الريح قويه وكثير من الصور تهتز الحامل الثلاثي
    مصخره مب مخصص لكيمرتي وما يتحمل وزنها كل شوي يتحرك للاسف

    بس هذي طلعت وياي وكان السلو شتر وايد مخلنه طويل عشان جي نشوف منور الشاطي بزيادة
    وبعد في فايده انه شوفو نور القمر كيف طالع من بين الغيوم ورا جنه شمس وضارب البحر كشخه :^^:



    2



    بوز مطعم ع شكل سفينه





    قارب والبحر شفاف كله مرجان ركبنا هالقارب وغصنا فالبحر كشخه ناقصنا كيمره ضد الماي





    شوفوو مقفز بالبرشوت


    الاحجار الملونه اونه هالبقعه تحوي سبع الوان مب موجوده في اي مكان فالعالم ما ندري صدق ولا خرط

    بس الالوان من كثر المطر شاربه ماي وطالع لونها جنه طين باهت



    تكملة الصور في الموضوع:
    العودة من موريشيوس -الجزء الثاني-

    التعديل الأخير تم بواسطة Iris ; 04-08-2012 الساعة 06:53 PM

  2. #2
    Iris غير متصل °•»Łίցнт×Đαгĸηєѕs«•°
    التسجيل
    25-02-2008
    المشاركات
    6,826

    رد: العودة من موريشيوس

    وعليكم السلام ورحمة الله و بركاته


    اهلا SN!PER WOLF
    والحمدلله على السلامه,

    مجموعة صور كبيره ورائعه! ماشاءالله وفقت في اختيار اللقطات,



    حلو منظر المطر من بعييد, والجو رائع,


    شوارعهم صغيره وكلها لفات والسرعه يا دوب 60 والشارع رايح وراد .. طبعا الشوارع بدون ليتات ..
    الواحد يوم يروح هالاماكن يحمد الله انه فالامارات والحكومه مب مقصره فينا
    هذي البلاد الضرايب ع المواطنين 15 بالمية بس العلاج و الدراسه ببلاش .. حصلنا عامل فقير يبيع
    يقول لنا 95% من سكان الجزيرة عندهم بيوت بس لو تشوفون بيوتهم نفس بيوتنا لكن بدون صبغ بلون السميت
    لن دايم مطر عندهم حق شو يخسرون صبغ ويتقشر
    الحمدلله على كل حال,
    مخيف يكون شارع بدون اضواء,,, ربي يستر لكل من يستخدمه,
    يس لاحظت مشكلة الضرائب وارتفاع الكهرباء عندهم...





    صوره حلوة!
    كوفي, وهذا الكاكاو حلو لازال عندي منه,




    الصوره هذه المميزها الابعاد, السماء من بعيد و كيفيه قرب الماء,


    هني حصلنا رسام في المول كشخه .. خليته يكتب اسمي ع رسمه خريطة موريشيوس
    حلوة رسماته,



    هه حلو انك صورته,






    رائع! ماشاءالله حلو تصويرك فيهم,



    المكان جمييل, شارع و الاشجار واثار المطر,

    حقل قصب السكر
    روعه لحظه الغروب والشمس يايه عليه .. كنا في موسم حصاد قصب السكر
    وخلينا التكسي يقطع لنا .. طبعا قصب السكر ملك الشعب اي حد يقدر يقص وياكل
    والنظام عندهم اي حد يقطع ويبيعه ع الحكومه يعني حق الفلاحين وغيره يقدر يستفيدون والبطالين
    مب لازم تكون مزرعته ولا يشتغل عند حد


    في هذا المكان لحظة تامل,
    جد حلو انك صورتهم وتشاركنا هذه اللحظات!





    يس هه صوره كشحه, جد رائع شكل النجوم طالع بالصوره,



    ماء صافي و شاطئ حلو, وهنا جو تقريبا صافي مافي مطر وغيم يخفي الشمس,



    استمتعنا بالصور وخليتنا نعيش اللحظات هناك,
    يعطيك العافيه على الموضوع و مشاركنا فيه,
    صوره جميله,
    سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
    ..

    ..

المواضيع المتشابهه

  1. أخبار سياسية هل خسف غضب الله بأكبر قاعدة بحرية امريكية بالعالم
    بواسطة : قاتل قتيل , في أخبار اليوم
    مشاركات: 8
    آخر مشاركة: 08-01-2005, 07:36 AM
  2. الزمالك يستعد للأسماعيلي والأهلي لأنبي
    بواسطة : فان دام , في الرياضة العربية
    مشاركات: 2
    آخر مشاركة: 21-05-2003, 06:24 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •