بدايه جدول الضخامه

[.hamad.]

وايد مستعجل

انت ابدا اول وشوف النتايج وبلغني بعد 3 اسابيع بالي يستجد معاك

[Ahmed Alanzi]

اخر اسأله عامه وراح ابلغك في النتايج بعد 3 اسابيع

1- انا قاعد اكل موزتين معا الفطور بدال البرتقاله
2- قاعد اشرب شاي كل يوم معدل قلاص معا محلي سكر ذره قليل السعرات
3-هل ينفعلي حاليا محفز التستارون انمل ستاك ولا تو الناس؟
4- ضغطي علا طول نازل لاني ما استخدم الملح واكل كل شي مر؟ ( صح ولا غلط؟ وهل الملح مسموح فيه؟ )

قاعد اكل 4 وجبات واخر وجبه اكلي جبن سلايس منزوع الدسم مراعي لونه اصفر غامج

في اي مشاكل؟

واي نصايج عامه؟

[.hamad.]

اخر اسأله عامه وراح ابلغك في النتايج بعد 3 اسابيع

1- انا قاعد اكل موزتين معا الفطور بدال البرتقاله موزة وحدة بس
2- قاعد اشرب شاي كل يوم معدل قلاص معا محلي سكر ذره قليل السعرات عادي
3-هل ينفعلي حاليا محفز التستارون انمل ستاك ولا تو الناس؟ ينفع ونص
4- ضغطي علا طول نازل لاني ما استخدم الملح واكل كل شي مر؟ ( صح ولا غلط؟ وهل الملح مسموح فيه؟ ) احتمال هبوط فالسكر بس مب ضغط لانك لو كنت ماشي ع الجدول فوق بالضبط ماعتقد يجيك ضغط لان يحتوي على الملح

قاعد اكل 4 وجبات واخر وجبه اكلي جبن سلايس منزوع الدسم مراعي لونه اصفر غامج

في اي مشاكل؟ نعم في مشاكل انك مب ملتزم بالجدول واتمنى تلتزم به عشان تجني نتايج طيبة بارك الله فيك

واي نصايج عامه؟

نصيتي ان تلتزم بجدول التغذية وتصبر ع النتايج اشوي
اللعبة محتاجه صبر

[Ahmed Alanzi]

اوكي جزاك الله خير

Animal Stak اخذ معاه شي عشان استفيد استفاده قويه؟ ولا بس؟

اقصد مكمل ثاني؟

[.hamad.]

^^

خذ اكسبلود معاه بيفجرك

[Ahmed Alanzi]

كبتن حمد اشهد بالله انك ما قصرت عندي سؤال أيهو الافضل الانيمال ستاك ولا الامستاك لي؟ بحكم انك متابع لمكملاتي ونظامي؟ وشكرا

[.hamad.]

ستاك طبعاً

[Ahmed Alanzi]

للاسف استعجلت واشتريت ام ستاك شنو تشور علي الحين؟

[Hermone]

اقدر امشي علا جدول الاخ احمد؟ انا في ضامه حاليا

[Ahmed Alanzi]

كل عام وانت بخير كبتن حمد

انا اشتريت انيمال ستاك وعندي الام ستاك الحين راح ابدا في الستاك وبعدها ام ستاك في اي تغير في جدولي الغذائي؟ تراني اتدرب تدريب قوي وصعبه يعني الكبتن مو مقصر يعطيني تمارين من القلب وانا الحمدالله اوزاني حلوه

عندي مشكله معا الحليب فيتال اشتريه واشرب قلاص واحد بالفطور فقط ( حسب الجدول الغذائي منك ) وبعد 4 ايام ينتهي صلاحيته واقطه في الزباله؟ سؤالي اقدر اضيفه في اي وجبه اضافيه ؟؟

وعندي استفسار هل راح تغيرلي الجدول الغذائي؟ لاني داخل قوي بدايه هالاسبوع! انشاءالله

[Ahmed Alanzi]

اريد تغير في الجدول كبتن واريد اخر وجبه تكون خفيفه لاني ماعندي احد يطبخلي في الليل واريد جدول جديد للضخامه اذا أمكن

[.hamad.]

بالنسبة لاخر وجبة استبدلها بعلبة ونص تونه بماء او 3 اصياخ دجاج مشوي او 7 بياض بيض + 2 توست اسمر + علبة روب + سلطة خضراء .

وبالنسبة للتغيير انت ماخلصت اسبوعين من اخر تعديل ومايصير يتغير شي قبل شهرين على الاقل

[Ahmed Alanzi]

ماشي كبتن حمد بالنسبه للسلطه الخضراء هل تقصد اني ممنوع من الطماطم او؟

[.hamad.]

لا يااحمد السلطة الخضرة شاملة جميع الخضروات مع الطماط ولكن بدون صلصات او زيت زيتون

[Ahmed Alanzi]

اخوي كبتن حمد قوه شلونك شخبارك انشاءالله بخير؟


حبيتك تضبطني في جدول للضخامه العضليه يكون جديد علي مليت من القديم كثر شعر راسي

بياناتي

الوزن 82
الطول 182
الدهون 14