قـول لنا لو سمحت ,, بــشــنـــو تـفـكـر [ 12 ]

[Akihiko]

منظر قليل نشوفه في بلادنا فعلا



افكر اذا هالأشياء ينباعون عندنا ... بس شاشتي الحليوة شلون تتعلق

[Arashi]

^^^^
أفكر: يشبه كرسي الاطفال..واضح مريح وفيه مكان لصحون الاكل

[Yeul]

و هل هناك اروع من هذه القصص؟

[Yeul]

what is justice? what is right?

[Akihiko]

^^^^
أفكر: يشبه كرسي الاطفال..واضح مريح وفيه مكان لصحون الاكل

اي ولله يشبهه XD

افكر تأخرت ترجمة كود بريكر ..

[Arashi]

أفكر...في وحده سخيفه للمره الثانيه اليوم ترسل لي رسالة SMS "فلانه (اسمي الحقيقي) انا فلانه بنت فلان الفلاني (اسمها الكامل) اتصلي فيني عالرقم ********(رقمها الثاني)"
الغريب في السالفه انها أرسلت لي نفس الرساله قبل شهر وبالضبط في تاريخ 29 نوفمبر...يعني انتظرت شهر بالضبط عشان ترسل الرساله الثانيه
الرساله الاولى أرسلتها من رقم...والثانيه أرسلتها من رقم اخر...لكنها تحط لي نفس المحتوى ونفس الرقم اللي تبيني أتصل عليه
وكل رساله تسبقها miss call..ولما أرد ارسل أسألها من تكون ما ترد علي
وشي ثاني غريب...هي اسم عيلتها نفس اسم عيلتي...ولما سألت اهلى عنها يقولون مايعرفونها...وحتى اسمها الأول مب مألوف...طيب شلون تعرف اسمي واسم عيليتي وانا ماعرفها ولا اهلي يعرفونها؟
انا حتى صار فتره طويله ما أروح مناسبات ولا أنجاف اصلاً عشان أحد يعرفني او يتذكرني
والاغرب من كللللللللللل هذا انها سوّت نفس الحركه في نفس اليوم مع بنت ثانيه (صديقة بنت عمتي) وكذلك ذكرت اسمها في الرساله...وهي من عيله غير....مافي شي يربطني بالضحيه الثانيه...فليش المجرمه تغربلنا انا وهي بالذات؟ ايش القاسم المشترك بينا؟
لا نفس العيله...ولا نفس الاسم...وبينا 8 سنوات يعني مب نفس الجيل...لا تعرفني ولا أعرفها ولا عندنا نفس المعارف

أفكر...كنت بقول انه مقلب والسالفه تافهه...لكن الكل مستغرب ان ليش انا من بين الكل توصلني هالرسايل وانا حتى اكثر الناس ماتعرف اسمي
أفكر...لو حصلت هالمزعجه يا ويييييييييييييييييييييلها مني

[Iris]

^^^^^
افكر, بما ان المتصل مايرد ويريدك تتصلي, ممكن امر من امور النصب الي يشوف اسم صاحب التلفون و يرسل له ليستفيد شيء,
او ممكن مثل ماتقولي فقط مزحه ثقيله,

[Yuki]

أفكر...لما أرجع للماضي في تفكيري اكتشفت اني كنت أضيّع وقتي مع ناس مريضه...كانوا قريبين مني فقط للفايده لأن ما كان عندهم شي (كما يظنون مع ان ربي انعم عليهم)...وعرفت (من كلامهم) ان من داخلهم كانوا طول ذيكي الفتره حاقدين علي ويتخيلون اني كنت أتكبر عليهم لما أقدّم المساعده لأني (في نظرهم) أفضل منهم في أشياء...وبعد سنوات وسنوات لما الله أنعم عليهم باللي يتمنونه رموني مثل علبة الكلينيكس الفاضيه اللي ما فيها شي ينفعهم...لكن انا ظليت اكلمهم واعاملهم عادي اللهم انصدمت فقط....وهم زادوا وقطوا علي كلام كبير وجارح وطلعوا فيني ألف عيب ويقولون لي في الوجه "كنا قريبين منّج لأن لو ابتعدنا ماكنتي تطعينا كذا وكذا"...يعني كان كل هذا كذب واستغلال لا أكثر... وحتى الصدمه لاموني عليها وشايلين علي لأني انصدمت..شي غريب!!!...والمشكله ان وايد أشياء اختربت علي وتضحيات بسببهم وبسبب قعدتي معاهم...قلت معليش المهم كل واحد يروح في سبيله وهالعقليات التافهه ما تهمني...بظل اخذهم على قد عقلهم واسمع للروايات المتناقضه والكذب اللي تنقال عني...في النهايه ربي فوقهم كلهم وشاهد على اللي يسوونه وحقي ما يضيع وان شاء الله يعوضني باللي أحسن منهم...لكن شي واحد ما أسمح فيه وهو التطفل على حياتي الخاصه وعالمي الخاص...يعني لاحقيني حتى في النت!!...معناه انهم لا يزالون يعتمدون علي وعلى أي شي يخصني...وين الاستقلاليه اللي يتكلمون عنها؟ هم طول عمرهم عايشين معتمدين على أحد...والا ليش ما تعلموا أي صنعه تحتاج لاستخدام يدين شخص واحد فقط؟ :\

أفكر...بعد ما رموني صرت لما أكون مكروبه او محتاجه مساعده يقفلون الباب في وجهي...مجرّد ما يجوفوني حزينه او متضايقه يهربون على طول...او يزيدون علي الهم بالكلام الجارح

أفكر...الحمدلله ما ناقصني شي ولا عمري احتجت لهم...هم اللي كانوا محتاجين ويستغلون...كنت بسوي خير في كل الاحوال وبنفس حلوه فما كان له داعي للتلصق والكذب...كنت أقول لهم يستقلّون بنفسهم وحذّرتهم من ذاك الوقت ان هذا غلط لكن كانوا يبكون ويصرّون عالتلصّق...وعقبها يقولون ان اللي متعلقه فيهم...بس لو كانت حياتي مسجله في شريط فيديو كنت فضحتهم -..-

أفكر...غلطتي بدت من موقف معيّن حصل في الممر المشؤوم...لو ما تكلمت في ذيكي اللحظه وتركتهم يمشون ضايعين كانت حياتي أفضل الحين...ما أندم على فعل الخير لكن ندمت لأني صدّقت وما فتحت عيني عالحقيقه...الحين لما أتذكر كلامهم الغريب وميولهم ترى كل شي واضح خاصة حساسيّتهم مني بس حسن الظن وصلني لدرجة السذاجه >_< هالمره ما بعيد نفس الخطأ...لو مافي الا غيري لهم ما راح أسوّي شي...ما في ثقه بعد اليوم >_>

أفكر...ولا يزال أذاهم لي مستمر بدون توقّف...حسبي الله ونعم الوكيل...لو عالاقل أقدر أبيّن للناس شي واحد ممكن يوقف كل الاذى هذا...لكن هل ربي بيغفر لي لو فضحتهم ولو كان دفاعاً عن نفسي ورداً عالكذبه اللي الناس مصدقينها؟ لازم أفكّر بطريقه أبعد هذا الاذى تكون ترضي ربّي..بعدها برتاح نهائياً من هالمشكله

أفكر...أتمنى محّد يتقبس اي سطر من اللي كتبته هي مجرد فضفضه وبكره انسى P:

ذكرتيني بنفسي ,, مثلك كنت معاشر ناس طول ايام الثانوية وبمجرد انتهائها تغيروا فجأة طلعوا علي كلام وصاروا مايدقون علي
في النهاية قررت احقرهم من حركاتهم ومع الاسف اعتبروني واحد متكبر واعتبروا الغلط مني وللحين معتبرنه مني وطلعت فيها انا الغلطان (حسبي الله عليهم)
افضل انك تبتعدي عنهم قدر الامكان لان كل مارجعوا لش آذوك (نصيحتي ولك الحرية)

افكر في ايام الماضي

[Arashi]

في النهاية قررت احقرهم من حركاتهم ومع الاسف اعتبروني واحد متكبر واعتبروا الغلط مني وللحين معتبرنه مني وطلعت فيها انا الغلطان (حسبي الله عليهم)

افكر...الكثيييييييييييييير من اللي سووا فيني جذي طلعوا علي كلام واني غلطانه..سبحان الله كلهم نفس الشي @@...اذكر صارت لي مشاكل ايام الدراسه بسبب الكلام الغريب اللي يطلع علي...لدرجه ان وحده مالي احتكاك فيها اتصلت علي تتهاوش وانا مستغربه شسالفه <<< طبعاً سنعتها ورويتها الويل وصرنا ربع
أفكر..صج شي غريب...ليش عالاقل ما يكون فراق بالمعروف؟ لازم مشاكل يعني؟ >_>
أفكر..تسلم عالنصيحه وكلامك صحيح...دام الضرر مستمر ومافي تفاهم الاحسن الواحد يبتعد لا يتأذى ولا يئذي ^^

افكر, بما ان المتصل مايرد ويريدك تتصلي, ممكن امر من امور النصب الي يشوف اسم صاحب التلفون و يرسل له ليستفيد شيء,
او ممكن مثل ماتقولي فقط مزحه ثقيله,

أفكر...اسمي مب موجود في تليفوني...لكن اليوم عطيت رقمها لناس يقدرون يعرفون المصدر...ما راح تفلت مني هالنصابه

[Blue Rose]

^
^

افكر : اراشي اذا تبين تعرفين منو هذا الشخص

في برنامج اسمه TrueCaller موجود بقوقل ! ما ادري تعرفينه و لا لا ؟

تكتبين الرقم و على طول يطلع اسم صاحب هذا الرقم !

بس اختاري دولتج( قطر ) و كتبي الرقم

و اذا طلعج ما يصير ؟ لازم يكون عندج حساب بقوقل يعني تويتر او فيس بوك ألخ

بموجود بالبرنامج ايقونة تويتر و فيس بوك اضغطي عليها و سجلي دخولج على حسابج و بعدين راح يفتح معاج البرنامج

دايما اذا ازعجتني ارقام غريبه اطلع اساميهم بهذا البرنامج

[Arashi]

^^^
جربته بس شي غريب @@
واحد من الارقام طلع الاسم جورج سبستيان
والرقم الثاني ما طلع اسم @@

أفكر...يمكن تبيع الرقم اللي تغربلني منه؟

[Rei']

^
الله يعينك أراشي أكره هذا النوع من المزاح

في برنامج اسمه TrueCaller موجود بقوقل ! ما ادري تعرفينه و لا لا ؟

تكتبين الرقم و على طول يطلع اسم صاحب هذا الرقم !

بس اختاري دولتج( قطر ) و كتبي الرقم

و اذا طلعج ما يصير ؟ لازم يكون عندج حساب بقوقل يعني تويتر او فيس بوك ألخ

بموجود بالبرنامج ايقونة تويتر و فيس بوك اضغطي عليها و سجلي دخولج على حسابج و بعدين راح يفتح معاج البرنامج

دايما اذا ازعجتني ارقام غريبه اطلع اساميهم بهذا البرنامج

حلو انه برامج لحل هذه المشكلة
أفكر أجربه.. أوقات تجيني أرقام غريبة من برا البلد ويتكرر الأمر كل مره

أفكر, أيش الفرق بالضبط بين الـ DVD-RW والـ DVD-R...

[Iris]

افكر ان الاول يحفظ مره وحده, الثاني يمكن تحفظين اكثر من مره, recordable -rewritable
افكر في فرق ايضا في نوع تمسحين و تحفظين بعد,,

[Rei']

^
I see!...
أفكر, سو الثاني أقدر أحفظ أكثر من مره

[Akihiko]

افكر انسدح على المرقد واغمض عيوني واسبح في عالم افكاري