~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

**Blue Rose** · 20-10-2012, 01:56 AM

كيف حالكم يا شعب المنتدى ؟؟ ان شاء الله تكونوا بخير و صحه وعافيه

................

هالايام خطر على بالي هذا الموضوع و ان شاء الله يعجبكم

و فكرة الموضوع واضحه من عنوانه
يعني اذا احد متضايق او عندة مشكله او صايرتله سالفه معقده و مو عارف شلون يحلها و محتار

هذا الموضوع ان شاء الله راح يساعدك

كل واحد يكتب مشكلته , و ان شاء الله اقدر اساعده و اقدم له نصائح تفيده , و مو شرط بس انا ألي اساعده !!

يحق لكل اعضاء المنتدى ان يساعدونه و يكتبون آراهم و نصايحهم له

فالموضوع مفتوح للجميع و الكل يقدر يساعد الثاني

يعني مثلا احد الاعضاء كتب مشكلته , يحق للعضو فانتسي ان يساعده و يقدم له نصائح , او العضوه همسه او ايرس يساعدونه ^ ^

يعني كلنا نساعد بعض

و لا ننسى قول رسولنا الحبيب صلى الله عليه و سلم " من فرج عن مسلم كربة من كرب الدنيا , فرج الله عنه كربة من كرب يوم القيامه "

وحتى لو ما قدرنا نحل المشكله !! .... فالكلمات اللطيفه و المواساه للأخرين تخليهم يحسون بتحسن

و ان شاء الله تكون فكرة الموضوع نالت اعجابكم

**Arashi** · 20-10-2012, 02:26 AM

حلو الموضوع...الله يجعله في ميزان حسناتج ^.^

امممممممممم....مشاكلي وايد...ببدأ بالاكبر....انا.....................................................انا............

**Blue Rose** · 20-10-2012, 02:34 AM

اهلا اروش نورتي الموضوع ^ ^

همممم بالنسبه لمشكلتج اعتقد الحل بالتعويد لان هذا يعتبر من امراض الفوبيا ( مرض الرهاب ) و للتخلص من هذا المرض

بالمواجه و التعويد ^ ^

انا عندي فوبا و هي الخوف من الابره >_<

مستعده اسوي المستحيل بس ما يغزوني ابره ×_×

و األحين انا قاعده احاول اتشجع و اعود نفسي عليها O_O

**Iris** · 20-10-2012, 02:01 PM

المشاركة الأصلية كتبت بواسطة Arashi

حلو الموضوع...الله يجعله في ميزان حسناتج ^.^

امممممممممم....مشاكلي وايد...ببدأ بالاكبر....انا.....................................................انا............

الحل المؤقت والي يفي بالغرض وقت انك ملزومه تركبين الطياره و انتي ماتريدين,
اولا: تقرين الادعيه وادعية الركوب والطياره و كرهها والاستغفار طول الوقت,,,
ثم انك تشغلي تفكيرك 99% منه اذا مو 110% منه, باي امر اخر,, من بداية ركوبك للسياره من البيت لي غاية نزول الطائره,
مثلا لعبه قرائة امر سالفه ماتخلص مع احد ونقاش كبير او ترسمين الخ,,
بالطياره اكلي علكه او لوليبوب واذا تقدرين تحطين سماعات وما تجلسين عند النافذه,

طبعا الحل الاساسي هو مواجهته و التعود والتغلب عليه مثل ماقالت بلو,

ويعطيك العافيه بلو على الموضوع النايس,,

**ام ابـراهيم** · 20-10-2012, 03:12 PM

و الله عندي كثير مشاكل .
مشكلتي هي إبنتي طبيعتها عنيفة لما اروح لأزور صديقاتي لا تترك طفل و إلا تضربه و تسوي له علامة في وجهه.
جننتني فهمتها بالتي هي الحسنى " ما يصير حبيبتي" عاقبتها زاد في الطين بلة .
ما عرفت الحل ؟

**Blue Rose** · 20-10-2012, 04:41 PM

الحل المؤقت والي يفي بالغرض وقت انك ملزومه تركبين الطياره و انتي ماتريدين,
اولا: تقرين الادعيه وادعية الركوب والطياره و كرهها والاستغفار طول الوقت,,,
ثم انك تشغلي تفكيرك 99% منه اذا مو 110% منه, باي امر اخر,, من بداية ركوبك للسياره من البيت لي غاية نزول الطائره,
مثلا لعبه قرائة امر سالفه ماتخلص مع احد ونقاش كبير او ترسمين الخ,,
بالطياره اكلي علكه او لوليبوب واذا تقدرين تحطين سماعات وما تجلسين عند النافذه,

طبعا الحل الاساسي هو مواجهته و التعود والتغلب عليه مثل ماقالت بلو,

ويعطيك العافيه بلو على الموضوع النايس,,

اهلا ايرس ,, نورتي الموضوع ^ ^

يب يب بالضبط

تسلمين على النصائحج المفيده ^ _ ^

.........................

و الله عندي كثير مشاكل .
مشكلتي هي إبنتي طبيعتها عنيفة لما اروح لأزور صديقاتي لا تترك طفل و إلا تضربه و تسوي له علامة في وجهه.
جننتني فهمتها بالتي هي الحسنى " ما يصير حبيبتي" عاقبتها زاد في الطين بلة .
ما عرفت الحل ؟

اهلا ام ابراهيم حياج الله ^ ^

احنا مستعدين نساعدج في كل مشاكلج

امممم هذي مشكله منتشره عند الاطفال

اذكر قبل شفت ببرنامج عن الاطفال ألي عندهم عنف و كانت الاسباب كثييييره @@ !

من اسبابها قسوة الوالدين او يشعر الطفل بنقص حنان , او انه يشوف امه وابوه يتشاجرون دائما

او التلفزيون يؤثر عليه او مثل المسلسلات الكرتونيه العنيفه ! او ممكن انه يتعرض للاساءه من الاخرين فصبح طبعه عنيف ليدافع عن نفسه و يفرض شخصيته

او يمكن تكون غيره شديده !! يرغب بأن يكون هو مركز الانتباه , وهو الاجمل و الاحسن

و ايضا في اساب غيرها @@

و الحل هو ان دائما تكلمين الطفل بشأن هذا الموضوع ؟؟

دايما اسألها بلطف و انزلي لمستوى طولها حتى يصير وجهها مقابل وجهك , ليش سويتي جذي ؟؟

و دايما اسألها بروحها , يعني لا يكون حوليكم ناس , حتى لا تشعر بالاحراج ؟؟

لان اذا عرفتي السبب يسهل عليج الحل ^ ^

**ام ابـراهيم** · 20-10-2012, 04:51 PM

الله يعطيك العافية بلو على الحل سوف احاول معها الله يهديها .

يشعر الطفل بنقص حنان

ربما تكون هذه النقطة صحيحة لانها عاشت بعيدة عن أبوها لمدة سنة و نصف .

**Blue Rose** · 20-10-2012, 09:38 PM

الله يعطيك العافية بلو على الحل سوف احاول معها الله يهديها .

ربما تكون هذه النقطة صحيحة لانها عاشت بعيدة عن أبوها لمدة سنة و نصف .

هذي النقطه سهله و بسرعه تنحل

حياج الله حبيبتي ^ ^

................

عندي مشكله و محتاجه آراء و نصائح الكل T_T

**:Rebecca:** · 21-10-2012, 12:43 AM

و عليكم السلام و رحمة الله و بركاته^_^
عجييبة الفكرة بلو كثير اشوف مثل هالمواضيعX3
محتاجين هالموضوع^_^
اولا راح اطرح مشكلتي و بعدها اساعد الاعضاء(:

**المقاتل ليون** · 21-10-2012, 01:35 AM

موضوع جميل جدا تسلمي اختي على هذا الموضوع المفيد

عندي مشكله منذوا صغري الى الان ....

**Blue Rose** · 21-10-2012, 05:47 PM

و عليكم السلام و رحمة الله و بركاته^_^
عجييبة الفكرة بلو كثير اشوف مثل هالمواضيعX3
محتاجين هالموضوع^_^
اولا راح اطرح مشكلتي و بعدها اساعد الاعضاء(:

عندي اربع صديقات ظليت معاهم فترة جدااا طويلة حتى اني اتكلم معاهم كثير اكثر من عائلتي و اقربائي
و كل جلسة في البيت في المطاعم في المدرسة لازم يكونون معاي يعني العلاقة بيني و بينهم قوية جدا جدا
بس واحدة فيهم اسلوبها ميعجبني دائما تتكلم معاي ومع البقية باسلوب محلوا و مستفز و احسها تتكلم
كلام بدون متراعي انه يجرح الواحد او لا و دائما تتشاجر معي و مب عارفة اذا السبب مني او منها
و كل شجار اعبره بأبتسامة و تقول انها مب ترجع تكلمني و بعد عدة دقائق ترجع
و اذا احاول اجلس معها و اتكلم بهدوء و احل هالمشكلة ترد علي بطريقة مستفزة انا مب تريد احد يتدخل فيها =_="
احسها بس وقت حاجتها تحسن معاملتها معي و مع البقية و المشكلة اني ما اقدر اتركها انا و البقية لان لها مواقف طيبة معنا
وهي واحدة عزيزة ع الشلةهالمشكلة دائما تسببلي اكتأب وتعب نفسي وبكاء وشجار كبير

اهلا ربيكا ,, حياج الله ^ ^

فعلا احنا محتاجين هذا النوع من المواضيع
.........

هممم بالنسبه لمشكلتج

اذا كان بس انتي تشكين منها ,, يمكن انتي فاهمتها غط او بينكم سوء تفاهم

و اذا كنتي انتي و باقي صديقاتج تشتكون منها و كلكم عندكم نفس المشكله معاها

اذا العيب فيها مو فيج !!

حاولي تقولين حق صديقاتج و تتفقون ان تكلمونها بخصوص هذا الموضوع , و انكم منزعجين منها !! و من تصرفاتها !! و انها لازم تلزم حدودها و تعدل اسلوبها معاكم !!

حاولي تكلمينها انتي و صديقاتج مع بعض , و طبعا يكون على طريقة حوار تفاهمي و ليس هجوم عليها

........................

موضوع جميل جدا تسلمي اختي على هذا الموضوع المفيد

عندي مشكله منذوا صغري الى الان .... مشكلتي هي اني حين ادخل الاماكن الضيقه احس اني راح اموت ما استطيع ان اتنفس والى واقف بجانبي يمشي عادي

مرحبا ليون ,, نورت الموضوع ^ ^

اممم بالنسبه لمشكلتك هذي يسمونها فوبيا الاماكن الضيقة ( الرهاب من الاماكن الضيقه او المغلقه )

اغلب الناس عندهم فوبيا ,, و انا منهم >_>

عندي فوبيا من الابر >_<

و الحل هو بالمواجه و التعويد !!

و الطريقه هي لما تدخل مكان ضيق و لما تحس ان الخوف بدأ يزيد عندك و ما عاد تقدر تتنفس

حاول تسترخي و هي ان تأخذ نفس عميق شهيق و زفير 10 مرات او 20 مره

و فعلا راح تسترخي و تحس بتحسن , لكن ما راح يروح الخوف 100 /100 لكن راح تحس بتحسن

لازم تجبر نفسك على الجلوس بالاماكن الضيقه لازم تعود نفسك

و كل مره تسوي جذي ان شاء الله راح يختفي الخوف تماما مع الايام ^ ^

**)(FanTasy)(** · 22-10-2012, 04:22 PM

الـسـَّـلام عـلـيـكـُم ورحـمـة الله وبـركـاتـه

مـرحـبــًـا بالـجـمـيـع

Blue الله يـعـطـيـك العـافيـة

فكـرتـك نـحـتـاجـهـا فـي هالقسـم مـن زمـان

يـعـنـي حـلـو الـواحـد فينـا يـأخـذ لـفـّة فـي المـنـتــدى

يـدخـل هالمـوضـوع ويـشـكـي للأعـضـاء مـشكـلتـه

بـعـديـن يـتـجـه لـ "عـبـّر عـن شعـورك" عـلشـان "يعـبـّر عـن شعـوره"

( Blue :يعني إذا الواحد دخـل "عبّر عن شعورك" يقـوم يقشّر بصل مـثـلا ً ؟؟

)

وبـعـدهـا يـزور قسمـه المـفـضّـل .. وDone

رحـلـة مـفـيدة صحـيّـا ونفسيـّا .

وقـرأت نـصايـحك وحلـولك للأخـوة الأعضـاء ^_^

وعـلـى اهتمـامـك لـتـقـديـم المـسـاعـدة لك الأجـر إنـ شاء الله .

و الاسرار هذي انا اكتشفتها بنفسي و واجهتها فيها و اعترفت لي بالحقيقه

لكن كل هذي الاسرار عنها مو عني يعني اسرار خاصه فيها

و لما سألتها ليش ما قلتيلي ؟؟ قالت انا انسانه كتومه و عندي اشياء خاصه ما احب احد يعرفها !!

و المشكله اني اكتشفت ان صديقاتها يدرون عن هذي الاسرار !!

أتـوقـّع والله أعـلم لأنـك أقـرب النـاس لهـا تخـاف تخـبرك هالأسرار

لكـن إذا كـانت الأسـرار طـبيعـيّـة مـا فيهـا أي نـوع مـن الأحـراج

راح يكـون فـيه أسباب ثانـيـة ..

نـصيحـتـي بكـل تـواضـع :

لأن ضـايقك هالموقـف أشـرهـي عليهـا وعلمـيـهـا بالتفـاهـم أن لا تـوجـد أسرار مـخبـأة بيـن أعـز أثـنـيـن ..

وإذا أصـرّت تخـفـي أسرارهـا أخـفـي أسرارك الأيّـام القـادمـة لكـن مـو بصيغـة الانتقـام بـل لايصـال رسالـة .

حسيت انها بعيده عني , على بالي ان احنا قراب من بعض ؟؟

قـبل .. كـنت أشـوف أصـدقائـي المـقـربـيـن مـثـلـي تمـامـًا

إن ضحـيت ضحّـوا .. وإن اعـطـيت أعـطـوا .. وإن تضـايقت لأجلهـم تضـايقـوا لأجـلـي

لكـن مـع مـرور الأيّـام وكـثرة المـواقـف تعـلمـت أن كـل واحـد لـه طـريقــة يعيـشهـا

كـان يحـزنـي بـس لمـا يـسقـط أحـد فـي القـاع مـاديـًا أو نفسـيـًا أكـون أوّل مـن يكـون بجـانـبه

ولمـّا أنـا أقـع فـي القـاع .. انتـظـر ومـا أشـوف أحـد

بـس أسمـع صـوت ينـادي :هـاااا ..... تـعـوّرت ؟؟

بمـعـنـى مـا أجـد إلا القـليل .

**Blue Rose** · 24-10-2012, 06:18 PM

الـسـَّـلام عـلـيـكـُم ورحـمـة الله وبـركـاتـه

مـرحـبــًـا بالـجـمـيـع

Blue الله يـعـطـيـك العـافيـة

فكـرتـك نـحـتـاجـهـا فـي هالقسـم مـن زمـان

يـعـنـي حـلـو الـواحـد فينـا يـأخـذ لـفـّة فـي المـنـتــدى

يـدخـل هالمـوضـوع ويـشـكـي للأعـضـاء مـشكـلتـه

بـعـديـن يـتـجـه لـ "عـبـّر عـن شعـورك" عـلشـان "يعـبـّر عـن شعـوره"

( Blue :يعني إذا الواحد دخـل "عبّر عن شعورك" يقـوم يقشّر بصل مـثـلا ً ؟؟

)

وبـعـدهـا يـزور قسمـه المـفـضّـل .. وDone

رحـلـة مـفـيدة صحـيّـا ونفسيـّا .

وقـرأت نـصايـحك وحلـولك للأخـوة الأعضـاء ^_^

وعـلـى اهتمـامـك لـتـقـديـم المـسـاعـدة لك الأجـر إنـ شاء الله .

و عليكم السلام و رحمة الله و بركاته

اهلا فانتسي ... نورت الموضوع ^ ^

شكرا لكلامك اللطيف , و فعلا احنا محتاجين نفس هالمواضيع بالمنتدى

ههههههههههههههههههه حلوه نمر على موضوع عبر شعورك بعدها XD

أتـوقـّع والله أعـلم لأنـك أقـرب النـاس لهـا تخـاف تخـبرك هالأسرار

لكـن إذا كـانت الأسـرار طـبيعـيّـة مـا فيهـا أي نـوع مـن الأحـراج

راح يكـون فـيه أسباب ثانـيـة ..

اسرارها مخجله و تفشل >_>

يمكن على قولتك مستحيه مني @@

بس حتى لو اسرارها تفشل ,, مفروض تعرفني عدل ان انا ما راح احكم عليها , لان مهما سويت راح تضل بعيني صديقتي المفضله

لكن الظاهر انها ما تعرفني

نـصيحـتـي بكـل تـواضـع :

لأن ضـايقك هالموقـف أشـرهـي عليهـا وعلمـيـهـا بالتفـاهـم أن لا تـوجـد أسرار مـخبـأة بيـن أعـز أثـنـيـن ..

وإذا أصـرّت تخـفـي أسرارهـا أخـفـي أسرارك الأيّـام القـادمـة لكـن مـو بصيغـة الانتقـام بـل لايصـال رسالـة .

انا فيني طبع اذا خذيت بخاطري من شخص ما اقوله , اذا ما اكتشف اهو بنفسه انه غلطان بحقي ,, انا ما راح اعلمه يصلح خطئه بحقي

لكن اهي درت ان انا خذيت بخاطري منها , لان انا اكتشفت هذي الاسرار بنفسي بالصدفه !!

و ما اشوفها تضايقت ان انا خذيت بخاطري !! حتى ما اعتذرت , بس قالت انا جذي عندي اشياء خاصه محد يدري عنها <<< و رفيجاتها يدرون >_>

طبعا انا قلت عادي و راعيت شعورها , و ما كلمتها بهذا الموضوع لحد اليوم و سويت روحي اني مو زعلانه مع ان في قلبي لحد ألحين منصدمه و ماخذه بخاطري منها

قـبل .. كـنت أشـوف أصـدقائـي المـقـربـيـن مـثـلـي تمـامـًا

إن ضحـيت ضحّـوا .. وإن اعـطـيت أعـطـوا .. وإن تضـايقت لأجلهـم تضـايقـوا لأجـلـي

لكـن مـع مـرور الأيّـام وكـثرة المـواقـف تعـلمـت أن كـل واحـد لـه طـريقــة يعيـشهـا

كـان يحـزنـي بـس لمـا يـسقـط أحـد فـي القـاع مـاديـًا أو نفسـيـًا أكـون أوّل مـن يكـون بجـانـبه

ولمـّا أنـا أقـع فـي القـاع .. انتـظـر ومـا أشـوف أحـد

بـس أسمـع صـوت ينـادي :هـاااا ..... تـعـوّرت ؟؟

بمـعـنـى مـا أجـد إلا القـليل .

هههههههه بس الله يعينا على الصدمات

شكرا اخي فانتسي لمرورك الجميل و نصائحك افادتني فعلا ^ ^

الله يساعدنا و يوفق الجميع

**ام ابـراهيم** · 27-10-2012, 08:52 AM

في أحد الاعضاء أرسل لي و طرح مشكلته و طلب مني أن أضعها هنا في هذا الموضوع لانه إستحى أن يضعه بنفسه .
المشكلة تتمثل هنا .

يا ريت لو تساعدونه ما عرف كيف يتصرف ؟؟؟؟؟؟؟؟؟؟؟؟؟؟؟

**Arashi** · 06-11-2012, 01:00 AM

اهلا اروش نورتي الموضوع ^ ^

همممم بالنسبه لمشكلتج اعتقد الحل بالتعويد لان هذا يعتبر من امراض الفوبيا ( مرض الرهاب ) و للتخلص من هذا المرض

بالمواجه و التعويد ^ ^

حاولت بس ماصار...يمكن لازم اسافر سفرتين او 3 ورا بعض؟ @@

انا عندي فوبا و هي الخوف من الابره >_<

مستعده اسوي المستحيل بس ما يغزوني ابره ×_×

و األحين انا قاعده احاول اتشجع و اعود نفسي عليها O_O

كانت عندي العقده وانا صغيره...ففكرت اني التفت بعيد وقت مايدخلون الابره...وفعلا ما احس بشي @@
جربي يمكن تنجح...الحين انا من بعدها صرت احب الابره XD

الحل المؤقت والي يفي بالغرض وقت انك ملزومه تركبين الطياره و انتي ماتريدين,
اولا: تقرين الادعيه وادعية الركوب والطياره و كرهها والاستغفار طول الوقت,,,
ثم انك تشغلي تفكيرك 99% منه اذا مو 110% منه, باي امر اخر,, من بداية ركوبك للسياره من البيت لي غاية نزول الطائره,
مثلا لعبه قرائة امر سالفه ماتخلص مع احد ونقاش كبير او ترسمين الخ,,
بالطياره اكلي علكه او لوليبوب واذا تقدرين تحطين سماعات وما تجلسين عند النافذه,

طبعا الحل الاساسي هو مواجهته و التعود والتغلب عليه مثل ماقالت بلو,

جربت اشاهد فلم...لكن ما سمعت منه ولا كلمه بسبب الاعصاب ><
لكن تصدقين؟ الوقت مر بسرعه لما شغلت نفسي بشي...يمكن أستخدم هالفكره مع الوقت اتعود @@

مشكورين بلو وايريس ^.^

-------------------------------------------------------------

مشكلتي هي إبنتي طبيعتها عنيفة لما اروح لأزور صديقاتي لا تترك طفل و إلا تضربه و تسوي له علامة في وجهه.
جننتني فهمتها بالتي هي الحسنى " ما يصير حبيبتي" عاقبتها زاد في الطين بلة .
ما عرفت الحل ؟

انا كنت مثلها..حتى الاولاد اللي اكبر مني كنت اصيحهم XD
البنت كم عمرها؟ لأن الحاله ماتطول مجرد ما تدخل المدرسه تهدا بعد ما تكون صداقات ^^

-------------------------------------------------------------

ما ادري ليش ؟؟ في شي بشخصيتي يمنعها ,, ما ادري يمكن ما تثق فيني و هذا اكثر شي جرحني بالموضوع

حسيت انها ما تعرفني منو انا ؟؟

عن نفسي انا ضد تبادل الاسرار بين الصديقات...فالافضل ما تقولين لها اي سر دام هي ما تقول لج
انا كان لي صديقه اعرفها من اول مانولدت لكن نفس الشي...تغيرت علي وتقربت من ناس غيري بحجة انهم Cool ومثل ميولها
مافي حل مع هالنوعيه الا انج تعطينهم قد ما يعطونج...اما ترجع لج او تحصلين اللي اقرب منها ^^
لأنها احتمال لقت صديقات جدد عجبوها اكثر ولقت فيهم اللي يناسبها والله اعلم @@

--------------------------------------------------------------------

احسها بس وقت حاجتها تحسن معاملتها معي و مع البقية و المشكلة اني ما اقدر اتركها انا و البقية لان لها مواقف طيبة معنا
وهي واحدة عزيزة ع الشلةهالمشكلة دائما تسببلي اكتأب وتعب نفسي وبكاء وشجار كبير

الله يهديها ليش جذي؟ @@"
دام هي عزيزه عليكم أحسن حل ان الشله كلها تكلمها...يمكن تقتنع بالكلام دام جاي من المجموعه كلها

-------------------------------------------------------------------

مشكلتي هي اني حين ادخل الاماكن الضيقه احس اني راح اموت ما استطيع ان اتنفس والى واقف بجانبي يمشي عادي

هاذي من الخوف من الاماكن الضيقه...عندي مثل هالحاله بس خفيفه شوي -__-

-------------------------------------------------------------------

كـان يحـزنـي بـس لمـا يـسقـط أحـد فـي القـاع مـاديـًا أو نفسـيـًا أكـون أوّل مـن يكـون بجـانـبه

ولمـّا أنـا أقـع فـي القـاع .. انتـظـر ومـا أشـوف أحـد

بـس أسمـع صـوت ينـادي :هـاااا ..... تـعـوّرت ؟؟

بمـعـنـى مـا أجـد إلا القـليل .

أحسن شي الواحد لا يتعب نفسه يشره ولا ينتظر شي من احد...يسوي خير واجره على الله...لو الواحد يفكر بمحبة الناس ورضاهم يتعب صدقني

الموضوع: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

أدوات الموضوع

~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

رد: ~ عندك مشكله !! و مو عارف تحلها ؟؟ ان شاء الله راح نساعدك ^ _ ^ ~

ضوابط المشاركة