مشكورة ارشي علي المراجعة
امس ختمت اللعبة واقل ما يقال عنها روعة حرام هالتقاييم وبقوة
اقولكم المميزات
عمر اللعبة تقريبا 10 ساعات، التجوال حلو باللعبة بس مو أوبن ورد وايد
طريقة السكان بال وي باد رهيبة نفس الي لعب رزي دنت ايفل على الثري دي اس وتحصل ادوات
بخصوص الابواب تقدر تسكرها بخشب ومسامير عشان الزومبي مايدشون
الذخيرة قليلة وتحسك بطعم الرعب والخوف
السنسر بالخريطة رهيب ويعلمك بأماكن الزومبي
فتح إقفال الباب ممتعه وتخوف اول مرة تشدني الطريقة
اذا مت راح تلعب بشخصية ثانية ومختلفة كلياً ومن غير أدواتك بعد الا المسدس الفرد بست طلقات فقط تقدر تروح للمكان الي ماتت فيه شخصيتك القديمة وتشوفها متحولة زومبي أقتلها واخذ ايتماتك وايضا اذا شابك اونلاين تقدر تشوف لاعبين زومبي ماتوا من قبل وتحصل على أدواتهم عند قتلك لهم
وبعد عندك الرش علي الجدار عشان اللاعبين الاخرين يشوف ونه مثلا مكان خطر ووووو ديربالك لازم تشبك اونلاين عشان تشوف رش اللاعبين
من العيوب
المظرب نفس الانميشن مايتغيروالصوت نفسة
في شوية صعوبة ببدايه اللعبة يعني عادي تموت وطاقتك فوق النص
وبخصوص الكلجات احلف انه ماصادفت ولاكلج
اللعبه اقل شي 7.5 /10
انا أعطيها 8/10
اي واحد شرا الجهاز لازم وبقوه يجربها تجربة صج صج فريدة
ومشكورين