أي الحركتين صحيحه؟

[Arashi]

السلام عليكم ورحمة الله وبركاته


من فتره ماخذه دورة رسم اونلاين مع صديقاتي...وهذا الاسبوع الاخير

تعلمنا رسم الحركات والابعاد وعضلات الجسم ووصلنا لعضلات الذراع من الاعلى

رسمت شخص يعطي لكمه حسب اللكمه اللي تعلمتها في التكواندو...لكن أتفاجأ ان المدرس يصحح لي الحركه وجعل اللكمه غريبه شوي

ايش رايكم؟ (رسمتي عاليسار)

[Iris]

وعليكم السلام ورحمة الله و بركاته

ماشاء الله الدوره لها تاثير, اشوف رسمك صار ادق ورائع في الهيكل والتظليل,
حلوه فكره الدروس خصوصا اذا كان فيها معلم يتابعك ويصحح لان بدونه تصير اصعب...,

بالنسبه لتصحيحه اشوفه يقصد الابعاد في اليد مثلا الي قريب من الشاشه و الي بعيد + التركيز على الطول الحقيقي له,
مثلا لاحظي الفرق بين المسافه لليد بين الكتف لي الذراع في الرسمتين,

نايس انك تشاركينا في رسمك بالتوفيق لك بك خير وربي يزيدك ابداع,

[Arashi]

فهمت قصدج ايريس تسلمين عالملاحظه ^^

فعلا كبرت اليد بزياده وجذي طالعه كأنها طويله جدا...لو خليتها بحجم أصغر كان احسن (المجرم ماقالها لي بهالطريقه XD)
وحتى توني اكتشف ان الذراع من فوق لازم تكون شوي اطول...انا وايد قصرتها وهالقصر خطأ الا لو كانت اليد موجهه للشاشه (امام يعني)

مره اخرى شكرا عالملاحظه..كنت احتاجها ^^

[ام ابـراهيم]

الرسم على اليمين اصح
معلمك أراد ان يبين لك "المرفق"
لان في رسمتك لا تظهر أجزاء اليد بوضوح .
شعرت أنك أردت ان تظهري اليد مبسوطة فحين المعلم أراد العكس " اراد أن يظهر زاوية شبه منفرجة في رسمة اليد "
و ملاحظة إيريس في مكانها .
{انت قصرتي في النصف العلوي لليد } .
و عموما الرسمة حلوة في دقة في العمل الله يعطيك العافية

[lovely complex]

الســـلام عليكــــــم
شخباركم؟ إن شاء الله كلكم بخير
و الله و بكل ثقة اعــترف اني ما رسمت جسم معضل في حياتي xD
لكـــــن انا بقولج طريقة تقدرين تعرفين الاخطاء و الله ما اعرف إذا حد يطبقها لكن بعض رسامين المانغا يطبقونها
ما عليج إلا توقفين جدام المنظرة و تسوين نفس حركة... تراني ارمس جد ما اتمصخر و ساعتها بتقدرين تحكمين عالاخطاء
احس في غلط اليسرى من يمين الرسمة وين منطقة الاصابع..اتمنى ما ضايقتج بكلامي ^^"
Keep Going and Good Luck!! ^^v

[Arashi]

ام ابـراهيم

ايه المدرس سواها لكمة قتال شوارع وانا سويتها لكمة فنون قتال XD
بس معاج حق تظل اليد تبين قصيره حتى لو القصد منها انها مفروده...لأن زاوية الكاميرا مايله فالمفروض اليد يظهر منها اكثر @@
تسلمين عالملاحظه ^^

lovely complex

ههههههههه ولا انا كنت ارسم معضلين الا من بعد هالكورس XD
ايواااااااااااا...حركة المرايا يقولون الناس اجربها...بس ما توقعت ان حتى رسامين المانجا يسوونها @.@
الاصابع طوفيها هني ليلحين ما خذنا هالدرس XD
وكلامج ما ضايقني...بالعكس انا استفيد من كل كلمه تنقال ^.^