السلام عليكم

[Karazhan]

كيف الحال يا اخواني واخواتي

اليوم سألني احد الاصدقاء عن السردين . سأل عن طريقه تحضيره او وصفاته لأن هذا السمك منتشر عندنا و بكل الدول تقريبا

قالي اكيد في وصفات كثيره له احنا مانعرفها , نظراََ لأن منتشر فأكيد ان كل بلد له طريقته الخاصه بطبخ هذا النوع من السمك

انا بصراحه قلت نفس الكلام , لأن اللي اشوفهم ياكلون السردين عندنا دائما تكون الطريقه المعتاده

رأس بصل راهي مقطع 4 قطع + علبه سردين + كيس خبز

تفتح العلبه و تضع السردين في صحن و بالعافيه

هذي الطريقه اللي كل الشباب اشوفهم يعملونها , في البيوت يكون السردين للعزابيه , ماشفت او سمعت من احد معارفي ان اهله يطبخون السردين في طبق رئيسي , كلهم يقولون علب السردين عندنا بالثلاجه ووقت يكون احد العيال جوعان ياخذ علبه يفتحها وياكلها مع خبز

التونه اللي تكون نفس الفكره و تباع في علب انا و غيري حتى منال العالم نسويها مع الكبسه , يعني كبسه تونا

اما المسكين السردين ماسمعت احد يسويه كبسه او شي ثاني غير انه يخرج من العلبه الى الصحن مباشره , لما اروح البر مثلا لازم يكون معانا كم علبه منه للوقت الاسود , لكن مانحتاجه لأن محد يبي ياكل سردين وخبز واحنا معانا لحم او دجاج , او صيدنا اللي نصيده في كشتتنا

مره من المرات عملت حمسه سردين مع بصل مفروم و ثوم و طمام مفروم وفلفل , كل شي مفروم ووضعتهم مع السردين , حلو لكن شي عادي هذا

انا ابي وصفاته مختلفه عن الحمسات , ابي اذا احد فيكم يعرف طريقه غير فتح العلبه و الصحن مباشره او الحمسه يقولي عنها , لأن هالسمك مظلوم بصراحه




انا اتكلم عن هذا , السردين المعلب مو الطازج

يختلف الشكل عن اللي عندنا لكن السمكه نفسها و انتاج المغرب , اللي يجي داخلها فلفل احمر , كل العزابيه يبخصونها


بعد الشرح فوق اللي احس ماله داعي , حبيت اعرف اذا كان في وصفات للسردين المعلب عندكم

وشكرا

[Iris]

موضوع نايس

للسردين فوائد كثيره,
صدفه ان لي صديقه كانت تتكلم عن هذا الامر قبل فتره قصيره,
لان بتسوي اطباق كثيره كلها من التونه السردين و الاسماك المجففه,

من الاطباق الي ذكرتها للسردين,
هي سباجتي السردين, كفتتة السردين, لفائف السردين مع الخضار,
سو يس في ناس كثيره تستخدمه بالطبخات مو فقط حمسات بسيطه و جاهز من العلبه,

باذن الله بذكر بعض الوصفات الي لاحظتها للسردين, لاحقا,

[Karazhan]

انا بيني وبينج احب الطبخ و اقعد اطبخ لنفسي فتره طويله

يعني حاليا صارلي يمكن شهرين ما اكل مع اهلي , اطبخ هني واكل , اسوي كل شي

كبسات ستيكات معكرونيا مشاوي , كل مايخطر في بالي اسويه و طبخي مو اي شي يعني , فنان

لكن السردين بالذات اما اني لما اجوع ومالي خلق اطبخ وافتح علبه واكلها او حمسه خفيفه و رفيجي لما سألني قلت صح ليش ما نعرف الا طريقتين

مع ان التونا اهلي و انا و اللي اعرفهم يسوونها مع العيش "الرز"

انا اجيب الجدر واحط فيه بصله مفرومه و ثوم و احمس شوي بعدين اضيف التونا و احمسها معاهم واضيف البهارات و اقلب شوي بعدين اضيف الماي ولما يبدأ يفوح اكب العيش عليه وتقريبا نص ساعه خالص الشغل , اسهل كبسه

لكن لما فكرت بالسردين وقلت اسوي نفس التونا , قلت ماراح تضبط لأن التونا مثل ماانتي عارفه لحمها شوي قوي ومتماسك , ولما احمشها بالزيت تتماسك اكثر و عاد اراعيها شوي عشان ما تتفتت

بس السردين من خلال حمسي له لحمه ترف و بسرعه يتفتت ويصير قطع صغيره , قلت ماراح يضبط لو اسويه الا احطه بعد ما اكب العيش و احطه حط فوق العيش

غيره راح يصير مثل الميدم , اذا تعرفين الميدم , يكون لحم قرش او لخمه , يقطع و يفرم و طريقته مثل التونا , يصير عيش و لحم القرش او اللخمه مع بعض مثل المموش

قلت يمكن جذي السردين طريقته . بس ماجربت بصراحه . والطعم ماادري عنه هل هو حلو او يطلع شين

قلت اسأل اذا احد مسويها يقولي رأيه وهل تستاهل التجربه او لأ

او طرق ثانيه تكون سهله وعمليه ماتاخذ وقت

عموما اذا شفتي وصفه مني مناك لاتبخلين علينا و مشكوره على المشاركه عساج عالقوه

[Iris]

نايس ماشاءالله,
يس التونه تختللف عن السردين,
مثل ما انت ذكرت انت التونه شوي متماسك وكثير بدون اشواك جلد الخ,
السردين و الانشوفه الرنجه والسمك المجفف, هذه تكون مع عظم الخ (احيان يباع في علب تكون خاليه من العظم),
غالبا الاكله مشهوره عند المصريين الرنجة بالطحينة وغيرهم ,

[Iris]

وصفات من الانترنت:


كفتة السردين مشوية :
كيلو سردين منقي و مزال له الشوك و مطحون في طحانة الطماطم او الكفتة
بصلة مقطعة رقيقة جدا
ملح -كمون-فلفل اسود و احمر
كزبرة طرية مفرومة

خلط الكل و في مقلاة لا تلصق تمسح بالزيت ثم اعمل كويرة صغيرة و اضغط عليها بيدك و حمرها من الجهتين في المقلاة و بالصحة و العافية.


اقراص السردين و البطاطس:

نصف كيلوا سردين مطحون
نصف كيلوا بطاطس مسلوقة و مطحونة
ملح-فلفل احمر و اسود-كزبرة و بقدونس مفرومين-بصلة محكوكة
يخلط الكل و يعمل على شكل اقراص و يوضع في الطحين ثم البيض ثم الخبز المحكوك و يقلى في زيت حار


بادنجال معمر بالسردين:

2 بادنجال مقسوم على 2 من الطول و كل نصف نفرغه
نصف كيلو سردين منقي و مقطع مربعات
قزبرة و مقدونس مفرومين-بصلة مقطعة
ملح -فلفل-كمون-
فلفلة خضراء مقطعة -زيت زيتون- 4 طماطم محكوكة

الطريقة :
في مقلاة نضع بصلة ثم زيت الزيتون ثم لب البادنجال مقطع رقيق و نشوح جيدا لحد ما تصفر البصل و البادنجال ثم نصب باقي التوابل و الملح و القزبرة و البقدونسو السردين و نشوح حتى يتجانس الكل .
في طاوة الفرن نصب الصوص و ناخد لي كان في المقلاة و نعمر به انصاف البادنجال و نضع الفلفلة مقطعة في الجوانت اي وسط الصوص و ندخله للفرن حتى تطهى انصاف البادنجال.

كيف نعمل الصوص:
4 طماطم محكوك+ثوم مفروم +قزبرة و مقدونس مفرومين+كمون+ملح+فلفل اسود+زيت زيتون+ورق الرند او عصية سيدنا موسى.
عندما يطبخ البادنجال ستجدين هدا الصوص قد ثقل .
حاولي ان تعملي الصوص يغطي 3 ارباع انصاف البادنجال



الفلفل الاخضر بحشوة السمك السردين

سردين منظف جيدا و يزال له الشوك
فلفل حسب عدد الافراد
كاس ارز ناضج
كوب طماطم مفرومة
كسبرة و بقدونس فروم ناعم
ثوم مدقوق
ملح
فلفل اسود
كمون
و بابريكا
نصف كاس زيت زيتون


تخلط الطماطم المفرومة مع شوية بقدونس و كسبرة و ثم و ملعقة مركز طماطم و جيع التوابل و توضع في صينية
سردين مطحون نضيف له الارز و الكسبرة و البقدونس و الثوم و التوابل و يخلط جيدا تحشى به الفلفل و نضعها فوق الطماطم تسقى بزيت الزيتون و توضع في الفرن متوسط الحرارة حتى تنضج


كويرات السردين بالصلصة الحارة

سردين منظف من الشوك و مطحون
عصير حامض
زيتون بدون عظم
كسبرة و بقدونس مفرومين ناعم
ثوم مدقوق
ملح فلفل اسود بابريكا و كمون شطة

تخلط جميع العناصر و نشكل كويرات صغيرة
نخلط كاس طماطم مطحونة م 3 ملاعق طمطم مركزة ونضعها في قدر به زيت مع شوية كسبرة وبقدونس و ثوم مدقوقين نضيف نفس التوابل التي اضفناها للسردين نضع فوقها السردين ونترك الكل ينضج على نار خفيفة
يقدم مزين بالزيتون و شرائح الحامض المصبرة


سردين معمر بالبطاطا و مقلي

سردين منظف و منزوع عنه كل الشوك
4 حبات بطاطس مسلوقةو مطحونة مضاف لها
بقدونس مفروم
ثوم مفروم
ملح
بابريكا
شطة
كمون
و بيضة او بيضتين حسب حجمهما
و ملعقتينن من الدقيق

يخلط الكل جيدا و نعمل منها كويرات نضعها بين سردينتين تسطح بالايد
نحضر دقيق به رشة ملح و بابريكا و نمرر السردين فيه و يقلى في زيت حامية
يقدم على فرشة خس مزين بقطع الحامض


كويرات السردين بالجبن

كيلو سردين
كاس بقسماط
2 بيض
ملح فلفل اسود
4ملاعق زيت
4 ملاعق كبيرة بقدونس مفروم
جبن محكوك

ينظف السردين و يطحن و نضيف له
البقدونس
البقسماط
الملح
الفلفل الاسود
و البيض
يمزج الكل و نشكل كويرات تصفف في صينية مدهونة بالزيت ترش بالجبن و توضع بالفرن لمدة 30 د



سباجيتي بالسردين

كفتة السردين مطحونة و مشرملة و نعمل بها كويرات صغيرة .
في كاسرونة اما ان نحك الطماطم او نعمل فقط علبة صغيرة او اقل على حسب الكمية و ادا عملنا العلبة نظيف الماء لطي نحصل على صوص حمراء .
في كسرونة نصب زيت الزيتون و 3 فصوص ثوم و نشوح الى ان يدبل ثم نصب عليه الصلصة و نثبل الكل مع اظافة 4 وريقات الرند و ملعقة صغيرة ريحان مقطع و طري و عند الغليان نظيف مثلا 10 كويرات من السردين المثبل و ننقص النار الى ان نعقد الصالصا اما السردين فسريع الطهي .

الان نسلق المكرونة مع الملح و لا نتركها حتى تصلق زيادة عن اللزوم لازم نخليها مرنة في الفم و نصفيها و نخلط الكل.
افضلها على المكرونة بكفتة اللحم .

[Karazhan]

شكرا جزيلا على هذه الوصفات

اتعبتج معاي اختي الكريمه ارس

[Blue Rose]

و عليكم السلام و الرحمه

موضوع جميل

صحيح ما نشوف السردين في اطباق رئيسيه

لكن في اكلات وااايد للسردين

لكن مثل ما قالت ايرس السردين فيه جلد وعظام ما انصح انك تحركه وايد اثناء الطبخ راح يتقطع

انصح بمثل هذه الوصفات ألي انا احب اسويها للسردين

سهله و خفيفه ^ ^

مرق السردين

هو مو مرق مرق , لكن يكون رطب و فيه خليط سائل شبه المرق

- بصل مفروف

- ثوم مفروم

- طماط مفروم

- ملعقة معجوين طماط

- ربع كوب ماي

- زيت

- بقدونس

- ليمون

- البهارات ( كركم , كمون , فلفل اسود , فلفل احمر , كزبره مجففه , ملح )

- نخلي البصل يتحمر على النار بعدين نضيف الثوم

نضيف الطماط حتى يذوب بعدها نحط معجون الطماط + البهارات + ربع كوب ماي و نحركهم على النار لمدة دقيقتين

ملاحظه : لازم ما يكون المرق خفيف , من الافضل يكون ثقيل شوي

بعدها نضيف السريدين و راح ينغمر بالمرق , نغطيه و نتركه لمدة دقييقتين

بعدها نقدمة في صحن و نرش عليه البقدونس و عصرة ليمون

حلو تقدمه مع رز ابيض او مع خبز

و بالهناء ^ ^

انا بيني وبينج احب الطبخ و اقعد اطبخ لنفسي فتره طويله

يعني حاليا صارلي يمكن شهرين ما اكل مع اهلي , اطبخ هني واكل , اسوي كل شي

كبسات ستيكات معكرونيا مشاوي , كل مايخطر في بالي اسويه و طبخي مو اي شي يعني , فنان

ما شاء الله شي جميل

يسعدني لو تنزل وصفاتك بقسم الطبخ ^ ^

____________

شكرا على الموضوع الجميل اخي كرزان و ان شاء الله تكون استفدت من الوصفات

و تسلمين ايرس على مرورج العطر ^ _ ^

[Karazhan]

السلام عليكم

شكرا جزيلا اخت بلو روز على الوصفه الجميله ان شاء الله راح اجربها

بصراحه مايحتاج احط وصفاتي لأن مايحتاج , انا اسوي الشي العادي والمعروف عند كل ست بيت او اي شخص يسوي الاكل التقليدي

عيش ابيض و مرق لحم , عيش ودجاج , عيش ولحم او سمك

معكرونيه باللحم المفروم واللي اليوم متغديها , معكرونيا بالنقانق , مشاوي

يعني شغل عادي ومكونات معروفه

لكن بصراحه انا زهقت من الغسيل . خصوصا الجدر يضيق خلقي لما تصير فيه حكاكه . عشان جذي حبيت اشوف وصفات سهله وسريعه ومايحتاج جدر افرك فيه بالليفه لما يطيح حيلي

من فتره طحت بالصحون البلاستك اللي كل 100 صحن بالكيس , وكل طبخه انجب فيه وبعد الاكل اقطه و افك نفسي من غيسل المواعين , مااغسل الا المقله واهي بطبيعتها اللي ما تلزق , يعني سهله بالغسل

لذلك واسف عالاطاله , حبيت اشوف اكلات نفس جذي سهله وسريعه و بدون جدر

و اذا لكم خلق يعني ومافيها كلافه عليكم اني اسأل عن بعض الامور في هذا الموضوع او موضوع مستقل عن صلصات المعكرونيه غير اللي مع معجون طماط وتكون معكرونيه حمرا , ابي الصلصات اللي بالاعشاب وتكون فاتحه

[Blue Rose]

شكرا جزيلا اخت بلو روز على الوصفه الجميله ان شاء الله راح اجربها

بصراحه مايحتاج احط وصفاتي لأن مايحتاج , انا اسوي الشي العادي والمعروف عند كل ست بيت او اي شخص يسوي الاكل التقليدي

عيش ابيض و مرق لحم , عيش ودجاج , عيش ولحم او سمك

معكرونيه باللحم المفروم واللي اليوم متغديها , معكرونيا بالنقانق , مشاوي

نااااايس ما شاء الله يعني عندك خبره واسعه بالطبخ

طلعت من شفات المنتدى

الشيف اراشي الشيف يوشي و انا , و اذا نزلت طبخات و صورت لنا طبقك بالنهايه راح تصير من شفات المنتدى ^ ^

يعني شغل عادي ومكونات معروفه

صحيح انها طبخات معروفه لكن كل طباخ عنده مكوناته السريه

لكن بصراحه انا زهقت من الغسيل . خصوصا الجدر يضيق خلقي لما تصير فيه حكاكه . عشان جذي حبيت اشوف وصفات سهله وسريعه ومايحتاج جدر افرك فيه بالليفه لما يطيح حيلي

من فتره طحت بالصحون البلاستك اللي كل 100 صحن بالكيس , وكل طبخه انجب فيه وبعد الاكل اقطه و افك نفسي من غيسل المواعين , مااغسل الا المقله واهي بطبيعتها اللي ما تلزق , يعني سهله بالغسل

هههههههه من مواصفات الطباخ الناجح انه يغسل الصحون بعد الطبخ

انا احوس بالمطبخ و الغسيل على الخدامه XD

لذلك واسف عالاطاله , حبيت اشوف اكلات نفس جذي سهله وسريعه و بدون جدر

و اذا لكم خلق يعني ومافيها كلافه عليكم اني اسأل عن بعض الامور في هذا الموضوع او موضوع مستقل عن صلصات المعكرونيه غير اللي مع معجون طماط وتكون معكرونيه حمرا , ابي الصلصات اللي بالاعشاب وتكون فاتحه

حياك الله اخي اذا عندك سؤال اسأل ^ ^

امممم اذا ما عندك مانع شرايك اخلي موضوعك للاسئله عن الطبخ @@ ؟

يعني اي عضو او عضوه عنده سؤال عن الطبخ او اكله معينه يحط سؤاله بهذا الموضوع

و انت تجاوب او نا اجاوب او ايرس يعني ألي عندهم خبره بالطبخ يجاوبون

و يصير موضوع مفتوح للاسئله و الكل يساعد بعض ^ ^

[Karazhan]

السلام عليكم

انا بصراحه اول ماكتبت المشاركه هذي كنت بحطها ك مرجع و نقاشات , و كنت بكتب كل يوم مشاركه بنفس الموضوع هذا استفسر فيه عن شي

قسمت استفساراتي بحيث اني كل يوم اسأل سؤال ولما احصل الاجابه اكتب غير السؤال , لكن حسيت ان هالشي راح يضايقكم وتقولون ابتلشنا بهذا كل يوم سائلنا

اهو ضروري بكل قسم يكون فيه موضوع للأستفسارات , صحيح ان في موضوعين مثبتين للوصفات لكن الناس ماتبي اطباق معينه , تبي اطباق بخاطرها و نفسها تجربها لكن ماتعرف الوصفه لها او المكونات اللي تحتاجها لصنع الطبق

يعني موضوع مباشر بين الاعضاء يتشاركون فيه و يستفيدون من بعض ويستفسرون فيه عن بعض المكونات اللي بعض الناس مايعرفونها , نفس مثلا روز ماري , سألني واحد يقولي شنو يعني روز ماري هل اهي ورده اسمها ماري , قلت لا هذي مثل العشبه عندنا نسميها اكليل الجبل تحصلها بكل مكان

المسكين طول عمره على ورده وعلى باله مافي منها بالدول العربيه

موضوع النقاشات يكون للناس اللي تسأل عن نفس هالامور و غيرها من وصفات

فأنا ماعندي مانع بالمشاركه و الاجابه ان كنت اعرف اجوبه الاستفسارات , انا خبره بالطبخ يمكن 20 سنه و اعرف تقريبا كل شي


اسف عالاطاله بنات

[Blue Rose]

فأنا ماعندي مانع بالمشاركه و الاجابه ان كنت اعرف اجوبه الاستفسارات , انا خبره بالطبخ يمكن 20 سنه و اعرف تقريبا كل شي

جميل ^ ^

So

ان شاء الله هالموضوع راح يكون نقاشات و اسئله

اذا حاب اغيرك العنوان علشان يكون واضح للاعضاء انه موضوع نقاشات

يعني يكون العنوان " اسئلة و نقاشات في عالم الطبخ " , شرايك ؟

او اذا في بالك عنوان ثاني ؟

[Karazhan]

لا مو هذا , موضوع جديد

لكن استني شوي و ادرسي الموضوع , شنو ينكتب و شنو ماينكتب , يعني لا تخلين الموضوع يغطي على القسم وتصير فيه كل اللي يحتاجه العضو والقسم ماينكتب فيه شي

يعني تقسمين المشاركات , شنو ينكتب بالموضوع و شنو ماينكتب الا بالقسم

اتمنى وصلت المعلومه او فهمتي قصدي شنو اللي بوصله

[Blue Rose]

لكن استني شوي و ادرسي الموضوع , شنو ينكتب و شنو ماينكتب , يعني لا تخلين الموضوع يغطي على القسم وتصير فيه كل اللي يحتاجه العضو والقسم ماينكتب فيه شي

يعني تقسمين المشاركات , شنو ينكتب بالموضوع و شنو ماينكتب الا بالقسم

لا اخي ما راح يغطي على القسم !

القسم فيه المواضيع الرئيسيه مثل مواضيع الاكلات بالصور و الوصفات + التقارير

هذا الموضوع عن الاسئله و الاستفسارات

لا مو هذا , موضوع جديد

اممم صحيح موضوع جديد يكون احسن و ارتب

ان شاء الله خلال هاليومين راح افتح الموضوع ^ ^