1-شنو كانوا يدلعونك وانت صغير؟
حممووده .. حمادي ..
و اختي الكبيرة كانت تسميني مومو لأني كنت اناديها ميمي
2-سؤال يامي الاسطوري: ليش الحوت غرق؟
لأنه صدم راسه بالتايتنك
السؤال هو اي حوت ؟ عبدالله ولا مرزوق ؟
3-هل تمارس الرياضه؟ ايش الرياضات اللي كنت تمارسها؟ ايش تمارس الحين؟ كم ساعه في اليوم؟
كنت امارس كرة القدم , سلة , دراجة هوائية .. توقفت عنها
بعدها جاني فترة فترة امارس رياضة النوم ليومين او ثلاث .. لأحطم الرقم القياسي
الممارسات الرياضية حاليا تعتمد على المزاج , جولف , تنس , بليارد , بولنج
اما هذا الوقت ارجع امارس رياضة النوم و الاكل ..
ا4-الطول والوزن أو اي منهما لو ممكن؟ وهل انت من النوع الدقيق جدا في مسألة الوزن والبنيه والمظهر بشكل عام؟
كان وزني 80 السنة الماضية , الحين زدت 15 , فالمسألة تعتمد على نشاطي
5-ايش هو ترتيب في العائله بين اخوتك؟
الأخير في الصف
6-ذكرت انك تفكر في تطوير قصص الالعاب...هل تعني انك تكتب قصصها؟ يعني عندك هواية كتابة القصص؟
في 2005 إلى 2007 كتبت أكثر من 80 صفحة لحكاية اسطورية بعنوان Red Kingdom
ما استمريت بتكملتها , و بعد سنواست سمعت بان هناك مسلسل أجنبي مشابه للفكرة و يعرض الآن ..
حاليا عندي فكرة لقصة و مشروع جديد كليا ما له أي شبيه ان شاء الله
و يمكن اعرضها لشركة نشر بالاول و بعدها ان شاء الله إما كفيلم و أنا ما افضل هالشيء
أو لشركة ألعاب قوية تقوم بتطويرها كلعبة
7-منو من الاعضاء تتمنى تقابلهم عالواقع؟ وهل قابلت احد اعضاء المنتدى من قبل؟ ومن هم؟
فيه كم واحد , بس حاليا غير موجودين من سنة 2004 و ما اذكر اسمهم بالمنتدى صراحة ..
8-متى اخر مره في حياتك تضاربت مع شخص؟ ايش كان السبب ومنو المنتصر؟
لا , انا موب عنيف ..
9-منو تتمنى يقعد عالكرسي بعدك؟ (رشح 3 اسماء جديده عالكرسي)
ما اعرف مين كانوا السابقين بالموضوع ؟ عموما اشوف وجوه رجعت للمنتدى بعد فترة طويلة و ما نشوف تفاعلهم فــ
حلا كويتية
Levana
Karazhan <-- ضروري تجيبون راسه !
شكله هو اللي بيعذبكم و يربطكم بالكرسي
10-هل جربت هذي الاشياء ولو مره؟ وكيف كانت التجربة:
لحسن الحظ جربت كل شيء ..
تقويم أسنان : مب تقويم إنما خلع ضرس العقل , الدكتور كانه يبحث عن الذهب في منجم مظلم
أما التقويم ما راح اعمله .. i am proud of my vampire tooth
عضة نحله : على الاقل حصلت على أقوى شفاء يعرفه الانسان في الطب ! ما اذكر التجربة لأنها من زمن طويل
السقوط من عالدراجه : هذا الشيء اللي خلاني اترك الدراجات الهوائية و الـChain gang
و بالاساس ما لها مستقبل بعد سنة او سنتين الواحد يستقيل من سباقات الدراجات الهوائية
السقوط من عالدرج : امم .. كانت بسيطة ما اذكر اني تألمت كثير ..
لحم ني : كنت بمخيم و كان الوقت ظلام و ما ينشاف الاكل و كنت جوعان فاستعجلت اكل لحم ما نضج على الفحم
و بالأساس هي موجودة في اغلب الوجبات الأمريكية = jerky مذاقه حلو
أو لحم النغر ( الحبار / الخثاق عن الخليجيين ) المملح و الناشف
عقوبة الطرد من الفصل : الاساتذة الله يخليهم ! انا بالاساس كنت طالب مثالي , لكن بوقت المراهقة
لما واحد يكان مدح فيني انقلب ضده , فبعد ما جاء المدير و مدير المنطقة التعليمية للفصل و الاستاذ بدأ يمدح فيني
انقلبت ضده و عملت عليه مقلب يضحك طلاب الصف عليه , هنا زعل الاستاذ و طردني من فصله اسبوع ..
لما سألني المدير ليش عاملت الاستاذ بهالطريقة , قلت له لا تمدحني و تمسح على راسي علشان ما اعضك .. فضحك ..