النتائج 1 إلى 6 من 6

الموضوع: ستيك المزرعه

  1. #1
    التسجيل
    01-01-2009
    الدولة
    الموصل
    المشاركات
    5,067

    ستيك المزرعه

    السلام عليكم

    قبل ما اروح للبر قلت خلني اسوي عشا عشان ما ابتلش هناك , وفكرت شنو اكل شنو اكل و طرى علي اسوي ستيك مع خضروات و بطاطه مهروسه

    طبعا كل اللي تشوفونه تحت حسب الرغبه , يعني انت و رغبتك اذا تبي شريحه اللحم مستويه حيل او نص ونص اللي يسمونها المثقفين و العلماء "ميديم"

    والبطاطه حسب رغبتك بعد , تبيها مثل العصيده او نص ونص , انا مااحبها مثل العصيده اللي تكون مفيوحه كثير

    المهم وعشان مااطول عليك

    هذي كل المكونات

    قبل ابدأ بقولكم عن التصوير , بصراحه صدمني لما حطيت الصور بالكمبيوتر , لما اصور بالتلفون شفت الصور واضحه 100% لكن من حطيت الصور بالكمبيوتر طلعوا مادري شلون

    المهم المكونات عباره عن

    من اليمين . فلفل اسود . بهارات شوي و الشي المميز ان فيهم فلفل احمر حار . زيت زيتون وداخله زعتر . مو انا حاط الزعتر اهو يباع جذي . ملح

    تحت من يمين . صحن فاضي , يعني بذمتكم قاعدين تشوفون فيه شي ؟ فاضي

    شريحتين ستيك ولازم تختارون الشريحه المناسبه للشوي واهي تكون نفس الصوره , او تي بون , رب اي , المهم ان تكون الشريحه فيها شحم , يعني بوسط الشريحه مثل العروق شحم وهذي تكون مناسبه للشوي , يعني بعد ماتشويها تكون زبده وتذوب بخشمك . اكيد بحلقك يعني انت من وين تاكل ؟

    خضروات وهي عباره عن كوسا , بروكلي , جزر , فطر . و فوق العلبه البرتقاليه كريمه خاصه للطبخ . مو مالت الحلويات

    لاحظوا الجزر حجمه صغير , اهو جذي صغير مو انا مقطعه , واذا ماعندكم جذي حطوا جزر عادي و قطعوه بعدين بالحجم هذا او اي شكل تحبون

    اضغط على الصورة لعرض أكبر

الاســـم:	2.jpg
المشاهدات:	40
الحجـــم:	513.8 كيلوبايت
الرقم:	356897


    نحط البطاط بالجدر و ماي حار و نفتح النار عليه

    مااعطيكم وقت كم يحتاج , انت شوف الاستواء اللي تبيه , بالسكين او الشوكه قز البطاطه وشوف مستوى النضوج

    او اذا عندك فرن استخدم طريقه الشوي , حط البطاطه بالقصدير و لفها و حطها بالفرن ساعه ونص , بالمواضيع راح تشوف موضوع خاص فيها للكاتبه بلو روز

    لكن اذا انت مستعجل ماراح تصلح لك او انك تجهزها مسبقاََ



    اضغط على الصورة لعرض أكبر

الاســـم:	1.jpg
المشاهدات:	41
الحجـــم:	509.4 كيلوبايت
الرقم:	356898


    هذا اليمين البهار اللي فيه فلفل وحتى مكتوب عليه اذا ماتعرفون انجليزي , مكتوب سبايسكي يعني حار , واللي يسار فلفل اسود و ابيض


    اضغط على الصورة لعرض أكبر

الاســـم:	3.jpg
المشاهدات:	41
الحجـــم:	531.5 كيلوبايت
الرقم:	356899

    الصوره تحت
    نحط شويه زيت زيتون على الشريحتين . مو واجد بس شويه و نمسح الشريحه ونحط عليها الملح والفلفل

    نقطع الكوسا ارباع و الحزر حجمه مناسب مايحتاج , الفطر نقطعه شرايح والبروكلي نفس الصوره , يعني كل وحده لقمه



    اضغط على الصورة لعرض أكبر

الاســـم:	4.jpg
المشاهدات:	40
الحجـــم:	511.9 كيلوبايت
الرقم:	356900


    هذي صلصله جاهزه للستيك . يعني اذا مالك خلق تسوي صلصه استعمل هذي او اي نوع بالجمعيات . انواع واشكال

    لكن انا ابي من هالصلصه ملعقه كبيره فقط


    اضغط على الصورة لعرض أكبر

الاســـم:	5.jpg
المشاهدات:	41
الحجـــم:	519.1 كيلوبايت
الرقم:	356901


    نحط الخضروات بالمشخال هذا وتحتهم جدر صغير في ماي , نطبخهم عالبخار , لحد يقول الماي حاط فيه ملح او لأ ؟

    رجاءا اسأله مثل جذي مابي


    اضغط على الصورة لعرض أكبر

الاســـم:	6.jpg
المشاهدات:	39
الحجـــم:	521.0 كيلوبايت
الرقم:	356902

    نسكر عليهم ونخلي البخار يلعب دوره

    لاحظوا جولتي العزيزه فيها شوايه بالنص

    نفتح النار ونخلي الشبك يحتر


    اضغط على الصورة لعرض أكبر

الاســـم:	7.jpg
المشاهدات:	39
الحجـــم:	514.4 كيلوبايت
الرقم:	356903


    نحط الشريحه الاولى . بس وحده عالشوايه بسوي ونخليها عالنار مده 3 دقايق من كل جهه . مثل ماقلت سابقا "مادري قلت او لأ" ان حسب الرغبه واللي تحبه بمستوى الشوي , ول دن او ميديم او مديم رير كيفك المهم ان الشريحه ماتطول عالشوايه

    واذا فحم تحتاج دقيقتين بس لكل جهه عشان تصير الشريحه مديم



    اضغط على الصورة لعرض أكبر

الاســـم:	8.jpg
المشاهدات:	38
الحجـــم:	518.7 كيلوبايت
الرقم:	356904

    ------------------
    00000 كانت هني صوره للشريحه الثانيه بالمقلاه ومدري وين اختفت 0000000

    ---------------------

    بعد شوي الشريحه مده 3 دقايق الى 4 دقايق و بعد استواء الخضروات تقريبا 10 الى 15 دقيقه شلتهم من النار

    وملاحظه مهمه بخصوص الشريحه ان بعد ما تشيلها من النار تخليها ترتاح 5 دقايق على الاقل . في خلال هذا الوقت الشريحه ترتاح و تتمدد الشعيرات او مادري شسمهم بداخلها و تبدأ بفرز العصاره

    لو تروحون مطعم امريكي يسوي جذي راح تلاحظون انه لما يقدم لكم الشريحه تشوفون بالصحن تحت متروس ماي و دم . هذا لأن اللي يطبخ اثول , ما يبخص بالشوي , لازم الشريحه ترتاح وتفرز كل اللي في بطنها

    ولاحظوا الشريحه بالصوره يسار . مو اليمين اليسار تشوفون العصاره قامت تطلع منها

    انا احتاج العصاره هذي مع توابلها للصلصه


    اضغط على الصورة لعرض أكبر

الاســـم:	10.jpg
المشاهدات:	37
الحجـــم:	504.5 كيلوبايت
الرقم:	356906


    البطاطتين طلعتهم وغسلتهم و قطعتهم و رشيت ملح و زيت زيتون عليهم و راح ابدأ بالدعك , لا تخافون مو بأيدي بالشوكه


    اضغط على الصورة لعرض أكبر

الاســـم:	11.jpg
المشاهدات:	37
الحجـــم:	517.4 كيلوبايت
الرقم:	356907


    بعد ما ارتاحت الشريحه و طلعت عصارتها اخذته و حطيته بالمقله هذي


    اضغط على الصورة لعرض أكبر

الاســـم:	12.jpg
المشاهدات:	38
الحجـــم:	508.4 كيلوبايت
الرقم:	356908


    حطيت ملعقه من صلصه الشوي اللي حطيت لكم صوره القرشه مالته على العصاره و انطر يفوح


    اضغط على الصورة لعرض أكبر

الاســـم:	13.jpg
المشاهدات:	38
الحجـــم:	494.7 كيلوبايت
الرقم:	356909

    ----------
    000000 صوره ضاعت بعد 00000
    وانتوا حتى الموقع جوعان ياكل صور

    -----------

    بعد ما بدأ بالغليان حطيت المشروم او الفطر او فقع الانجليز عليهم و نطرت لما يبدأ يذبل شوي , يعني وانت تحركه عزيزي العزوبي تحس كأن ذاب بيدك

    اضغط على الصورة لعرض أكبر

الاســـم:	15.jpg
المشاهدات:	37
الحجـــم:	512.4 كيلوبايت
الرقم:	356911

    بعدين نضيف الكريمه السائله وهذي تباع في كل مكان , انا شغلي كله من مركز صلطان

    نضيف الكريمه و انت عزيزي المصبنجي تحدد نسبه اللون , تبي فاتح زيد الكريمه تبي غامج قلل الكريمه

    اهم شي راحتك و ذوقك



    اضغط على الصورة لعرض أكبر

الاســـم:	16.jpg
المشاهدات:	37
الحجـــم:	516.8 كيلوبايت
الرقم:	356912


    بعد ما خلصت الصلصه واهي ماتاخذ وقت يعني

    نجي للتقديم

    نحط البطاط فوق و عاليسار الخضروات وتحت الشريحتين و نصب عليهم الصلصه مع المشروم

    تبي تخلي الصلصه بصحن بروح و تقطع لحم و تغمس , كيفك

    تبي تكبه فوق الشريحه هم كيفك


    اضغط على الصورة لعرض أكبر

الاســـم:	17.jpg
المشاهدات:	39
الحجـــم:	503.6 كيلوبايت
الرقم:	356913

    للأمانه انا كنت بصور الطبق قبل اصب الصلصه فوق اللحم لكن راحت علي

    قلت اقلب الشريحه واصورها من تحت



    اضغط على الصورة لعرض أكبر

الاســـم:	18.jpg
المشاهدات:	39
الحجـــم:	515.8 كيلوبايت
الرقم:	356914


    هذي قطعه من الشريحه اوضح لك مدى المستوى للشوي

    انا مسويها ميدم , تبيها ول دن اللي يعني استواء كامل خلها شوي زياده عالنار , يعني تقريبا 5 او 6 دقايق

    انا مثل ماقلتلك افضلها مديم و تقريبا 2 الى 3 دقايق من كل جهه


    اضغط على الصورة لعرض أكبر

الاســـم:	19.jpg
المشاهدات:	38
الحجـــم:	515.1 كيلوبايت
الرقم:	356915


    صوره اقرب عزيزي العزوبي , شرايك تدخل داخل الصوره بعد ؟


    اضغط على الصورة لعرض أكبر

الاســـم:	20.jpg
المشاهدات:	41
الحجـــم:	525.7 كيلوبايت
الرقم:	356916





    -------------



    انتهى التقرير او الطبخه , والله يعيني عالغسيل

    هذا ما لدينا اخواني واخواتي , و يمكن في امور ناقصه او طريقه سويتها غلط او اي شي ثاني ارجوا السموحه منكم , لأن كل شخص و امكانياته اللي يقدر عليها ويوفرها , لا املك فرن وعلى الله والجوله اللي عندي

    لا ادعي الكمال و الفهاميه بالطبخ ولكن هوايه امارسها و حبيت اعلم اخواني العزوبيه بالذات بعض الوصفات ان كانوا بأخر الليل و زهق من الخبز وجبن قلاص


    ترى في صور اختفوا . وانا ماسك الكوكاكولا مادري وين راحت

    المهم


    وسلامتكم

    الصور المصغرة للصور المرفقة الصور المصغرة للصور المرفقة 14.jpg‏   9.jpg‏  

  2. #2
    التسجيل
    01-01-2009
    الدولة
    الموصل
    المشاركات
    5,067

    رد: ستيك المزرعه

    اطلعوا صورتين بالمرفقات

    وانا اقول وين انحاشوا على بالي المنتدى جوعان ياكل صور

    مسكين ظلمته

    اضغط على الصورة لعرض أكبر

الاســـم:	22.jpg
المشاهدات:	38
الحجـــم:	499.0 كيلوبايت
الرقم:	356917


    مشروبي المفضل مع كل وجبه





    دمتم بود

  3. #3
    التسجيل
    13-01-2011
    الدولة
    بيت الله
    المشاركات
    3,294

    رد: ستيك المزرعه

    شكل اللحم يشهي بس الخضروات ما عجبني .
    و الصلصة الظاهر منها زاكيه أحب دائما الصلصة ذات اللون الاحمر .

    شكرا لمشاركتنا الطبخة الله يعطيك العافية .

  4. #4
    التسجيل
    01-01-2009
    الدولة
    الموصل
    المشاركات
    5,067

    رد: ستيك المزرعه

    السلام عليكم

    حسب الرغبه عزيزتي ام ابراهيم وكل شكل باللي يشتهي , انا مااعرف صلصه لونها احمر , انا اللي اعرفه و اشوفه بالمطاعم نفس اللي بالصور

    شكرا


  5. #5
    التسجيل
    29-10-2011
    الدولة
    Kuwait
    المشاركات
    938

    رد: ستيك المزرعه

    و عليكم السلام و الرحمه

    يميييييييي انا من محبي اللحم


    انتقلنا من الطبخ الخليجي الى الطبخ الاوروبي

    ما شاء الله باين عليه طبق لذيذ

    و الصلصة الظاهر منها زاكيه أحب دائما الصلصة ذات اللون الاحمر .





    بالنسبة لي كلهم حلوين الصوص البيضا يكون طعمها كريمي و ما فيه بهارات كثيرة و دايما يحطونها مع الاكل السبايسي

    اما الصوص الحمرا تكون طعمها سبايسي و تنحط مع الاكل قليل البهارات ^ ^




    لذييييذ !


    تسلم ايدك اخي كرزان و شكرا على الموضوع الرائع ^ _ ^





    اكاد لا اجد الكلمات لتصف شعوري ...


    عالمنا الجميل ... المنتدى .... سيرحل ...


    تعلمت الكثير ... و شاركت الكثير ...


    ذكريات ...


    كم انا محظوظه انني كنت من اعضاء المنتدى .... وفي قلبي سأظل و ستظلون اعضاء المنتدى الى الابد ....


    وداعا ... يا عالمنا الجميل ... وداعا...










    :Twitter: @Blue_Rose1991

  6. #6
    التسجيل
    15-01-2004
    الدولة
    Final Fantasy World
    المشاركات
    713

    رد: ستيك المزرعه

    السلام عليكم

    عليكم بالعافية

    شكله عجيــــــــــــــــيب

    بسويها
    I Love kuchiki byakuya



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •