زهقت وطفشت وتحطمت نفسيا كملت سنة بدون نتيجة ساعدوني تكفون

[AZEEEZ69]

ما الحل يا اخوان ؟؟ تبي مني التزام والله اني ملتزم سواء بالتمرين او بالاكل ماقطعت النادي نهائيا والاكل من السبت الى الخميس ملتزم بالدايت ماعدى يوم الجمعة لازم الواحد ياخذ راحته بيوم , انا ما ابي ضخامة ولا عضلات كبيرة كل الي ابيه جسم متناسق ومفصل ومشدود بسسسسسسسسسسسسسس , اسوي كارديو مع الحديد ؟؟ اجري مع الحديد ؟؟ يوم حديد ويوم كارديو ؟؟ والله محتار وكل شخص اسأله يفتي من راسه ومشكلتي الاحباط لاعب فيني وصاير اسمع أي كلام ينقال لي سواء صح او خطاء , وعلى فكرة المدربين بالنادي ما منهم أي فايدة جربت الاندية الرخيصة والاندية الغالية ابو رخيص همه الفلوس يعطيك بانادول ب 200 ريال و يقول لك هذا كويس للعضلات والنادي الغالي مايعطيك وجه تترجى فيه علشان يكلمك كانه مغصوب على الشغل

[ابو احمد09]

الله يعينك اخوي بسس انت مركز بالمكملات كثير انا اهم شي بالنسبة لي الاوزان ثم الاوزان ولاتلعب بالاجهزة كثير العب حر والعب عضلة وحدة في اليوم سبع تمارين او ست للعضلات الكبيرة وهمس او اربع للصغيرة انسى شي اسمع عضلتين نهائيا واقطع الكارديو لانك محتاج تزود عضل يعني اشف ان ماله داعي وبساالك اخوي كيف اوزانك هل تزداد دائم ولا لا كم اقصى وزن شلته بالصدر المستوي

[AZEEEZ69]

على فكرة نسبة الدهون عندي قستها بالمستشفى على جهاز خاص عن طريق الارجل كانت ١٣ بالمية وقستها قبل اسبوعين بالنادي فتنس تايم كانت ١١ بالمية
يعني النسبة كويسة ووزني اقل من المعدل اجل ليش الجسم صاير زي الجيلي ؟؟ ليه مايشد

[fahod70]

ان شالله يفيدوك الشباب

بس اشوف انك ما تاكل كارب قبل النادي !!

[Rashid.S]

مع انك دوختني بالطرح .. ادري محتر وكل شوي تذكر شيء لكن يفضل تطرحها بمشاركة وحدة وترتبها عشان تكون واضحه

وما تسبب ازعاج بالقراءه ويقدرون يساعدونك الشبابا .. وبس والله يقويك واترك اللعبه




لا لا لا أمزح امزح خخخخخخ ..

شوف عزيزي انت عندك مشكله وهي انك متعقد من الكارب والفات .. فأكلك كله بروتين في بروتين

كيف راح تحفز وتدعم الغدد الصماء اذا ما تأكل دهون مفيدة
وكيف راح تبني العضلة بدون كارب هو مصدر الطاقة .. فتلزم الكارب عشان يساعدك بالبناء وبالأخص ان جسمك ما ينتفخ بسرعه والكارب بعد بيسهل عليك زيادة السعرات

الشيء الثاني هو التمرين أنت كمبتدئ ليش تلعب 6 أيام وترهق نفسك .. خل جدولك 4 أيام عضلتين أو 5 أيام كل يوم عضلة
وكل شهر غير الجدول مره ألعب تكرار 8-12 ومرة العب تكرار 4-8

ممكن أنك تصحح هالمشكله الغذائيه اللي عندك بانك تضيف فيتمينات متعدده مع زيت سمك وتأكل دهون مفيده مثل الموجوده في صفار البيض و المكسرات أخص اللوز والجوز و الزيوت الغير مهدرجة أو مؤكسدة

وتقدر تضيف قينر بعد التمرين بدال الواي ( اذا بغيت واحد خفيف خذلك السيتو فينر او الترو ماس او البروكمبلكس قينر او الريل قاين ) هذيلا يحتون على 600 - 800 كلوري في الجرعه
وان اردت واحد عالي في السعرات ممكن تستخدم ( السوبر قينر فيول او المارشل 5000 أو السيريس ماس أو الدب الروسي ) توصل السعرات فيهم إلى 2000 سعره يوميه لكن بالمعتاد 1800 لكل سكوبين أو 3 مع الحليب

وضيف أمينو زيادة 2222 أو 3000 وأكتفي فيهم وان شاء الله تشوف نتائج حلوه

[عبود النشمي]

اخوي ليش ساعتين بالنادي ?!

تمارين الحديد لا تتجاوز 45 دقيقه و مثل ما قالك الاخ كل يوم عضله يكون افضل

بروتيناتك قسمهم : مثلا انيمال ستاك و تيست اعتقد ما رح يفيدك لان عمرك جيد

لو تبي خذلك كورس جيد وهو : ترو ماس و امينو 10000 و كازين و نو اكسبلود و فيتامينات

و الاكل حاول ان تاكل 200 جرام كارب يوميا ( مثلا 100 جرام رز بعد النادي و صباحا كل حبه بطاطا مسلوقه

و حاول كل لوز مرتين باليوم للدهون الفيدة و نابع وزنك شهريا

و بالتوفيق

[أبو فارع]

انت يبيلك محفزات
او هرمون عشان تفجر جسمك
بس تراها خطيره مو اي واحد ياخذها
انتبه

[الغوريللا]

اللي قاله اخي راشد صحيح تماما انصحك باللي قاله خصوصا ان جسمك راسه يابس مو انت

[Mohd01]

الاكل برنامجي كالتالي اول ما اصحى من النوم سكوب واي بروتين وبعدها الفطور بربع سعاة يعني على االساعة 10 او 10 ونص 5 بياض بيض مع قطعتين توست قمح او صحن فول (المعلب) بدون زيت ولا أي اضافات بعدها بساعتين اروح النادي ( انا اتمرن فترة الظهر دائما ) اجلس تقريبا ساعة ونص الى ساعتين بعد النادي سكوب بروتين مع جلوتامين وبعدها بنص ساعة ساندوتش تونا او دجاج مشوي الساعة 6 المساء دجاج مشوي شيش طاووق او مسحب الساعة 9 المساء علبتين زبادي قليل الدسم الساعة 11 او 12 اخر الليل دجاج مع خضار او رجاج مشوي او بياض بيض مع شرايح تركي (بدون كارب طبعا ) وبعدها نووووم من الساعة 2 تقريبا الى الساعة 10 الصبح

قطعتين توست قمح او صحن فول = 25 غم كارب تقريبا
ساندوتش تونا او دجاج مشوي = 30 - 35 غم كارب تقريبا
علبتين زبادي قليل الدسم = 12 غم كارب تقريبا

المجموع حوالي 60 غم كارب تقريبا .. تحت المعدل الطبيعي حتى للي مسوي دايت !
انا جسمي يجمع دهون بسهوله ومع ذلك وقت الدايت الكاربز عندي يوميا تقريبا 150
ولو بتضخم المفروض الكارب مايقل عن 200 غم بأي حال من الاحوال .. هذا غير ان فيه ناس تاكل 300 - 400 غم يوميا
كل واحد وجسمه .. ماقدر افتيك بحسبه دقيقه .. لكن اللي اقدر ااكدلك اياه انك بهالاكل قاعد تحرق وبس

[Mohd01]

انت يبيلك محفزات
او هرمون عشان تفجر جسمك
بس تراها خطيره مو اي واحد ياخذها
انتبه

مع احترامي .. بس هالنوع من النصايح هو اللي مفروض تبتعد عنه


+ رد الكابتن راشد ماشاءالله مفيد جدا .. وهو اخبر مننا بهالمجال

[twohaibi]

اتفق مع الاخ راشد
الحل يا انك تزيد اكلك من كارب وتدخل دهون مفيده
او تاخد بروتين عالي السعرات
اذا ما ضبط معاك ما في حل الا الهرمونات وما انصح فيها
اقرا موضوعي هذا يمكن يفيدك
http://www.montada.com/showthread.ph...61#post7464361

[modlol]

انته المفروض ما تجلس سنه بعدين تسال ..المفروض من اول شهرين ثلاثه بالكثير ماشفت تغير في جسمك كان سالت على طول ..المهم

انا اشوف والله اعلم طبعا انه يمكن تكون المشكله في التمارين ولاتكثر مكملات ترى انا احس انها تجيب البلا ..خليك على الواي بروتين بس مع اكل تمام وخضار وفواكه ..خاصه بعد التمرين يعني حبه موز كويسه

الشي الثاني ركز مثلا لى عضلات اليدين والكتف بس لمده شهرين .. وتلاحظ فرق ان شاء الله ..يعني ركز على عضلات معينه فتره طويله شويه وسوي تمارين تضخيم

طبعا انا مبتدى مو خبير بس هذا احساسي ..والله يعينك

وانصحك تبعتد نهائيا عن الهرمونات والكلام الفاضي

(وملاحظه انته تقول كان وزنك 95 لاكن بالصورة مافيه فرق)

[nocry]

اخوي دامك قلت انه وزنك كان 95 و صار 75 يعني اكيد مسوي دايت و بالدايت صعب العضلة تطلع
الافضل انك تبلش تزيد الكارب و الفات و شوف الفرق

[AZEEEZ69]

مشكورين اخواني وماقصرتوا خصوصا الاخ بو راشد واعذروني على الاسلوب وطريقة الطرح بس والله من القهر

الشباب الي يقولون مو مبين اني كنت ٩٥ هالكلام قبل لا ابداء بالحديد قبل سنتين بعد مانزلت بديت العب حديد

المهم

من بكره ببداء نظام جديد
التمرين

اول يوم صدر شامل مع تركيز واوزان عالية ٦ او ٧ تمارين مع باي تمرينين بس
ثاني يوم ظهر شامل مع تركيز واوزان عالية ٦ او ٧ تمارين مع تراي تمرينين بس
ثالث يوم اكتاب وترابيس
رابع يوم راحة
خامس يوم تراي وباي تركيز واوزان عالية
سادس يوم ارجل
سابع يوم راحة


كيف التمرين ؟؟
كذا احسن !! مره بالاسبوع مع تركيز واوزان عالية

الاكل
بغير البروتين الي بعد التمرين بشوف شي نظيف وفيه كارب عالي
وبزيد الكارب بالاكل
هو المفروض كم غرام باليوم الكارب علشان اعرف ولا ازيد ولا انقص


عموما شهرين بستمر على هالنظام وبرجع لكم وان شاء الله اشوف فرق

[ابو احمد09]

ياخوي انت لك سنة تلعب ياخي الغي شي اسمه عضلتين وش بتخسر كذا اوزانك مراح تطلع بالطريقة هذي بسرعة هذي نصيحتي وبالتوفيق