هناك مخططات وقرارات في بليزارد واعتقد انها كانت تبي تخلي الناس تترك اللعبة لفترة
يا لمصلحتهم ومصلحتها او لمصلحتها فقط
هناك مخططات وقرارات في بليزارد واعتقد انها كانت تبي تخلي الناس تترك اللعبة لفترة
يا لمصلحتهم ومصلحتها او لمصلحتها فقط
لا اعتقد
فبليزرد كانت تحصل على 180,000,000 دولار في الشهر ايام wotlk
الآن مثلا لديها 7.6 مليون لاعب
فلو حسبنا سنجد انها تحصل على 114,000,000 في الشهر الواحد
و طبعا لو حسبناها على مدار سنة سنجد انها تخسر الآن الكثير
فلا اعتقد ان بليزرد راح تخسر هذا الكم الكبير من المال لمجرد مخططات
اكبر سبب لنزول مستوى واو حدث ايام wotlk عندما قامت بليزرد بنقل فريق واو الأساسي إلى مشروعها الجديد titan و جعل Greg street و غيره هم فريق واو الجديد
و ايضا لم يقم فريق greg street او ghostcrawler بإنشاء جزء wotlk بل الفريق الذي تم نقله إلى titan هو الذي قام بذلك
اول جزء قام به greg هو cata و كلنا نعلم ان بداية سقوط واو كان من هذا الجزء
لكنني متفائل كثيرا بالجزء الجديد لعدة اسباب منها
1- ان مشروع titan تم تأجيله إلى 3 سنوات و نقل المطورين الذين كانوا يعملون فيه إلى فرق الألعاب الأخرى مثل wow و diablo و بذلك زاد حجم فريق واو ب 80%
2- عودة بعض المطورين المبدعين القدامى مثل Rop pardo الذي كان مدير التطوير في TBC و لعبة wow 3 و ايضا wow 3 frozen throne و ايضا wow vanilla
و هذه صورته
و هو الآن مطور في WoD
و ايضا فكرة الجزء الجديد و عودتنا إلى بداية قصة واو شي رائع جدا و أظن انها الأفضل لواو حاليا
فالجزء الذي بعد WoD سوف يتكلم عن ال first war و يعني هذا اننا سنعود إلى Azeroth ألقديمة و طبعا ستكون الأماكن مختلفة , مثلا مدينة Undercity لن تكون للهورد و ستكون للألينس و اسمها Lordaeron
و اظن ان بهذه الطريقة ستعيد بليزرد عالم Azeroth القديم بعد ان تم تخريبه في cata
بصراحة الاحظ انوا في cata
كان له سلبيات وايجابيات
اما عن مشروع titan ياريت يلغوه لانه يمكن يكون بالنهاية مشروع فاشل
والله ياجماعه كل ما اتذكر ووركرافت لفل ٧٠ تخنقني العبره
انا بدآت اللعبه ماادري سنه ٢٠٠٤ او ٢٠٠٥ لكن الاكيد ان قبل لفل ٧٠ ، ايام كان ماكو hearthstone اللي ترجعك المدينه
كان لفل ٦٠ صعب من كل النواحي و كان متعب من ناحيه التلفيل و المشاوير من مكان الى مكان
لكن تحسن الوضع اواخر لفل ٦٠
لفل ٧٠ كان القمه لي و لكثيرين من لاعبين ووركرافت لدرجه ان بعد لفل ٧٠ كل اللي اعرفهم من اصحابي تركوا اللعبه وقالوا خلاص انتهت حلاوتها
لفل ٧٠ كل مره اتذكره او اروح مكان بووركرافت يذكرني فيه تخنقني العبره ، شوي و ابكي على ايامها
كانت انشط اوقات داخل اللعبه و خارجها ، لما اروح اي كافيه بالكويت مااشوف الا بوسترات ووركرافت على المحل و داخل المحل متروس شباب يلعبونها
كنا نسوي رايد ٤٠ لاعب بس من معارفنا الخاصين ، ووقتها رفيجي ملك اللعبه صار اول نينجا باللعبه لآن سرق كل الاغراض من اخر بوس في ملتون كور راجناروس
ياجماعه مااقدر لازم ابجي
اروح الدوانيه الحين اشوف الشباب كل واحد و كرشه قدامه من الزواج وتشوف اشكالهم تحلف تقول هذوله مايعرفون الاتاري ، مع انهم ابطال بووركرافت
اشوفهم و ابجي
اقولهم ليش ما ترجعون ؟ يقولون ماكو وقت و اللعبه اختربت من حطوا لفل ٨٠
ادري اني داش عرض عليكم
لكن اتمنى الجزء هذا يكون قريب من ايام لفل ٧٠ خصوصا انهم قللوا الدمج
لازم blizzard تسوي ضربة قوية تخلي الاعبين يرجعون للعبة
واعتقد انوا في ذي الطريقة راح نشوف انوا الناس تتعلم القصة اللي في الكتب داخل اللعبة
لو استمرت بليزارد زي كذا ماراح نلاقي فائدة للكتب لانهم بذي الطريقة حطوا كل القصة داخل اللعبة وهذا هو المطلوب
صراحتا انا متفائل مثلك
لانوا اول شئ تم تحسينه هي ان الجرافيكس حق الشخصيات وفي بعض الاشاعات ايضا ان الجرافيكس العام(مثل الغابات الارض السحب الجبال العشب الخ)كلها تم تحسينها وكانها world of warcraft 2
وانا صراحتا اقول انوا لازم يطوروا جرافيكس الشخصيات من ايام كاتا او wotlk لانوا صراحتا لو تلاحظون كيف الشكل القديم مرة خايس من ناحية الجسم والشكل والواقعية!!
منتظر رؤية صورة للهيومن والترول
بليزرد ماتقدر تحط قصه اللعبه كامله الا عن طريق الكتب
يعني لو يسوون فيلم عن اللعبه ماراح يلحقون على القصه ، مثل فيلم سيد الخواتم
لأن ووركرافت قصتها كبيره و اكثر من كاتب كتب القصه ، يعني مثلا قصه ايليدن كاتبها انت و قصه ارثس انا كاتبها و قصه كيلثوزاد كاتبها بوحا وهكذا
يعني اكثر من كاتب كاتب القصه ، و مو هذي المشكله ، المشكله ان كل شخصيه تشوفها باللعبه لها قصه ، حتى الحيوانات بعضهم لهم قصه و غير الرؤساء اللي بالدنجنات الصغيره اللي لفل ١٥ الى ٩٠ كلهم لهم قصص خاصه ، كل رئيس فيهم ان كان الدنجن فيه ٤ او ١٠ رؤساء فلهم قصص
غير اللي ماتشوفهم باللعبه و مجرد تشوف ذكرياتهم مثل نصب تذكاري او تمثال وكانوا مقاتلين من قبل فلهم قصه ، ولا تفكر ان قصصهم لا تقدم ولا تؤخر بالعكس ، قصصهم حلوه و هم غيروا مسار القصص والعالم اللي تشوفه
مثل حاليا بالاكسبانشن الجديد راح يحطون شخصيات اهي بالحقيقه لناس ميتيين و شابعين موت مثل ابو جاروش و ابو ثرال و اللي معاهم بعد ، هذوله لهم قصص كبيره محد يقدر يطنش قصصهم لأن البدايه كانت عندهم
غير قصص الشخصيات المشهوره واللي لهم تآثير كبير على اللعبه مثل ريكسار الملقب ببطل الهورد واهو اللي جمع كل طوائف الهورد و جعلهم مع بعض مثل ماتشوف الحين ، غير اسد ازيروث اللي مات نسيت اسمه لكن ميت من زمان قبل اللعبه وماادري راح يرجع بعد او لأ و اعتقد راح يرجع
لأن اهو كان وقت الآباء
غير قصه اشبرنقر و رئيس الديث نايت اللي كان ابوه يملك السيف و غدر فيه ولده وقتله و راح ابوه بعد ما احياه كيلذوزاد و حطه معاه في ناكسرماس و ابنه الثاني اللي كان مع ارثس وانفصل عنه وصار الحين ملك الديث نايت
كل هذوله وغيرهم بعد الكثير لهم قصص غيرت مجرى اللعبه ما تقدر تستغنى عنهم بفيلم او لعبه
لأن لو بليزرد قالت بحط القصه كامله راح يحتاجون ١٠٠٠ باتش
لكن انت تقدر تفهم القصه اذا لعبت ووركرافت ٣ ، هالجزء تلعب بكل الشخصيات وتشوف شخصيات انت ماكنت تعرفهم او يمكن حتى مو سامع فيهم وتشوف ان لهم نصيب من القصه و نصيب مش بطال يعني مو حشو كلام
ان لعبت ووركرافت ٣ او طحت على مقاطع باليوتيوب لشخص حاط كل الشخصيات من البدايه الى النهايه و انت تعرف انجليزي راح تعرف القصه الاصليه للعبه وشلون كانت بدايتهم
تعرف ثرال ؟ اللي مسوي فيها رئيس الهورد
تدري شنو كانت وظيفته قبل ؟
كان مثل هذا
كانوا الالاينس يحطونه بحبله و يتهاوش ، لين نحش من السجن و راح هلز براد وهناك ساعدته البنت و في دنجن تدخله تساعد ثرال ينحاش من السجن
الحين صاير رجال ومسوي روحه رئيس الهورد ، لين حس انه راح ينفضح قال احط مكاني واحد وانا انحاش ، اتزوج و البس حجاب واقعد بالبيت
فمن هذا كله ، اذا تبي القصه لازم تمشي من البدايه ، لازم تشوف ووركرافت ٣
وانا قلتها او بالاصح قالها رفيجي وانا نقلتها هني والكل يذكر ، قلت ان اللعبه تمشي بالمقلووووووب
والحين بعد ما قالوا انهم راح يرجعون الآباء و ما قبل الكلاسيك ، تأكدت ان كلام رفيجي ولد بطنها اللي عروقه بالماي صحيحه ١٠٠٪
ان اللعبه تمشي بالمقلوب
بالمقلوب!!!!!
امممممممممممممممممم
يعني يمكن يمكن يمكن
نشوف قصة تايتن بعد WOD
واللي فاكر قصة تايتن بطبيعة الاحوال بيفهم
هممممم الواضح ان اللعبه بدأت تراجع نفسها تانى ...
شكلى ممكن ارجع اللعب تانى ... لما نشوف
و شكرا على العرض و الموضوع .
Darkness friend when I need a friend
شباب في ناس يقولوا انوا في عرقين جديدين راح نقدر نلعب بيهم
واحد منهم كان demon بس للhorde
بس الحين افهم من الفكرة انوا الجرافيكس حق اللعبة راح يتغير بالكامل ولا بس dreanor
وهل راح تكون الشخصيات مثلا اللي في جزيرة الtroll او في thunder bluff بالشكل الجديد ولا راح يقعدوا على الشكل القديم واللي بDREANORكلهم بالشكل الجديد؟
كلهم راح يتعدلون حسب ما قالوا اخر مره شفت موقعهم
انا مو متابع لهم لكن قالوا انهم راح يحسنون من اشكال الشخصيات كلها