Guild كويتي ، خليجي، عربي؟؟ بليز

[Ursula.q8]

السلام عليكم ...

انا سجلت بالمنتدى لاني وايد مهتمه باللعبه <<<

مابي اطول عليكم وو بدش بالموضوع على طول <<

انا العب اللعبه على سيرفر امريكي <<،،
يليت احد يفيدني اذا في ناس يلعبون على الامريكي و اذا في قيلد عربي خليجي كويتي<<

المهم انا جربت اللعبه على الاوربي صراحه اللعبه تاييب الكآبه <<
عكس الامريكي << و عندي 3 شخصيا لفل 90 ...
2 هورد و وحده الاينس ..
و اعرف ناس باللعبه و مو مستعده ارد للاوربي فا يليت تفيدوني و اكون شاكرت لكم<<

[Karazhan]

وعليكم السلام

والله يااختي انا قبلج كنت بالامريكي و رجعت للاوربي وانا صاغر

ماحصلت احد بالامريكي , اما الاوربي كل الناس موجوده خصوصا العرب

فأنتي بما انج تقولين لاتحاولون ارجع اوربي فما راح اقولج ماكو الا الاوربي

شقول

عندي شخصيات لفل 90 اهملتهم بالامريكي وبدأت من الصفر بالاوربي عشان الجمعه والناس الحلوه

فأنتي اما انج تتعودين عالامريكان او تدقين سلف و ترجعين للأوربي

وراح تشوفينا كلنا بأستقبالج فاتحين الايادي لج

من الجولد الى ال10 الاف جولد افا عليج

بس بالامريكي مانقدر نسوي شي

انعل ابو الاستعمار اللي حط حدود بينا , وله كان الحين نلعب مع بعض ونسوي كل شي مع بعض

عموما اي شي تبينه احنا حاضرين

اختي الكريمه انتي كويتيه وانا كويتي

وانا ابو العنصريه

لو تبين اسوي اكاونت جديد و الفل شخصيه واصير معاج بالامريكي عشان بس مايضيق خلقج

وتقولين عالاقل ان معاي خروف

قصدي لاعب عربي بالسيرفر الامريكي

[Ursula.q8]

محشوم اخوي وماقصرت والله<<

والله لما اسمع اوربي اطقني ضيقه خلق مو طبيعيه ههههههه
والله عندي كل الاجزاء و عندي كرت بو ٣ شهور للخين ماستخدمته موجود مادري
والله قليلين ادب الاوربين وايد و ناس ماتساعد كلش وينامون مبجر اما الامريكان كلهم فله
كل وقت قاعدين و عادي تسوي دنجن ريد اي وقت تبي << كلش ماكو شغل LFR ماطول كلش الا وانت داش << وصراحه حدي تعبانه علئ DK و Druid وحاليا قاعده افكر اصير هيلر بالفلكس و النورمال SoO صج ضايق خلقي
عندي ناس تعرفت عليهم باللعبه امريكان بس هم يعني لمت الكويتين عل قولتك هههههه ماقرنها بلمه امريكان او بالعرب عموما << والنعم بالكل
انت قاعد تشجعني بسس تضيق خلقي هههه :"(

[Karazhan]

اعلمي بارك الله فيج ان الامريكان الحين عندهم الصبح و وقت الظهر عندنا منتصف الليل و الصبح عندنا تقريبا عندهم المغرب

يعني وقتهم مناسب 100% لوقتنا للعب

اما الاوربيين وقتهم تقريبا مثلها فرق ساعتين او 3 ساعات

فلما يكون بالليل عندنا هم عندهم بالليل ويروحون ينامون للمدارس , ماعندهم مصبنه مثلنا يسهرون , اما الامريكان شعب خلف الشاشه دائما حتى من كثر ما ان مالهم خلق حطوا اسواقهم بالانترنت ويطلبون كل شي ويوصلهم لي باب بيتهم

غير ان المصبنجيه واجد هناك و شعب امريكا خليط , يعني مصبنجيه من فيتنام و امريكا وافريقيا و غير العرب

اوربي امه تصطره ان قعد لي الساعه 10 بالليل , واللي تشوفينهم باللعبه بعد الساعه 10 كلهم عرب بس يتكلم انجليزي عشان مايبتلش بالشباب ابو لفل 1 ويوقف بنص المدينه يطر جولد

فأهو يسوي روحه الماني ان شاف اللي جدامه يتكلم انجليزي و اذا شافه يتكلم روماني سوه روحه فرنسي

واذا صادفه واحد يتكلم كل لغات اوربا عرف انه اوربي 100% فيتكلم معاه عربي

غير ان السيرفرات الاوربيه متوزعه بين عده لغات وبالحاله هذي بليزرد ما جمعت الاوربيين كلهم مع الروس , سيرفرات روسيه والمانيه و فرنسيه اعتقد

يعني ضاعوا الاوربيين

واللي تقصديهم ما يساعدون وقله ادب , هذوله الله يسلمج اليونانيين , حتى الاوربيين يكرهونهم من غثاهم و عنصريتهم

لكن في ناس كثيرين فيهم خير صدقيني

بس من ناحيه التوقيت فالامريكي افضل , اما اغلب العرب بالاوربي

وانتي حره بأختيارج و لو مرتاحه بالامريكي والوقت مناسب و الناس يتحركون ويسوون كل شي خلج معاهم افضل , لأن بالاوربي صج في عرب بس مو اي احد ياخذونه معاهم , يعني لازم جيلد تنضمين معاهم اول و جيرج محترم وبعدين مايك ضروري عشان الرايد

وبعضهم يعطيج شروط تعجيزيه حتى الجيم ماستر يمكن مايقدر ينفذها

بصراحه وتبين نصيحه مني سوي حساب بالباتل نت مالج للسيرفر الاوربي و نزلي اللعبه منهم اوربيه بنفس المكان مال الداون لود بس تأكدي انج تختارين اوربي (يمكن عندك جاهزه)

ادخلي بحساب مجاني اللي لغايه لفل 20 و شوفي الوضع , شوفي الناس واجد او شويه , ادخلي بالاوقات المناسبه لج وشوف حزتها في ناس موجودين او لأ وادخلي بين فتره وفتره شوفي الوضع وبعدين قرري اذا تنظمين او لأ

هذي نصيحني لج قبل تشتركين وتبتلشين

[Ursula.q8]

يعطيك العافيه اخوي ماقصرت..

اصلا فيني بجيبه ببجي ههههههههه

عندي اكاونت اوربي و احو حاليا frozen و وماجيكت متى الامريكي يخلص
و قاعده انطر احد يرد علي هني ائا في احد بالامريكي <<
و اذا ع المايكات ماتوقع مشكله اذا بالريد بس ..
وبس جنس قاعده اشوف طلبات تعجيزيه عند الربع ههههه والله جني بمسك ارضي<

[Karazhan]

والله بيني وبينك ترى نفس الشي

امريكي او اوربي , الناس نفسهم و نفس طلباتهم ونفس كل شي , اللهم بس الامريكي مناسب لوقتنا و ان الناس كلهم بسيرفرات امريكيه , يعني يقولج السيرفر الفلاني متروس ناس ولما تروح تشوفين متروس ناس فعلا لأن السيرفرات الامريكيه يقولج تبين السيرفر الامريكي او المحيطات وماادري شنو

فكل الناس تختار الامريكي و تقعد فيه

اما الاوربي مخلط , سيرفرات متروسه ولما تدخلين تشوفين شوي انجليز و شوي رومان وشوي المان وشوي يونان وشوي عرب

وكل واحد مع اللي يفهمهم , يعني يدخل الواحد يضيع بينهم , والعرب حاطين شروط يدافع البلا , حتى لو ابي ارشح نفسي بالمجلس يبون عمري 30 و جنسيه عندي

هني اذا الواحد يبي يترشح بجيلد يتشرح , شوي ويقول ادفع لنا فلوس بعد عشان نضيفك

فأنتي اذا مرتاحه بالامريكي خلج فيه , هني و هناك واحد

لكن هناك فرق التوقيت والمعامله , تحسين انج تتعاملين مع اوادم

مع احترامي الشديد للي بالاوربي

[gevil]

هذا الكلام ووين الفعل بالنهاية؟
دخلت الاوروبي وطلبت مساعدة وقيلد ومني ملاقي حتى 1 عربي
طلبت من الاوربيين قولد عشاني مطفر يادوب اجيب حق درع او درعين مااحصل كلهم سب وشتم ووصخين
بصراحة ياريتني جبت نسخة امريكية احسن

[Karazhan]

جي ايفل انت دخلت بوقت انا مو موجود

لكن ماعلينا

الف الف الف مبروك على رجوع هت مان

قره عينك

روح شوفه بالموضوع مال القصه مشارك هناك

قوله يكملك القصه من البدايه الى النهايه

[Ursula.q8]

بالضبط بالضبط اهما قليلين ادب ههههه

كنت اساعد اليدد بالقيلدات و اخر شي يطردوني ليش شسويت هههه حمدو ربكم عندكم انا
تصدقون عمري بحياتي ما طريت قولد و هم يغلطون علي كانو
و اتهاوش وياهم هههههه مره سالت بس سوال واحد بالاندر ستي قط كلمه مافهمت شنو قال صراحه
و خلاني و مشى << مشكله هالاوادم

[gevil]

عشان كذا انا سويت موضوع وفوق كذا الموضوع قاعدله فترة بدون رد

[Ursula.q8]

ليش حضي وايد حلو ؟؟
الرليمات الي ابيها لوك و فل ؟؟


لا صج ببجي هههههه

[gevil]

هذي حال kazzak
في الاختبارات كل شوي locked

[Rankor]

ليش حضي وايد حلو ؟؟
الرليمات الي ابيها لوك و فل ؟؟


لا صج ببجي هههههه

ههههههههه
والله يا أختي السيرفرات على هالحال, لكن صدقيني سيرفرات فل تخليك تنتظرين نص ساعه أزين من ghost server
أنا عندي شخصيات في outland و zenedar, طبعاً اوتلاند فيه عرب وفيه كل شيء كويس والسيرفر حيوي بشكل خيالي وميزة الفل والمقفل ان سوق ال AH ما يحتكر من هوامير معروفين.. يعني بسيرفرات ثانيه قليله تلقين الهوامير اخويا ويتفقون على الأسعار
بس أنا أفضل zenedar, لأن كل أخوياي الي أعرفهم فيه وبقلداتهم..ناس أعرفهم من أيام vanilla لفل 60
فأضبط وضعي معهم.. طبعاً أنا ناوي أرجع قريب ولو بأرجع راح ألعب بالإثنين.. بس راح أركز على واحد بالPvP وواحد ال PvE
,

أنتي شوفي الي يريحك ويناسبك بس ترى اللعبة حلاتها تلعبين مع جماعه معينه يعني موب لازم تختلطين مع كل السيرفر ويصيرون محترمين معاكِ

[Dhanu]

انا العب صارلي فتره بالأمريكي ما صادفت الا عربي واحد لا وكان من سيرفر ثاني .. أتمني يكون هناك قيلد عربي للأسف

[gevil]

انا لعبت بسيرفر kazzak مالقيت غير 2عرب بالسيرفر وفوق كذا ماعندهم حتى جيلد
يعني نصيحة لعبت امريكي اوروبي مفي فايدة كلها نفس النتيجة
اعتقد ان العرب كانوا موجودين على ايام cata اما الحين مابتلاقي اللي بعد ماتتعب وتطول
وبالاخير تلاقي عربي واحد وماعنده جيلد