ارجو افادتي بخصوص هذا الرجيم

[a.bahar]

معلومات المتقدم بالاستفسار :
العمر : 25 , الجنس : ذكر

الطول :168 متر
الوزن : 87 كيلوجرام



و الاستفسار كالتالي :
اخواني افكر اسوي رجيم التمر واللبن
الي هو 7 حبات تمر وكوب لبن فطور
7حبات تمر وكوب لبن غداء
7حبات تمر وكوب لبن عشاء
من خلال بحثي عن الرجيم انه يفتقد لفيتمينات مهمه للجسم
هل اذا اخذت ملتي فايتمن من اي صيدليه بيكفي؟
علما اني استخدم ليبو6 بلاك الترا وال كارنتين من نفس الشركة
واقوم بالمشي يوميا نص ساعه للعمل رايح ونص ساعه راجع بمعدل ساعه باليوم

[Mr.Puma]

ياعزيزي ..

الرجيم او علم الحميات عالم كببير جدا معقد .. حتى توصل للمثالية يبغى لك شيء مدروس فعلا

أنت الآن تقوم بمجهود بدني .. هذا غير الان اي بي اي .. او المجهود الغير رياضي .. يعني ماشاء الله مشي ساعة يوميا .. واخشى انك بتعمل حديد او رياضة الاوزان

طيب ؟ جسمك يبغى بروتين في الحالة هذه .. وانت بتاخذ بس بهذا الرجيم يمكن 20 جم بروتين فقط

الريجيم هذا بيعطيك فرق سعرات .. وبالراحة بعد .. بيعطيك ميزة الاوكسديشن ايض الفوارق .. لكن بيحرمك من ميزة الميتابلزيشن او الهرمونات والانزيمات اللي تفك لك دهونك من داخل الخلية وترميها في الدم .. عشان اذا صارت في الدم بسهولة بتصير أوكسديشن

وفيه شيء ثاني .. اذا تبغى تعرف مقياس انه هذا الرجيم او الدايت وطريقة خياراته جيدة أم لا ؟

اسأل نفسك .. هل أستطيع الاستمرار طول العمر على هذا الدايت ؟ فرضا انت فكرت او قلت انا طووووووووول عمري راح أمشي على هذا الدايت
هل جسمي يتغذى ويتمدد بكل العناصر ويستطيع الصمود ؟ لطول العمر على هذا الدايت ؟ الدايت اللي انت كاتبه يعني

الجواب : طبعا لا .. لأنه يفتقر حاجة ضرورية جدا .. Omega-3 fatty acid ..
يعني لو جلست فترة مطولة على هالاسلوب بدون الاحماض الدهنية الضرورية .. تموت مع الأسف .. ( عشان كذا اسمها الضرورية )

شوف .. كدايت صحي معزز بالعناصر نعم ينفع اذا بتسند برنامجك هذا بحبوب زيت سمك وزيت زيتون والفايتمن
وحتى الفايتمن لو ماتبغاه تقدر تدحش الجرجير واللفت ( اللفت هو ملك الخضار بلا منازع )
ونصيحتي لك تقلب الموضوع في التمر واللبن
اجعل كل وجبة : 3 تمرات وكوبين لبن
نفس السعرات والسكر تقريبا في السبع تمرات وكوب لبن .. لكن أكثر بروتين

انا عملت على اساس رجيمك المختار ..

مع أني لاأؤمن ابدا بهذا الدايت كهدف حرق الدهون ..

وعلى طاري العناصر الغذائية والامداد

هههههههههههههههههه

ذكرتني احدى المرات سويت تجربة قاتلة .. قلت في نفسي : الحين الجسم يريد بروتين وكاربوهيدرات ودهون
طيب أنا بشرب حليب طول اليوم 2 لتر .. يعني حول 60 جم بروتين .. ودهون وكاربوهيدرات ..

يلا نجرب .. استمر عليها كم يوم ..

اليوم الرابع او الخامس تقريبا .. لن أنسى ذلك اليوم مادمت حيا

أفتح عيوني احصل نفسي مطروح على السرير وأبو رائد يمسح وجهي بالماء ويمضمض ويبصق على وجهي بالماء ويمسح ويفرك وجهي فرك يغسلني .. ( جالس يحاول يصحيني ) وأطالع فيه : ابو رائد وين انا وش فيك ؟

وهو يقول : بسم الله .. بسم الله .. ويمسح وجهي .. وينثر ماء .. وانا توني مثل الغافل ماصحيت تمام ..

أثاريني طحت وانا قايم من صالة المباراة ( كان وقتها الهلال ) ورايح الدورات .. وماأذكر ايش صار .. لكن أذكر انه طارحني فوق السرير يصحيني من الاغماء وكان مرتعب جدااااااااااااااااااااااااا

وشفيك يابو رائد ؟

قال ياولد تموت علينا هنا يقولون مات لمن كان مع ابو رائد
هههههههههههههههههههههههههههههههههههههههههههههههه

كان دايت متهور جدا .. لكن أعشق التجارب

[a.bahar]

مشكور اخوي على الافاده خوفتني من هذا الدايت طيب ممكن تفيدني او احد الخبراء يفيدني بدايت معين سهل لانه في بعض الدايت يكون بمجرد انك تشتري الحاجات يبغالها ميزانيه يعني تروح تتقضى للبيت من بنده وتتقضى لنفسك كمان هههههههههه علما ان الدهون اكثرها متركزة حول البطن والارداف والفخوذ والموقف الي صار لك مرة صار لي وانا بصاله زماااان جلست يوم كامل ما اكل شي بس مويا واليوم الثاني رحت اتمرن مسوي فيها معلم وما ادري بنفسي انا وانا دايخ فوق الدراجه السبيننغ هههههههه والمدرب يشربني سن توب هههههههه

[Mr.Puma]

تعرف حاجة اسمها الدايت الابيض ؟ وايت دايت ؟

وجبة واحد : بيضة مسلوقة + زهرات قرنبيط + صدر دجاج متبل + كوب واحد فقط رز ابيض ( 40 جم بروتين ) تقريبا

وجبة اثنين : بيضة مسلوقة + زهرات قرنبيط مسلوقة + شريحة سمك فيليه 150 جم بالليمون وفصات ثوم مطبوخة ( 40 جم بروتين ) تقريبا

وجبة ثلاثة : بيضة مسلوقة + زهرات قرنبيط مسلوقة + جبن قريش 200 جم مثلا مرشوش عليه ملعقتين زعتر عشان تحسن من نكهته كثير ( 25 جم بروتين ) تقريبا

الدايت هذا مميز جدااااااااااااا
لو انواع أكلك فيها كلها كانت طازجة وطبيعية وكواليتي
فما تحتاج معاه لا فايتمين ولا معادن ولا زيت السمك ولا بطيخ

الميزة الثانية .. يشعرك بالشبع ( القرنبيط المجرم الكيلو منه يمكن 200 سعر فقط .. ولاتنسى انه من خضار الاحجام يمسك حيز في بطنك بأقل السعرات )


مع ملاحظة انه توسعك في المقدار والعدد يعتمد على خطتك وسعراتك
يعني انت تاخذ صدر دجاج واحد .. وآخر ياخذ صدر ونصف او صدرين ..
أو انت تاخذ 200 جم قريش .. وواحد 400

البيض هو البيض الاورجانيك او النظيف

والدايت تراه قليل الكاربس او محدود .. اذا ماعجبك شوف دايت آخر ( أقصد تحملك وتعود جسمك ومودك على الكاربس النازل )


وانت لاتقول :. اووه انا كل شوي بسلق واحضر .. لا
تسلق البيضات كلها اول النهار هي والقرنبيط حتى لو تبغى تحضر وتطبخ وجباتك كلها مرة وحدة