المنتج الجديد و المشهور Afterburn Fuel من Mike Chang
السلام عليكم و رحمة الله و بركاته
كيفكم يا وحوش
حبيت أخذ رأيكم في هالمنتج المشهور اللي اسمه Afterburn Fuel
من الموقع : https://sixpackshortcuts.com
وصلني اليوم من امريكا
طبعاً نظامهم يرسلون لك كل شهر وقبل ماتخلص العلبة عندك يكونوا مرسلين الثانية
وطبعاً الخصم شغال على بطاقتك الإئتمانية
طبعاً المنتج : يستخدم قبل التدريب بربع ساعة ولا يؤخذ على معدة فاضية ( لو اخذته على معدة فاضية قد يسبب عدم الراحة في المعدة ) < على قولتهم
طبعاً الجرع على حسب وزن الشخص ,, و أول خمس أيام من إستخدامه لازم تستهلك نصف الجرعة المحددة لك يعني لو كان وزنك من 151 باوند إلى 200 باوند محدد لك ملعقة يومياً
لكن أول خمس أيام لازم تستهلك نص ملعقة ( أظنهم يقصدوا بها مرحلة التحميل )
راح أرفق لكم صور المنتج بكامل معلوماته
و أتمنى من اللي عنده خبرة لا يبخل علينا برأيه بالمنتج
طبعاً حالياً أنا في شهر الراحة من منتج الطاقة وبعد مايخلص الشهر راح أبدأ استخدمه وأنزل تقييمي على المنتج
هالمنتج قصتي معه طويلة تعذبت لين وصلني
أول مرة أرسلوه على إسمي وعلى مدينتي و إلى الان 4 أشهر ماوصل ( كانت علبتين )
أرسلت لهم يابو الشباب ليه تخصموا من بطاقتي حساب العلبة الثانية والأولى أصلاً ماوصلت وسويت لهم مشكلة و إزعاج
بعدها قالوا أبشر طال عمرك نرسل لك غيرها قلت أصبروا بعدها سويت لي بريد واصل عالمي مثل موضوع أخونا
amma271
عطيتهم البريد الأمريكي و أرسلوا العلبتين قبل كم شهر وعطوني رقم شحنه غريب وطويل واحرف فيه اروح البريد يقولوا وش هالرقم
اروح الجمارك يقولوا رقم غريب ولا وصلت ولا حتى دخلت السعودية ,, طبعاً كل اسبوعين أروح البريد و الجمارك أشيك ولا وصلت
رجعت راسلت الشركة قلت لهم يا عيال ماوصلني شي ,, أنتم تلعبون علي ؟
قالوا عطنا بريد نرسل لك عليه قلت أصبروا بعدها سويت بريد في أرامكس لأن عندهم خدمة Shop & Ship وعطوني عناوين في 9 دول
و أعطي حبايبنا العنوان الجديد وظبطت اموري و أشيك يومياً على موقع شوب اند شيب الا والاقي الشحنه تسجلت في بريدي قلت ياااهي ويناصة
واليوم وصلت و الحمد لله ماصار لها شي ولا توقفت مدري أصلاً هي مرت من الجمارك ولا لا
وهذا خط سير الشحنة ( دخلت وتسجلت في بريدي يوم 14 / 04 / 2014 و إستلمتها أمس 24 / 04 / 2014 )
يعني 10 أيام بالتمام ( نيويورك - دبي - الرياض - جدة - تبوك )
أدري طولت عليكم بالقرقر الواجد
هذا هو المنتج ومعلوماته ( العلب ياحليلها صغيرة )
وسلامتكم
شهر واحد فقط
المشاركة الأصلية كتبت بواسطة Mr.Puma
