المشاركة الأصلية كتبت بواسطة dmar.lol
السلام عليكم ورحمة الله وبركأإته ..
ورمضان كريم بعد الزحممة
وعليكم السلام ورحمة الله وبركاته
أخواني شدني موضوع عجيب وغريب !!!
ان هاللعبة مهما لعبت ماراح توصل المستوى الاحترافي الا بالهرمونات .. بسبب الجينات !
بيجيني الشخص بيقول اللعبة هذي رياضة وحنا ماخذينها رياضة مانبي هرمون ومدري ايش !
اقولك الله يوفقك ..
كلامك صحيح لكن غير كامل وغير منطقي كليا
أنا أقولك ليش؟
الجينات هي اللي تحدد هيئة جسمك وكمية ضخامتك حتى لو تستخدم او ما تستخدم
لو كانت الضخامه سهله كان كل الاعبين صاروا بضخامة بيق رامي او راؤول وكانو كل الاعبين وصلوا لعرض جاي كاتلر
لكن الشغله مو سهله على بالك أن الهرمون راح يسهل كل شيء
بعطيك مثال واقعي عندك دينس ولف لاعب ألماني معروف ينافس على الأول و الثاني مستر أولمبيا ومأخذ أرنولد كلاسيك هالسنه
هاللاعب على نشافته توه يطلع رجله صح من سنتين وبالصعوبه وصلها للمستوى اللي هو فيه
طالعه صدره جميل لكن مو مثل فيل هيث وعشان نكون منطقين مو مثل جاي لان فيل جسمه مكور مو مصطح مثل جاي و دنيس
لو تلاحظ بتحصل صدره مو مشبوك ومو كامل 100%
لو لاحظت زيادة في ظهر بتحصله عنده نقص في الفرشات السفليه ومو مثل باقي اللاعبين
الجينات هي اللي تحدد اكبر مستوى ضخامه ممكن توصله و شكل عضلتك سوء أستخدمة سترويدات او لا
الأمثله كثيره لكن أكتفي بهالمثال وعشان ما اظلم اللاعب
دينس يمتلك حاليا سمتريه رهيبه مع كونديشن جميل وهذا هو اللي يطلع البطل
انا فتحت هالموضوع للنقاش وعن خبرة تمرين 3 سنين مستمرة بالتغذية وجميع الاشياء ! الا الهرمون
الي خلأني انزل هالموضوع .. جميع الي مستخدمين هرمون بالجيم .. اجسامهم خيالية ومقسمة ويصعب الوصول لها ..
انا اهتميت بالتغذية وخليت حلمي جميل . وصلت مرحلة حلوة لكن مستحيل اوصل مستواهم ..
وهنا نقطة ثانيه أنك تقول أنا أهتميت بالتغذيه ألا المواد لكن ما وصلت مستواهم
طبعا معما أخذت من مواد لو تخلط 6 مواد ولا أقولك لو تخلطهم كلهم لو ما تاكل على الوقت ويكون الأكل موزون بالمحتوى
من ناحية السعرات ومن الناحية القيم الغذائيه و الأنواع اللي تناسب جسمك و هدفك
أنا أقولك أنك ما راح توصل لأي مستوى
ولا تنسى على ذالك التمرين مثل الظهر ان لعبت لي أربع تمارين أساسيه وما ركزت على كل الزوايا
انسى تطلع ظهر مقسم و جميل مثل الأبطال
خلاصصة الموضوع ي خوان انا قريت ف موقع اجنبي .. الهرمونات عندهم شي عادي استخدامها .. لكن بأنتظام ودكتور يراقبك و و الخ وفوق هذا ماتحصل لهم اضرار = جسم خرافي
هههههه ودي أضحك .. والله مو عليك ألا على نصب الأجانب
مافي دكاتره يشرفون على لاعبين من ناحية الهرمونات في ناس متخصصه فاهمه بهالموضوع
درسة بعلم التغذيه و درسة بالعلم الكيمياء و درست بالطب و عندها خبره و زيادة عن ذالك يتابعون الأبحاث
لا تخلي نصبهم يسيطر عليك ان هم عندهم دكاتره في هالمجال .. هالمجال ممنوع ولو في دكتور يتعامل فيه تنسحب رخصته
لكن هم ياخذون تست من دكاتره لأنهم يروحون ينصبون عليهم ويأخذونه طول السنه ويسمونه العلاج الهرموني الدائم وبعدها يضيفون عليه مواد من عندهم ويجربون
لكن محد من هالعينات وصل للأبطال والمحترفين
رجاء ياخوان انا مابي احفز احد لها وانا من الاساس مستحيل استخدمها .. لكن ياخوان ارجو تفهيمي والنقاش في هذا الموضوع .
انا م قلت شي تمرن واستخدم جميع الممكملات واوصل لهدفك وربي يوفقك .. لكن هل الجسم المطلوب = هرمون !!!!
اتمنى منكم النقاش وعدم الخروج عن الموضوع وانا لست من مؤيدينها ابدا .. لكن الي معي بالجيم وعن نظره مقربة للموضوع اتضح لي كل شي .. وهل تحقيق الحلم بهرمون ؟
اتمنى النقاش داخل الموضوع ..
خلاصة كلامي لك وللمتابعين اللي مواصلين قراءة كلامي ( شخباركم؟ ^_^ )
أن مهما تسوي اذا ما تأكل عدل وما تتمرن عدل وما عندك الجينات اللي تعطيك البنيه الفريده من نوعها ما راح توصل لمستوى عالي
راح تحصل ضخامه لكن ضخامه بشعه ليست جميله ممكن تكون مغريه بالتي شيرت فقط
وممكن تكون غير متناسقه اذا تمارينك غير متناسقه
و أولا و أخيرا انا ما أنصح أي أحد يستخدم هالأشياء و أن قررت أنك تستخدمها أنت مسؤول عن أفعالك وتصرفاتك
انت تعرف أش تبي و تعرف أش تسوي
تبي تلعب عشان صحتك و عشان لياقتك لا تدمر صحتك لان مهم قلت بدخل بأقلل الأضرار هنالك أضرار وهي أقلل الأضرار
الهدف للأغلب انه يحصل على جسم رشيق متعافي لكن هالرياضه تخليك تطمع
لذالك حدد هدفك و أعرف المتطلبات له فان كان يناسبك توكل على الله
وان ما ناسبك بلاه من هدف
والسلام عليكم ورحمة الله وبركاته